15 avq 12:05liqa, reportaj

Sumqayıt startda Gəncəni cəzalandırdı

Sumqayıt startda Gəncəni cəzalandırdı
4. Sumqayıt – Kəpəz (Gəncə) 2:1 (1:0)
1. Fərhad Vəliyev – 5,5
19. Azər Salahlı – 5,5
2. Rail Məlikov (k) – 5,0
14. Bəxtiyar Həsənalızadə - 5,0
18. Tural Axundov – 5,5
5. Vüqar Bəybalayev – 5,0
(6. Kamal Mirzəyev, 79) – qiymətsiz
97. Xəyal Nəcəfov – 5,0
(13. Bəhlul Mustafazadə, 90+1) – qiymətsiz
32. Rəşad Eyyubov – 5,5
7. Cavid Tağıyev – 5,5
(11. Ehtiram Şahverdiyev, 87) – qiymətsiz
9. Amil Yunanov – 5,5
10. Cavid İmamverdiyev – 6,0
Ehtiyat oyunçular
23. Mehdi Cənnətov
3. Vurğun Hüseynov
17. Fərid Kərimzadə
39. Tural Bayramlı
90. Ramil Həsənov
Baş məşqçi: Samir Abasov
Komandanın ən yaxşısı: Cavid İmamverdiyev

1. Davud Kərimi – 5,0
13. Şəhriyar Rəhimov (k) – 5,0
3. Dedimar – 4,5
4. Şəhriyar Əliyev – 4,5
21. Novruz Məmmədov – 4,5
(15. Azad Kərimov, 74) – 4,5
11. Kamran Abdullazadə - 4,5
5. Kərim Diniyev – 4,5
7. Sergey Çernışev – 5,0
(10. Tural Rzayev, 77) – qiymətsiz
20. Samba Dialo – 4,5
9. İlkin Sadıqov – 4,0
8. Viktor Oseqeyl – 5,5
Ehtiyat oyunçular
22. Ruzi Qiyaslı
12. İlyas Səfərzadə
2. Yusif Cəfərov
6. Ceyhun Cavadov
16. Azər Məmmədov
Baş məşqçi: Şahin Diniyev
Komandanın ən yaxşısı: Viktor Oseqeyl
Qollar: C.İmamverdiyev, 16 (1:0, R.Eyyubov).
V.Oseqeyl, 52 (1:1). A.Yunanov, 74 (2:1).
Vərəqələr: V.Bəybalayev, 24 (qeyri-idman hərəkəti).
C.Tağıyev, 68 (qeyri-idman hərəkəti). B.Həsənalızadə,
83 (qeyri-idman hərəkəti). K.Mirzəyev, 90+2 (qeyri-
idman hərəkəti) – sarı.
Hakimlər: FARİZ YUSİFOV, Knyaz Əmiraslanov, Rahil
Ramazanov, İnqilab Məmmədov (hamısı Bakı).
Hakim-inspektor: Xaqani Məmmədov (Bakı).
AFFA nümayəndəsi: Elbrus Abbasov (Ağdam).
13 avqust. Sumqayıt. “Kapital Bank Arena”. 1326
tamaşaçı (1326 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 5,5.
İlk turun sonuncu oyununda Sumqayıtın eyniadlı
komandası “Kəpəz”i qonaq edirdi. Mövsümlərarası
fasilədə heyətini yetərincə gücləndirən meydan
sahiblərinin “doğma divarlar” arasında 3 xal
qazanacağını güman edənlərin sayı yetərincə çox idi.
İstər azarkeşlər, istərsə də media bu oyunun favoriti
kimi məhz “kimyaçılar”ı görürdü. Təsadüfi deyil ki,
onların baş məşqşisi Samir Abasov “sarı-göylər”lə
görüşə təzyiq altında çıxacağını və yetirmələrinin bu
üzdən “yana” biləcəyindən ehtiyatlandığını söyləmişdi.
Yeri gəlmişkən, ötən mövsüm “Kəpəz”in şərəfini
qoruyan Tural Axundovla Vüqar Bəybalayev yay
fasiləsində “gənclik şəhəri”nin təmsilçisiylə
anlaşmışdısa, Kamran Abdullazadə ilə Sergey
Çernışev əks marşrutla hərəkət etməklə yadda
qalmışdı. Adını çəkdiyimiz oyunçuların sabiq
komandalarına qarşı necə oynayacağı da azarkeşlər
tərəfindən maraqla gözlənilirdi.
