12 fev 23:29liqa, reportaj

Yuri Maksimov “sülh”lə başladı

Yuri Maksimov “sülh”lə başladı
Qurban Qurbanov özünü “İnter Arena”ya 20-ci dəqiqədə çatdırdı
59. Keşlə - Səbail 1:1 (0:1)

1. Kamran Ağayev (k) – 4,5
4. Slavik Alxasov – 5,0
3. Denis Silva – 5,0
27. Adrian Skarlatake – 5,0
65. Cabir Əmirli – 5,5
90. Ebrima Sohna – 5,5
39. Əlibəy Məmmədli – 5,5
10. Sezar Meza Kolli – 5,5
(7. Vaqif Cavadov, 71) – 3,5
21. Herve Tçami – 5,0
(22. Məqsəd İsayev, 58) – 5,5
9. Pərdis Fərcad-Azad – 6,0
14. Andre Klennon – 4,5
(24. Fuad Bayramov, 46) – 5,0
Ehtiyat oyunçular
15. Orxan Sadıqlı
2. Sərtan Taşkın
33. Tərlan Quliyev
40. Nemanya Stoyanoviç
66. Murad Qayalı
80. Rafael Məhərrəmli
88. Məmməd Quliyev
Baş məşqçi: Yuri Maksimov
Komandanın ən yaxşısı: Pərdis Fərcad-Azad

1. Emil Balayev – 5,5
23. Ayron Stati – 4,5
(92. Vahid Orazsahedov, 59) – 5,0
4. Rahil Məmmədov – 5,5
5. Kərim Diniyev – 5,0
15. Nikoloz Apakidze – 6,0
26. Kamal Qurbanov – 5,5
3. Tamazi Tsetsxladze – 5,5
17. Vüqar Nadirov (k) – 4,5
(10. Nurlan Novruzov, 64) – 5,0
29. Yevgeni Koçuk – 4,5
11. Elman Taqayev – 5,5
(21. Murtuz Abakarov, 90) – qiymətsiz
7. Fəhmin Muradbəyli – 5,5
Ehtiyat oyunçular
25. Elxan Əhmədov
24. Ruslan Əmircanov
66. Pərviz Qaraxanov
99. Maudo Jarjue
Baş məşqçi: Samir Əliyev
Komandanın ən yaxşısı: Nikoloz Apakaidze
Qollar: F.Muradbəyli, 35 (0:1, Y.Koçuk). P.Fərcad-Azad, 55 (1:1, C.Əmirli).
55-ci dəqiqədə P.Fərcad-Azad penaltidən yararlana bilməyib (qapıçı).
Vərəqələr: E.Taqayev, 32 (qeyri-idman hərəkəti). T.Tsetsxladze, 44 (qeyri-idman hərəkəti) – sarı.
Hakimlər: RAMİL DİNİYEV, Mübariz Haşımov, Rahil Ramazanov, Elvin Əsgərov (hamısı Bakı).
Hakim-inspektor: Fazil Mürşüdov (Sumqayıt).
AFFA nümayəndəsi: Seymur Səlimli (Bakı).
11 fevral. Bakı. İnter Arena. 1500 tamaşaçı (5300 yerlik).
Yalnız ikinci hissəyə 3 dəqiqə əlavə olunub.
Oyunun qiyməti: 5,5.
Dünən paytaxtda əsl futbol havası idi. Günəşli, yaz hərarətli gündə stadionda istirahət etməkdən zövqlü nə ola bilərdi?! “Keşlə” ilə “Səbail” “İnter Arena”ya üz tutan 1500 azarkeşə bu həzzi yaşatmağı bacardımı?
Qış fasiləsi başlar-başlamaz yeni baş məşqçiylə anlaşan və heyəti də yeniləyən, 9 transferlə diqqəti çəkən "Keşlə"nin ilk oyunu böyük maraqla gözlənilirdi. Ukraynalı baş məşqçi Yuri Maksimovun rəsmi debütü vaxtilə onun ölkəsində legioner həyatı yaşamış Samir Əliyevin “Səbail”i ilə görüşə təsadüf edirdi. Premyer-liqanın debütantı avrokubok uğrunda mübarizə aparan komandalara “əlcək atmaq” üçün səfər matçından 3 xalla dönməyi hədəfləmişdisə, keşləlilər autsayder statusundan qurtulmağa can atırdı. Bu mənada mövsümün ikinci yarısına uğurlu başlamaq çox vacib idi.
Bəribaşdan qeyd edək ki, Maksimov oyunun protokoluna yeni transferlərdən Pablo Podionun adını daxil etməmişdisə, “Səbail”də “transfer pəncərəsi”nin sonuncu günü heyətinə cəlb etdiyi türkmən Vahid Orazsahedovun “18-lik”də olması diqqəti çəkməyə bilməzdi.
Oyunun start dəqiqələrində əlahiddə heç nə baş vermədi. İlk hissənin tən yarısını tərəflər təşəbbüsü ələ keçirmək uğrunda mübarizəyə həsr etdi. Bu müddətdə qapılar istiqamətinə bir zərbə belə vurulmadı. İlk təhlükəli vəziyyət “Keşlə”nin cərimə meydançasında yarandı. 28-ci dəqiqədə Vüqar az qala Kamran Ağayevlə dueldən qalib ayrılacaqdı. Təcrübəli qolkiper son anda topa toxunaraq kornerə çıxara bildi. Meydan sahiblərinin cavabı da təhlükəli oldu. 30-cu dəqiqədə Əlibəy Məmmədli Cabir Əmirlinin cinah ötürməsini iki cəhddə qapıya göndərdi. İlk həmlənin qarşısını müdafiəçi, aşırma vuruşu isə Balayev zərərsizləşdirdi. Qol özünü çox gözlətmədi. 35-ci dəqiqədə Fəhmin Muradbəyli müdafiədən dönən topu təkrar zərbə ilə tora qovuşdurdu. Ağayev topa toxunsa da, zərbənin qarşısını almaqda aciz qaldı. 40-cı dəqiqədə Vüqar təkbətəkdən yararlana bilmədi. O, topu düz Kamranın qucağına atdı.
“Keşlə”nin fasiləyə yenik durumda yollanmasına baxmayaraq, Maksimov iki hücumçuyla oynamağın riskli olduğunu nəzərə alıb, ikinci hissəyə 1 forvardla başladı. Klennon yerini Fuad Bayramova verdi. İnsafən, bu dəyişiklikdən sonra meydan sahibləri daha məzmunlu oynamağa başladı. Düzdü, “Səbail” hissənin əvvəlində fərqi artırmağa çox yaxın oldu. 48-ci dəqiqədə Tamazinin asmasını Rahil başla qapıya yönəltsə də, hava mübarizəsində tək qalan müdafiəçinin vuruşu dəqiq olmadı. Ancaq tezliklə oyunda növbəti qol vuruldu. Həm də yetərincə maraqlı vəziyyətdən sonra. 54-cü dəqiqədə Kərim cərimə meydançasında Sezara qarşı kobud oynadı və əmisi Ramil Diniyev penalti nöqtəsini göstərdi. Di gəl ki, Emil Pərdisin zərbəsini dəf edərək onun sevinməsinə əngəl oldu. Bununla belə, epizodun davamında forvard oyun vəziyyətindən fərqləndi.
Bir qədər sonra “Səbail” yenidən hesabda önə çıxmaq üçün yüzfaizlik imkan əldə etdi. Vüqar oyun ərzində ikinci dəfə real şansdan yararlana bilmədi. Apakaidzenin müdafiədən göndərdiyi uzun ötürmə ilə təkbətək çıxan Nadirov Kamranın başı üzərindən tora atmaq istədiyi topu göyə vurdu. 80-ci dəqiqədə “Səbail” növbəti imkanı qaçırdı. Cərimə zərbəsindən sonra Koçuk 6-7 metrdən qapıya düşə bilmədi. 88-ci dəqiqədə qonaqları qoldan Balayev xilas etdi. Oyuna sonradan qoşulan Məqsədin cinah asmasını Pərdis başla tamamlasa da, “Səbail”in qapıçısı yaxın məsafədən vurulan zərbəyə əla reaksiya göstərdi. Beləliklə, turun ardıcıl 3-cü oyunu da “sülh”lə başa çatdı.
MİRAĞA

