07 fev 12:31liqa, manset

“AZAL Arena”: futbolçu qəbiristanlığı

“AZAL Arena”: futbolçu qəbiristanlığı
PFL çarəsizdi, klub mövsümün sonunu gözləyir

Ölkə futbolunun ən yaralı, ən problemli hissələrindən biri də süni örtüklü meydanlardı. Hazırda premyer-liqada mübarizə aparan 8 klubdan dördü ev oyunlarını süni örtüklü meydanda keçirir. “İnter”, “Zirə”, “Sumqayıt” və AZAL evdə təbii ota həsrət komandalardı. “İnter Arena”, Zirə İdman Kompleksinin stadionu, “Kapital Bank Arena” və “AZAL Arena”da vəziyyət acınacaqlıdı desək, yanılmarıq. Elə bir həftə yoxdu ki, hansısa futbolçu sözügedən stadionların qurbanı olmasın. Bu meydanlar klublarımıza avrokuboklarda mübarizə aparmağa da mane olub. Məsələn, 8-ci turda baş tutan “İnter” – “Qəbələ” matçında (1:1) Baqali Dabo və Rəşad Sadiqov zədələnmiş, Avroliqanın qrup mərhələsində vacib matçlarda komandasına kömək edə bilməmişdi. Süni meydan son olaraq çempionluq uğrunda mübarizə aparan “Qarabağ”a zərbə vurdu. Son turda “köhlən atlar” AZAL-la səfər matçında (1:2) Dani Kintananı itirdi. İspan yarımmüdafiəçi adi vəziyyətdə zədələnərək uzun müddətə sıradan çıxdı. “AZAL Arena” bundan öncə də Dario Federikoya qənim kəsilmişdi. “Kəpəz”in legioneri son iki mövsümdə iki dəfə “təyyarəçilər”lə səfər qarşılaşmasında zədələnib. Hətta Gəncə klubunun baş məşqçisi Şahin Diniyev bundan təngə gələrək açıqlama vermişdi ki, Darionu AZAL ilə səfər matçlarında oynatmayacaq. Bildiyimiz qədər “AZAL Arena”da yalnız rəqiblər yox, meydan sahibləri də zərbə alır. Belə ki, futbolçular bərbad vəziyyətdə olan süni örtükdə dəfələrlə zədələniblər.
AZAL-ın baş məşqçisi Tərlan Əhmədovu bu məsələ maraqlandırmır. Hər halda, mütəxəssis “Qarabağ”la oyundan sonra ot örtüyü ilə bağlı verilən suala “məni ot örtüyü yox, maliyyə durumu düşündürür” cavabı verərək, bunu açıq-aydın etiraf etmişdi. Bəs rəhbərlik necə, bu haqda nə düşünür? Futbolçuların sağlamlığı onlar üçün maraqlıdımı? Bəlkə komanda qalan ev oyunlarını təbii örtüklü “Dalğa Arena”da və ya “Əlincə Arena”da keçirsin? Hər halda, belə addımla AZAL rəhbərliyi həm öz futbolçularına, həm də rəqiblərə hörmət etmiş olar.
Məsələ ilə bağlı klubun vitse-prezidenti Fikrət Hüseynovla əlaqə saxlamaq istədik. Lakin Fikrət bəy nə telefon zənglərimizə, nə də mesajlarımıza cavab verdi. Deyilənə görə, onun başı istirahətə qarşıb, həftənin yorğunluğunu üzərindən atır.
AZAL-ın mətbuat xidmətinin rəhbəri Eldəniz Yusifovla isə danışa bildik. O, stadionun ot örtüyü ilə bağlı bunları dedi: “Problem yalnız AZAL-ın meydanında deyil. Süni ot örtüyü olan hər yerdə problem var. Bizim meydanda yalnız rəqiblər yox, öz futbolçularımız da dəfələrlə zədələnib. Belə meydanlarda oynamaq futbolçular üçün çətin olur. 5 il əvvəl bu meydan salınanda ən son texnologiyalardan istifadə etmişdik. Örtüyün altına 15 sm-lik elastik “qubka” yerləşdirmişdik. İndi isə artıq bu meydanın istismar müddəti bitib. Zolaqlar bir-birindən ayrılmışdı. Onları birəşdirdilər. Köhnə rezin dənəciklər isə tam çıxarıldı. Səhv etmirəmsə, ora 60 tona yaxın rezin dənəcik səpildi. UEFA süni meydanlar üçün 2 illik istismar müddəti qoyur. İki dəfə bizə ikiulduzlu sertifikat, yəni dərəcə verilib. İstismar müddəti bitdiyindən 2016-cı ilin yanvarında bu meydanda yenidənqurma işləri aparıldı. Türkiyədən mütəxəssislər çağırmışdıq. Bu təmir örtüyün ömrünü bir az da uzatdı. İndiki durumdan biz də razı deyilik. Örtük əvvəlki illərə nisbətən yükgötürmə qabiliyyətini itirib. Bizim işçilərimiz də hər gün qüsurları aradan qaldırmaqla məşğuldu. Bütün bunlara baxmayaraq, örtük 70-80 faiz hazırdı”.