Oyunöncəsi proqnozlar özünü doğrultdu. Şahin
Diniyevin yetirmələri ilk yarıda cəmi 5 dəqiqə meydan
sahibləri ilə başabaş mübarizə apara bildi. Bundan
sonra üstünlüyü ələ alan “kimyaçılar” meydanda
demək olar ki, şou göstərirdi. Samir bəyin yetirmələri
bir-birindən rəngarəng hücumlar qurur, “Kəpəz”in
qapısı önündə təhlükəli vəziyyətlər yaradırdılar. 16-cı
dəqiqədə “kimyaçılar”ın həmlələri, nəhayət, bəhrə
verdi. Eyyubovun cərimə meydançasına ötürməsini
İmamverdiyev müdafiəçini qabaqlayaraq bir toxunuşla
dəqiq tamamladı. Düzdü, qonaqlar həmin an Cavidin
təhlükəli oynadığı iddiası ilə hakimə etirazını bildirsə
də, baş hakim mərkəzi göstərdi. Qoldan 3 dəqiqə
sonra İmamverdiyev dubl etməyə yaxın oldu. O, Amilin
cərimə meydançasına ötürməsini havadaca qapıya
göndərdi. Ancaq top tirə dəyərək meydanı tərk etdi. İlk
yarının qalan dəqiqələrində də meydanda yalnız bir
komandanın ifasında hücumlar izləmək mümkün idi.
24-cü dəqiqədə Salahlı, 42-ci dəqiqədə İmamverdiyev
fərqlənmək üçün əla imkanı boşa verdilər. Buna qədər
isə Yunanov Davudu məyus edə bilərdi. Lakin
forvardın uzaq küncə zərbəsi az fərqlə dirəyin
yanından keçdi. Qonaqlar isə ilk 45 dəqiqədə yalnız bir
dəfə Fərhadın qoruduğu qapı önündə təhlükə yarada
bildi. 33-cü dəqiqədə Viktor hava mübarizəsindən qalib
ayrılıb topu başla qapıya göndərsə də, zərbəsi qeyri
dəqiq alındı. Ümumiyyətlə, birinci hissədə yalnız
Oseqeyl fəallığı ilə seçilirdi. “Sarı-göylər”in qalan
oyunçuları sanki ilk dəfə bir yerdə futbol oynayırdılar.
Diniyevin komandasında xətlərarası anlaşma sıfır
səviyyəsindəydi. Oyunsonrası mətbuat konfransında
Şahin bəy də bu məqamı etiraf etdi.
Ancaq fasilədə Diniyev yetirmələrinin nə dedisə, ikinci
yarıda meydana tam fərqli “Kəpəz” çıxdı. İlk
saniyələrdən rəqibə pressinq tətbiq edən qonaqlar
“kimyaçılar”ı qapısına doğru sıxışdırmağı bacardı.
Bunun da məntiqi nəticəsi kimi 52-ci dəqiqədə “sarı
göylər” Viktorla “status-kvo”nu bərpa etdi. Raillə
Bəxtiyarın anlaşmazlığından yararlanan qaradərili
forvard Vəliyevlə təkbətək çıxaraq soyuqqanlı şəkildə
topu tora qovuşdurdu. Buraxılan qol sumqayıtlıları
sanki şoka saldı. Abasovun komandası təxminən 10
dəqiqə özünə gələ bilmədi. Ardıcıl iki düzgün ötürmə
verə bilməyən meydan sahibləri meydanın mərkəzini
keçməkdə belə çətinlik çəkirdi. Ancaq qonaqlar
bundan yararlana bilmədi. Çox keçmədən “kimyaçılar”
oyunu bərabərləşdirməyi bacardı. Və ilk yarıda olduğu
kimi Kəriminin qoruduğu qapı önündə bir-birindən
təhlükəli vəziyyətlər yaşandı. 68-ci dəqiqədə
İmamverdiyev fərqlənmək üçün yüzfaizlik imkan
qazansa da, “çərçivə”yə düşə bilmədi. Cavidin bacara
bilmədiyini isə 74-cü dəqiqədə Amil etdi. Hücumun
sivri ucunda yer alan forvard geri qayıdan topu iti
bucaq altında başla tora qovuşdurdu. Matçın qalan
dəqiqlərində də meydanda diqtə edən tərəf “ağ-göylər”
idi. Onlar bir neçə dəfə real qol imkanı yaxalasa da,
tablodakı hesab dəyişmədi. Və “gənclik şəhəri”nin
təmsilçisi mövsümə qələbə ilə başladı.
