31 avq 22:44liqa

Mütəxəssislər “Neftçi”ni “quyudan çıxarmaq” planlarını açıqladı

Mütəxəssislər “Neftçi”ni “quyudan çıxarmaq” planlarını açıqladı
Mircavadov: “Bu komandanı adi “resept”lə ayağa qaldırmaq olar”
“Neftçi”nin başı yenə dərddədi. İş burasındadı ki, komanda başsız qalıb. Elxan Abdullayevin istefasından sonra yeni çalışdırıcı axtarışına çıxan klub rəhbərliyi hələ ki istəyinə çata bilməyib. Odu ki, “ağ-qaralar”a əvəzedicilərin baş məşqçisi Elşad Əhmədov nəzarət edir, tapşırıqlarını verir. Mütləq və mütləq yeni baş məşqçi tapılmalıdı. Məqsəd mövsümü ilk “4-lük”də başa vurmaqdısa, təcrübəli, soyuqqanlı, futbolçuları psixoloji sarsıntıdan qurtara biləcək birinə ehtiyac var. Şəxsi münasibətdən doğan qardaşlıq prinsiplərinə görə yox, sırf gördüyü işə, bacarığına, xarakterinə görə “Neftçi”yə layiq olan mütəxəssis gətirilməlidi. Bəzi qüvvələr əcnəbi variantına üstünlük verməyə çalışsalar da, mümkün şərtlər bu addımın atılmasının qarşısını alır. Heç bir əcnəbi mövsümün ortasında gəlib komandanı çətin vəziyyətdən çıxara bilməz. Elxan Abdullayev kimi o da fasiləni gözləyəcək ki, istədiyi futbolçuların transferləri həyata keçsin. Ab-havaya uyğunlaşınca, çempionatın ritmini tutunca, bir də baxacaq ki, mübarizə sona yaxınlaşıb, ortada heç nə yoxdu. Cavabı da qısa olacaq: “mövsümün ortasında gəlmişdim”. Ona görə də legioner məşqçi variantının üstündən xətt çəkilməlidi. Bu gün “Neftçi”ni düşdüyü quyudan ancaq və ancaq yerli məşqçi, Azərbaycan futbolunu ovcunun içi kimi bilən, çatışmazlıqları kənardan görən və ən vacibi, vaxtilə “Neftçi”nin içində olmuş biri çıxara bilər. Belələri isə var və yetərincədi. Sadəcə, hər detala fikir verərək uğurlu seçim etmək lazımdı. Onlardan bir neçəsinin namizədliyi irəli sürülüb ki, rəhbərlik bu məsələ ətrafında “baş sındırır”. Son 10 gündə adları mətbuatda hallanan mütəxəssislərlə əlaqə saxlayıb, onlara bir sualla müracit etdik: “Neftçi”də işləməyi təklif etsələr, komandanı bu durumdan çıxarmaq üçün hansı planınız var”?
Aqil Məmmədov: “Bu durumda ən vacib məsələ rəhbərliyin hansısa birimizə ehtiyac duyması və güvənməsidi. Öz adımdan onu deyə bilərəm ki, “Neftçi”nin adı mənə çox doğmadı. Futbolçu karyeramın “Neftçi”yə aid dövrü həyatımda unudulmaz izlər buraxıb. Çempion olmuşuq, kuboklar qazanmışıq. Belə deyim, futbolçu Aqil Məmmədov kimi tanınmağımda bu klubun böyük xidmətləri olub. “Neftçi”də oynamaq hər bir futbolçu kimi, mənim də arzum olub. Bu gün də məşqçi kimi orda çalışsam, bununla yalnız qürur duya bilərəm. Və çalışaram ki, bütün gücümü, bacarığımı səfərbər edib komandanı bu vəziyyətdən çıxarım. “Neftçi”ni çətin durumdan bu adın nə məna verdiyini, orda çalışmağın nə demək olduğunu bilən çıxara bilər. Hədəflərdən danışanda kimsə məqsəd kimi “3-lüy”ü, ya da “4-lüy”ü işarə verəndə mənə pis təsir edir. Müstəqillik tarixində bu komandanın qarşısına qoyulan məqsəd hər zaman