Klub rəsmisi təbii örtüklü stadionun icarəyə götürülməsinə belə münasibər bildirdi: “Qarşıdan İslam Həmrəyliyi Oyunları gəlir. Həmin yarışın bir neçə oyunu və məşqləri məhz “AZAL Arena”da keçiriləcək. Yəni indi meydanın örtüyünü istəsək belə, dəyişə bilmərik. Lakin bu məsələ plandadı. Klubun himayədarları, rəhbərliyi artıq bu işlə məşğuldu. Bu boyda stadion tikmişiksə, meydanı belə qoymarıq. Təbii örtüklü hansısa stadionu icarəyə götürmək istəmirik. Xeyr, məsələ maddiyyatla bağlı deyil. Artıq mövsümün sonuna yaxınlaşırıq. AZAL-ın cəmi 6 ev oyunu qalıb. Harasa köçmək niyyətində deyilik. Tam səfərbər olub, örtükdəki çatışmazlıqları aradan qaldırıb, qalan oyunlarımızı burda oynamalıyıq. Növbəti mövsümdən isə bu məsələ yoluna qoyulacaq”.
Bəs çempionatın təşkilatçısı PFL bu haqda nə düşünür? Ümumiyyətlə, bu problem adı çəkilən qurumu narahat edirmi? Görəsən, süni ot örtüyündə neçə futbolçu zədələnməlidi ki, PFL bu stadionlarda qarşılaşmaların keçirilməsinə icazə verməsin? Suallarımızı qurumun Mətbuat və İctimaiyyətlə Əlaqələr Departamentinin rəhbəri Aslan Şahgəldiyev cavabladı: “Bəli, bu problem bizi narahat edir. Biz hansısa komandaya “o stadionda oynama” deyə bilmərik. Bu, PFL-in icazə verməyəcəyi bir şey deyil. Süni örtüklü meydança hazırlanandan sonra UEFA-dan nümayəndələr gəlir. Müvafiq olaraq meydana “ulduz” verilir. Bir, iki, üç və ya daha çox. “Ulduzlar”ın çoxluğu meydanın durumuna görə olur. Ölkəmizdə salınan bütün süni örtüklü meydanlara sertifikat verilib. Bu isə o deməkdi ki, həmin stadionlarda oyunların keçirilməsi normaldı. Bunu biz yox, UEFA verir. Bu üzdən biz AZAL-a və ya başqa süni örtüklü meydanda oynayan komandaya hansısa qadağa qoya bilmərik. İstərdik ki, bütün klubların təbii örtüklü meydanı olsun. Bu, bizdən çox futbolçular üçün yaxşıdı. Baş məşqçilər, mütəxəssislər də bunu etiraf edirlər. Allahın yaratdığı ilə bəndənin yaratdığı eyni ola bilməz. Süni meydanda qaçmaq, topu ram etmək bütün futbolçular üçün çətindi. Lakin biz hər şeyə real yanaşmalıyıq. Bu gün durum fərqlidi. AZAL-ın baş məşqçisi Tərlan Əhmədov da bununla bağlı öz fikirlərini bölüşüb. Komandanın qalan ev oyunlarını təbii örtüklü “Dalğa Arena” və ya “Əlicə Arena”da keçirmək variantına gəlincə, oralar pulsuz verilir ki? Bir oyunun elə yalnız işıqpulu 1000 manatdan çox edir. Klubun maliyyə vəziyyətini də nəzərə almaq lazımdı. Üstəlik, onların əlində sertifikat var. Biz onlara “gedin, filan yerdə oynayın” deyə bilmərik. Bldiyim qədər AZAL rəhbərliyi bu məsələni diqqətdə saxlayır. Yaxın zamanlarda meydanın örtük problemi həll olunacaq. Artıq bu mövsüm başa çatmaq üzrədi. Yəqin ki, yayda örtüyü dəyişdirilər”.
ŞƏFİ ŞƏFİYEV
Thai men don’t need viagra come far or other pharmaceutical props for their equipment.

Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 16:06 Türkiyə yığmasını seçən Elçin Əliyev “Futbol+”ə danışdı Bu gün, 16:03 Səməd Qurbanov “Neftçi”nin kuboku qazanacağına əmindi Bu gün, 15:57 Hallidey gileyləndi, “Qəbələ” rəsmisi cavabını verdi Bu gün, 15:56 “Atırau”nun yeni baş məşqçisi “Qəbələ” ilə oyundan imtina etdi Bu gün, 15:54 Gürcülərin imtinasının altında hiyləgərlik yatır Bu gün, 15:52 Yığma yanvarın 28-də vətəni tərk edəcək Bu gün, 15:51 Çempionatın bombardiri Alesiodan narazıdı Bu gün, 15:46 “Qarabağ” premyer-liqanın ən dəyərli komandasıdı Bu gün, 15:44 Zədə Oseqeylin "Səbail"ə keçidini əngəlləyə bilər Bu gün, 15:40 Muarem “Qarabağ”ı ziyarət etdi Bu gün, 15:12 “Kəpəz” əvəzedicilərini zorla uddu Bu gün, 15:10 Bakılıların sonuncu rəqibi makedonlar oldu Bu gün, 15:09 “Sumqayıt”ın əvəzediciləri “Xəzər”i üstələdi Bu gün, 15:08 Araz 89 dəqiqə oynasa da... Bu gün, 15:06 Rafael Abdulov komandasının çıxışını orta qiymətləndirir Bu gün, 15:04 Fasiləyə iki liderlə Bu gün, 15:03 “Velveyk” Ozancanı U-21-ə buraxmadı Bu gün, 15:01 “Qayıtmaq üçün Rauf bizə müraciət edib, biz onu axtarmamışıq” Bu gün, 14:59 Ruslan Abışov səviyyəli legionerlər arzulayır Bu gün, 14:57 Məqsəddən “Neftçi”yə iki sillə Dünən, 15:11 Avropa Liqasının təqvimi müəyyənləşdi Dünən, 15:09 Faiq Qarayev həmkarının müdafiəsinə qalxdı Dünən, 15:00 Bir nömrə iddiasında olan Mahir Şükürov Dünən, 14:44 Aslan Kərimov Kamal Quliyevlə görüşə hazırdı Dünən, 14:43 “Qarabağ” bundesliqa klubuna qalib gəldi Dünən, 14:34 Rauf Əliyev Zaur Axundovun “tələsinə düşmək” istəmir Dünən, 14:32 Maksimov Məhəmməd Qurbanovu yola saldı, Tçamini bəyəndi Dünən, 14:31 Qvanzavla iranlı getdi, Dieqo Qusmao komandaya qoşuldu Dünən, 14:29 Yığmamızın Gürcüstanla oyunu ləğv olundu Dünən, 14:28 “Vikipediya”da əksini tapan informasiyaya görə klub məsuliyyət daşımır” Dünən, 00:43 “Cavanlığımı xatırladan uşaqları görürəm” Dünən, 00:41 “Qəbələ” Araz Abdullayevin satışında uduzmadığını düşünür Dünən, 00:39 Ermənilər “Qarabağ”ın uğurunu təkrarlayacaqlarına inanmırlar Dünən, 00:38 Renat Dadaşov üçüncü bundesliqada oynaya bilər Dünən, 00:37 "U-17 liqası həddən artıq zəifdi" Dünən, 00:35 Anar Nəzirov yığmada Kamranı əvəzləməyə hazırdı Dünən, 00:33 Ayxan Abbasov yığmaların toplanışını problem saymır Dünən, 00:31 "Zirə" əvəzedicilərinə rəhm etmədi Dünən, 00:25 Firdovsi Umudov millidə fəaliyyətini davam etdirəcək Dünən, 00:23 “CBC Sport” AÇ-ni yayınlamaq üçün danışıq aparır Dünən, 00:22 Vitalinin komandası Serbiyada 7 min avro qazandı Dünən, 00:20 U-21 üçün daha bir rəqib Dünən, 00:17 TRANSFER DOSYESİ Dünən, 00:15 Ölkə çempionatının bombardiri qida sənayesində çalışır 14-01-2018, 12:45 Fərid Qayıbov UEG-in üzvlərinə səsləndi 14-01-2018, 12:44 Masallıda cüdo mərkəzi açıldı 14-01-2018, 12:43 İdmançı “feysbuk”da gileyləndi, vitse-prezident cavabını verdi 14-01-2018, 12:41 Baba Əsgərov “Neftçi”dən “bismillah” deməmiş ayrıldı 14-01-2018, 12:40 Aslan Kərimov Kamal Quliyevə baş məşqçi olmağa imkan vermədi 14-01-2018, 12:39 Əli Hüseynovun cəzalandırdığı AFFA nümayəndələri narazıdı 14-01-2018, 12:37 Yığma üzvü “Gənclərbirliyi”nə keçdi 14-01-2018, 12:35 Mütəxəssislər peşəkarlığı yox, yığmanın maraqlarını əsas tutdu 14-01-2018, 12:34 U-21-in 18 günlük hazırlığına izah tapmaq çətindi 14-01-2018, 12:32 İnsident iştirakçıları susmağa üstünlük verdi 14-01-2018, 12:30 "Keşlə"nin legionerləri Maksimovu və komandanı təriflədi 14-01-2018, 12:29 “Foqtsa, Prosineçkiyə uduzanda heç nə demirdizsə, Qurban müəllimə də dəstək olmalısız” 14-01-2018, 12:27 Yuri Maksimov Rauf Əliyev haqda müsbət fikirdədi Bütün xəbərlər
Ən çox oxunanlar