Turun oyunçusu

Rəhman Hacıyev (Neftçi)
“Neftçi”ninin uğurlu seriyası davam edir. “Ağ-qaralar” premyer-liqanın 23-cü turunda “Zirə” sindromunu da qırdı. Özü də darmadağınla. İndiyədək bu rəqibə qalib gələ bilməyən flaqman üç cavabsız qolla “qartallar”la oyundakı kabusa son verdi. Həmin matça “Neftçi”nin heyətində fərqlənən çox oyunçu oldu. Onlardan ən yaxşısı isə Rəhman Hacıyev idi. O cinahında oyunboyu fəal idi, rəqib müdafiəçilərə çətin anlar yaşadırdı, komandası üçün penalti qazandı və hesabı açdı. Ümumiyyətlə, yığma üzvü “ağ-qaralar”ın liderlərindən biridi və “Neftçi”nin hazırkı uğurlu çıxışında onun da əməyi böyükdü.