01 okt 13:56liqa

“Neftçi”lilər “İnter”lə oyuna sonuncu şans kimi baxır

“Neftçi”lilər “İnter”lə oyuna sonuncu şans kimi baxır
Namiq Ələsgərov: “Qələbə daha çox bizə lazımdı”
“Neftçi” yaman gündədi. 6 turdan sonra hesabına cəmi 1 xal yazan ölkənin ən köklü klubu hazırda “Kəpəz”lə birgə turnir cədvəlinin zirzəmisində qərarlaşıb. Bilirsiz, maraqlısı nədi? Bakılıların 6 oyunda 3 məşqçinin xidmətindən yararlanması. Elxan Abdullayevlə yollar ayrılandan sonra boş qalmış post müvəqqəti Elşad Əhmədova tapşırıldı. O da bu işin öhdəsindən gəlməyincə, Tərlan Əhmədovun təyinatı rəsmiləşdi. Lakin Tərlan bəy də hələ ki əlacsızdı. “Zirə” və “Qəbələ”yə məğlubiyyətlərdən sonra “ağ-qaralar” “İnter”lə matça hazırlaşır. Məhz bu oyun paytaxt təmsilçisi üçün dönüş nöqtəsi olmalıdı. Hər halda, son görüşlərdə futbolçuların inamlı təsir bağışlaması və komandanın hücum futbolu oynaması belə düşünməyə əsas verir. Belə vəziyyətdə “Neftçi”nin aparıcı futbolçularından biri ilə danışmaq zərurəti yarandığından, Namiq Ələsgərovla əlaqə saxladıq.
- Ardıcıl məğlubiyyətlərdən sonra düşərgədə ab-havanın qaydasında olması ağlabatan deyil.
- Əlbəttə, müəyyən narahatlıq var. Qələbə qazanmaq üçün çox çalışsaq da, nəsə alınmır. Özünüz də görürsüz ki, meydanda can qoyuruq, azarkeşləri sevindirmək üçün əlimizdən gələni edirik. Alınmır ki alınmır.
- Növbəti oyun “İnter”ə qarşıdı. Doğma meydanda çıxış edəcəksiz, üstəlik, rəqib bir neçə aparıcı oyunçunun xidmətindən məhrumdu. Bundan yaxşı şans?
- Artıq qələbə qazanmağın vaxtıdı. Dediyiniz kimi, bundan yaxşı şans ola bilməz. Özüm də hiss edirəm ki, oyundan-oyuna “artırırıq”. Yığmanın oyunları ilə bağlı çempionatda fasilə yaranacaq. Fasiləyə xoş əhval-ruhiyyədə yollanmalıyıq.
- İndiyə kimi edə bilmədiyinizi bu dəfə bacaracağınızı deyirsən. Nəyə arxayınsan?
- Qələbəni rəqibdən daha çox istəmək köməyimizə çata bilər. Düzdü, onlar da 3 xal üçün döyüşəcək. Amma bu qələbə daha çox bizə lazımdı. Belə deyim, oyuna sonuncu şans kimi baxırıq.
- Tərlan Əhmədov gələndən sonra “Neftçi”də nə dəyişib? Daha doğrusu, baş məşqçi nələri dəyişib?
- Hamı görür ki, oyun planında müəyyən dəyişikliklər var. Hücumameyilli futbol oynayırıq, rəqibləri təzyiq altında saxlayırıq. Qol vururuq, imkanlarımız olur. Çatışmayan qələbədi. Ən başlıca problem budu. Oyuna yaxşı başlayırıq, sonra gözlənilmədən qapımızda qol görürük. Qol buraxmamaq üçün əlimizdən gələni etməliyik.
- “Kəpəz”lə birgə turnir cədvəlinin sonuncu pillələrində qərarlaşmısız. Yaradılan şəraitin qarşılığında “Neftçi”nin heyətindəki futbolçuların yeri oradı?
- Xeyr, qətiyyən. Heyət baxımından ola bilsin, “Qarabağ”la “Qəbələ”dən geri qalırıq. Amma qalan komandaların heç birindən zəif deyilik. Fikir verirsizsə, son oyunlarda heç bir rəqib bizi aşkar üstün olduğuna görə udmayıb. Hər biri ilə başabaş futbol oynamışıq. Legionerlərimiz var, dörd-beş futbolçumuz əsas yığmaya dəvət alır. Əlbəttə, “Neftçi”nin yeri ora olmamalıdı.
- Bəs niyə ordasız?
- Komandada inamsızlıq var. Bir qələbə qazansaq, sizi inandırım, davamı gələcək. Sadəcə, təkan lazımdı. Hazırkı durum bizə də xoş deyil. Hamıdan çox özümüz narahatlıq keçiririk.
- Sanki daxildə bizə məlum olmayan hansısa problemlər var.
- Belə şey olsa, mətbuat çoxdan xəbər tutardı. Məşq edirik, hazırlaşırıq, hamı bir-birinə qardaşdı. Nə problem olacaq ki?! Sadəcə, qələbə qazana bilmirik deyə, əsəb gərginliyi olur. Bu da istər-istəməz növbəti matçda özünü göstərir, özünəinam azalır. Ona görə də geri boylanmaq lazım deyil. Növbəti qarşılaşmaya hər şey sıfırdan başlamış kimi baxmalıyıq.