çempionluq olub. Hətta hədəfə çatmasalar da, futbolçular meydana qalib gəlmək, çempion olmaq arzusu ilə çıxıb. Bu gün uğursuzluğun ən başlıca səbəbi budu. Milli üzvlərinə, legionerlərə “çempion ola bilməzsiz, heç olmasa, 4-cü yeri tutun” fikri aşılanır. Belə olmaz! Məqsəd 3-cü yeri tutmaqdısa, hədəf çempionluq olmalıdı. Amma kimsə üçüncülükdən, dördüncülükdən danışanda, təbii ki, futbolçu mənəvi sarsıntı keçirəcək, ruhdan düşəcək. Ona görə əsas çətinliyin psixoloji durumda olduğunu düşünürəm. “Neftçi”nin durumuna baxıram, ürəyim ağrıyır. Yeni baş məşqçi gələn adam bütün dərd-sərini, pis niyyətini kənara qoyub, sırf komandanın bu vəziyyətdən çıxarmaq haqda düşünməlidi. Necə ki, evdə uşağa nəsə olanda valideynin gözünə yuxu getmir, övlad sağalana kimi bir yerdə oturmur. “Neftçi” də bizim evimizdə, ailəmizdə, yeri gələndə balamızdı. Canımızı yandırmalıyıq, çıxış yolu tapmaq üçün gecə-gündüz yatmamalıyıq. Psixoloji durum mütləq düzəldilməlidi. Bundan başqa, elə futbolçular var ki, səviyyələri “Neftçi”nin adıyla uzlaşmır. Bu komandada meydanda canını qoyan, hər məğlubiyyətdən sonra göz yaşı axıdan futbolçular oynamalıdı. Bunun üçün isə onlar “Neftçi”nin hansı məna daşıdığını dərk etməlidi, baş məşqçinin necə can yandırdığını görməlidi. Komandanın bu gün 3 oyundan sonra 1 xal toplamasına baxmayaraq, mövsümü ilk “3-lük”də başa vurmaq olar. Əsas odu, yeni baş məşqçi yuxarıda sadaladığım keyfiyyətləri daşısın, işinə dediyim kimi yanaşsın”.
Ağasəlim Mircavadov: “Təklif olmadan nədənsə danışmaq, nəyisə müzakirə etmək mənasızdı. Ona görə də belə mövzular haqda ağızdolusu danışmağı xoşlamıram. Sağlıq olsun, təklif olar, oturub söhbət edərik, özümüzü işimizlə göstərərik, sözdə yox. Şükür Allaha, saçımızı futbolda ağartmışıq, bildiyimiz nələrsə var. Hər cür çətinliklərlə qarşılaşmışıq, problemləri görə-görə gəlmişik. Bu il “Neftçi”nin iki oyununa baxmışam. Səviyyəli milli üzvləri var, gənclər də maşallah, özlərini göstərmək üçün dəridən-qabıqdan çıxırlar. Ola bilsin, komandanın hazırlığı istənilən durumda deyil. Bu komandanı adi “resept”lə ayağa qaldırmaq olar. İlk növbədə ailə mühiti yaratmaq lazımdı. Ondan sonra taktikaya, “fizika”ya diqqət yetirmək lazımdı. Cəmi 3 tur geridə qalıb, mübarizə irəlidədi. 3-5 oyuna komandanı istənilən vəziyyətə gətirmək olar. 100 olmasa da, 70-80 faiz nəyisə düzəltmək olar. Transferlərə, yeni futbolçulara ehtiyac yoxdu. Elə bu heyətlə də davam etmək mümkündü. Ömrümün neçə ilini “Neftçi”yə həsr etmişəm. Yəqin ki, bildiyim nələrsə var. 2005-ci ildə “Neftçi”yə gələndə məndən əvvəlki məşqçinin qurduğu heyətdə dəyişiklik etmədən mövsümü 2-ci pillədə başa vurduq. Onda da vəziyyət yaxşı deyildi, müəyyən çətinliklər vardı. Sadəcə, işin dilini bilmək lazımdı. “Neftçi”yə baş məşqçi kim gələcəksə, Allah işini avand eləsin. Təki komanda bu vəziyyətdən çıxsın. Həqiqətən də adama pis təsir edir”.
