24 fev 02:29liqa

“Bakcell Arena”da prinsipial duel

“Bakcell Arena”da prinsipial duel
İtkilər, seriyalar və Ramil Diniyev
Premyer-liqanın 17-ci turunun mərkəzi qarşılaşması “Bakcell Arena”da gerçəkləşəcək. “Neftçi” doğma azarkeşləri önündə “Zirə”ni qəbul edəcək. Hər iki komanda ötən tur məğlubiyyət acısı yaşayıb. “Ağ-qaralar” Sumqayıtdan, “qartallar” isə Qəbələdən əliboş dönüb. Odu ki, istər paytaxt, istərsə də qəsəbə təmsilçisi son məğlubiyyəti unutdurmağa çalışacaq. “Neftçi” avrokuboklara vəsiqə verən 4-cü yerə can atırsa, “Zirə” “gümüş” şansını yüksəltmək niyyətindədi. Bir sözlə, tərəflərin sabahkı qarşılaşması gərgin mübarizə vəd edir. Bunun da səbəbləri var.
Çempionatda “Zirə”, kubokda “Neftçi”
Maraqlıdı ki, bu komandaların çempionat ilə kubokdakı mübarizəsi bir-birinə bənzəmir. Premyer-liqadan başlayaq. “Neftçi” bu mənada əməlli-başlı sindromla üzləşib. Tərəflər çempionat çərçivəsində indiyədək 9 dəfə üz-üzə gəlib. “Ağ-qaralar” bu oyunların heç birində “Zirə”yə qalib gələ bilməyib. Son 5 qarşılaşmada isə “Zirə” qələbə qazanıb. Ümumlikdə 9 oyundan yalnız ikisi heç-heçə bitib, qalan görüşlərdə sevinən tərəf “qartallar” olub. Top fərqi də qəsəbə təmsilçisinin xeyrinədi – 13-3. Təbii, Tərlan Əhmədovun komandası sabah bu uğursuz seriyaya son qoymağa çalışacaq. Ayxan Abbasovun yetirmələri isə onun əksi üçün döyüşəcək. Ancaq kubokda mənzərə fərqlidi. Bu iki komanda həm ötən mövsüm, həm də cari “futbol ili”ndə 1/4 finalda üz-üzə gəlib. Hər iki halda növbəti mərhələyə adlayan tərəf “ağ-qaralar” olub. Ötən mövsüm səfərdə 3 cavabsız qolla qalib gələn paytaxt təmsilçisi evdə uduzsa da (1:2), yarımfinala vəsiqə qazanıb. Bu il isə evə məğlub (0:1) dönən “Neftçi” doğma meydanda geridönüş (2:0) edə bildi. Başqa sözlə, “ağ-qaralar” kubokdakı uğuru çempionata da yansıtmaq istəyəcək. “Zirə” isə “ikinci cəbhə”nin acığını premyer-liqada çıxmaq fikrindədi.
