15 mar 23:46liqa

Qurban Qurbanov heç-heçəyə görə üzülmür

Qurban Qurbanov heç-heçəyə görə üzülmür
Tərlan Əhmədov: “Mirabdullanın haqqını yeyə bilmərəm”
Yetərincə maraqlı alınan “Neftçi” – “Qarabağ” qarşılaşmasından sonrakı mətbuat konfransında hər iki komandanın baş məşqçisi nəticədən razı görünürdü. Ənənəyə uyğun olaraq kameralar qarşısına əvvəlcə qonaqların çalışdırıcısı Qurban Qurbanov çıxdı. Həm də yığmanın baş məşqçisi olan Qurbanov öncə fikirlərini bildirdi, daha sonra oyun və milliylə bağlı sualları cavabladı: “Fikrimcə, maraqlı oyun alındı. Bilirəm, hamı azı 1 qol gözləyirdi. Belə oyunda çatışmayan qol oldu. Çempionatın ən sürətli görüşlərindən biri oldu. Həm toplu, həm də topsuz. Hər iki komanda olduqca fəal göründü. “Neftçi” son vaxtlar özünün zirvə formasındadı. Bilirdik ki, bizim üçün çətin olacaq. Bu gün azarkeşlər də möhtəşəm idi. İlk dəqiqələrdən sonra qədər fəal idilər. Oyundan razı qaldığımı deməliyəm. Həm özümüzə, həm də rəqibə növbəti matçlarda uğurlar arzulayıram”.
- İlk hissənin ortalarında rəqibi üzərinizə gəlməyə məcbur edirdiz ki, belədə Şehiçin uzun ötürmələri rəqibin müdafiə xəttinin arxasına atılırdı. Taktiki taşırıq idi, yoxsa bu cür oynamağa “Neftçi” sizi məcbur edirdi?
- Bütün oyunlarda Şehiç oyunun içində olur. Rəqib çox irəli çıxırsa, Şehiçdən istifadə edirik. Ola bilsin, bəzi ötürmələr dəqiq alınmadı. Amma oyundan əvvəl də bilirdik ki, rəqib üzərimizə gələcək. Bu gün “Neftçi” yaxşı təşkilatlanmış komanda təsiri bağışladı.
- Son dəqiqələrdə xeyrinizə verilməyən penalti vardı. Həmin epizodu kənardan necə gördüz və kobudluğa məruz qalan Ramildən nəsə soruşduzmu?
- Heç nə danışmadıq. Danışmağın faydası olmayacaqdı. Normal oyun epizodu idi.
- İlk hissədə komandanız çox güc sərf etdi deyə, sanki fasilədən sonra futbolçularda yorğunluq vardı...
- Kənardan belə görünə bilər. “Neftçi” sona qədər tempi aşağı salmadı, bunu mütləq qeyd etməliyik. Hiss olunurdu ki, qalib gəlmək istəyirlər. Futbolçularda özünəinam var idi. Bunu da ardıcıl 2 qələbənin gətirdiyi inam verdi. Rəqib bizə imkan verdiyi qədər oynamağa çalışdıq. Bizim də qol vurmaq imkanlarımız vardı.
- Çemionatın hazırkı səviyyəsi ilə bağlı fikirləriniz maraqlıdı.
- Yaxşı... Qış fasiləsindən sonra komandalar daha da fəallaşıb. Bəziləri oyun sistemini dəyişib, bəziləri heyəti gücləndirib. İlk yarı ilə ikinci arasında fərq var.
- Türkiyə mətbuatının yazdığına görə, “Trabzonspor” rəhbərliyi icarədə olan futbolçuları qaytarmaqda iddialıdı. Bildiyimiz kimi, Ramil Şeydayev “Qarabağ”da icarə əsasında top qovur. Mövsümün sonunda yenidən Ramillə bağlı düşünməyə ehtiyac olacaq?
- Bu məsələyə mövsümün sonunda baxacağıq. Bu haqda düşünmək üçün vaxtımız çox olacaq. Həm biz, həm də Ramil doğru qərar verməlidi.
- Ufuk Budaka yığmada oynamaq üçün təklif göndərdiyiniz həqiqətdi?
- Təklif etmişdik, amma hazırda zədəlidi.
- Millinin heyətini nə vaxt açıqlayacaqsız?
- “Sumqayıt” – “Kəpəz” oyunundan sonra yekun siyahını açıqlayacam. Yəqin ki, sabah (bu gün) AFFA-nın saytında yerləşdirilər.
- Yığmanın heyətində sürpriz futbolçu(lar)ya rast gəlmək mümkün olacaq?
- Dəyişikliklər olacaq.