Yaşar Vahabzadə: “Bu dəqiqə məni U-21 maraqlandırır. 6 gün ərzində iki oyun keçirməliyik. Bütün diqqətimi yığmanın çıxışına ayırmışam. Ona görə də “Neftçi” barədə fikirləşmirəm, heç fikirləşməmişəm də. Məqsəd U-21-lə sərfəli nəticə qazanıb futbol ictimaiyyətini sevindirməkdi. “Neftçi”də çalışmaq variantı mənim üçün nə vaxtsa aktual ola bilər, amma bu gün yox”.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:44 "Qəbələ" sürprizə imkan vermədi 19-09-2017, 16:04 “Cəhənnəm”də “sülh” 19-09-2017, 15:59 “Neftçi” ümid verib, uduzdu 19-09-2017, 15:50 "Kəpəz"dən başqa hamı qol vurdu 19-09-2017, 15:49 Superliqanın “CBC Sport”da yayını gecikir 19-09-2017, 15:46 Coşqun yenə atasını məyus etdi 19-09-2017, 15:41 Debütantlar yoxlama matçında “sülh bağladı” 19-09-2017, 15:38 5 və 10 manatlıq biletlər tükəndi 19-09-2017, 15:37 “Roma” ilə oyunu “skayboks”dan izləmək istəyənlər azdı 19-09-2017, 15:36 “Neftçi”nin azarkeşi vəfat etdi 19-09-2017, 15:35 Kamran yenə ehtiyatda qaldı 19-09-2017, 15:33 “Şahdağ” İlham Əliyevə müraciət etdi 19-09-2017, 15:31 Ramazan Abbasov Ramin Musayevlə görüşün detallarını açıqladı 19-09-2017, 15:28 “Araz” “Ekol”u da yendi, sırada İranın vitse-çempionudu 19-09-2017, 15:26 Sabiq "Xəzər Lənkəran"lı "Neftçi"ni məyus etdi 19-09-2017, 15:25 Cüdoçular Mariborda tarix yazdı 19-09-2017, 15:21 Millimiz Bakıda italyanlara uduzdu 19-09-2017, 15:20 Lunyov mövqeyini qorudu 19-09-2017, 15:18 Paraşütçülər ilk “10-luq”dan kənarda qaldı 17-09-2017, 16:04 AFFA və PFL-in yeni çempionat ideyası nə vəd edir? 17-09-2017, 16:02 Üçqat dünya çempionu yeni hədəflərini açıqladı 17-09-2017, 15:56 Birinci divizionun debütantları hədəflərdən danışdı 17-09-2017, 15:55 Birinci divizionda limit dəyişdirildi 17-09-2017, 15:54 AFFA ilə “Qarabağ”dan birgə addım 17-09-2017, 15:51 Tərlan Əhmədovla Rəşad Sadiqovun “Zirə”ylə “haqq-hesab”ı var 17-09-2017, 15:50 “Qəbələ” qonşularının startına tamaşa edəcək 17-09-2017, 15:43 “Qarabağ” “Azərsun Arena”nı yükləmək istəməyib 17-09-2017, 15:41 Əliyar Ağayev cəmi bir “sarı” ilə kifayətləndi 17-09-2017, 15:40 Şehiç cəzalandırılmayıb 17-09-2017, 15:36 Qriqorçuk Ukrayna mətbuatına danışdı 17-09-2017, 15:34 "Neftçi"nin məşqi rəhbərlik üçün maraqlı deyil 17-09-2017, 15:32 “Energetik”dən başqa hamı narazılıq edir 17-09-2017, 15:29 Nazarovun komandasını darmadağın etdilər 17-09-2017, 15:27 Tərlan Əhmədov Elxan Abdullayevdən halallıq alacaq 14-09-2017, 17:28 Rəşad Sadıqovun komandası bir hissə dözdü 14-09-2017, 17:25 “Stemford Bric”də azərbaycanlı azarkeşlərlə mühafizəçilər arasında mübahisə yaşanıb 14-09-2017, 17:24 Turalın komandasından uğurlu nəticə 14-09-2017, 17:22 “Qarabağ”da fotoqraf ştatı yoxdu 14-09-2017, 17:20 “Qarabağ”ın məğlubiyyəti sosial şəbəkədə qarşıdurmaya səbəb oldu 14-09-2017, 17:18 UEFA nümayəndələri BOS-la tanış oldu 14-09-2017, 17:16 İlk duellər favoriti göstərmədi 14-09-2017, 17:15 Həmyerlilərimiz Almaniyada klub yaratdı 14-09-2017, 17:14 “Qırmızı”sız tur! 14-09-2017, 17:08 “Qarabağ”ın debütü qara gəldi… 14-09-2017, 17:04 Rəşad Sadiqov karyerasını bitirmək istəyirmiş 14-09-2017, 17:00 İntizam Komitəsi Ayxan Abbasova xəbərdarlıq etdi 14-09-2017, 16:59 Ozobiç ən az biraylıq sıradan çıxıb 14-09-2017, 16:58 Dünya üçüncüsü olan güləşçilər vətənə qayıtdı 14-09-2017, 16:56 Yığma üzvü mükafatlandırıldı 14-09-2017, 16:55 Stolüstü tennisçilərin AÇ sınağı 14-09-2017, 16:53 Nekrasova Macarıstanda birinci oldu 14-09-2017, 16:52 Cavid Qurbanov yığmanın medal qazanacağına inanır 14-09-2017, 16:51 Fərid Qayıbov UEG-in prezidenti olacaq? 14-09-2017, 16:49 Hacı Əliyev Toğrul Əsgərovun çəkisinə keçir 10-09-2017, 18:45 Ronaldinyo Futbol Akademiyasının açılışı 2018-ci ilin aprelinə nəzərdə tutulub 10-09-2017, 18:43 Yusif Nəbiyev “Qəbələ”yə qarşı oynamayacaq 10-09-2017, 18:35 “CBC Sport” texniki detalları həll edir Bütün xəbərlər
Ən çox oxunanlar