19 iy 19:11liqa

“Sumqayıt” Bolu toplanışına məğlubiyyətlə başladı

“Sumqayıt” Bolu toplanışına məğlubiyyətlə başladı
Samir Abasov komandasından razı qalıb

2017/18 mövsümünə hazırlaşan "Sumqayıt" Boluda ilk yoxlama matçına çıxıb. Samir Abasovun rəhbərlik etdiyi komanda dünən superliqa təmsilçisi "Osmanlıspor"la üz-üzə gəlib. Qarşılaşma Qızılcahamamda Bakı vaxtı ilə 19.00-da start götürüb. Qeyd edək ki, “kimyaçılar”ın rəqibi ötən mövsüm Avropa Liqasınının 1/16 final mərhələsinə kimi irəliləməyi bacarmışdı. Ankara təmsilçisi başa çatan “futbol ili”ndə isə çempionatı 13-cü pillədə başa vurub.
Abasov əsası 1978-ci ildə qoyulan, 2014-dən “Osmanlıspor” adı altında çxış etməyə başlayan rəqiblə görüşdə ilk dəqiqələrdən bu futbolçulara meydana çıxmaq şansı yaradıb: Fərhad Vəliyev, Vurğun Hüseynov, Bəxtiyar Həsənalıyev, Tural Axundov, Azər Salahlı, Xəyal Nəcəfov, Kamal Mirzəyev, Rəşad Eyubov, Cavid İmamverdiyev, Cavid Tağıyev, Amil Yunanov. Vətəndə keçirdiyi yoxlama matçlarında 4 müdafiəçiyə güvənən baş məşqçi Türkiyədəki ilk sınaq qarşılaşmasında da 4 müdafiəçinin xidmətindən yararlanmağı lazım bilib. Heyətdən də göründüyü kimi, sumqayıtlılar paytaxt təmsilçisi ilə matça 4-4-3 taktiki sxemi ilə çıxıb. Abasovun yetirmələri oyuna yaxşı başlayıb. Qarşılıqlı hücumlar şəraitində keçən ilk 10 dəqiqədə qapılar önündə real qol imkanı yaranmasa da, 15-ci dəqiqədə “ağ-göylər” hesabı açmağa müvəffəq olub. Amil Yunanov “Osmanlıspor”u meydanın mərkəzinə dəvət edib. Qoldan sonra da “kimyaçılar” hücumlarına ara verməyib. Ərazi üstünlüyünə yiyələnən Samir bəyin komandası bir neçə dəfə rəqib qapısı önündə yaddaqalan təhlükəli vəziyyətlər yaratmağı bacarıb. Lakin tablodakı hesab dəyişməyib. Əvəzində 32-ci dəqiqədə türklər “status-kvo”nu bərpa edib. 4 dəqiqə sonra isə superliqa təmsilçisi ikinci dəfə “ağ-göylər”i məyus edib. İlk yarının qalan dəqiqələrində “kimyaçılar”ın fərqlənmək üçün imkanları olsa da, Amil Yunanovla Cavid Tağıyev şanslarını boşa verməklə yadda qalıblar. Amilin zərbəsindən sonra top cüzi fərqlə tirin üstündən keçsə də, Cavid yaxın məsafədən topu tora vuşdurmağı bacarmayıb.
Fasilədən sonra hər iki komandanın çalışdırıcısı çoxsaylı əvəzetmələr etməklə ehtiyat oyunçular skamyasında yer alan bütün futbolçulara oynamaq imkanı yaradıb. İkinci yarıda Ankara klubu daha yaxşı təsir bağışlayıb. “Osmanlıspor” bir neçə dəfə qol vurmağa yaxın olsa da, qapıda inamlı oynayan Fərhad, bəzi epizodlarda isə müdafiəçilər rəqibin fərqlənməsinə imkan verməyib. Matçın sonuna 5 dəqiqə qalmış “kimyaçılar”ın bu yay rənglərinə bağladığı Ramil Həsənov komandasını məğlubiyyətdən xilas etməyə çox yaxın olub. Lakin ucaboy forvard qapıçı ilə üzbə-üz çıxsa da, topu tora qovuşdura bilməyib. Bu həm də türkiyəli hakimlər briqadasının idarə etdiyi qarşılaşmada qapılar önündə yaranan son təhlükəli vəziyyət olub. Bununla da “Sumqayıt” qardaş ölkədə keçirdiyi ilk yoxlama görüşündə məyus olub.
Oyundan sonra “kimyaçılar”ın baş məşqçisi Samir Abasovla əlaqə saxlayıb, komandasının oyununu dəyərləndirməsini istədik. Mütəxəssis bunları söylədi: “Açığı, komandamın oyunundan razı qaldım. İlk hissəni xüsusi qeyd edərdim. Ağır məşqlərin fonunda futbolçular çox sürətli oyun nümayiş etdirdilər. Onu da nəzərə almaq lazımdı ki, rəqib hansısa həvəskar kollektiv yox, superliqa klubu idi. “Osmanlıspor” ötən mövsüm çempionatda yüksək yerlər tutmasa da, Avroliqada yetərincə inamlı təsir bağışlayaraq, 1/16 finala yüksəlməyi bacarıb. Heyətində xeyli sayda səviyyəli legionerlər top qovur. Ancaq onu da bildirim ki, bizim uşaqlar onlardan heç də pis təsir bağışlamırdılar. Əksinə, oyunun müəyyən hissələrində onlardan daha üstün görünürdülər. Çox istərdik ki, ilk qarşılamada qalib gələk. Təəssüf ki, yaxşı oyunun fonunda uduzduq. İkinci yarıda toplanışda bizimlə birgə olan bütün futbolçulara meydana çıxmaq şansı yaratdığımdan oyun nizam-intizamı bir qədər zəiflədi. İndiki məqamda mənim üçün vacib olanı komandanı çempionatın startına kimi hazır vəziyyətə gətirməkdi. Ümid edirəm ki, qarşıdakı üç oyunda həm nəticə, həm də meydanda görəcəyim oyun məni məyus etməyəcək”.
