22 noy 01:34liqa

“Kəpəz”də Yunis Hüseynov dönəmi başladı

“Kəpəz”də Yunis Hüseynov dönəmi başladı
“Gəncə kimi şəhərin komandası turnir cədvəlinin sonunda qərarlaşa bilməz”
Şahin Diniyevin istefasından sonra baş məşqçi postu çox boş qalmadı. “Kəpəz”in “sükan”ı Yunis Hüseynova tapşırıldı. Sonuncu dəfə “Xəzər Lənkəran”ı çalışdıran 52 yaşlı mütəxəssis bu gün komandaya təqdim olunacaq. Dünən isə “sarı-göylər”in yeni çalışdırıcısı ilə əlaqə saxlayıb, yeni işi ilə bağlı söhbətləşdik.
- “Kəpəz”i çalışdırmaqla bağlı təklifi kimdən aldız? Müşahidə Şurasının sədri Elmir Vəliyevdən, yoxsa AFFA-nın şuradakı təmsilçisi İslam Abbasovdan?
- Şahin müəllimin istefasından sonra Müşahidə Şurasının toplantısı olub. Orda mənimlə yanaşı, bir neçə mütəxəssisin namizədliyi müzakirə olunub. Bildiyim qədər sonda mənim namizədliyim üzərində dayanıblar. Ondan sonra əlaqə saxladılar, mən də razılığımı bildirdim.
- “Kəpəz”in indiki durumu o qədər də ürəkaçan deyil. Turnir cədvəlinin zirzəmisində qərarlaşan komandada həm heyətlə bağlı çatışmazlıqlar mövcuddu, həm də büdcə baxımından kasadlıqdı. “Hə” cavabı verərkən bu məqamları nəzərə aldız?
- Sizə açıq deyirəm, çox çətin olacaq. Ancaq vəziyyət o dərəcədə də acınacaqlı deyil. Bir də ki, “Kəpəz”in əsas silahı azarkeşlərdi. Özüm də futbolçu olmuşam və bilirəm ki, geniş auditoriya qarşısında oynamaq necə böyük məsuliyyətdi. Hamı bilir ki, bü gün Azərbaycan futbolunda stadiona ən çox azarkeş “Kəpəz”in ev oyunlarında gəlir. Bu üzdən futbolçular işlərinə daha məsuliyyətli yanaşıb, daha əzmkar oyun sərgiləməyə borcludular. Ustalıq səviyyəsi aşağı olan komanda bu çatışmazlığı əzmkarlıq hesabına “sığortalamalıdı”. Qış fasiləsinə çox az müddət alıb. Bəlkə də komandanı yayda götürsəydim, işim daha asan olardı. Ən azı yayda heyətə yeni futbolçu cəlb etmək qışdakından daha asandı. Əksər oyunçuların müqavilələri davam etdiyindən yanvarda istədiyin futbolçu ilə anlaşa bilmirsən. Buna baxmayaraq, heyəti gücləndirmək üçün maksimum səy göstərəcəyik.
- Azarkeşdən söz düşmüşkən, “Kəpəz” tərəfdarlarını narazı salan məqamlardan biri də komandanın Bakıda məskunlaşması, yalnız oyundan-oyuna Gəncəyə yollanmasıdı. Sizin məşqçiliyiniz dönəmində bu məsələ necə tənzimlənəcək?
- Fikrimcə, gəncəli azarkeşlər bu məsələdə haqlıdılar. Gəncəni təmsil edən klub elə bu şəhərdə qalmalı, onu sevənlərin gözü qarşısında olmalıdı. Ancaq çox təəssüf ki, hazırda klubun bazasında şərait istənilən səviyyədə deyil. Məşq etmək üçün ehtiyat meydançanın olmaması da işi çətinləşdirir. Düzdü, çox gözəl, hətta deyərdim, ideal səviyyədə əsas meydan var. Lakin həftəboyu ondan yararlansaq, ot örtüyünü sıradan çıxarmış olarıq. Ancaq Müşahidə Şurasının sədri Elmir Vəliyev bildirib ki, 2018-ci il üçün həm baza əsaslı təmir olunacaq, həm də yardımçı meydança hazır olacaq. Artıq onda “Kəpəz” birdəfəlik Gəncədə məskunlaşacaq.
