24 fev 00:01liqa

Koçuku Azərbaycana Ramil Şeydayev səsləyib

Koçuku Azərbaycana Ramil Şeydayev səsləyib
“O vaxt “Jilina”ya getməyi Azərbaycana gəlməkdən üstün tutmuşdum”
Qış fasiləsindən məharətlə yararlanan komandalar arasında hələ ki “Səbail” diqqəti çəkir. Hər halda, Bayıl təmsilçisi oyun planında “Keşlə”, “Neftçi” və “Kəpəz”lə müqayisədə daha fəal görünür. 15-ci turda xeyli sayda legionerlə güclənən “Keşlə”ylə heç-heçə oynayan Samir Əliyevin yetirmələri sonuncu turda “Qarabağ”dan xal qoparmağa yaxın idi. Qarşılaşmadan sonra Qurban Qurbanovun rəqibin ünvanına xoş sözlər söyləməsi də buna görə idi. “Səbail”in oyununda canlanma yaranmasında əsas səbəbkarlardan biri, bəlkə də birincisi Yevgeni Koçukdu. Yarımmüdafiədə kifayət qədər inamlı təsir bağışlayan moldovalı futbolçu artıq indidən kollektivdə lider olmağı bacarıb. Koçuk bizə yad sima deyil. Buna qədər iki dəfə Azərbaycana səfər etmiş futbolçunun ad-soyadı yaxşı tanışdı. Odu ki, Koçukla söhbət edib, bəzi maraqlı suallara cavab tapmaq istədik.
- Yad ölkədə - Azərbaycanda özünü necə hiss edirsən?
- Yaxşıdan da yaxşı, hətta əla deyərdim. Sanki doğma evimdə, yaxınlarımın yanındayam. Şəhər də xoşuma gəlir, insanlar da, komandadakı ab-hava da.
- Yəqin ki, vaxtının çoxu “Zirə”də oynayan həmyerlin Aleksandru Dedovla keçirirsən.
- Tək Dedovla yox, həm də Ramil Şeydayevlə (gülür). Asudə vaxtlarda birgə oluruq.
- Azərbaycan təsəvvüründəki ölkədi, yoxsa nələrsə səni təəccübləndirdi?
- İndiyə qədər iki dəfə Azərbaycanda olmuşdum. Bir dəfə “Daçiya”nın heyətində “Kəpəz”lə oyun üçün Bakıya gəlmişdim, digərində yığmamız millinizlə yoldaşlıq görüşündə üz-üzə gələndə. Düzdü, həmin vaxt burda qısa müddətdə olmuşdum, şəhəri çox gəzmək imkanımız yox idi. Belə deyim, Azərbaycan haqda müəyyən məlumatlarım vardı. Yəni hansı ölkədə oynayacağımı bilirdim.
- Ölkəmizdə ən çox nəyi bəyənirsən?
- Olduqca müasir ölkədi, Bakı böyük və yaraşıqlıdı. İnsanları xüsusi qeyd edərdim. Hələ ki qarşıma çıxanlardan heç biri mənə yad gözüylə baxmayıb. Sanki azərbaycanlıyam, o cür xoş münasibət göstərirlər. Danışırlar, kömək edirlər. Bu, hər yerdə belə deyil.
- Vaxtilə Azərbaycanda çox sayda moldovalı futbolçu legioner həyatı yaşayıb. “Səbail”dən təklif gələndə onlardan hansı ilə məsləhətləşdin?
- Moldovanlardan yox, Ramildən məsləhət aldım. İlk əlaqə saxladığım şəxs Şeydayev oldu. Onsuz da əlaqəmiz vardı, tez-tez danışırdıq.Ona görə də təklif alan kimi Ramilə yazdım.
- Nə dedi?
- Düşünmədən Azərbaycana gəlməli olduğumu söylədi. “Çantanı yığ, gəl” dedi (gülür).
- 2016-cı ildə şərəfini qoruduğun “Daçiya” Avroliqada “Kəpəz” səddində ilişmişdi. Azərbaycan futbolu deyəndə ağlına bu fakt gəlir, yoxsa başqa nələrsə var?
- Açığı, həmin vaxt yaşananlar haqda düşünmürəm. Futboldu, belə şeylər olur. Dünyanın sonu deyil ki. Əlbəttə, həmin yenilgiyə görə çox üzüldük, hamı şokda idi. Heç birimiz belə olmasını istəməzdik, amma oldu.
- Moldovada çox tənqid olunduz?
- Əlbəttə. Böyük əksəriyyət bizi növbəti mərhələdə görürdü. Ancaq alınmayanda alınmır.
- Unikal klub prezidentiniz vardı – Adlan Şişxanov. Necədi, nə edir?
- (gülür) Yaxşıdı, yaşayır. Amma artıq “Daçiya”da deyil.
- Klubdan ayrıldı?
- İndi Litva “Ventspils”inə himayədarlıq edir.
- Azarkeşlər yola saldı, yoxsa özü getdi?
- Mən gedəndə o “Daçiya”da idi. Ona görə də nələrin baş verdiyindən xəbərsizəm.
- Camaat “Jilina”da oynamağı arzulayır, sən isə Slovakiya nəhəngini qoyub Azərbaycanın debütantına üz tutdun. Səbəb daim meydanda olmaq istəyi idi?
- Yüz faiz. Daim oyun təcrübəsinə sahib olmaq, milliyə dəvət almaq istəyirdim. 24 yaşım var, əsl oynayan vaxtımdı. Orda mütəmadi şans qazanmadığıma görə ”Səbail”ə keçdim. Yeganə səbəb bu idi.
- Rəqabətdə uduzurdun, yoxsa haqsızlıq mane olurdu?
- Bu haqda nəsə deməyim düzgün olmaz. Bəlkə də rəqabətə tab gətirə bilmirdim, bəlkə də başqa səbəblər vardı. Azərbaycana gəlmişəm deyə kimisə müzakirə etmək, kiminsə arxasınca danışmağım düzgün olmaz. Oynamırdımsa, öz günahımdı. Hamıdan güclü olsaydım, yəqin ki, oynayardım.
- “Səbail”ə qədər Azərbaycanın başqa klublarından maraqlananlar olmuşdu?
- Bəli.
- Hansı klub(lar)dan?
- Bunu deyə bilməyəcəm. Bir iş alınmayıbsa, o haqda danışmağı düzgün saymıram. Bəlkə də nə vaxtsa deyərəm, amma bu gün üçün məsləhət deyil.
- Sən imtina etmişdin, yoxsa...
- “Daçiya”da oynadığım dönəmlər idi. O vaxt “Jilina”ya getməyi Azərbaycana gəlməkdən üstün tutmuşdum.
- Ramil Şeydayevlə dostluq etməyin ötən mövsümün ikinci yarısında “Jilina”da çiyin-çiyinə çıxış etdiyinizə görədi. Slovakiyada qolları sıralaran hücumçunu bu gün “Qarabağ”ın ehtiyat oyunçular skamyasında görmək səni təəccübləndirir?
- Bu mənə aid olan məsələ deyil. Hər futbolçunun öz dönəmi var. Ola bilsin, bu gün oynamır, sabah oynayacaq. Mənim arzum Ramili daim meydanda görməkdi. Qalan məsələləri özündən soruşsaz, yaxşıdı.
- Slovakiya çempionatında oynamısan, Azərbaycan premyer-liqasının səviyyəsindən də az-çox xəbərdarsan. Hansı birincilik daha gərgin, daha maraqlı keçir?
- Avropanın mərkəzində yerləşən ölkənin çempionatından danışırıqsa, Slovakiya birinciliyinin daha gərgin keçməsi başadüşüləndi. Bura hələ yeni gəlmişəm, ab-hava ilə tam tanış deyil. Konkret fikir bildirmək üçün azı 5-6 oyunda meydana çıxmalıyam. İndiki vəziyyətdə Slovakiya çempionatının daha gərgin keçdiyini deyə bilərəm.
- Yanvarın 30-da Azərbaycanla Moldova Antalyada yoldaşlıq görüşündə üz-üzə gəlsə də, adın protokolda yox idi. Baş məşqçi dəvət etməmişdi, yoxsa hansısa səbəbi vardı?
- Yığma bir araya gəlib Dubaydakı təlim-məşq toplanışına yollananda, mən “Jilina”daydım. Orda isə mütəmadi oynamaq şansı qazanmırdım. Ola bilsin, baş məşqçi bu səbəbdən xidmətimə ehtiyac duymayıb. Buna qədər bir neçə dəfə milliyə dəvət almışdım. Yəqin ki, daim oynasam, dəvət edər.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:03 “Qəbələ”nin futbolçularına 100 min manat “atıblar” Bu gün, 14:02 “Qarabağ” bayrama bayram qatmışdı Bu gün, 13:51 Turun statistikası Bu gün, 13:43 Turun məşqçisi Bu gün, 13:38 Turdan məqamlar Bu gün, 13:36 AÇ-yə rekord sayda idmançıyla qatılacağıq Bu gün, 13:35 Şəhriyar Məmmədyarov üçün ciddi sınaq Bu gün, 13:33 Gimnastımız Macarıstanda fərqləndi Bu gün, 13:32 DÇ-yə hazırlıq başladı Bu gün, 13:30 Futbolçular Cavid İmamverdiyevi seçdi Bu gün, 13:25 Yığma yenə ilk setdən sonra ayıldı Bu gün, 01:06 Sumqayıtın təsəllisi Region Liqası oldu Bu gün, 01:04 DÇ-nin “elçiləri” Rövnəq Abdullayevlə görüşdü Bu gün, 01:02 Elxan Məmmədov “Kəpəz”lə bağlı son nöqtəni qoydu Bu gün, 01:00 Moskvadan gələn var... Bu gün, 00:57 “Keşlə”ni növbəti mövsümdə də Maksimov çalışdıracaq Bu gün, 00:55 “Səbail” Samir Əliyevlə yollarını ayırdı Bu gün, 00:54 Samir Abasov tələsik qərar verdiyinə görə peşman olub Bu gün, 00:53 PFL medalçıların siyahısını açıqladı Bu gün, 00:51 “Marafon” “Uğur”a yerini göstərdi Bu gün, 00:49 Turun oyunçusu Bu gün, 00:48 Turun sitatı Bu gün, 00:46 Hakimlərin mühakiməsi Bu gün, 00:45 Amit Quluzadə Kosovoda pul xərcləyə bilmirmiş Bu gün, 00:41 Cavid Hüseynov 3 oyunluq cəzalandı Bu gün, 00:40 Cümhuriyyətin yubileyini "sülh"lə qeyd etdilər Bu gün, 00:38 Transfer dövləri açıqlandı Dünən, 23:58 Kənan Hacıyev İtaliyadan kubokla qayıtdı 23-05-2018, 12:21 Makedoniyada güləşçimizin çempionluğunu əlindən aldılar 23-05-2018, 12:19 “Sumqayıt”ın üzvləri baş məşqçiyə etiraz etmədi 23-05-2018, 12:15 Samir Abasov Roman Qriqorçuku əvəzləyəcək 23-05-2018, 12:10 “Sumqayıt” kapitanı saxladı 23-05-2018, 12:06 Portuqaliyalı agentlər İmamverdiyevi izləmək üçün Sumqayıta gəlib 23-05-2018, 12:05 “Uğur” Region Liqasının qalibi olmağa köklənib 23-05-2018, 11:07 Miya “Neftçi”ylə “Zirə”də oynamağa qarşı deyil 23-05-2018, 11:05 Nağıyev “Qarabağ”a qələbə qazandırdı 23-05-2018, 11:04 Antirekordla bitdi 23-05-2018, 11:02 Mövsümün son turu qonaqları güldürdü 23-05-2018, 11:00 Qurban Qurbanov 27 futbolçuya dəvət göndərdi 23-05-2018, 10:59 Çempion kubokuna qovuşdu 23-05-2018, 10:57 “Qarabağ”ın “qızıl”ı penaltiylə ağır gəldi 23-05-2018, 10:54 “Qarabağ” “Cümhuriyyət turniri”nin qalibi oldu 23-05-2018, 10:52 “Alfa Liqa”nın qalibi üçün kubok İtaliyada hazırlanıb 22-05-2018, 16:42 Yığmanın sabiq üzvü ev tikib satmaqla məşğuldu 22-05-2018, 16:40 “Araz-Naxçıvan” finaldan kənarda qaldı 22-05-2018, 16:39 “İmarət Tayfa” “Qəbələ” ilə oyuna xüsusi hazırlaşmayıb 22-05-2018, 16:37 Adil Nadirov “Qarabağ”dan inciyib 22-05-2018, 16:35 Ayxan Abbasov “Zirə”də qalacaq 22-05-2018, 16:31 Samir Abasov istefa verdi 22-05-2018, 16:28 Sumqayıtlıların Avroliqa arzusu puç oldu 22-05-2018, 16:21 “Keşlə”ni sevindirən mənasız qələbə 22-05-2018, 16:18 “Sumqayıt” strategiyanı dəyişməyəcək 22-05-2018, 16:16 Ömər Paşayevin sağlıq durumunda ciddi problem var 22-05-2018, 16:15 Amit Kosovo çempionu oldu 22-05-2018, 16:11 “Bürünc” “İçəri Şəhər”in oldu 22-05-2018, 16:08 AHF prezidenti Qlazqoya yollanacaq 22-05-2018, 16:06 MOİK Moskvada uğurlu çıxış etdi Bütün xəbərlər
Ən çox oxunanlar