“Kimyaçılar”ın baş meneceri Ceyhun Sultanov da meydanda gördüklərindən razı qaldığını vurğuladı: “İlk oyunda komanda uduzsa da, məncə, pis təsir bağışlamadı. Rəqibin superliqa təmsilçisi olmasına baxmayaraq, uşaqlar çox inamlı göründülər. Fikrimcə, gələcəyə ümidlə baxmaq olar. Hiss edirəm ki, oyundan-oyuna kollektiv daha da “artıracaq” və daha üst səviyyədə çıxış etməyi bacaracaq. Heyətdə yer alanlarda bu potensial var. Ən sevindirici məqam odu ki, bu yay düşərgəyə qoşulan yeni oyunçular komandaya uyğunlaşmaqla bağlı problem yaşamırlar. Yeni transferlər baş məşqçinin onlardan nə tələb etdiyini başa düşür, Abasovun tapşırıqlarını yerinə yetirməyə çalışırlar”.
Ötən mövsüm “ağ-göylər”in əsas heyət üzvlərindən biri olan Rail Məlikov “Səbail”lə oyunda olduğu kimi, bu dəfə də meydana fasilədən sonra çıxdı. Məlikov bizimlə söhbətdə həm bu məsələ, həm də Türkiyədəki ilk oyunla bağlı fikirlərini bölüşdü: “Ötən mövsüm komanda üç mərkəz müdafiəçi ilə oynadığından mən də əsas heyətdə meydana çıxırdım. Mövsümlərarası fasilədə keçirdiyimiz yoldaşlıq oyunlarda isə hələ ki baş məşqçi dördlü müdafiədən yararlanır. Bu üzdən mərkəzdə iki futbolçu oynamalıdı ki, belədə kimsə istər-istəməz ehtiyatqa qalmaq məcburiyyətindədi. Onu da qeyd edim ki, ötən yay da Samir müəllim test qarşılaşmlarında bu sistemdən istifadə edirdi. Ancaq sonradan fikrini dəyişərək 3 müdafiəçiyə üstünlük verdi. Meydana kimin çıxıb-çıxmamasından asılı olmayaraq, əsas olan komandanın uğurudu. Bu gün “Osmanlıspor”a 1:2 hesabıyla uduzsaq da, oyun planında rəqibdən heç də zəif təsir bağışlamadıq. Sadəcə, onlardan fərqli, biz bir neçə qol imkanından yararlana bilmədik. Qarşıda hələ yoxlama görüşləri var, ümid edirəm ki, həmin matçlarda qalib gəlməyi bacaracağıq. Çempionata gəlincə, indidən böyük vədlər vermək istəmirəm. Yalnız onu deyə bilərəm ki, növbəti mövsümdə azarkeşlər, futbol ictimaiyyəti ötən illərlə müqayisədə tam fərqli “Sumqayıt” görəcək”.
“Gənclik şəhəri” təmsilçisinin kapitanı Vurğun Hüseynov isə bunları söylədi: “Superliqa komandası ilə oyunda qalib gəlmək istəsək də, təəssüf ki, alınmadı. Çox danışmaq istəmirəm. Onu deyə bilərəm ki, Türkiyə toplanışı çox yüksək səviyyədə təşkil olunub. Məşq etmək, çempionata yaxşı hazırlaşmaq üçün Boluda hər cür şərait var. İnanıram ki, burda çəkdiyimiz zəhmət hədər getməyəcək və çempionat oyunlarında bunun qarşılığını görəcəyik”.
Xatırladaq ki, “Sumqayıt” növbəti yoxlama oyununu iyulun 20-də keçirəcək. Bu dəfə “kimyaçılar”ın rəqibi Səudiyyə Ərəbistanı təmsilçisi “Əl Fateh” olacaq.
Bu arada isə"Sumqayıt"ın rəsmi internet səhifəsində 2017/18 mövsümü üçün yeni transferlərdən hansı futbolçunun daha çox uğur qazanacağı ilə bağlı sorğu yerləşdirilmişdi. 211 azarkeşin iştirak etdiyi sorğuda 27 yaşlı Cavid İmamverdiyev 36,9 faiz səs toplamaqla hamını qabaqlayıb.
RƏŞAD
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 13:43 "Neftçi" ikinci doğma evim, Azərbaycan ikinci vətənimdi" Dünən, 13:28 “Keşlə” maaşları tam ödəyəcək Dünən, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar