04 sen 21:58liqa

Nizami Hacıyev Norveç və San Marino ilə oyunlardan 6 xal gözləyir

Nizami Hacıyev Norveç və San Marino ilə oyunlardan 6 xal gözləyir
“İnter” rəhbərliyi maaş və mükafatı hələ də verməyib
Ötən mövsüm bütün çətinliklərə baxmayaraq, premyer-liqada 3-cü yeri tutan və ölkəmizi Avroliqada təmsil edən “İnter” çox uzağa gedə bilmədi. İlk mərhələdən mübarizəyə qoşulan paytaxt təmsilçisi Serbiya “Mladost”una rəqib oldu. Sabiq “bankirlər” səfərdə rəqibini 3:0, evdə isə 1:0 məğlub edərək, növbəti mərhələyə vəsiqə qazandı. Burda təmsilçimizin rəqibi Lüksemburq “Fola”sı oldu. Evdə “İnter” 1:0 hesabıyla qalib gəlsə də, səfərdə gözlənilməz hesab qeydə alındı – 1:4. Bununla da komanda avrokuboklarla vidalaşdı.
Klubda maliyyə problemlərinin olduğu hamıya bəllidi. Yay fasiləsində isə “İnter” ətrafında başqa müzakirələr də getdi. Onlardan ən birincisi klubun “İnter Arena”dan çıxarılması ilə bağlı idi. Belə ki, Azərbaycan Beynəlxalq Bankının (ABB) qışda “İnter”i maliyyələşdirməkdən imtina etməsi ilə “İnter Arena” “Aqrarkredit”in balansına keçdi. “İnter”in ABB-yə 30 milyon manatdan çox borcu olduğuna görə “Aqrarkredit” klubu stadiondan çıxarmaq niyyətindəydi. Lakin AFFA himayəsində olan klub üçün son ana qədər “Aqrarkredit”lə danışıqlar apardı və müsbət nəticə əldə etdi.
Daha sonra isə klubun adının dəyişdirilməsi gündəmə gəldi. Rəhbərlik qərara gəldi ki, “İnter” bundan sonra “Keşlə” adlanacaq. Bu yöndə hazırda sənədləşmə işləri davam edir. Yaxın zamanda “Keşlə” adı ilə çıxış edəcək komanda çempionata da yaxşı başlamadı. “İnter” ilk iki turda “Qəbələ” (1:2) və “Qarabağ”a (0:1) məğlub oldu, üçüncü oyunda isə debütant “Səbail”i 1:0 hesabı ilə məğlub etdi. Klubdakı ümumi durum, uğursuz start, maaş problemi və başqa məsələlər ilə bağlı ətraflı məlumat almaq üçün kapitan Nizami Hacıyevlə danışmağı lazım bildik.
- İlk üç turda “İnter” çempionatın ən iddialı iki komandasına – “Qəbələ” ilə “Qarabağ”a uduzdu və debütant “Səbail”i çətinliklə məğlub etdi. İstərdik mövsümün startını dəyərləndirəsən.
- İlk turda rəqibimiz çətin idi. “Qəbələ”yə gərgin mübarizədə 1:2 uduzduq. Çox ağır oyun keçdi. Lakin uduzulası qarşılaşma deyildi. Özüm tribunadan matçı izləyirdim. Xeyli qol imkanımız oldu. Sadəcə, uşaqlar yararlana bilmədilər. İndi bu haqda danışmaq artıq gecdi. Sonra da “Qarabağ”la səfər oyununa çıxdıq. Hesabın açılmayacağını gözlədiyimiz anda, son dəqiqələrdə qol buraxıb uduzduq. 3-cü turda isə “Səbail”ə qalib gəldik. İlk 3 turdan sonra vəziyyətimiz o qədər də yaxşı deyil. Hazırda 4-cü yerdəyik. Onu deyim ki, 3-cü turdakı qələbə uşaqlara müəyyən qədər ruh yüksəkliyi verdi. Artıq uşaqlarda qələbə qazanmaq hissi var. Ruhdan düşmək olmaz. Hələ qarşıda uzun marafon var. Növbəti turlarda yaxşı oyun göstərib, adımıza layiq çıxış etməliyik.