İtkilər
Hər iki komandanın heyətində ciddi itkilər var. “Zirə”nin bu mənada işi daha çətindi. Belə ki, “qartallar”ı “Neftçi” ilə görüşə Abbasov çıxarmayacaq. İntizam Komitəsi (İK) tərəfindən Qəbələdə yaşanan məlum olaya görə cəzalanan çalışdırıcı texniki zonada olmayacaq. Heyətlə bağlı problemlər isə daha diqqətçəkəndi. Riçard Qadze və Sadio Tounkara da baş məşqçiləri kimi İK-nın qəzəbinə tuş gəldi. Hələ bu harasıdı?! “Zirə”nin əsas fiqurlarından olan, komandanın “döyünən ürəyi” sayılan Milan Duriç də “Neftçi”yə qarşı forma geyməyəcək. Serbiyalı yarımmüdafiəçi sarı vərəqə limitini doldurduğu üçün 17-ci turu buraxır. Hər nə qədər Abbasov “onları əvəzləyəcək futbolçularımız var” desə də, adlarını sadaladıqlarımızın qəsəbə təmsilçisi üçün hansı əhəmiyyəti daşıdığını hamımız bilirik. Bu futbolçuların yoxluğunun özünü göstərəcəyi şübhəsizdi. Bununla belə, “Neftçi”də də vəziyyət ürəkaçan deyil. “Ağ-qaralar”ın heyətində Rəşad Sadiqov cəzalıdı. Ötən tur “Sumqayıt”la səfər matçında azarkeşi təhqir etdiyi üçün diskvalifikasiya olunan təcrübəli yarımmüdafiəçi qarşıdakı 3 turu buraxacaq. Ondan başqa, İlkin Qırtımov da “sarı” limitini doldurduğundan “Zirə”yə qarşı oynamayacaq. Paytaxt klubunun itkiləri bununla bitmir. Zədəli Məhəmməd Mirzəbəyov da turun mərkəzi qarşılaşmasında forma geyə bilməyəcək.
Cari mövsümdəki duellər
Yuxarıda qeyd etdiyimiz kimi, cari mövsüm premyer-liqada baş tutan hər iki dueldə “Zirə” qələbə qazanıb. Tərəflər çempionatın ilk dövrəsinin 5-ci turunda üz-üzə gəliblər. “Bakcell Arena”da baş tutan və 1620 tamaşaçının izlədiyi görüşü Əliyar Ağayev idarə edirdi. “Zirə”dən Vüsal İsgəndərli ilə Qadzenin fərqləndiyi matçda “Neftçi”dən Hüqo Barqas təsəlli qolunu vurmuşdu. Maraqlıdı ki, sabahkı qarşılaşmada bu üç futbolçudan yalınz biri - İsgəndərli iştirak edə bilər. Qadzenin cəzalı olduğunu qeyd etdiksə, Barqas artıq “Neftçi”dən ayrılıb. Yeri gəlmişkən, həmin oyunun 86-cı dəqiqəsində “ağ-qaralar”dan Mirabdulla Abbasovun qırmızı vərəqə ilə cəzalandığını da xatırladaq. Zirədə baş tutan 11-ci turun oyununda isə baş hakim Ömər Paşayev idi. 1400 tamaşaçının izlədiyi qarşılaşmanın taleyini 1 qol həll etdi. Yenə də Qadze “Neftçi”nin qapısına yol tapdı. Bu isə o deməkdi ki, “Neftçi”nin qorxulu yuxusuna çevrilən Riçardın olmaması meydan sahibləri üçün ciddi üstünlükdü. Maraq üçün kubok matçlarını da xatırlayaq. “Zirə”nin minimal hesabla (1:0) qalib gəldiyi qarşılaşmada David Manqa fərqlənmişdi. Artıq adı çəkilən futbolçu “qartallar”dan ayrılıb. Cavab görüşündə isə Hüqo Barqasla Mirabdulla Abbasovun qolları “Neftçi”yə qələbə (2:0) qazandırmışdı. Deməli, “Zirə” də Barqasın gedişinə sevinməlidi.
Mərkəzi oyunda Diniyev
Artıq Hakimlər Komitəsinin sədri Xaqani Məmmədovun bu oyunu kimə həvalə etdiyi də məlumdu. Turun mərkəzi qarşılaşması Ramil Diniyevə tapşırılıb. Bu komandaların cari mövsümdə baş tutan əvvəlki duellərində fərqli hakimlər iş başında olmuşdu. Çempionat matçlarını Ömər Paşayevlə Əliyar Ağayevin idarə etdiyini az öncə vurğuladıqsa, kubok görüşlərində İnqilab Məmmədovla Fariz Yusfiov fit çalıb. Onu da bildirək ki, Diniyev cari mövsüm premyer-liqada bu komandaların hərəsinin bir oyununu idarə edib. O çempionatın 2-ci turunda “Neftçi”nin “Səbail”ə uduzduğu (0:1) matçın baş hakimi olub. Ədalət təmsilçisinin “Zirə” ilə yolu 12-ci turda kəsişib. Qəsəbə təmsilçisi həmin görüşdə “Keşlə” üzərində minimalhesablı qələbəyə (1:0) sevinib. Başqa sözlə, Diniyevin ayağı “Zirə” üçün düşərli sayılırsa, “Neftçi”nin təyinata sevinməyə əsası yoxdu.