RƏŞAD

Gözdən qaçmadı
• Sumqayıtlı azarkeşlərin böyük futbol üçün darıxması oyundan əvvəl arenada yaşanan ab-havadan məlum idi. Oyunun başlamasına təxminən yarımsaat qalmış tribunalarda yerini alan tərəfdarlar şən musiqinin sədaları altında sevimlilərinin şərəfini şüarlar səsləndirir, müxtəlif xoreoqrafik hərəkətlər edirdilər.
• Zədə səbəbindən əsas heyətdə meydana çıxa bilməyən Vurğun Hüseynov isinmə hərəkətləri zamanı azarkeşlər tərəfindən xüsusi alqışlandı.
• Hakimin start fitindən öncə azarkeşləri salamlayan “ağ-göylər” tribunalara yaxınlaşınca, fanatlar havaya klubun rənglərinə uyğun şarlar buraxdılar.
• 26-cı dəqiqədə Kamranın hücuma istənilən kimi dəstək vermədiyini görən Viktor əsəbləşərək ona iradını bildirdi.
• Ötən mövsüm olduğu kimi, yeni “futbolili”nin ilk turunda da əksər sumqayıtlı azarkeşlər tribunada yer olmadığından matçı ayaqüstə kənardan izləmək məcburiyyətində qaldı.
• PFL prezidenti Ramin Musayev, AFFA İcraiyyə Komitəsinin üzvü İsgəndər Cavadov da matçı canlı izləmək üçün “Kapital Bank Arena”ya təşrif buyurmuşdu.
• 88-ci dəqiqə Azad Kərimovla Rail Məlikov arasında mübahisə yaşandı. Komanda yoldaşlarının müdaxiləsindən sonra tərəflər sakitləşdi.

Reaksiyalar
Şahin Diniyev: “Ən yaxşı oyunlardan biri oldu. Hər iki
komanda hücum futbolu sərgilədi. Komandam
empionata hələ tam hazır deyil. Xətlərarası əlaqə
istənilən səviyyədə deyil. İkinci hissə xoşuma gəldi.
Mərkəz müdafiəçilərinin axmaq səhvlərindən qollar
buraxdıq. "Sumqayıt" əks-hücumlarda daha çox qol
vəziyyəti yaratdı. Zaman keçdikcə çatışmazlıqları
aradan qaldıraraq, daha yaxşı futbol oynamağa
çalışacağıq. Komandamdan narazı qalmadım.
Futbolçularıma təşəkkür edirəm. Azarkeşlər
darıxmadılar”.
Samir Abasov: “İlk matçın belə təzyiq altında
keçəcəyini təsəvvür etmirdik. Getdiyimiz hər yerdə bu
oyundan danışırdılar. Oyuna pis başlamadıq. İkinci
hissənin əvvəllərində təşəbbüsü rəqibə verdik.
Səhvimizdən buraxdığımız qol bizə təsir etdi. Tezliklə
özümüzə gələrək, qol vurduq. Böyük hesabla da qalib
gələ bilərdik. Hücum potensialımız güclüdü. Bu gün
çox qol vura bilməsək də, yaxşı hücumlar qurduq.
Qapımızda qol gördüyümüz epizodda, sadəcə,
anlaşılmazlıq oldu. Təki səhvlər belə olsun. Bir var
mövqe səhvlərindən qol buraxasan, bir də var belə.
Vurğun Hüseynov bir gün əvvəl dizindən zədə aldığı
üçün oynaya bilmədi. Komandamız hələ oturuşmayıb.
20 yoldaşlıq görüşü ilə də bunu aradan götürmək
olmaz. Belə gərgin oyunlar olmalıdı ki, komanda oyun
planında artırsın. Xəyal Nəcəfova gəlincə, o bu gün
meydanda ən zəif idi”.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 13:43 Tarixi uğurun memarı hədəfini açıqladı Dünən, 13:40 “Neftçi”lilər “Səbail” azarkeşlərinə “erməni” deyib Dünən, 13:38 Nizami “Çərkəzköy 1911”dən ayrıldı Dünən, 13:36 Xanım referi bu dəfə Heydər Əliyev Fonduna müracət edib Dünən, 13:28 “Qarabağ”ın işçisi klubdan ayrıldı Dünən, 13:24 Tahir Süleymanov İK-nın qərarını gülünc sayır Dünən, 13:23 “Qəbələ”nin meneceri inzibatçını günahsız saydı Dünən, 13:21 Obradoviç təklifini bəzi klublar dəstəkləmədi Dünən, 13:20 “Arsenal” finala çıxsa, UEFA Mxitaryana görə ingilislərə dəstək verəcək Dünən, 12:58 Baş katib qayıtdı, “Kəpəz”in rəisi klubdan ayrıldı Dünən, 12:56 MOİK darmadağın oldu, "Sumqayıt-2" fərqi azaltdı Dünən, 12:50 Tahir Süleymanov “Ayaks”dan və “Futbol+”dən yazdı Dünən, 12:49 Alesio toplanışı dəyərləndirdi Dünən, 12:47 İkinci oyunda uduzdular Dünən, 12:43 İntizam Komitəsi Jozef-Monrozu bağışladı, Rıbkaya güzəşt etdi Dünən, 12:39 Essyen yenidən “Stemford Bric”də görünəcək Dünən, 12:36 “Qəbələ” üçün yarımfinal ərəfəsində üçüncülük şansı Dünən, 12:34 “Tobol”un səhifəsi Emili maraqlı paylaşımla təbrik etdi Dünən, 12:33 “Hələlik Aynur Sofiyeva 2-ci yerdədi” Dünən, 12:30 Mirabdulla Abbasov hərəkətinə aydınlıq gətirdi Dünən, 12:21 Yığma Ukraynaya uduzdu Dünən, 12:18 Projektor olmasa da, final istənilən halda Naxçıvanda keçiriləcək 17-04-2019, 16:52 Turun statistikası 17-04-2019, 16:50 Turun məşqçisi 17-04-2019, 16:49 Turdan məqamlar 17-04-2019, 16:46 “Neftçi”nin çempionluq şansını itirmədiyini düşünürlər... 17-04-2019, 16:44 “Səbail”in vaxtla bağlı etirazı gülməlidi 17-04-2019, 16:42 Turun oyunçusu 17-04-2019, 16:41 Turun sitatı 17-04-2019, 16:40 "Keşlə”yə baxışa fransız oyunçu gəlib 17-04-2019, 16:36 “Neftçi” üstünlüyü bu cür əldən verdi… 17-04-2019, 16:33 Fariz Nəcəfov Tale Heydərovla görüşmək üçün ölkəni tərk etdi 17-04-2019, 16:32 Fariz Nəcəfov “Zirə”ylə oyundan sonranı nişan verdi 17-04-2019, 16:28 Jozef-Monroz Azərbaycan xalqından üzr istədi 17-04-2019, 16:27 Erkin İbrahimov “Neftçi”nin maraqlandığı argentinalını bəyənməyib 17-04-2019, 16:25 Ötən həftə premyer-liqaya vəsiqə qazandı, sabah çempion ola bilər 17-04-2019, 16:24 Yığma bu gün Ukrayna ilə qarşılaşacaq 17-04-2019, 16:22 Hakimlərin mühakiməsi 17-04-2019, 16:21 İlham Allahverdiyev Türkiyəni Qusara dəyişdi 17-04-2019, 16:19 Eddidən məhsuldar ötürmə və "sarı" 17-04-2019, 16:17 Yığma serblərə qalib gəldi 17-04-2019, 16:14 Azər Bağırov AFFA-nın tələblərini yerinə yetirməkdə problem görmür 17-04-2019, 16:14 “Kəpəz”in icraçı direktoru postuna namizəd ittihamlara cavab verdi 17-04-2019, 16:12 “Neftçi”nin gələn mövsüm 1-5-ci yerlərdən birini tutacağına inanıram” 16-04-2019, 16:16 Kubok proqramı açıqlandı 16-04-2019, 16:15 “Qəbələ” bacıoğlunun, SOCAR-ın, yoxsa ərəblərin olacaq? 16-04-2019, 16:13 Niyazi Bayramovla görüşə bilməyən Elxan Məmmədov Tovuza baş çəkdi 16-04-2019, 16:11 Emil oynayır, “Tobol” qələbələri sıralayır 16-04-2019, 16:06 “Qarabağ”dan Qurbanova 3 xallı, 3 qollu təbrik 16-04-2019, 16:02 Vitali Borisov 2 metrin söhbətini edir... 16-04-2019, 16:00 Autsayder ADBTİA-nın önünə çıxmadı 16-04-2019, 15:59 Samir Abasov həmşəhərlilərini əliboş yola saldı 16-04-2019, 15:56 “Qəbələ” qələbəni Tale Heydərova həsr etdi 16-04-2019, 15:52 “Keşlə”dən ardıcıl 4-cü məğlubiyyət 16-04-2019, 15:49 Aftandil Hacıyev hakimliyə üsyan etdi 16-04-2019, 15:46 “Səbail” flaqmanı “taxtdan saldı” 16-04-2019, 15:43 Həftənin idman proqramı Bütün xəbərlər
Ən çox oxunanlar