Qurbanovun ardınca zala Tərlan Əhmədov ayaq basdı. O da həmkarı kimi, öncə oyunla bağlı danışdı, daha sonra suallarımıza cavab verdi: “Rəhbərlik adından futbolçularımıza təşəkkür etdik. Bu cür gözəl oyunda çatışmayan qol oldu. Məncə, heç-heçə oyunun ədalətli nəticəsi idi. 1 xalı qənaətbəxş saya bilərik. Müdafiədə səhvsiz çıxış etməyimiz məni sevindirdi. Bundan başqa, rəqibi təzyiq altında saxlamaq üçün hücum futboluna üstünlük verdik. Öncəki oyunlarda qollu qələbələr qazanmışdıq. Təəssüf ki, bu dəfə rəqib qapısına yol tapa bilmədik. Fürsətdən istifadə edib, 90 dəqiqə bizi dəstəkləyən azarkeşlərə təşəkkür edirəm”.
-“Neftçi”nin futbolçuları 4-5 real qol fürsətini boşa verdi. Səbəbi nədə görürsüz?
- Ola bilsin, oyunun ajiotajı bəzi futbolçularda gərginlik yaratmışdı. Son 3 turda 6 qol vurub, 4-nü buraxmışdıq. Bu oyunda qol vura bilmədikcə, futbolçularda gərginlik daha da artırdı. Mən də çox istərdim ki, o cür imkanlardan bir neçəsi qolla nəticələnsin.
- Qış fasiləsindən sonra “Kəpəz”i çətinliklə məğlub edib, “Sumqayıt”a uduzmuşduz. Ardınca “Zirə”ylə heç-heçə etmişdiz. Lakin son 3 turda kifayət qədər güclü rəqiblərlə matçlardan 7 xalla ayrıldız. Nəyi dəyişdiz? Olmaya yeni prezidentin gəlişi öz təsirini göstərməkdədi?
- Mən haqlı tənqidləri sevən adamam. Təriflənməyi xoşlamıram. Hər nə qədər tənqid olunsam da, bilirdim ki, düz yoldayıq, işimizi düz qurmuşuq. İstər Antalyada, istərsə də toplanışdan sonra plan üzrə çalışmışdıq. Heç bir komanda toplanışdan sonra 100 faiz hazır olmur. Ona görə də bizdə müəyyən çatışmazlıqlar var, yorğunluq hiss olunurdu. Bilirdim ki, zamanla komanda öz oyununu sərgiləyəcək. O ki qaldı rəhbərlik dəyişikliyinə, bəlkə də bunun da müsbət rolu var. “Sumqayıt”la oyundan bir gün əvvəl rəhbərlik yeni dəyişmişdi deyə, müəyyən psixoloji zərbə var idi. Lakin zamanla futbolçulara yeni dövrün başladığını aşılaya bildik.
- Emin Mahmudovun əvəzlənməsi nə ilə bağlıydı?
- Eminin qasıq nahiyəsində zədəsi var. Oynamaya da bilərdi. Sadəcə, mənim devizim budu ki, qalib heyəti dəyişməzlər. Ona görə də həmin futbolçulara şans verdim. Derlis Meza Kolli iki gün əvvəl zədələnmişdi, hətta həkimlər meydana çıxmaq şansının sıfra bərabər olduğunu deyirdilər. Lakin riskə gedib onu meydana buraxdım. Emini əvəzləməyim zədəsinə görəydi. Bildiyimə görə, dördüncü “sarı”ya görə növbəti turda oynaya bilməyəcək.
- Qış fasiləsindən sonra əsas heyətdə Lukas Qomesə şans verib, Mirabdulla Abbasovu ehtiyatda saxlayırsız. İndi əksinədi. Bu nə ilə bağlıdı?
