14 iy 18:05liqa

Yeddi legionerli “Neftçi” bir həftənin komandasına uduzdu

Yeddi legionerli “Neftçi” bir həftənin komandasına uduzdu
Bazada vəziyyət ürəkaçan deyil

Çərşənbə axşamı futbol ictimaiyyəti üçün əsl “iş günü” idi. Axşam 21.00-da Çempionlar Liqasının 2-ci təsnifat mərhələsində “Qarabağ”la “Samtredia” qarşılaşacaqdısa, bundan 3 saat əvvəl “Neftçi”ylə “Kəpəz” yoldaşlıq görüşündə üz-üzə gələcəkdi. İki stadion arasında məsafə çox olsa da, ölkənin ən köklü klublarının, əzəli rəqiblərin dueli maraq doğurmaya bilməzdi. Meydanın bir tərəfində yenilənmiş və legionersiz “Kəpəz”, digər tərəfində mövsümü uğursuz başa vurmuş və əcnəbilərlə zəngin “Neftçi” qərarlaşmışdı. Mətbuatdan “CBC Sport”la “Futbol+”in əməkdaşlarının canlı izlədiyi matç haqda bir az sonra. Öncə oyunətrafı məqamlarla tanış olun.

Şəraitsiz baza, yarımçıq qalmış tikili və daha betəri
Bir müddət əvvəl klub rəhbərliyinin jurnalistləri başına yığıb “İsmət Qayıbov”a aparmasında məqsəd klubun təlim-məşq bazası haqda məlumat vermək idi. Məlum olmuşdu ki, “Neftçi”nin əsas və digər komandalarının məşq prosesinin yaxşılaşdırılması üçün dəbdəbəli bazaya ehtiyacı var. Həmin görüşün üstündən bir ildən artıq vaxt keçdiyindən, bazadakı şərait və orda görülən işlərlə tanış olmaq üçün yaxşı fürsət idi. Tikintisinə sabiq rəhbərliyin vaxtında başlanılan binanın hələ də yarımçıq qaldığını qeyd etməliyik. Köhnə daşların üstünə bir daş belə qoyulmayıb. Yoldaşlıq oyunları keçiriləndə azarkeşlərin və jurnalistlərin qarşılaşmanı rahat izləməsi üçün heç bir şərait yoxdu. Şərait deyəndə, təbii ki, adi plastmas oturacaqları nəzərdə tuturuq. Halbuki “mənəm-mənəm” deyən klubların bazalarında azarkeşlərin varlığı da nəzərə alınıb. Təkcə Azərbaycan reallığını nəzərə alsaq, “Bakı” ilə “Qəbələ”nin məşq meydançalarını nümunə göstərə bilərik. Müşahidə Şurasının sədri Çingiz Abdullayev, prezident Orxan Hüseynzadə, həmçinin onun “sağ əli” Elnur Eyvazov kabinetdən çıxıb, digər bazaları gəzsələr, şəraitin nə demək olduğunu anlayarlar. Bəli, meydançalar idealdı, göz oxşayır. Amma bunu əldə bayraq etməyə gərək yoxdu. Stajlı futbol azarkeşləri havalar qarlı-yağışlı olmayanda “İsmət Qayıbov”da nə vaxt yararsız örtük görüb ki? Ordakı qazon hər zaman gözəgəlimliliyi ilə seçilib... Bir də bazada ayaqyolu, deyəsən, çox uzaqdadı, ya da heç yoxdu. Hər halda, ehtiyat oyunçular skamyasında yer alan İqnasio Erreranın ilk hissənin sonlarına yaxın təbii ehtiyacını ödəmək üçün qapıarxası ağaclığa getməsi belə düşünməyə əsas verdi.
Kimlər yox idi?
