09 avq 17:57liqa

Yeni mövsümün görünən mənzərəsi

Yeni mövsümün görünən mənzərəsi
“Qarabağ” bir addım öndə görünür
Ölkədaxili mübarizədə təxminən 100 günlük fasilə yaranmışdı. Avqustun 11-də isə 2017/18 mövsümü başlayır. Çempionat tarixi derbi - “Neftçi” – “Qarabağ” dueli ilə start götürəcək. Təəssüf ki, premyer-liqada ötən il olduğu kimi, yenə də 8 komanda iştirak edəcək. Bu mənzərə futbolun inkişafı ilə bağlı deyilənlərlə heç üst-üstə düşmür. Hər halda, ölkə futbolunu yaxından izləyənlər üçün yeni çempionat yeni həyəcan deməkdi. İndi hər kəsi düşündürən əsas sual da bəllidi: görəsən, qarşıdakı mövsümdə kimin hədəfi nə olacaq? Hansı komandalar çempionluğa oynayacaq? Kimlərin avrokuboklara vəsiqə qazanacağı real görünür? Bu mənada gerçəkləşən trasnferlərə, indiki duruma görə proqnoz yürütmək olar.
Qarabağ
Heç şübhəsiz, ardıcıl 4 dəfə çempion olan “Qarabağ” qızıl medallara əsas namizəddi. Ola bilər, hazırda “köhlən atlar”ı premyer-liqadan daha çox Çempionlar Liqasının qrupu düşündürsün. Çünki klub hazırda daha bir tarix yazmağın astanasındadı. Lakin qitənin ən nüfuzlu klub turnirinin pley-off oyunlarından sonra “köhlən atlar”ın taleyi bəlli olacaq. Belə ki, Qurban Qurbanovun komandasının ÇL-in, yoxsa Avroliqanın qrupunda çıxış edəcəyi bilinəcək. Bununla belə, ağdamlıların hədəfi yenə də çempionluqdu. Komanda ardıcıl 5-ci dəfə ölkədə ən güclü olmağa ən real namizəddi. Komanda ÇL-in qrupuna düşsə, motivasiya bir qədər də artacaq. Düzdü, iki, hətta kuboku da nəzərə alsaq, üç “cəbhə”də mübarizə aparmaq güc itkisi baxımından komandanın əleyhinə işləyə bilər. Ancaq unutmayaq ki, Qurbanovun əlinin altında geniş heyət var. Bəlkə də hazırki heyət bu gün ÇL-in pley-offu və ya qrupu üçün yetərli görünməsin. Lakin ölkə çempionatında mübarizə baxımından yetərlidi. Unutmayaq ki, Qurban bəyin sərəncamında oturuşmuş və güclü heyət var, yeni cəlb olunan əcnəbilərin səviyyəsi də qaneedicidi. Bir sözlə, “Qarabağ”ın çempionluq şansı yenə də olduqca yüksək görünür.
Qəbələ
Ardıcıl iki mövsüm Avroliqanın bütün təsnifat mərhələrini uğurla dəf edən “Qəbələ” bu il eyni ssenarini təkrarlaya bilmədi. “Qırmızı-qaralar”ın beynəlxalq arenada hədəfinə çamamasının səbəblərini ötən saylarımızda vurğulamışıq. Bunlardan ən əsası yeni gələnlərin komandaya uyğunlaşmaması, gedənlərin yerinin doldurulmamasıdı. Düzdü, say baxımından bəlkə də yola salınanlarla yenilər arasında uyğunluq var. Amma keyfiyyət baxımından eyni sözləri demək olmaz. Sözlərimizin təsdiqini “Panatinaikos”la oyunlar da göstərdi. Çempionatda da bu cür durumun yaşanıb-yaşanmayacağını zaman göstərəcək. Ötən mövsüm çempionata yaxşı start verən, qızıl medallara əsas namizəd göstərilən “Qəbələ” tempi qoruya bilmədi və sonda “Qarabağ”a uduzdu. Bu dəfə də avrokuboklardakı mübarizədən də göründüyü kimi, “qırmızı-qaralar” əsas rəqibindən bir addım geridədi. Doğrudu, qəbələlilər yalnız ölkədaxili yarışlara köklənəcək. Ancaq bu amil Roman Qriqorçukun komandasını “Qarabağ”la müqayisədə o qədər də önə çıxarmır. Belə deyək, “Qəbələ” çempionluğa oynayacaq, bu mənada elitanın iki komandasından biridi, gətirdiyi legionerlərin səviyyəsi də premyer-liqa üçün yetərlidi, komandanın avrokuboklara vəsiqə qazanacağı da şübhə doğurmur. Lakin qızıl medallar yolunda əsas rəqibindən şansı daha az görünür.