- Bildiyiniz kimi, Qomesin atası rəhmətə gedib. Hətta “Qəbələ”ylə oyundan əvvəl ona birhəftəlik icazə vermişdim. Qəbələyə səfər etdiyimiz gün səhər saatlarında Bakıya gəldi. Atasının dünyasını dəyişməsi ona böyük zərbə vurmuşdu. Həm də yad ölkədə yaşayan adam üçün çətindi. Tədricən özünə gəlməkdədi. Həm də Mirabdullanın əsas heyətdə oynadığı oyunlarda qələbələr qazanmışdıq. Belədə Mirabdullanın haqqını yeyə bilmərəm.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 13:12 Könül Nurullayevanın təklifi qəbul olundu Bu gün, 13:09 Manolova da himnimizi səsləndirə bilmədi Bu gün, 13:06 Kosovoyla xalımız eyni olsa, pley-offa kim yüksələcək? Bu gün, 13:06 “Standard” xal itirdi Bu gün, 13:02 Vüqar Məmməd İsrailə yenilgini unutduqlarını deyir Bu gün, 13:00 UEFA-dan müjdə: klublarımızın büdcəsi zənginləşdi Bu gün, 12:41 Foqts UEFA-nın layihəsinə qarşı çıxdı Bu gün, 12:40 Yığma üzvlərinin son oyunlarının xarakteristikası Bu gün, 12:38 Bakıda “çörəyinə yağ sürtdüyümüz” “cırtdanlar” Bu gün, 12:36 4-cü səbət əldən çıxdı Bu gün, 12:27 Rövlanın “Slaviya”da qalmasına limit mane olub Bu gün, 12:22 Mehman Yunusov yığmanın iki oyunda 6 xal qazanacağına inanır Bu gün, 12:21 Kosovo biletləri satışa çıxardı Bu gün, 12:08 Bir oyun təxirə salındı, məkan dəyişdi Bu gün, 12:07 “Sulduz” yarışdan çəkildi 16-11-2018, 15:46 “Bakı”nın bazasına nəzarət Vaqif Heydərliyə tapşırılıb 16-11-2018, 15:42 Ölkə kubokunda yenilik olacaq 16-11-2018, 15:34 Adalılarla görüşdə xeyrimizə olan məqamlar 16-11-2018, 15:26 Farer adaları erkən və itki ilə gəldi 16-11-2018, 15:22 Foqts Rüfəti təriflədi 16-11-2018, 15:21 Orxan Sadıqlı: “Kim edibsə, Allah bəlasını versin” 16-11-2018, 15:19 Nə Maksimov, nə də Çixradze: “Sumqayıt” Ayxan Abbasova tapşırıldı 16-11-2018, 15:17 Media nümayəndələri üçün “İntellektual kubok” keçiriləcək 16-11-2018, 15:12 U-19 ilk oyunda darmadağın oldu 16-11-2018, 15:09 “Zirə” apellyasiya şikayəti verəcək 16-11-2018, 15:02 U-19: Gürcüstandan sonra şərikli lider 16-11-2018, 15:00 Bakı İdman Sarayında dramatik sonluq 16-11-2018, 14:58 Dedov hücum haqda düşünür 16-11-2018, 14:57 Stuxlik “Zenit”in oyununda 16-11-2018, 14:55 “Sabah” MOİK-i sınağa çəkəcək 16-11-2018, 14:54 UEFA “Vorskla”nın işinə dekabrın 13-də baxacaq 16-11-2018, 14:52 “Qəbələ” rəsmiləri UEFA-nın tədbirinə qatıldı 13-11-2018, 18:49 Azər Mirzəyev məktubla “Futbol+”ə müraciət etdi 13-11-2018, 18:48 Namiq Əliyev DÇ-də fərqlənənləri mükafatlandırdı 13-11-2018, 18:46 Qurban Qurbanovdan ideal seçim 13-11-2018, 18:45 Nazim Süleymanov getdi, yerinə iki yerli, iki əcnəbi namizəd var 13-11-2018, 18:43 İddialıların duelində qalib müəyyənləşmədi 13-11-2018, 18:41 Sabah kubokun püşkü atılacaq 13-11-2018, 18:37 “Lex” Qriqorçukla maraqlanır 13-11-2018, 18:36 Tovuz futbolunun 100 illiyi ilə bağlı kitab nəşr olundu 13-11-2018, 18:29 Rəşad Sadıqov “Beşiktaş”ın futbolçularını U-21-ə cəlb etdi 13-11-2018, 18:27 Riçard “Qarabağ”a qayıtmaq haqda düşünmür 13-11-2018, 18:25 “İmarət”in uşaqları pirotexniki vasitələri Kiyevdən 160 manata alıb 13-11-2018, 18:21 Qonaqlar özünü ev sahibi kimi apardı, bombardir dəyişdi 13-11-2018, 18:19 Turun oyunçusu 13-11-2018, 18:19 Turun sitatı 13-11-2018, 18:18 Turdan məqamlar 13-11-2018, 18:16 “Rəvan”ın rəqibi oyuna gəlmədi, “pərdə enmədi” 13-11-2018, 18:14 Lider başlayacaq, çempion bitirəcək 13-11-2018, 18:13 Vüqar bombardir oldu, komandası elitaya yüksəldi 13-11-2018, 18:11 Yığma AÇ-də mübarizəyə başlayır 11-11-2018, 15:01 Qurban Qurbanov yeni ofisin faydasından danışıb 11-11-2018, 14:59 Ölkə kuboku biabırçı vəziyyətə salınıb 11-11-2018, 14:40 Elnar Kərimov Türkiyədən qayıdıb “od püskürdü” 11-11-2018, 14:37 Yığma “Keşlə”ni darmadağın etdi 11-11-2018, 14:35 “Qarabağ”dan ilk qələbə və bayram hədiyyəsi 11-11-2018, 14:27 “Yadımdadı, konyak içməkdən ayıq vaxtımız olmadı” Bütün xəbərlər
Ən çox oxunanlar