- Ötən mövsümlə müqayisədə hazırda düşərgədə yer alan legionerlərin də səviyyəsi o qədər də yüksək deyil. Qış fasiləsində komandaya yeni oyunçular dəvət edəcəyinizi bildirdiz. Onlar arasında legionerlər olacaq?
- Bu haqda indidən nəsə deyə bilmərəm. Komanda ilə ilk məşqə sabah (bu gün) çıxacam. Düzdü, həmin futbolçuları televiziya vasitəsilə izləmişəm. Ancaq oyunçunu canlı iş başında görmək başqa, ekranda baxmaq başqa. İnşallah, onları məşqlərdə izlədikdən sonra qərarımı verəcəm.
- Köməkçiləriniz kimlər olacaq? Mətbuatda yazılanlara inansaq, Diniyevlə birgə işləyənlərdən yalnız Vidadi Rzayevi məşqçilər korpusunda saxlamaq fikriniz var. Bir də Hüseyn Məhəmmədovun “Kəpəz”də qapıçılarla işləyən məşqçi kimi çalışacağı deyilir.
- Sözün düzü, hələ bu məsələ ilə bağlı heç bir qərar verməmişəm. Nə heç kimi işdən uzaqlaşdırmışam, nə də kimisə yanıma dəvət etmişəm. Mən də sizin kimi bu xəbərləri ordan-burdan oxuyuram. Yalnız onu deyə bilərəm ki, Xaliq Mərdanov özü klubdan ayrılmaq istəyi ilə bağlı müraciət edib. Bu dəqiqə hamı öz yerindədi və işini davam etdirir.
- Əvəzedici heyətin baş məşqçisi Azər Məmmədovun da klubdan gedəcəyi söylənilir.
- Yenə deyirəm, hələ ki heç kimlə nə görüşmüşəm, nə də söhbət etmişəm. Yayılan söz-söhbət həqiqəti əks etdirmir.
- “Karvan”, “Xəzər Lənkəran” kimi iddialı klubları çalışdırmısız və hər zaman qarşınıza yüksək hədəflər qoyulub. Heç şübhəsiz, “Kəpəz” rəhbərliyi indiki məqamda sizdən bunu tələb edə bilməz. Bəs özünüz qarşınıza hansı məqsədi qoymusuz?
- İndi əsas məqsəd baxımlı oyunla gəncəli azarkeşləri sevindirməkdi. Gəncədə daim futbol olub, yerli futbolsevərlər ağı qaradan, pisi yaxşıdan seçməyi yaxşı bacarırlar. Bu şəhərdə futbola başlamışam, burda böyümüşəm. Bilirəm ki, Gəncənin futbol həyatı nə deməkdi. Elə etməliyik ki, tribunalara toplaşan 10-12 min tərəfdar komandanın oyunundan zövq alsın. Yenə deyirəm, bu gün “Kəpəz”in başqa klubdan üstünlüyü böyük azarkeş ordusuna malik olmasıdı. “12-ci oyunçu”nun köməyindən maksimum yararlanmalı, bacardıqca nəticələrimizi yaxşılaşdırmalıyıq. Gəncə kimi şəhərin komandası turnir cədvəlinin sonunda qərarlaşa bilməz.
