01 fev 23:40liqa

“Oyunumla bəzilərini susdura bildim”

“Oyunumla bəzilərini susdura bildim”
Fərhad Vəliyev “Sumqayıt”ı hesabdan silənlərə səsləndi

15-ci turda çətin Qəbələ səfərindən 1 xalla dönən “Sumqayıt” kiçik möcüzəyə imza atdı. Bu möcüzənin reallaşmasında isə “kimyaçılar”ın qolkiperi Fərhad Vəliyevin müstəsna xidməti oldu. Matçboyu inamlı qurtarışlarla yadda qalan, gözəl oyun nümayiş etdirən “yapon” qapıçılar üçün yaşın o qədər də önəm daşımadığını bir daha sübut etdi. “Neftçi”, “İnter”, “Qarabağ” kimi iddialı klubların şərəfini qoruyan Fərhad təxminən 10 illik ayrılıqdan sonra ötən yay yenidən doğma şəhərinin təmsilçisinə dönəndə bir çoxları “Sumqayıt”ın qapısının rəqiblər üçün “açıq qapı” olacağını düşünürdü. Lakin Vəliyev hələ ki oyunu ilə tənqidçiləri sudurmağı bacarır. Onunla söhbətdə bizi maraqlandıran suallara cavab tapmağa çalışdıq.
- “Sumqayıt” səfərdə “Qəbələ” ilə heç-heçə etməklə çoxlarını təəccübləndirdi...
- Burda təəccüblənməli heç nə yoxdu. Düzdü, Roman Qriqorçukun komandası “Qarabağ”la birgə qızıl medallara ən real namzəddi. Ancaq biz də zəif komanda deyilik. Bu gün turnir cədvəlinin 4-cü pilləsində qərarlaşmışıqsa, deməli, buna layiqik. Oyunboyu üstünlük meydan sahiblərinin tərəfində idi. Onlar daha çox hücum qurur, topa daha çox nəzarət edirdilər ki, bu da başadüşüləndi. “Qəbələ”də fərdi ustalıq səviyyəsi yüksək olan futbolçular top qovur. “Sumqayıt” isə sırf komanda oyunu sayəsində nəsə etməyə çalışır.
- “Qəbələ” ilə matçın qəhrəmanı sən oldun. Qarşılaşmadan sonra komanda yoldaşların, məşqçilər korpusu sənə xüsusi təşəkkür etdilər?
- Heç vaxt özümü kollektivdən ayrı tutmağı xoşlamamışam. Futbol kollektiv oyundu, udanda da, uduzanda da bir yerdə olmaq lazımdı. Ola bilsin, hansısa qarşılaşmada bir futbolçunun oyunu daha yaxşı alınar və o komandasını uğura daşıyar. Məncə, buna görə özünü tərifləməməlidi. Çünki növbəti qarşılaşmada eyni qəhrəmanlığı başqa futbolçu da təkrarlaya bilər. Hər uğurlu matçı kiminsə ayağına yazsaq, buna görə onu tərifləsək, komandanın o biri oyunçularının zəhmətinə kölgə salmış olarıq. “Qəbələ” ilə oyundan sonra paltardəyişmə otağında baş məşqçi bütün futbolçulara təşəkkür etdi.
- Ötən yay “Sumqayıt” səni heyətinə qatanda çoxları bunu yanlış addım kimi dəyərləndirmişdi.
- Bu söz-söhbət mənim də qulağıma çatmışdı. Belə düşünənləri hardasa başa düşmək olar. Neçə il “Qarabağ”ın ehtiyat oyunçular skamyasında oturmuşdum. Oyun təcrübəsi sarıdan əziyyət çəkirdim. Doğma şəhərimin komandasının heyətində meydana çıxdığım ilk turlarda müəyyən qədər həyəcan olsa da, tədricən hər şey yoluna düşdü. Yəqin ki, oyunumla bəzilərini susdura bildim.