Reaksiyalar
Yuri Maksimov: “Hər iki komanda qələbə qazanmaq istəyirdi. Ancaq rəqibin müdafiəsini yarmaq çətin oldu. "Səbail"dən başqa oyun sistemi gözləyirdik. “Beşli müdafiə” ilə oynadılar. Meydanın mərkəzində boşluq var idi. Orta sahədə sanki bir nəfər çatışmırdı. İkinci hissədə toparlandıq. Deyərdim ki, dəyişikliklər bəhrə verdi. Əsas odu ki, futbolçularda oynamaq həvəsi var idi. Rəqibin də yaxşı futbolçuları var. Bu matçı təhlil edib, növbəti oyunlara daha yaxşı hazırlaşacağıq. Bu, mənim Azərbaycan premyer-liqasında debütüm idi. Təəssüratım yaxşıdı. Turnir cədvəlinin aşağı pillələrində olan komandaların belə təmiz mübarizə aparmaları məndə xoş təəccüb yaratdı. Fikrimcə, çox çətin çempionatdı. Futbolçularımın irad kimi başa düşməsini istəmirəm, amma bəzi oyunçular komandaya gec qoşuldular. Bir-birini başa düşmələri üçün zamana ehtiyac var. Bu da təbiidi: vaxt azlığı var idi. Bir çox yeni futbolçuların komandaya cəlb edilməsi zamanı “İnStat”dan istifadə etməli olduq. Bəzi transferlərdə sırf axtardığımızı tapdıqsa, bəzilərinə sadəcə, ümid edirik. Süni örtükdə oynamağımıza gəlincə, aydındı ki, belədə zədə riski çox olur. Hətta Lobanovski bizə sünidə oynamağı qadağan edirdi. Ancaq təbii örtükdə məşq edib, süniyə keçmək o qədər də təhlükəli deyil. Yeni transferlərimizdən Pablo Podionun “18-lik”də olmaması zədə ilə bağlıdı. Toplanış çərçivəsində “Robotniçki” ilə keçirdiyimiz oyunda ayağından xəsarət almışdı. Onun oyunundan razı deyiləm? Buna şərh vermək istəmirəm”.
Samir Əliyev: “Yeni sistemlə oynayırıq. Bu sistemlə mübarizə aparmaqda davam edəcəyimizi hələ bilmirəm. Çox çətin sistemdi. Hətta böyük klublar da bu sistemdə əziyyət çəkir. Heyətdə yeni futbolçular da var. Anlaşma hələ istədiyimiz səviyyədə deyil. İnanıram ki, oyundan-oyuna hər şey düzələcək. Vüqar Nadirovu qaçırdığı epizoda görə əvəzləmədim. Əvvəlcədən bunu planlaşdırmışdıq. Nurlanı da, yeni gələn hücumçunu da oynatmaq istəyirdik. Kərim Diniyevin yeni mövqedə oynamasına gəlincə, bu barədə əvvəldən söhbət etmişdik. Özünü burda rahat hiss etdiyini dedi. Bu gün ondan uzun ötürmələr də gözləyirdim. Bu gün, ümumiyyətlə, bütün futbolçulardan razı qaldım. Qarşımıza məqsəd qoyulub ki, növbəti mövsüm üçün kollektiv formalaşdıraq. Nəticə vacibdi, ancaq ən əsası oyunumuzu yaxşılaşdırmaqdı. Rəqibimiz də yeni oyunçular alıb, intizamlı futbol oynadı. Viktor Oseqeyl məsələsi çox güman, qapandı. Onun oyun üslubunu "Kəpəz"də çıxış edən vaxtdan bəyənirdim. Amma dizində zədəsi də var idi. Çox güman, gələn həftə bizə yeni hücumçu qoşulacaq”.
Gözdən qaçmadı…
* “Səbail”i təxminən 50 nəfərlik azarkeş qrupu dəstəkləyirdi ki, onların arasında klubun sponsorlarından olan Xəzər Dəniz Gəmiçiliyinin (“Caspian Shiping Company”) bayraqlarıyla “silahlananlar” az deyildi. Hətta “Caspian Shiping Company”nin bayraqları klubunkundan çox idi.
* Nizami Hacıyevin “Keşlə”dən və ümumiyyətlə, futboldan uzaqlaş(dırıl)masından sonra klubda kapitan problemi var idi ki, Kamran Ağayevin dönüşü ilə boşluq aradan qaldırılıb. Millinin qapıçısı hakimin start fitindən əvvəl komanda yoldaşlarını toplayıb azarkeşlərin olduğu tribunanın önünə apardı və beləcə tərəflər salamlaşdılar. Ancaq Kamran çox aqressiv idi. Xüsusilə ikinci hissədə bir neçə dəfə komanda yoldaşlarına kəskin irad bildirdi.
* Əvvəllər Qurban Qurbanovu çempionat oyununlarında görəndə, bunu onun rəqiblərini iş başında görmək istəyiylə əlaqələndirirdik. Ancaq o, həm də yığmanın baş məşqçisidi. Təcrübəli mütəxəssis özünü “İnter Arena”ya qarşılaşmanın 20-ci dəqiqəsində çatdırdı.
* Adətən, oyunsonrası mətbuat konfransında öncə qonaq komandanın baş məşqçisi jurnalistlər önünə çıxır. Bu dəfə əksinə oldu.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib Bütün xəbərlər
Ən çox oxunanlar