- Yəqin razılaşarsan ki, 8 komandalı çempionat olsa da, rəqabət güclüdü, heç kim uduzmaq istəmir.
- Bəli, düz deyirsiz. İndi kimisə udmaq asan iş deyil. Ötən mövsümlərə baxanda komandalar xeyli güclənib. O vaxtlar elə rəqiblər var idi ki, bir qol vurub, rahat üç xalını qazanırdın. Müqavimətə rast gəlmirdik. İndi isə hər şey fərqlidi. Elə “Səbail”lə oyuna nəzər salsaq, bunu görmək olar. Çox çətin matç oldu. 3 xal üçün əməlli-başlı vuruşduq. Uşaqlar da dedilər ki, çətin oldu. “Səbail” belə müqavimət göstərirsə, görün o biri rəqiblər necə oynayacaq. 8 komanda olduğuna görə hamı xal qazanmaq, yer tutmaq istəyir. Hamı nəyisə sübut etməyə can atır. Əfsuslar olsun ki, 8 komanda çempionat üçün azdı. Amma rəhbərlik belə məsləhət görübsə, biz nə edə bilərik? Bizim işimiz futbol oynamaqdı, siyasətə girişmirik (gülür).
- Rəqiblərdən də əlavə, “İnter”ə xüsusi çətinlik yaradan əsas səbəb transfer qadağasına görə oyunçu ala bilməmək oldu.
- Təəssüf ki, belədi. Bu durum komandaya psixoloji cəhətdən də mənfi təsir göstərdi. Hazırda “İnter”in ehtiyat oyunçular skamyası, demək olar ki, yoxdu. Məşqçilər korpusu iş görməkdə çox çətinlik çəkir. Baş məşqçi oyunu gücləndirməyə oyunçu tapmır. Bu çətinliyə bir neçə ay dözməliyik. Qışda transfer qadağası aradan qalxacaq. Klub rəhbərliyi artıq indidən bu işlə məşğuldu. Komandaya yaxşı futbolçular cəlb olunacaq. İndi “İnter” yaşamaq uğrunda mübarizə aparırsa, qışdan sonra hər şey fərqli olacaq. Çempionatın ilk yarısında əlimizdən gələn hər şeyi edək, sonra düzələcək. Bütün ölkə “İnter”in gücünü görəcək.
- Necə düşünürsən, qışa kimi sizi qane edən pillədə qala biləcəksiz?
- Bir az qəliz məsələdi. Amma nə edək, qardaş? Başqa əlacımız yoxdu. Futbolçuları ayrı-ayrılıqda bir şəxsiyyət kimi nəzərdən keçirəndə görürəm ki, biz bunu bacaracağıq. Uşaqlar güclərini ortaya qoymağa hazırdılar.
- Klubun maliyyə durumunun ağır olduğu məlumdu. Futbolçular bir neçə ayın maaşı və Avroliqaya görə verilməli olan mükafatı almamışdı. Bu yöndə bir yenilik varmı?
- Xeyr, heç bir yenilik yoxdu. Mükafat və maaşı almamışıq. Amma rəhbərlik bizə hər şeyin yaxşı olacağına söz verib. Rəhbərliyin bu işin öhdəsindən gələcəyinə inanıram. Bizim işimiz futbol oynamaqdı. Maliyyə məsələləri ilə onlar məşğul olacaqlar.
- Neçə ayın maaşı qalıb?
- (fikrə gedir) Neçə ay, neçə ay… Səhv etmirəmsə, iyun, iyul və avqust ayının maaşı ödənilməyib. Tam dəqiq deyə bilmərəm.
- Yaxın zamanlarda “İnter”in adı dəyişdiriləcək və “Keşlə” olacaq. Bir kapitan kimi buna münasibətin necədi? Hər halda, “İnter” beynəlxalq arenada tanınmış addı və bu adla klub ölkədaxili yarışlarda uğurlar qazanıb.
- Hər şey məndən asılı olsaydı, klubun adını dəyişməzdim. “İnter” bütün dünyada məşhur addı. Amma elə şeylər var ki, bizim onlardan xəbərimiz yoxdu. Rəhbərlik bilir, dövlət səviyyəsində həll olunan problemdi. Bunun dərinliyini anlaya bilmirəm. Nəyə görə dəyişilir? Suala tam cavab tapa bilməmişəm. Seçim məndə olsaydı, “İnter” adını saxlayardım. 8 ildi bu klubun şərəfini qoruyuram. Bu ad mənim üçün çox doğmadı.
- Son illərdə “İnter”in üzləşdiyi maliyyə böhranından hər kəsin xəbəri var. Amma bir sıra futbolçular kluba sadiqlik nümayiş etdirdi. Onlardan biri də sənsən. Bu yay isə “İnter”i Səlahət Ağayevlə Rauf Əliyev kimi əsas fiqurlar tərk etdi. Daha doğrusu, rəhbərlik onları saxlaya bilmədi. Kapitan kimi bu məsələyə münasibətini öyrənmək istərdim.
- Bilirsiz, futbol elə bir şeydi ki, burda daimilik yoxdu. İdmançı ömrü o qədər uzun deyil. İdman həyatı çox qısadı. Hər bir futbolçunun dözümlülük müddəti var. Elələri var bir il dözür, elələri də var 5 il. Hər şeyə real baxmaq lazımdı. Futbolçuların bəzi problemləri var. Düzdü, problem hamıda var. Amma insanlar problemləri fərqli qəbul edirlər. Şəxsən mən hər şeyə dözüb, burda qalmağı seçdim. Seçimimdə də yanılmadığımı düşünürəm. Gedənlərə də ancaq uğurlar arzulaya bilərəm. Onların hamısı yaxın dostlarımızdı. Ailəlikcə də yaxınıq, idmançı kimi də. Rauf Avropaya gedib. Ona ancaq dəstək olmalıyıq. Bir dost və sabiq komanda yoldaşı kimi ona tam dəstək verirəm. Qoy getdiyi yerdə parlasın. O, bizim fəxrimizdi. Sevinməliyik ki, oyunçumuz bu gün hər şeyi atıb, legioner həyatı yaşamaq üçün gedib. Bütün cavan oyunçular legioner həyatı yaşamağa can atmalıdı. Getsinlər, özlərini göstərsinlər, 25-26 yaşında yetişmiş oyunçu olsunlar. Səlahəti də çox yaxşı başa düşürəm. Onun da ailəsi, uşağı var. Özü də yaxşı kluba gedib. Onun səhv və ya düz seçim etdiyini deyə bilmərəm. İstənilən halda, onun fikrinə hörmət etmək lazımdı. Heç kim onu qınaya bilməz. Bu gün mən də getsəydim, heç kim qınaya bilməzdi. Çünki neçə ildi “İnter”in həyatda qalması uğrunda mübarizədə iştirak edirəm.
- İndi gələk milli məsələsinə. Yenə yığmadan kənarda qaldın.
- Bu sual çox verilib. Cavab verməkdə çətinlik çəkirəm. Düşünürəm ki, indi millidən kənarda qalmağımın səbəbi yaxşı formada olmamağımdı. Bunu yəqin siz də bilirsiz. İndiki halda yığmaya xeyir verməyə hazır deyiləm.
- Yaxşı formada olduğun vaxtlarda da Robert Prosineçki səni çağırmırdı. Bəlkə səninlə hansısa şəxsi ədavəti var?
- Buna qətiyyən inanmıram. Daha doğrusu, inanmaq istəmirəm. Prosineçki “Real”, “Barselona” kimi komandalarda oynayıb. Çox böyük futbolçu olub. Onun bu gün mənimlə ədavət aparması nə dərəcədə doğru olar? Belə bir şey varsa, ona yaraşdırmıram.
- Qarşıdan Norveç və San Marinoya qarşı oyunlar gəlir. Səncə, maksimum hədəf nə olmalıdı?
- Təbii ki, 6 xal. Mütləq maksimum xal yığmalıyıq. Bu gün biz cəh-cəhlə inkişafdan danışırıqsa, özümüzə əl qatmışıqsa, bu iki oyunda rəqibləri məğlub etmək lazımdı. Başqa variant yoxdu.
- Uşaqların bunu bacaracağına inanırsan?
- Əlbəttə. Şəxsən mən buna tam əminəm. Çox yaxşı komandamız var. Bu komandanın 6 xal toplamağa tam gücü çatacaq.