- Bu gün “Sumqayıt”ın 4-cü pillədə qərarlaşması, avrokuboklar uğrunda mübarizə aparması heç də birmənalı qarşılanmır. Bəzən deyirlər ki, əvvəlki illər olsaydı, “Sumqayıt” ən yaxşı halda ortabablar arasında olardı. Bu fikirlə razısan?
- Bir məqamla razılaşıram ki, ötən illərlə müqayisədə cari mövsümdə premyer-liqanın səviyyəsi aşağı düşüb. Bir neçə il öncə çempionluq uğrunda 5-6 klub mübarizə aparırdısa, indi “Qarabağ” və “Qəbələ” hamıdan aşkar üstündü. Belə deyək, “Qarbağ”, “Qəbələ” və qalan 6 klub. Qeyd etdiyim “cütlük”lə “altılıq” arasında dərin uçurum var. Ancaq məsləhət görərdim ki, heç kim “Sumqayıt”a yuxarıdan aşağı baxmasın, onun uğurunu təsadüf kimi qiymətləndirməsin. Bu pilləyə yüksəlməyimizin arxasında gərgin məşqlər, əzmkarlıq və özünütəsdiq durur. İndidən mövsümün sonunda harda olacağımızı deyə bilmərəm. Bunu qarşıdakı iki dövrə göstərəcək. Yalnız onu söyləyə bilərəm ki, hər oyunda azarkeşlərimizi sevindirməyə çalışacağıq.
- “Qarabağ”dan söz düşmüşkən, sabiq komandanla bağlı da sual vermək istəyirəm. Bu gün sosial şəbəkələrdə “Qarabağ” Azərbaycan futbolunu məhvə aparır” kimi fikirlər paylaşılır. Bəlkə ictimaiyyət ağdamlıların ardıcıl çempionluqlarından bezdiyinə görə belə düşünür?
- Mən heç vaxt bu fikirlə razılaşa bilmərəm. “Qarabağ” ölkə futboluna yeni ab-hava, yeni nəfəs gətirib. Buna görə Qurban Qurbanova, klubun sponsoruna təşəkkür etmək lazımdı, nəinki pisləmək. Bu gün Qurban müəllimin komandası hamıdan güclüdüsə və çempionluğu haqq edirsə, necə demək olar ki, bu komanda niyə ardıcıl qızıl medal qazanır? Bəzən bizim cəmiyyətin mövqeyi mənə çatmır. “Seltik”lə “Reyncers” dəfələrlə ardıcıl Şotalandiya, “Bavariya” Almaniya, “Real”la “Barselona” İspaniya birincisi olub. Buna görə onları qınayan görmüsüz? Əksinə, o biri klubların azarkeşləri klub sahiblərindən tələb edirlər ki, heyəti gücləndirsinlər, çempionluq üçün addım atsınlar.
- Bu gün imkanına görə premyer-liqa klublarını üç qrupa bölmək olar. Pullu “Qarabağ”, “Qəbələ” və “Neftçi”, ortabab “Zirə”, “Sumqayıt”, “Kəpəz”, “İnter”, “Kəpəz” və nəhayət, kasıb AZAL. Ortabablardan və AZAL-dan fərqli, imkanlı klublarımız “çərçivə”ni əcnəbi qolkiperə etibar ediblər. Səncə, bu nədən irəli gəlir? Yerli qapıçıların səviyyəsi aşağıdı, yoxsa bunun başqa səbəbi var?
- Mən hətta deyərdim ki, imkanlı klublar bəzən ehtiyat oyunçular skamyası üçün də əcnəbi qolkiper sifariş edirlər. Bunun obyektiv və subyektiv tərəfi var. Həmin klublar, bayaq qeyd etdiyim kimi, “qızıl” uğrunda mübarizə aparırlar və “çərçivə” ilə bağlı riskə getmək istəmirlər. Qapıçı mövqeyi elədi ki, bir səhv bütün komandanın illik zəhmətini yerə vura bilər. Baş məşqçilər bəzən meydana çıxan oyunçularla bağlı rotasiya apara bilirlər. Hansısa gənci meydana buraxıb onun “bişməsi” üçün imkan yaratmaq olar. Həmin gənc oyun vəziyyətində səhvə yol verərsə, komanda yoldaşları onu “sığortalaya” bilər. “Çərçivə” ilə bağlı isə bunu etmək çətindi. Üzdə olan yerli qolkiperlərin klublarla müqaviləsi var. Çempionatda çıxış edən komandaların sayı artsa, gənc qapıçıların da özünü göstərmək şansı olar. Onlar təcrübə toplayıb “artırdıqca”, böyük klubların da maraq dairəsinə düşəcəklər. Qapıçı yaşlandıqca daha inamlı olur.