“Qarabağ” – “Samtredia” oyununa baxmaq istəyənlər üçün bu matç ÇL qarşılaşmasından öncə əsl “qəlyanaltı” idi. Odu ki, Bakıxanovdakı stadionda daha kimlərə rast gəlmədik?! Bir ay əvvəl baş məşqçi Elxan Abdullayevlə “barışıq aşı” yeyib, incikliyi unudan “Forza Neftçi”nin təxminən 50 üzvü öz ampluasında idi. Dəstək verir, sevimli komandalarını irəli səsləyirdilər. Heç “Kəpəz” də dəstəksiz deyildi. Başda rəhbər Adil Məmmədov olmaqla “Xəmsə”nin 10-a yaxın üzvü də oyunu izləyənlər arasındaydı. Futbol adamlarına gəlincə, U-21-in baş məşqçisi Yaşar Vahabzadə ilə millidə qapıçılar üzrə məşqçi kimi çalışan Faiz Əzizov yanaşı dayanmışdı. Robert Prosineçkinin tərcüməçisi Aydın Rüstəmov da onların yanındaydı. “İnter”in əvəzedici komandasından ayrılandan sonra işsiz qalan Füzuli Məmmədov, vaxtilə “Neftçi”də Arif Əsədovun köməkçisi olmuş Elmir Xankişiyev, “Şüvəlan”ın baş məşqçisi Aqil Nəbiyevlə icraçı direktoru Emin Abbasov, hakim Ramil Diniyev, “Qaradağ Lökbatan”ın futbolçusu Elxan Cəbrayılov, Ruslan Abışovun atası da meydanda yaşananlara maraqla baxırdı. Uzun illər “Neftçi”nin qapısını qorumuş Çingiz İsmayılov isə Müşahidə Şurasının sədri Çingiz Abdullayevlə şura üzvü Səməd Qurbanovun yanında əyləşmişdi. Ehtiyat oyunçular skamyasının yanında əyləşən “üçlük” prezident Orxan Hüseynzadə, icraçı direktor Elnur Eyvazov və menecer Eldəniz Yusifov idi. “Kəpəz” rəhbərliyindən isə yalnız Müşahidə Şurasının üzvü Mikayıl Nərimanoğlu gözə dəydi.
“Dario”, “Serjinyo” və “Ebah” yenidən “Kəpəz”də
Neftçi: Rəşad Əzizli, Georgi Navalovski, Pavel Dreksa, Kiril Petrov, Məqsəd İsayev, Elçin Əsədov, Edson Kastilyo, Namiq Ələsgərov, Fəhmin Muradbəyli, Daniel Seqoviya, Hüqo Barqas.
Kəpəz: Davud Kərimi, Şəhriyar Rəhimov, Şəhriyar Əliyev, Azad Kərimov, Novruz Məmmədov, Kamran Abdullazadə, Kərim Diniyev, İlyas Səfərzadə, Ceyhun Cavadov, Sergey Çernışev, İlkin Sadıqov.
Heyətlərdən də göründüyü kimi, hər iki komandanın “11-liy”ində çempionatda görəcəyimiz futbolçular yer alıb. Düzdü, “Neftçi”də üç milli üzvü – Səlahət Ağayev, Məhəmməd Mirzəbəyov, Ruslan Abışov və İqnasio Errera ilk dəqiqələrdən meydana çıxmamışdı. Lakin Elxan Abdullayev sonuncu üç nəfərə ikinci hissədə şans verdi. Yeri gəlmişkən, Abdullayev fasilədən sonra meydana fərqli heyət buraxdı ki, “11-lik” belə idi: Maksim Vaylo, Anton Krivotsyuk, Ruslan Abışov, Rahil Məmmədov, Məhəmməd Mirzəbəyov, İlqar Ələkbərov, Tərzin Cahangirov, Rəhman Hacıyev, İqnasio Errera, Elnur Cəfərov, Mirabdulla Abbasov. Yeri gəlmişkən, qeyd edək ki, ötən mövsüm AZAL-ın uğurları üçün tər tökən İlqar Ələkbərov “Neftçi”də baxışdadı.
“Kəpəz”də isə legionerlərin yoxluğunda ancaq yerli futbolçular yer almışdı. Sadəcə, yeni formalar “Kəpəz”ə təqdim olunmayıb deyə, matçı izləyənlər bəzən çıxılmaz vəziyyətə düşürdü. Məsələn, Dario Federikonun “10 nömrə”sini Çernışev kürəyində daşıyırdı. Həm də braziliyalının adı üstündə. Ceyhun Cavadov Serjinyonun, İlkin Sadıqov Ebahın adı altında mübarizə aparmaq məcburiyyətindəydi.