İnter
Son vaxtlar adı gündəmdən düşməyən “İnter”in taleyi hələ də qeyri-müəyyəndi. Komanda doğma meydandan uzaq düşüb, baş məşqçi və futbolçuların taleyi də sual altındadı. Elə Rauf Əliyevin paytaxt təmsilçisindən ayrılmaq üzrə olduğu da qarışıq durumdan xəbər verir. Əslində komanda Avroliqa ilə də uğursuz şəkildə vidalaşdı. Razıyıq, transfer qadağası və maliyyə sıxıntısı fonunda “göy-ağlar”ın 2-ci mərhələdə mübarizəni dayandırması o qədər də təəccüblü görünməməlidi. Bu komanda Kaxaber Tsxadadzenin vaxtında – hər şeyin qaydasında olduğu dönəmlərdə də bu mərhələdə dayanırdı. Lakin komandanın Lüksemburq təmsilçisi “Fola” tərəfindən, özü də darmadağınla mübarizədən kənarlaşdırılmasına heç cür haqq qazandırmaq olmaz. Qeyd etdiyimiz kimi, komandanın indiki durumu da ürəkaçan deyil. Hətta klubun adının dəyişdiriləcəyi də an məsələsidi. Bu baş verəndən sonra vəziyyətin düzələcəyini də heç kim deyə bilməz. Rauf Əliyev gedərsə, daha bir əsas heyət üzvünün yoxluğu komandaya zərbə olacaq. Bu baxımdan “İnter” üçün avrokuboklara vəsiqə uğur sayılacaq. Zaur Axundovun rəhbərlik etdiyi klubun bu problemlərdən tezliklə qurtulacağı və hər şeyin yoluna düşəcəyi bir qədər çətindi.
Zirə
Ötən il “yaşı çatmadığı” üçün avrokuboklara buraxılmayan “Zirə” bu il arzusunu gerçəkləşdirdi. Belə ki, qəsəbə təmsilçisi Avroliqada debüt etdi. Ümumilikdə “qartallar”ın beynəlxalq arenadakı mübarizəsini normal dəyərləndirməliyik. İlk dəfə çıxış etdiyi yarışda ilk mərhələni iki qələbə ilə keçən Ayxan Abbasovun komandası əsas missiyanın öhdəsindən gəldi. “Astra”ya məğlubiyyətdə önəmli məqamlardan biri təcrübəsizlik oldu. Lakin istər avrokubok matçlarında, istərsə də yoxlama oyunlarında komanda pis təsir bağışlamayıb. Gedənlərin yeri lazımınca doldurulub. Bu mənada “Zirə”də hər şey qaydasındadı desək, yanılmarıq. Lakin bütün bu sadalananlar o anlama gəlmir ki, “qartallar” çempionluğa namizədlər sırasındadı. Abbasovun yetirmələrinin əsas iddialılar - “Qarabağ” və “Qəbələ” ilə kəllə-kəlləyə gələcəyi inandırıcı görünmür. Ancaq zirəlilərin medallar uğrunda mübarizə aparacağı şübhə doğurmur. Böyük ehtimalla, qəsəbə təmsilçisi avrokuboklara vəsiqənin sahiblərindən biri olacaq.
Kəpəz
Ötən mövsümdən sonra heyəti ciddi dəyişikliklərə məruz qalan komandalardan biri də “Kəpəz” oldu. Əsas heyət üzvlərinin əksəriyyəti komandanı tərk etdi. Tural Axundov, Orxan Əliyev, Renan, Dario Federiko, Jülyen Ebah, Serjinyo... Düzdü, komanda 3 yeni legionerlə gücləndi. Həmçinin bir sıra yerli futbolçular cəlb olundu. Lakin komandanın ötənilki ilə müqayisədə zəiflədiyi birmənalıdı. Ola bilər, heyətə qatılan əcnəbilər premyer-liqada özünü yaxşı tərəfdən göstərsin. Ancaq bu ehtimalın həqiqətə nə qədər uyğun olduğu sual doğurur. Bəziləri Diniyev amilini qabardır, təcrübəli mütəxəssisin əzmkar komanda formalaşdırdığını iddia edir. Bununla belə, həmin əzmkarlıq “Kəpəz”i yalnız son pillələrdən qurtara bilər. Bir sözlə, gəncəlilərin avrokuboklara və ya medallara iddialı olacağı real görünmür.
Sumqayıt
Ötən mövsüm avrokuboklara son vəsiqə uğrunda mübarizədə məğlub olan “Sumqayıt” növbəti mövsümdə də bu hədəf uğrunda döyüşəcək. Aydın məsələdi ki, “gənclik şəhəri” təmsilçisi yenə də rəqiblər üçün “asan yem” olmayacaq. Samir Abasovun rəhbərliyi altında baxımlı oyun sərgiləyən, heç kimə asanlıqla təslim olmayan “kimyaçılar”ın eyni oyunu sərgiləyəcəyinə şübhə etməyə dəyməz. Maraqlıdı ki, ötən mövsüm başa çatar-çatmaz klub transfer məsələsində əl-qolunu çırmayıb, işə başladı. Bir sıra önəmli füqurları heyətinə qatan “Sumqayıt” bununla daha bir üstünlük qazandı. Çünki artıq həmin futbolçular uzun müddətdi bir yerdədi. Odu ki, uyğunlaşma baxımından Abasovun yetirmələri ciddi problem yaşamayacaq. Bəlkə də klubun məlum strategiyası olmasaydı, yəni legionerlərə yer verilsəydi, bu komandanın hansı pilləni tutacağı ilə bağlı nikbin proqnoz yürütmək olardı. Ancaq hazırkı durumda “kimyaçılar”ın avrokuboklara vəsiqə qazanması belə inandırıcı görünmür. Bununla belə, “Sumqayıt” “zirzəmi”də də olmayacaq.
Neftçi
Tarixinin ən pis dönəmini ötən mövsüm keçirən “Neftçi”yə inam elə də çox deyil. Əksəriyyət “ağ-qaralar”ın qarşıdakı mövsüm də uğursuz olacağını düşünür. Çoxları “struktur dəyişməsə, vəziyyət düzələn deyil” fikrindədi. Həmçinin heyətlə bağlı da bir sıra dəyişikliklər oldu. Bununla belə, Elxan Abdullayevin artıq öz istədiyi komandanı formalaşdırdığını, ötən ilin qışında cəlb olunanların uyğunlaşdığını nəzərə alsaq, “ağ-qaralar”ın 2016/17 mövsümündən daha yaxşı nəticə əldə edəcəyini söyləyə bilərik. Təbii, hədəf medalçılardan biri olmaqdı. Doğrudu, “Neftçi”nin “Qəbələ” və “Qarabağ”la çempionluq uğrunda başabaş mübarizə aparacağı real deyil. Lakin komanda avrokuboklara düşmək üçün savaşa bilər və böyük ehtimalla, “ağ-qaralar” 4 vəsiqədən birinin sahibi olacaq.
Səbail
Çoxları “Səbail”in sonuncu olacağını proqnozlaşdırır. Elitadakı debüt ilində paytaxt təmsilçisinin rəqiblərdən hansınısa qabaqlayacağı çətin məsələdi. Lakin bütün bunlar ehtimallardı. Çempionat uzun marafondu. Qışdakı toplanışdan, həmin vaxt reallaşacaq transferlərdən sonra da vəziyyət dəyişə bilər. Bir sözlə, elita ilə bağlı proqnozumuz yalnız mövcud duruma görə idi.
FARİZ
Oxşar xəbərlər:
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:13 Yayın ilk keçidi Amin Seydiyev oldu Bu gün, 10:56 Agentlər Aminin ölkə xaricinə yollanacağını düşünürlər Bu gün, 10:47 EFA, “Fireland Football Club”, “Dortmund Bakı”, yox bir qaşqaldaq… Bu gün, 10:28 Koronavirus olmasaydı... Bu gün, 10:25 “Futbolu qaldırsa, veteranlar qaldıracaq” Dünən, 11:14 Əməkdar məşqçi ölüm-qalım mübarizəsi aparır Dünən, 11:02 “Qəbələ”nin elitada ilk qolunun müəllifi dükan işlədirmiş Dünən, 10:58 AFFA-da qanvermə aksiyası Dünən, 10:57 Bakı UEFA-ya təminat verib Dünən, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı 20-05-2020, 11:18 Nazarovun qol sevinci yadda qaldı 20-05-2020, 11:17 Millət vəkillləri çempionatın bərpasını istəyir 20-05-2020, 11:14 İsmayıllı Olimpiya İdman Kompleksindən məhkəməyə şikayət olundu 20-05-2020, 11:12 “Futbolla vidalaşandan sonra yəqin ki fermada yaşayacam” 20-05-2020, 11:10 UEFA təxirə saldı, PFL-in rəisi maraqlı şərh yazdı 20-05-2020, 11:09 Brifinqdə yenə futbol unudulmadı 20-05-2020, 11:05 Ploeştidə meydandan qovulan Ramin Nəsibov imiş… 18-05-2020, 14:27 Şahin Diniyev yığmanın baş məşqçisiz qalmasını məqsədəuyğun sayır 18-05-2020, 14:26 Ramin Musayev müalicə aldığına görə videokonfransa qatılmayıb 18-05-2020, 14:13 Yığma üzvlərinin maaşı aprelin sonunda ödənilib 18-05-2020, 14:10 “Qurban Qurbanova “deputatsan, toxunulmazlığın var, futbolçunu itələyərlər də” dedim” 18-05-2020, 14:07 Futzal niyə yada düşmədi? 18-05-2020, 14:05 Şensoy Konkovu təbrik etməyəcək 18-05-2020, 13:59 “Avrokuboklara gedəcək klublar indidən hazırlaşmalı, məşq etməlidilər” 18-05-2020, 13:57 Futbolçular yeniliyi müsbət qarşıladılar 18-05-2020, 13:53 Mətbuat Şehiçi “yoluxdurdu” 18-05-2020, 13:37 “Azərbaycandakı iqlim qazon saxlamaq üçün əlverişli deyil” 18-05-2020, 13:32 Futbolla bağlı qadağa bu həftə götürüləcək 17-05-2020, 11:28 Türk şahmatçı Mahir Məmmədovun FIDE-də çalışmasını düzgün saymır 17-05-2020, 11:26 Karlsen bizimkiləri “görmür” 17-05-2020, 11:20 Beş əvəzləmənin müsbət və mənfi tərəfləri 17-05-2020, 11:17 Klublar Komitəsinin iclasında daha çox təqvim müzakirə olunub 17-05-2020, 11:13 Skarlatake “Sumqayıt”la əlavə oyun istəyir 17-05-2020, 11:10 “Ağsu Siti” yeni arenaya köçür 16-05-2020, 10:56 Hər şey hazırdı, başlaya bilərik! 16-05-2020, 10:31 “Qəbələ”nin 195 iddialısı 16-05-2020, 10:27 “Neftçi” liderdi, baş məşqçinin oğlu bombardir 16-05-2020, 10:23 Namaşko “Keşlə”dən yeni müqavilə gözləyir 16-05-2020, 10:19 Baba yaşında ...ata olacaq 16-05-2020, 10:15 Elnur Əşrəfoğlu: “İndi həmin şərhimə qulaq asanda gülməyim gəlir” 16-05-2020, 10:09 Türklərə qarşı oynayan yığmanı Ələkbər Cəfərov çalışdırıb Bütün xəbərlər
Ən çox oxunanlar