- Müasir futbolun tələblərindən biri də qapıçıların ayaqla yaxşı oynaması, yeri gələndə mərkəz müdafiəçisi kimi irəli çıxıb təhlükəni sovuşdurmasıdı. Sən yerli qapıçılar arasında ayaqla oynamağı bacaran tək-tük adamlardan birisən. Məşqlərdə bunun üzərində əlavə çalışırsan, yoxsa bu vergidi?
- Hər ikisini deyərdim. Uşaq vaxtı məhəllədə çox futbol oynadığımdan ayaqlarım sözümə baxır. Onu da deyim ki, bəzi oyunçulardan fərqli, mənim hər iki ayağım işləkdi (gülür). Məşqlərdə də bunun üzərində çox çalışıram. Qapıçılar üçün işlək ayağın olması üstünlükdü. Bəzən çıxışlarda, komanda yoldaşından ötürmə alanda bu üstünlükdən yararlanırsan.
- Bu yaşda intensiv məşqlərə dözmək çətin deyil ki?
- Mənim hələ nə yaşım var ki?! (gülür) Avropada, eləcə də dünyanın bir çox ölkələrində qapıçılar çox vaxt 40 yaşa kimi oynayırlar. Avropa çempionatının final mərhələsinə qatılan Macarıstan yığmasının qapıçısının 41 yaşı var idi. Kimsə buna görə macarlara bir söz dedi?! Yalnız bizdə futbolçunun yaşını bu qədər qabardırlar. Adını unutduğum məşqçilərin yaxşı bir sözü var: mənə futbolçunun pasportu yox, sərgilədiyi oyun maraqlıdı. Özümdə güc hiss etdiyimdən bundan sonra hələ 2-3 il oynamaq istəyirəm. Hətta yenidən milliyə dönmək barədə də fikirləşirəm. Bunun üçün isə ilk növbədə “Sumqayıt”da özümü sübut etməliyəm.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-07-2017, 16:56 Tahir Baxşıyev yorğunluqdan gileyləndi 19-07-2017, 16:53 Nazim Babayev yenə Avropa çempionu oldu 19-07-2017, 16:51 Qadınlar Astarada toplanış keçir 19-07-2017, 16:48 Ölkə kubokunun qalibləri müəyyənləşdi 19-07-2017, 16:42 Dünya çempionu xanıma əl qaldırıb? 19-07-2017, 16:42 Eltac Səfərli dünya ulduzları arasında 19-07-2017, 16:35 Yığmada dağıstanlı futzalçı 19-07-2017, 16:33 AFFA hakimlərin Bolqarıstan toplanışını ləğv etdi 19-07-2017, 16:32 “Fola” – “İnter” matçı 29 yaşlı hakimə tapşırıldı 19-07-2017, 16:31 “Qarabağ” Nikaraqua millisinin üzvünə 400 min təklif edib 19-07-2017, 16:26 “Qəbələ” Polşada dəstəksiz qalmayacaq 19-07-2017, 16:24 Yığma üzvü “Zirə”nin potensial rəqibini seçdi 19-07-2017, 16:23 Dəniz Yılmaz “Bursaspor”da qaldı 19-07-2017, 16:21 Yordanesku Abbasovu qabaqlayacaq 19-07-2017, 16:14 Şəfizadə Braziliyada gördüklərini “Futbol+”lə bölüşdü 19-07-2017, 16:11 “Sumqayıt” Bolu toplanışına məğlubiyyətlə başladı 19-07-2017, 16:06 Orxan Hüseynzadə “Neftçi” haqda gizli heç nə saxlamadı 