RƏŞAD
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 12:30 “Qüvvələr nisbəti bərabər deyildi” Bu gün, 12:28 Basketbol Federasiyası bəyanat yaydı Bu gün, 12:26 Qadzenin transferi yaya qaldı Bu gün, 12:24 Mütəxəssislər Roberto Bordinin qərarına hörmət edir Bu gün, 12:22 Futbolçuları Bordinin həmyerlisi müayinə etdi Bu gün, 12:21 PFL klublarımızın oyunlarını canlı yayınlamaq istəyir Bu gün, 12:19 Tanış serblər Obradoviçi təriflədilər Bu gün, 12:17 Elbrus Məmmədov “Sumqayıt”dan ayrılmayacaq Bu gün, 12:15 "Qarabağ" qələbənin bəhrəsini gördü Bu gün, 12:11 “Qarabağ”ın oyunu sabah 18.00-da başlayacaq Bu gün, 12:07 “İnter”də ayrıldılar, “Sabah”da qovuşdular Bu gün, 11:06 Futzalın kubok mənzərəsi Bu gün, 11:04 “Ağsu” Şamaxıda meydana çıxacaq Bu gün, 11:03 Şeydayevlə Səmədov BƏƏ-yə yollandı Bu gün, 11:02 Klub rəhbərliyi Nasimovu əliboş yola salıb Bu gün, 11:00 “Qardaşlar” Region Liqasına hazırlaşır Bu gün, 10:58 Liderlər üçün “qara həftə” Bu gün, 10:57 Oxucu məktubu Bu gün, 10:55 "Zirə"nin bütün rəqibləri açıqlandı Bu gün, 10:53 Elvin Bədəlov “Sumqayıt”da baxışdadı Bu gün, 10:52 “Qəbələ” Adeniyisiz hazırlaşır Bu gün, 10:51 Karikari BƏƏ-yə yollandı Bu gün, 10:49 Əfqan Həmzəyev Beynəlxalq Tələbə Futbol İttifaqının baş katibi seçildi Bu gün, 10:46 “Kəpəz” Tovuzda uduzdu Bu gün, 10:45 Pedronun iki variantı var Dünən, 14:51 Tahir Süleymanov “Neftçi”nin tədbirinə dodaq büzdü Dünən, 14:49 Qış "transfer pəncərəsi" rəsmən açıldı Dünən, 14:46 Eddidən növbəti 90 dəqiqəlik oyun Dünən, 14:45 Almeyda Koreyadan gələn təklifi rədd edib Dünən, 14:42 Riçardın “Astana” karyerasına baxış... Dünən, 14:39 Oyun təxirə salındı, Almeyda Qurbanova qalib gəldi Dünən, 14:30 “Zirə” Antalyaya 8-ci səfərini gerçəkləşdirdi Dünən, 14:28 “Hücumçudan necə oynadığını yox, neçə qol vurduğunu soruşurlar” Dünən, 14:20 Komitə üzvləri Obradoviçi təriflədilər Dünən, 14:17 1/16 finalçılar müəyyənləşdi Dünən, 14:14 “Turan Tovuz” yoxlama görüşləri üçün Gürcüstana gedə bilər Dünən, 14:08 Elbrus Məmmədov Obradoviçin köməkçisi olacaq Dünən, 14:06 Coşqun Diniyev “Sabah”la anlaşdı Dünən, 14:02 Həftənin idman proqramı Dünən, 13:59 Klublar çempionatı boykot etdi Dünən, 13:57 “Keşlə” Antalyaya yollandı, Kərimi əməliyyat olundu Dünən, 13:55 Dario gəldi, “Neftçi” getdi Dünən, 13:54 “Araz”ın sabiq qapıçısı Alfa Liqada iki dəfə çox qazanır Dünən, 13:50 “Sabah” qələbəylə başladı Dünən, 13:49 “Qəbələ” qələbə ilə getdi Dünən, 13:46 Delarj gələcəyini “Qarabağ”da görür 13-01-2019, 18:41 “Şüvəlan” Tural Qürbətovla güclənib 13-01-2019, 18:38 Ayxan Abbasov baxışda olanları bəyənməyib 13-01-2019, 18:36 “Sumqayıt” ikinci yarıda coşdu 13-01-2019, 18:33 Vüqar Həşimov yad olundu 13-01-2019, 18:32 Dino 19 qol vursa da... 13-01-2019, 18:30 Kubok sürprizlərlə başladı 13-01-2019, 18:25 “Astana” Almeydanı icarəyə verir 13-01-2019, 18:24 Azər Məmmədov “Qarabağ”ın əvəzedicilərinin baş məşqçisi oldu 13-01-2019, 18:22 Hakimlərin Mingəçevir toplanışı başladı 13-01-2019, 18:14 Obradoviçin U-21-ə təyinatı rəsmiləşdi 13-01-2019, 18:11 Roberto Bordin hücumçu və yarımmüdafiəçi axtarır Bütün xəbərlər
Ən çox oxunanlar