Yekun
Bir sözlə, “Bakcell Arena”da tərəfləri güzəştsiz mübarizə gözləyir. Mövcud itkilər fonunda baş məşqçilərin hansı rotasiyalara əl atacağı da maraqlı məqamdı. Çatışmazlıqları hansı çalışdırıcının daha yaxşı “sığortalayacağını” isə nəticə göstərəcək. Hərçənd Tərlan Əhmədovun durumu daha yaxşıdı. O ən azı oyunboyu komandasına daha yaxın olacaq. Texniki zonaya enə bilməyən Ayxan Abbasov isə yəqin ki, köməkçisi ilə əlaqə saxlamaq üçün bir variant düşünüb. O başqa məsələ ki, start heyəti, eləcə də əvəzetmələr məhz Abbasovun seçimi əsasında olacaq. Çox güman, “qartallar”ı meydana Elnur Çodarov çıxaracaq. Bu arada “Neftçi”nin strukturundakı məlum dəyişikliklərdən sonra komanda ilk ev oyununa çıxır. Düzdü, Kamran Quliyevin “ağ-qaralar”ın prezidenti kimi “siftə”si uğurlu alınmadı. Onun debütünü sabiq klubu “Sumqayıt” korladı. Ancaq “Neftçi” “doğma divarlar” arasında qələbə qazanmaqla yeni prezidentinə “xoş gəldin” demək istəyəcək. Həmçinin Ceyhun Sultanov da ilk dəfə paytaxt klubunun idman direktoru kimi “ağ-qaralar”ın oyununu izləyəcək. Yeni rəhbərliyə qələbə sevinci yaşatmaq da meydan sahibləri üçün motivasiya rolunu oynaya bilər.
FARİZ
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 14:42 “Şüvəlan” FK bəyanat yaydı Dünən, 17:16 Qol vura bilməməsi Raufu narahat edir Dünən, 17:14 İsgəndər Cavadov “Kəpəz”in prezidenti, Yaşar Vahabzadə baş məşqçisi təyin olundu Dünən, 17:11 “Sumqayıt” yeni loqoya görə xərcə düşməyib Dünən, 17:05 “Səbail”in debüt səhvləri Dünən, 17:02 Əmsalımız artsa da, mövqeyimiz dəyişmədi Dünən, 16:54 Sənan Qurbanov “Dinamo” ilə bağlı ətraflı məlumat toplayıb Dünən, 16:51 “Qarabağ”lılar diqqətli olmalıdı! Dünən, 16:49 “Dandolk”un məşqçisi təmsilçimizi təriflədi Dünən, 16:44 “Qəbələ” “Dinamo” ilə oyun ərəfəsində daha bir legionerlə anlaşdı Dünən, 16:42 Moldovalı azarkeşlərin Efrosa demədikləri qalmadı Dünən, 16:24 Transfer dosyesi Dünən, 16:21 Yaşar Vahabzadə AFFA-dan başqa hamını qınadı Dünən, 16:09 Gerye: qovulub, yoxsa qaçıb? Dünən, 16:07 “Sabah”da yeni qapıçı Dünən, 16:06 Rüfətin komandası heç-heçə ilə başladı Dünən, 15:58 Tuladakı oyunun saatı bilindi, biletlər satışa çıxarıldı 19-07-2019, 13:46 10 idman növündə 122 idmançı 19-07-2019, 13:43 Kənan Hənifəyev bu dəfə Tulaya səfərin anonsunu verdi 19-07-2019, 13:39 Nazim Süleymanov və tərəfdarları deputatlarla görüşdü 19-07-2019, 13:37 Sabiq “Everton”lu “Qarabağ”ın qol ümidi oldu 19-07-2019, 13:34 Stuxlik “Olimpiakos”un oyununa təyinat aldı 19-07-2019, 13:29 Gerye növbəti dəfə diqqəti çəkdi 19-07-2019, 13:19 “Partizani” getdi, “Dandolk” gəlsin! 