19-07-2017, 16:02 “Kəpəz”in legionerləri gəldi 19-07-2017, 16:00 Göyçə mahalı divizionda təmsil olunacaq 19-07-2017, 15:59 “Forza Neftçi” rəhbərliyi və məşqçilər korpusunu istefaya səslədi 17-07-2017, 23:43 Rəsul Çunayev yenidən dünya lideridi 17-07-2017, 23:42 BŞH beş könüllünü İtaliyaya göndərəcək 17-07-2017, 23:40 Teymur Rəcəbov Cenevrədə “partladı” 17-07-2017, 23:38 Millimizdə yeni braziliyalı 17-07-2017, 23:37 “Kəpəz” Türkiyədədi, yeni transferi Bakıda 17-07-2017, 23:29 Finalın hakimi “Qarabağ”ın oyununda 17-07-2017, 23:27 Tərlan Əhmədov diviziondan aldığı üç təklifi geri çevirib 17-07-2017, 23:25 Tiflisdə “Qarabağ”ın oyununa maraq azdı 17-07-2017, 23:24 “Sumqayıt” superliqa təmsilçisinə qarşı 17-07-2017, 23:22 “Qəbələ” artıq Polşadadı 17-07-2017, 23:21 Fanatları “Qarabağ”a Tiflisdə möhtəşəm dəstək vəd etdi 17-07-2017, 23:19 “Zirə” – “Astra” matçı üçün 6400 bilet 17-07-2017, 23:17 “Qarabağ” kubokla erkən vidalaşdı 17-07-2017, 22:31 “Səbail” meydana çıxa bilmədi 17-07-2017, 22:30 “Qarabağ”lılar “Ayaks”da və “Qalatasaray”da 17-07-2017, 22:28 TRANSFER DOSYESİ 17-07-2017, 22:26 Oqtay Dərəlioglu “qızıl oyun”u yada saldı 17-07-2017, 22:25 Vüqar Latviyada dubl etdi, Renat isə ABŞ-da fərqləndi 17-07-2017, 22:23 “Qaradağ Lökbatan” beş yoxlama oyunu keçirəcək 17-07-2017, 22:22 Antonov “Çernomorets”ə qayıtdı 17-07-2017, 22:20 “Ölkəmdən imtina edənlərdən ikisi də biz olduq” 17-07-2017, 22:16 “Neftçi” “Binə”yə bir qol vurdu 16-07-2017, 16:56 Elməddin Məmmədov Qırğızıstandan “Səbail”ə baxışa gəlməyə razı olmayıb 16-07-2017, 16:53 Gürcüstan mətbuatı: “Kalkulyatorun hesablaya bilmədiyi nəticə - 0:5” 16-07-2017, 16:51 Təmsilçilərimiz növbəti mərhələdəki rəqiblərini tanıyır 16-07-2017, 16:49 BFL-in təsisçisi həyəcan vəd edir 16-07-2017, 16:48 “İnter”dən yubiley qələbəsi və rekord 16-07-2017, 16:38 Heç-heçə Fariz Nəcəfovu təəccübləndirməyib 16-07-2017, 16:36 Teymur yenidən vahid lider oldu 16-07-2017, 16:35 “Zirə” ikinci yarıda çökdü 16-07-2017, 16:32 “Bakcell Arena”da “Neftçi”nin loqosu örtüldü 16-07-2017, 16:30 Reynaldo Türkiyəni İsveçrəyə dəyişir 16-07-2017, 16:28 Reaksiyalar 16-07-2017, 16:25 “Qəbələ”dən təhlükəli start 16-07-2017, 16:23 Qriqorçuk cavab görüşündə yaxşı oynayacaqlarına ümid edir 16-07-2017, 16:20 Mamrot şansları bərabər sayır 16-07-2017, 15:20 “Kəpəz”ə məğlubiyyət Elxan Abdullayevi narahat etməyib Bütün xəbərlər
Ən çox oxunanlar