- Bəlkə pulla bağlı sıxıntı var?
- Yox e, nə danışırsız? Rəhbərlik sağ olsun, bu məsələdə problem yaranmasına imkan vermirlər. Vaxtında maaşımızı alırıq. Problem oyunla bağlıdı, başqa heç nə ilə.
- Stimullaşdırmaq üçün mükafat söz verilir?
- Qələbə qazanmalıyıq ki, mükafatdan söz düşsün. Adətən, hansısa qələbədən sonra rəhbərlik filan qədər mükafat verəcəyini açıqlayır. Uğurlu olsaq, o cəhətdən də çətinlik olmayacaq.
- Yanvarda “Neftçi”yə keçdin və ilk vaxtlarda yetərincə xoş təsir bağışlayırdın. Sonradan sanki kölgəyə çəkildin. Son oyunlarda nisbətən əvvəlki Namiqi xatırlatmağa başlamısan. Nə baş verir?
- Sizi deyə bilmərəm, amma mən bu gün də özümdən razı deyiləm. Müəyyən əskiklərim var. Xüsusi səbəbi yoxdu. Hər şey qaydasındadı. Sadəcə, komanda “qara zolağa düşəndə” mənim də oyunum alınmır. Məğlubiyyətlər davam etdikcə təkcə mənə yox, hər birimizə psixoloji təsir edir. Bu da oyunda özünü göstərir. Tələskənlik, əsəb gərginliyi, inamsızlıq və s.
- “Neftçi”nin bu gününə baxanda “kaş “Qarabağ”da qalardım” fikri keçir ağlından? Hər halda, çempion olardın, Çempionlar Liqasının qrup mərhələsində oynamaq şansı qazanardın.
- Mən bu günlə yaşayan adamam. Keçmişdə olanları xatırlamaqla heç nə dəyişməyəcək. Qərarı vermişəmsə, peşmanlıq çəkməməliyəm. “Neftçi”də əsas heyət üzvü sayılıram, mənə daha çox ümid bəslənilir. Amma “Qarabağ”da qalsaydım, oynayıb-oynamayacağım şübhə altına düşəcəkdi. Açıq desəm, bu dəqiqə mənim üçün ən vacibi daim meydanda olmaq, futbolumu oynayıb, “artırmaqdı”. “Neftçi”ni seçdiyimə görə peşman deyiləm.
- “Neftçi” məğlubiyyətləri sıralayır. Qarşıdan isə yığmanın Çexiya və Almaniya ilə oyunları gəlir. Düşünmürsən ki, komandanın nəticələri Robert Prosineçkinin futbolçu seçiminə təsir göstərə bilər?
- Baş məşqçinin adından danışa bilmərəm. Hər halda, özü hər şeyi görür, qərar verir. Mənim işim meydanda can qoymaq, komandama faydalı olmaqdı. Nə dərəcədə alınır, bunu kənardan baxanlar bilər. Prosineçki indiyə qədər mənə güvənib, buna görə ona “sağ ol” deyirəm. Bundan sonra cağırmasa, yenə “sağ ol” deyəcəm.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 20:32 Finalın meydanda görünməyən tərəfləri Bu gün, 20:21 Naxçıvanda üç gün Bu gün, 20:19 Premyer-liqanın ən yaxşısı Dani Kintanadı! Bu gün, 20:16 “Zirə”nin kapitanlarına qapını göstərirlər Bu gün, 20:13 AFFA “Xəzər Cənub”a cəza yağdırdı Bu gün, 20:11 "Ekol" “Neftçi”ni asanlıqla üstələdi Bu gün, 20:03 Xətai Bağırov Taylandda oteldə qalır Bu gün, 19:24 Davud Kərimi 13 futbolçunun göndərilməsini normal sayır Bu gün, 19:19 Renat Dadaşov Portuqaliyada medal qazandı Bu gün, 19:17 Azərbaycan səfirindən sərt sual Bu gün, 19:15 Gürcü Azərbaycanı bəyənmir... Bu gün, 19:13 “Qarabağ”ın 16 mümkün rəqibindən 13-ü bəllidi Bu gün, 19:11 Rəhimin “Sabah”, Əliyarın “Qarabağ” “sevgisi” Bu gün, 19:04 Bakıda əfsanələrin paradı 21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” 21-05-2019, 14:23 Şengen vizasının yoxluğu Kamal Bayramovu yığmadan edib 21-05-2019, 14:21 Emil qayıtdı, “Tobol” darmadağınla qazandı 21-05-2019, 14:18 “Bu ailənin bir üzvü olduğum üçün qürur hissi keçirirəm” 21-05-2019, 14:10 UEFA bilet qiymətlərini açıqladı 21-05-2019, 14:03 Delarj da getdi... 21-05-2019, 14:02 “Azneft” dairəsində “yanan top” quraşdırılıb 21-05-2019, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı Bütün xəbərlər
Ən çox oxunanlar