19-07-2019, 13:16 Qurban Qurbanov Ayltonla Geryeni müqayisə etmək istəmədi 18-07-2019, 17:41 "Sperantsa" mətbuat katibini Bakıya gətirməyib 18-07-2019, 17:39 “Biz axmaq deyilik ki, meydanı sulayaq” 18-07-2019, 17:37 Bordini istənilən hesablı qələbə qane edəcək 18-07-2019, 17:33 “Qəbələ” vətənə qələbə ilə dönür 18-07-2019, 17:30 “Qəbələ”nin futbolçusu Çexiya klubunda 18-07-2019, 17:28 Sezar “Keşlə”də icarə əsasında oynayacaq 18-07-2019, 17:26 “Sumqayıt”a Türkiyədə Ukrayna və Rusiyadan futbolçular qoşulacaq 18-07-2019, 17:22 Yurçeviç hesabat verib? 18-07-2019, 17:19 Papure: “Sabah sizə göstərəcəm!” 18-07-2019, 17:13 “Səbail” möcüzə axtarışında, “Neftçi” üçün formal oyun 17-07-2019, 15:43 Mirabdulla səfərdə qələbə qazanacaqlarına inanır 17-07-2019, 15:40 “Səbail” bu gün yola düşür 17-07-2019, 15:35 Azər Bağırov “Turan Tovuz”u çalışdıracaq 17-07-2019, 15:33 Gerye “Qarabağ”ı aldatdı 17-07-2019, 15:30 “İmarət”lə “Qarabağ Ordu”nun hərəsində 500 nəfər olacaq 17-07-2019, 15:29 “Qarabağ” “Partizani”ni “Dalğa”da boğa biləcəkmi? 17-07-2019, 15:27 Albaniyadan nə azarkeş gəlir, nə də jurnalist 17-07-2019, 15:25 Lerda “Qarabağ”ın büdcəsini açıqladı 17-07-2019, 15:20 “Qarabağ”da mərakeşli müdafiəçi 17-07-2019, 15:18 “Zirə”nin həkimi Samir Abasova görə istefa verdi 17-07-2019, 15:16 Bezotosnı Ukrayna mətbuatına danışdı 17-07-2019, 15:14 “Zirə”dən növbəti transferlər 17-07-2019, 15:07 Pərdisin keçidi yubanır, Sezar da gəlir 17-07-2019, 15:02 “Sabah” Sumqayıtdan qalib döndü 17-07-2019, 10:06 Həftənin idman proqramı 17-07-2019, 10:01 “Sumqayıt 70”dən yubiley hədiyyəsi 17-07-2019, 09:59 “Neftçi” – “Sperantsa”: hakimlər açıqlandı, biletlər satışa çıxarıldı 17-07-2019, 09:56 "Forza Neftçi" bu gün Bakıya çatacaq 17-07-2019, 09:54 Emil Balayev qol buraxmadı, rəmzi komandaya düşdü 17-07-2019, 09:52 “Dauqavpils” Əli Şirinovu rənglərinə bağladı 17-07-2019, 09:47 Stankoviç Kişinyovda oynamadığına görə üzgündü 17-07-2019, 09:43 Yığmanın heyəti açıqlandı Bütün xəbərlər
Ən çox oxunanlar