29 dek 22:14liqa

Baqali Dabo: kiçik oyunların böyük qəhrəmanı!

Baqali Dabo: kiçik oyunların böyük qəhrəmanı!
Yunanov ev, Dinoyla Kone səfər matçlarının adamıdı
Premyer-liqanın ilk yarısı maraqlı idman mübarizəsi şəraitində keçdi desək, yanılmarıq. Düzdü, lider “Qarabağ”la 2-ci pillədə qərarlaşan “Qəbələ” arasında 6 xallıq fərqin olması birincilərin bütün rəqiblərdən üstün olduğunu göstərir. Elə 3-cü pillədəki “Zirə” ilə 4-cü sıradakı “Sumqayıt” arasında 10 xallıq fərq də çempionatın qışdan sonrakı intriqasını bir qədər öldürür. Sirr deyil ki, noyabr və dekabrda olduqca inamlı təsir bağışlayan “Qəbələ” sona qədər çempionluq uğrunda mübarizə aparacaq. Elə 4-cü yeri tutub Avroliqaya vəsiqəni təmin etmək istəyən “Sumqayıt”la “Neftçi”nin “didişəcəyi” də sirr deyil. 7 xalla sonuncu pillədə yer alan “Kəpəz”in çempionatda qalmaq üçün özündən cəmi 1 xal öndə olan “Keşlə”nin “nəfəsini kəsəcəyi” də gözləniləndi.
Hədəfə çatmaq üçün əsas yük hücumçuların üzərinə düşəcək. Hər komandanın “vuran ayağı” var ki, onlar hər zaman diqqət mərkəzində olur. 14 turdan sonra hesabına 9 qol yazdıran Baqali Dabo izləyicilərindən uzaqlaşmağı bacarıb. Onu rəqib qapıçıları hərəyə 6 dəfə məyus edən Mahir Mədətovla Riçard Qadze izləyir. 5 qol vuranların sayı isə üç nəfərdi – Amil Yunanov, Dino Ndlovu və Famussa Kone. Azərbaycanlı futbolsevərlər üçün sevindirici məqam siyahıda yerli futbolçuların da olmasıdı. 2017-ci ildə olduqca inamlı təsir bağışlayan Mahirlə Amil mövsümün sonuna qədər iddiasını davam etdirəcək. Xüsusilə Mahirin bombardir olmaq şansları yüksək qiymətləndirilir. Ndlovu karyerasını Çində davam etdirsə, Mədətov hədəfə bir az da yaxınlaşacaq.
Madam ki, fasilədi, bombardirlər üzərində müəyyən “gəzişmə” etmək istədik. Hansı forvard üçün rəqib anlayışı yoxdu? Hansı futbolçu daha çox intriqalı oyunlarda fərqlənib? Hansı hücumçu iddialıların qənimidi?
Baqali Dabo
Fransalı oyunçunu digərlərindən fərqləndirən əsas cəhət 3 dəfə dubla imza atmasıdı. Başqa cür desək, 9 qoldan 6-nı 3 oyunda vurub. “Səbail”lə həm Bakıda, həm də Qəbələdə gerçəkləşən qarşılaşmalarda Dabo dubl edib. Həmçinin 13-cü turda Gəncədə “Kəpəz” üzərində darmadağın zamanı (6:1) “9 nömrə” Davud Kərimini topu 2 dəfə tordan çıxarmağa məcbur edib. Qalan 3 qoldan ikisini “Neftçi”nin qapısından keçirib. 6-cı turda Qəbələdə, 12-ci turda Bakıda azarkeşləri ayağa qaldırıb. Daha bir dəfə “Keşlə”nin qapısına yol tapıb. Yeri gəlmişkən, cüssəli forvardla bağlı daha bir diqqəti çəkən məqam var. Belə ki, Dabo ardıcıl 4 oyunda – 11-14-cü turlarda fərqlənməyi bacaran yeganə futbolçudu. Həqiqətən də qış fasiləsinə yaxın qarşısıalınmaz görünürdü.
Göstərilən adlara nəzər salanda Baqalinin kiçik oyunların böyük qəhrəmanı olduğu üzə çıxır. Fikir verdizsə, əcnəbi hücumçu 9 qolun hamısını 5-8-ci sıralarda qərarlaşan komandaların qapısından keçirib. “Qarabağ”, “Zirə”, “Sumqayıt” kimi əsas rəqiblərin qapılarına yol tapa bilməyib.