ŞƏFİ ŞƏFİYEV
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:27 Karantin Ruslanın “başına oyun açıb” Bu gün, 12:11 AİJF Baş nazirə müraciət etdi Bu gün, 12:06 “9 aydan sonra doğuş sayında inanılmaz artım yaşansa, təəccüblənmərəm” Dünən, 21:12 Teymur Rəcəbov 100 min dollar ziyana düşüb Dünən, 21:09 Fərid Qayıbov payızı nişan verdi Dünən, 20:59 Yaşar Vahabzadəni bu gün hamıdan tez nəvəsi təbrik edib Dünən, 16:03 Mourinyo və oyunçular parkda məşq etdi Dünən, 15:59 Terim koronavirusdan qurtuldu! 7-04-2020, 22:15 Belarus çempionatında futbolçular nə qədər qazanır? 7-04-2020, 21:54 Koronavirus Qvardiolanın anasını öldürdü 7-04-2020, 21:50 Rusiya və Qətər mundialı pulla alıb? 7-04-2020, 21:40 “Düzdü, stadiondakı effekti vermir, ancaq özümü yora bilirəm” 7-04-2020, 21:28 “Qarabağ” boş dayanmır 7-04-2020, 21:19 “Doğulduğum Təbrizdə də vəziyyət ürəkaçan deyil” 7-04-2020, 21:07 Kimdi günahkar? 7-04-2020, 20:51 Evdə qal, yemək bişir! 7-04-2020, 15:17 Arif Rəhimov dəqiqliyin tərəfdarıdı 7-04-2020, 15:11 Klublarda qeyri-müəyyənlik davam edir 7-04-2020, 15:07 Azarkeş qrupları imkansızları sevindirməkdə davam edir 7-04-2020, 15:02 “Zaqatala”dan örnək addım 6-04-2020, 17:24 AGİN yığmalar üçün toplanış təşkil etməyi düşünür 6-04-2020, 17:14 Obradoviçlə Velebit gedib, Lippert Bakıdadı 6-04-2020, 16:53 FİFA yaş limitini artırmağı zəruri sayır 6-04-2020, 16:43 UEFA: milli çempionatlar sona çatdırılmalıdı! 6-04-2020, 16:40 “Barselona”ya qayıdıb yeni səhifə açmaq istəyirəm” 6-04-2020, 16:30 Karius FIFA-ya şikayət etdi 6-04-2020, 16:25 “Heç kim hadisələrin necə inkişaf edəcəyini bilmir” 6-04-2020, 16:20 Tramp da videokonfrans keçirdi 6-04-2020, 16:13 Xabib – Toni dueli 5-ci cəhddə də baş tutmadı 6-04-2020, 16:09 Türkiyəyə futbol nə vaxt “qayıdacaq”? 6-04-2020, 14:49 "Qəbələ" tarixindəki 78 penaltidən 61-ni qola çevirib 6-04-2020, 14:46 "Qəbələ": 546 oyun, 41 kapitan 5-04-2020, 11:22 Fonda daha hansı klub pul köçürəcək? 5-04-2020, 11:01 Koronavirusun öyrətdiyi ...onlayn məşqlər 3-04-2020, 21:40 “Ağsu Siti” də kampaniyaya qoşuldu 3-04-2020, 21:36 Bir daha Çingiz İsmayılova ayrılan yardım haqda 3-04-2020, 21:30 Riad Rəfiyev “asan yol” arzulamır 3-04-2020, 21:21 “Sumqayıt” 40 həmvətənimizi himayəyə götürdü 3-04-2020, 20:55 Avanürist ideya: yarımfinal bir oyundan ibarət olsun! 3-04-2020, 20:35 “Old Wolf”u üç futbolçu təbrik edib 3-04-2020, 20:32 Elvin Bakıdadı, Fərid Çexiyada məşq edir 1-04-2020, 19:25 Altay Əliyev və övladları Prezidentin çağırışına qoşuldu 1-04-2020, 19:09 "Sabah"dan sabahımız üçün jest 30-03-2020, 13:43 "Neftçi" ikinci doğma evim, Azərbaycan ikinci vətənimdi" 30-03-2020, 13:28 “Keşlə” maaşları tam ödəyəcək 30-03-2020, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb Bütün xəbərlər
Ən çox oxunanlar