Şahin Diniyevə doğum günü hədiyyəsi
Keçək əsas məsələyə. Oyunboyu fəal görünən, topa daha çox nəzarət edən, təhlükəli vəziyyətlər yaradan tərəf “Neftçi”ydi. Bu da təsadüfi deyil. Gəncəlilərin start heyətində 4 yeni futbolçu yer aldığı halda, bakılılarda belə adlardan yalnız Rəşad Əzizlini görmək olardı. Qalanı ötən mövsüm “Neftçi”nin şərəfini qoruyanlar idi. Odu ki, üstünlüyün “ağ-qaralar”da olması anlaşılan idi. Buna baxmayaraq, hücum qurmaq və hücumları məntiqi sonluğa çatdırmaq baxımından Elxan Abdullayevin yetirmələri aşkar çətinliklə üzləşirdi. Bir neçə əks-hucum boşa verildi ki, bunda tələskənlik və ayrı-ayrı futbolçuların fərdi oyuna həvəs göstərməsi sözünü deyirdi. İki mərkəz müdafiəçisinin, yəni legionerlərin ağır görünməsi isə başqa söhbətin mövzusudu. Elə ilk yarının sonuncu dəqiqəsinə təsadüf edən qol da onların xətası ucbatından oldu. Şəhriyar Rəhimovun cərimə meydançasına havalandırdığı topu İlkin Sadıqov başla qapıdan keçirdi.
İkinci hissədə oyuna nəzarət yenə “Neftçi”nin tərəfindəydi. Lakin qol bu dəfə də qərblilərdən gəldi. Fasilədən sonra meydana çıxan gənc Fərid Məmmədov müdafiə xəttindəki anlaşmazlıqdan istifadə edərək, Vaylonu topu tordan çıxarmağa məcbur etdi. Oyunun qalan hissəsi qarşılıqlı hücumlar şəraitində keçsə də, “Neftçi” 0:2-dən qurtula bilmədi. Bu qələbə “Kəpəz”in futbolçularının dünən 51 yaşını tamamlayan baş məşqçiləri Şahin Diniyevə doğum günü hədiyyəsi idi.
Cəmi bir həftə əvvəl yığışan “Kəpəz” oyun planında rəqibdən geri qalsa da, çempionatda görməyə alışdığımız keyfiyyətləri – mübarizlik, əzmkarlıq – sayəsində qalib gəlməyi bacardı. Yeni futbolçuların ümumi kollektivdən geri qaldığını iddia etmək çətindi. Qısa zaman kəsiyini nəzərə alsaq, vəziyyət normaldı. “Neftçi”nin halına isə acımamaq olmur. İki həftədən çoxdu bir araya gələn bakılılar ümumilikdə 7 legionerin xidmətindən yararlandı. Müxtəlif yığmaların şərəfini qoruyan futbolçuların sayı isə azı 7 nəfər idi. Təlim-məşq toplanışının axarından çox şey asılıdı. Amma bu gedişlə növbəti mövsümdə də “Neftçi”nin işi çətin olacaq, çox çətin...
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 11:50 “Sabah”ın avrokuboklara qatılmaması Adıgözəlov üçün fiasko olmayacaq Bu gün, 11:49 Ramil Şeydayev “Sabah”ı seçdi Bu gün, 11:48 Obradoviçin toplanışı nəyə xidmət edir? Bu gün, 11:45 “Köhlən atlar” “qartallar”ın “yuvasını dağıtdı” Bu gün, 11:42 “Sabah” “Sumqayıt”ı evində döydü Bu gün, 11:40 “Səbail”dən ardıcıl ikinci qələbə Bu gün, 11:34 Mövsümün ən məhsuldar həftəsi Bu gün, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı 5-02-2020, 11:28 Heç kimə sərf etməyən “sülh” 5-02-2020, 11:26 İstək çox şeydi, amma hər şey deyil 5-02-2020, 11:23 Lider mövqeyini bərkitdi, ən yaxın təqibçisi dəyişdi 5-02-2020, 11:22 Əliyar Ağayev Afinada VAR-ın köməyinə ehtiyac duydu 5-02-2020, 11:17 Elvin Məmmədov “Zirə”dən ayrıldı 5-02-2020, 11:07 Mahir gözəl qolla “Qarabağ”ı sevindirdi 5-02-2020, 10:58 Yığmanın mundial arzusu “suya düşdü” 4-02-2020, 12:25 “Ən azı həmin epizodda Beyli qabaqlamaqda çətinlik çəkmədim” 31-01-2020, 12:22 “Ağsu” divizionda çıxışını dayandırdı 31-01-2020, 12:20 Ölkə basketbolunda yeni səhifə - MBA Azərbaycana gəlir! 31-01-2020, 12:08 Şok: basketbol yığmamızın üzvü də danışılmış oyunlara görə tutulub! 31-01-2020, 10:56 “Sabah” Koçukla Rodrigesi transfer etdi 31-01-2020, 10:54 Bunun harası vacib oyundu ki? 31-01-2020, 10:51 Azad Rəhimov yeni federasiyaya xeyir-dua verdi 29-01-2020, 19:03 Tofiq Mikayılov Alesionun təklifini qəbul etməyib Bütün xəbərlər
Ən çox oxunanlar