Mahir Mədətov
Bu il yaxşı mənada diqqətləri üzərinə çəkən Mahirin hər şeydən əvvəl hücumçu yox, cinah yarımmüdafiəçisi kimi çıxış etdiyini nəzərə almalıyıq. Buna baxmayaraq, “Qarabağ”ın əsas forvardı Dino Ndlovudan daha çox fərqlənib. 1-ci turda “Neftçi”ylə səfər matçında dubl edən 20 yaşlı futbolçu 3-cü turda “Qəbələ”ni məyus edə bilib. 6-cı turda Tofiq Bəhramov adına Respublika stadionunda “Sumqayıt”la baş tutan qarşılaşmada isə mükəmməl oyunla 2 möhtəşəm qola imza atmışdı. Mehdi Cənnətovun qapısından keçirdiyi hər 2 qolu cərimə meydançasının xaricindən vurmuşdu. 13-cü turda “Zirə” ilə gərgin səfər qarşılaşması yaxın keçmişə təsadüf edir. Mədətov komandasının 3:2 hesablı qələbəsinə 1 qolla töhfə vermişdi.
Göründüyü kimi, ağdamlıların “11 nömrə”si 6 qoldan 4-nü ilk “4-lük”də yer alan komandaların qapısında keçirib. Daha 2 qolu isə “Neftçi”yə vurub. Üstəlik, hesabında 3 məhsuldar ötürmə də var. Dabodan fərqli, Mahir böyük oyunların qəhrəmanı hesab olunur.
Riçard Qadze
Cari mövsümdə haqqında ən çox söz etdirən hücumçudu. “Qarabağ” və “Qəbələ”dəki həmkarlarından qat-qat az maaş almasına baxmayaraq, rəqib qapıçıları məyus etməkdən doymur. Ya qol vurur, ya ötürmə verir. Təsadüfi deyil ki, hesabında 6 qol və 5 məhsuldar ötürmə var. Hələ ki dubl etməyib, 6 qolun hamısını ayrı-ayrı oyunlarda vurub. 1-ci turda “Səbail”i məyus edib, 3-cü turda “Sumqayıt”la görüşdə fərqlənməyi bacarıb. 5 və 11-ci turlarda “Neftçi”nin qapısına yol tapıb. 8-ci turda “Kəpəz”lə oyunda Davudu topu tordan çıxarmağa məcbur edib. 13-cü turda “Qarabağ”la baş tutan matçda isə komandasının ən yaxşısı idi. Qol da vurdu, ötürmə də verdi. Üstəlik, dubl etmək üçün əla imkanları var idi.
Nəzər yetirsəz görərsiz ki, Riçard iddialılardan yalnız “Qəbələ”nin qapısına yol tapa bilməyib. “Qarabağ”ı, “Sumqayıt”ı, “Neftçi”ni məyus edə bilib.
Amil Yunanov
Dubl etmədən bombardirlər sırasında yer alan iki futbolçudan biri Qadzedisə, digəri məhz Amildi. “Sumqayıt”ın hücum xəttində rəqabət olmasa da, Yunanov arxayınlaşmır, qolları sıralamaqda davam edir. Mahirlə Riçard kimi, onun da “siftə”si 1-ci tura təsadüf edib. “Kəpəz” üzərində qazanılan ev qələbəsində Yunanovun faydası vurduğu qol olub. 4-cü turda “Sumqayıt” “Neftçi”ni 1:0 hesabıyla məğlub edəndə, “9 nömrə” penalti zərbəsini dəqiq yerinə yetirib. Yunanovun vurduğu 5 qoldan cəmi 1-i səfər qarşılaşmasına təsadüf edib ki, hücumçu 7-ci turda “Səbail”in qolkiperi Emil Balayevi məyus edib. Amil 9-cu turda “Zirə”nin, 11-ci turda “Keşlə”nin Sumqayıtdan məğlub yola salınmasında hər oyunda 1 qol vurmaqla yadda qalıb.
Bu isə o deməkdi ki, Amil Yunanov əsasən “Kapital Bank Arena”da parlayır. Vurduğu 5 qoldan 4-nə məhz sumqayıtlı fanatların gözü qarşısında imza atıb. Ötən mövsümdə də əsasən Sumqayıtdakı qarşılaşmalarda sözünü deməyi bacarmışdı.
Dino Ndlovu
Transfer dəyəri 1 milyon avro məbləğində ölçülən cənubi afrikalının hesabında 14 turdan sonra cəmi 5 qolun olması hardasa başadüşüləndi. Çempionlar Liqasının qrup mərhələsi olmasaydı, Dino bəlkə də bombardirlər yarışına başçılıq edirdi. Razılaşarsız ki, “Çelsi”, “Atletiko”, “Roma” kimi dünya nəhənglərinə qarşı oynayan futbolçunun Azərbaycan çempionatına köklənməsi asan məsələ deyil. Bunun üstünə rəqib müdafiəçilərin ona xüsusi diqqət ayırması faktını da gəlmək olar. Və ən əsası, belə vacib fiqurların ÇL ərəfəsində baş tutan oyunlarda özlərini qoruması. Qısası, Dinonun 5 qol vurması sırf hücumçu kimi oynayan biri üçün yaxşı göstərici deyil.
Ndlovu da 1-ci turda fərqlənənlər arasındadı. Mahirin dubl etdiyi matçda “9 nömrə” cəmi 1 qol vurmuşdu. Həmin oyundan sonra 6 tur “susan” forvard bir də 8-ci turda “Keşlə” ilə qarşılaşmada özünə gəlmişdi. “İnter”lə oyunun heç-heçə başa çatacağını düşünənlər son 5 dəqiqədə Dinonun dubluna şahidlik etmişdi. 12-ci turda “Sumqayıt”ın, bir tur sonra “Zirə”nin qapıçılarını məyus edən Ndlovunun Çin klubuna transfer olub-olmayacağı yaxın günlərdə bilinəcək.
Amilə ev oyunlarının qəhrəmanı deyiriksə, Dinoda əksinədi. “Sumqayıt”la görüş xaric, digər 3-də səfərdə fərqlənib.
Famussa Kone
Stiven Jozef-Monroz və Baqali Dabo ilə müqayisədə o qədər də nəzərə çarpmayan malili forvard minimum hədəfin öhdəsindən gəlməyi bacarıb. Çempionatın ilk dövrəsində komanda yoldaşlarının “kölgəsində qalan” Konenin ayağı ikinci dövrədə “açılıb”. 8-ci turda “Qəbələ” “Sumqayıt”ı səfərdə məğlub edəndə, vurulan yeganə qola məhz bu hücumçu imzasını yazdırıb. Famussa 10-cu turda yenə komandasının yeganə qoluna imza atıb. Lakin bu dəfə bölgə təmsilçisi “Zirə”yə uduzub – 1:2. 11-ci tur da “45 nömrə” üçün düşərli olub. “Səbail”in qapısından keçirilən 3 qoldan 1-də Kone adını tabloya yazdırıb. 13-cü tur Dabo kimi onun üçün də düşərli olub. “Kəpəz” üzərində 6:1 hesablı qələbənin qazanılmasına hər ikisi dublla töhfə verib.
Kone də Ndlovu kimi səfər oyunlarının adamıdı. Malili hücumçu “Səbail”lə oyundakı qol xaric, digər 4 topun hamısına səfərdə imza atıb.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 18:16 Elita klubları “birincilər”i kubokdan qovdu Dünən, 12:34 Sopiç Ponomaryovla görüşə ehtiyac duymayıb Dünən, 12:28 İbrahim Uzunca “Şahdağ”dan ayrıldı Dünən, 12:26 “Alyans”ı dayandıran tapıldı Dünən, 12:23 Aftandil Hacıyevin “Səbail”ə qoşulan legionerdən xəbəri yoxdu Dünən, 12:19 Əliyar Ağayev “Sabah”ın penaltisini “yedi” Dünən, 12:18 Mahmud Qurbanov hakimi təhqir etdiyinə görə cəzalandı 5-12-2019, 12:40 “Futbol+” Prosineçkini Zaqrebdə tapdı 5-12-2019, 12:33 Elçin Məmmədov “Mehdi Hüseynzadə”yə gəldi, aləm qarışdı 5-12-2019, 12:31 Aftandil Hacıyev: “Bu gün heç kim nə Qurbanın adına ləkə yaxa bilər, nə də mənim” 5-12-2019, 12:25 “Neftçi”ni büdrət, sonuncu pilləyə düş... 5-12-2019, 12:22 “Qəbələ” “Zirə”ni göydən yerə endirdi 5-12-2019, 12:17 “Sumqayıt” “ASCO Arena”da fürsəti qaçırdı 5-12-2019, 12:12 Dünən Avroliqada, bu gün sonuncu pillədə... 5-12-2019, 12:10 "Qarabağ" həsrətə Masazırda son qoydu 2-12-2019, 16:25 “Qarabağ”ın həllini gözləyən problemləri 2-12-2019, 16:19 Mütəxəssislər “Qarabağ”ın tarixi şansı qaçırdığını düşünürlər 2-12-2019, 16:16 Geye “Qarabağ”da qalmaq istəyir 2-12-2019, 11:40 Tarixi şəhəri siz də yaxından tanıyın 2-12-2019, 11:38 Əcnəbi gəlməsin, gəlirsə, Prosineçki gəlsin! 2-12-2019, 11:37 Parlament də özünü buraxır, Elxan Məmmədov tərpənmir 2-12-2019, 11:34 “CBC Sport”dan “Qarabağ”a atmaca 29-11-2019, 12:39 “Sabah” Sopiçə tapşırıldı, Ponomaryov komanda ilə vidalaşdı 29-11-2019, 12:37 “Getsinlər, qoyunları qovsunlar, futbollarını oynasınlar” 29-11-2019, 12:35 “Sülhsevənlər” ənənəyə sadiq qaldılar 29-11-2019, 12:29 Nazarov medianın mümkün basqısını nəzərə alıbmış 29-11-2019, 12:28 Elxan Məmmədovun yığma üzvlərini qınamasının əsası varmı? 29-11-2019, 12:25 AFFA azərbaycanlıları yığmadan bezdirib 29-11-2019, 12:22 Prosineçki yenə gəlir? 29-11-2019, 12:20 Aclıq Dadaşlinskinin Əzizini taqətdən salıb 26-11-2019, 17:31 “Keşlə”nin “ASK Arena”ya qayıdacağı tarix dəqiqləşməyib 26-11-2019, 17:30 İcraiyyə Komitəsinin üzvləri yığmanın çıxışını dəyərləndirdi 26-11-2019, 17:29 Vidadi Rzayev 14 il öncə səhv etdiyimizi düşünür 26-11-2019, 17:26 “F91 Düdelanj” stadion problem ilə üzləşib 26-11-2019, 17:24 Elxan Məmmədov özündən başqa hamını günahkar bilir 26-11-2019, 17:03 Tura darmadağınlarla yekun vuruldu 26-11-2019, 16:59 Slovakiyalı mütəxəssis yığmamızı aşağıladı 26-11-2019, 16:58 Nazarov qələbəyə qolla töhfə verdi 26-11-2019, 16:56 Paytaxt zonasında ikihakimiyyətlikdi 26-11-2019, 16:55 Emil Balayev mövsümün ən yaxşı qapıçısıdı 26-11-2019, 16:53 Qurban Qurbanov məğlubiyyəti gözləyirmiş 26-11-2019, 16:51 “Sumqayıt”dan Sumqayıtın yubileyinə hədiyyə: qələbə! 26-11-2019, 16:49 Dadaşlinskinin Əzizi baş katib üçün şüar qaldırdı 26-11-2019, 16:45 Tuayev kimi yaşamaqdan ölmək yaxşıdı! 22-11-2019, 12:52 Millət vəkilləri AFFA-nın məsuliyyət daşıdığını dedilər 22-11-2019, 12:47 “Baş katiblə aramızda heç bir narazılıq yoxdu” 22-11-2019, 12:43 Ağdamda “İmarət”in yubileyi qeyd olunub 21-11-2019, 21:57 Yurçeviç yenə itkiləri bəhanə gətirdi 21-11-2019, 21:55 Rüsvayçı oyun, biabırçı sonluq 21-11-2019, 21:52 U-17 xalsız qaldı 21-11-2019, 21:51 U-21 azlıqda qalan rəqibi üstələyə bilmədi 21-11-2019, 21:29 Haşımov Boykonun oyunun öhdəsindən gəldiyini düşünür 21-11-2019, 21:27 Nazim Süleymanov və tərəfdarları Rövnəq Abdullayevə müraciət etdi 21-11-2019, 21:25 “İrəvan” ilk qələbəsini qazandı 21-11-2019, 21:22 “Keşlə”ni uğura aparan yolun sirri... 21-11-2019, 21:20 Eddinin “özünü pis hiss etməsinin” səbəbi aydın oldu 21-11-2019, 21:18 AFFA rəhbərliyi üçün xatırlatma Bütün xəbərlər
Ən çox oxunanlar