21 dek 15:16liqa, manset

Canelidze “Neftçi” üzərində qələbəni təsadüf saymır

Canelidze “Neftçi” üzərində qələbəni təsadüf saymır
Premyer-liqanın ilk yarısı başa çatdı. 14-cü turda xüsusi və maraqlı olay qeydə alınmadı. Amma AZAL-ın səfərdə “Neftçi”ni 1:0 hesabıyla məğlub etməsini turun ən qeyri-adi hadisəsi saya bilərik. Niyə? Çünki “təyyarəçilər” mövsümdə ilk qələbəsini qazandı və 231 gün sonra premyer-liqada 3 xalın sevincini yaşadı. Şüvəlanlıların 17 oyunluq qələbəsizlik seriyasını isə David Canelidze qırdı. Ümumiyyətlə, gürcü legioner bu mövsüm AZAL-ın premyer-liqada vurduğu 6 qoldan dördünün müəllifidi. Başqa sözlə desək, komanda 8 xaldan 4-nü məhz Canelidzenin qolları hesabına qazanıb. Bütün bunları nəzərə alıb 21 yaşlı futbolçu ilə danışmağı lazım bildik. Onunla komandanın ilk qələbəsi, durumu, gələcək planları haqda söhbətləşdik.
- David, “Neftçi”ni səfərdə məğlub edib, premyer-liqada ilk qələbəni qazandız. Bu sənin üçün necə hissdi?
- Təbii ki, ilk qələbə məni sevindirir. O cümlədən komandanı. Uzun müddət idi bunu gözləyirdik. Yaxşı oynadıq, özümüzdə inam tapdıq və sonda nəticəni qazandıq. Hər şey etdik ki, fasiləyə yaxşı əhval-ruhiyyədə yollanaq. Biz hər oyuna qələbə üçün çıxırıq. Amma qələbə qazanmaq üçün həmişə nəsə çatışmırdı. Bu dəfə biz bunu bacardıq.
- Komandaya ilk 3 xalı gətirən qolun müəllifi oldun. Yəqin ki, indi hamıdan çox sən xoşbəxtsən.
- Düzdü, buna xüsusi sevinirəm. Amma qələbəni komanda qazanıb. Biz bütün görüşlərə qələbə qazanmaq üçün çıxırıq. Bu qələbə bizə əlavə motivasiya verəcək. Növbəti oyunlarda xal və xallar qazanmağımıza yardım edəcək.
- Tərlan Əhmədov matçdan sonra xüsusi nəsə dedi?
- Xüsusi heç nə demədi. O yaxşı bilir və görür ki, biz ürəkdən oynayırıq. Hamımızı təbrik etdi, yaxşı oyuna görə təşəkkürünü bildirdi.
- Demək olarmı ki, bu qələbədən sonra AZAL-ın işləri yaxşı gedəcək, yoxsa bu bir təsadüf idi?
- Bunu demək hələ tezdi. Biz öz üzərimizdə çox işləməliyik. Çempionatın ikinci yarısında bundan da yaxşı çıxış etməliyik ki, sonuncu yerdən qurtulaq. Hər oyuna “Neftçi” ilə matçdakı emosiya, əhval-ruhiyyə ilə çıxsaq, hər şey yaxşı olacaq. Bu qələbənin təsadüf olduğunu düşünmürəm. Oynadıq, qazandıq. Yəqin ki, oyuna baxan hər kəs yaxşı oynadığımızı və qələbəyə layiq olduğumuzu inkar etməz.
- Növbəti matçınız kubokda “Qəbələ”yə qarşıdı. Mərhələnin taleyi isə hələ həll olunmayıb.
- Səfərdə 1:2 uduzmuşuq. Bu yaxşı hesabdı. Bizim hələ şansımız var. “Neftçi” ilə oyunu unudub, həmin görüşə hazırlaşırıq. Bizə 1:0 hesablı qələbə də bəs edir. Yalnız buna köklənmişik. Rəqibin heyətindəki kadr çatışmazlıqları haqda danışmaq istəməzdim. Bizim öz oyunumuz, planlarımız var. Yaxşı oynasaq, nəticə gələcək. “Qəbələ”yə Şüvəlanda asan olmayacaq. Qələbə qazanmaq üçün meydana çıxacağıq.
- Necə düşünürsən, AZAL-ın turnir cədvəlinin son pilləsində qərarlaşması yalnız maliyyə problemi ilə bağlıdı?
- İnanırsız, şəxsən mənim üçün maliyyə o qədər maraqlı deyil. Sonuncu pillədə olmağımızı da birbaşa bununla əlaqələndirməzdim. Meydana futbolçu çıxır, öz işini görür. Sonuncu yerdəyiksə, öz günahımızdı. Qalan detallar isə sonra gəlir. Biz hər kəsə sübut etməliyik ki, bu yerə layiq deyilik. Çempionatın 14 turu qalıb. Sonuncu pillədən qurtulmaq imkanlarımız olacaq.
- Kubokun 1/8 finalında “Rəvan”ı 4:0 hesabıyla məğlub etdiz. Həmin görüşdə rəqibin futbolçusu Zahid Quliyev səni bilərəkdən vurmuşdu və açıqlama vermişdi ki, oyunu qumara qoymusan. Bu məsələ necə həll olundu?
- Biz görüşdük, danışdıq. O məni dedi ki, 4 qol buraxdıqları üçün əsəbi olub, qarşısına çıxanı vurmaq istəyib. Təəssüf ki, həmin adam mən olmuşam. Zahid bildirdi ki, mətbuata elə açıqlama verməyib. Jurnalistlərin onu səhv anladığını və sözlərinin təhrif olunduğunu söylədi. Üstəlik, həm məndən, həm də klubdakı başqa futbolçulardan üzr istədi. Bununla da məsələ yoluna qoyuldu. Problemi özümüz həll etdik.
- Qarşıdan “transfer pəncərəsi” gəlir. AZAL-da qalacaqsan, yoxsa özünə yeni klub axtarışlarına başlamısan?
- Bu haqda hələ nəsə demək tezdi. “Qəbələ” ilə oyunumuz var. Özü də AZAL-la müqaviləm davam edir. Biz istəyirik ki, klubu bu vəziyyətdən çıxaraq. Yalnız bunun üçün çalışırıq, işləyirik. Hazırda ayrılmaq haqda düşünmürəm. Yaxşı təklifə bütün futbolçular “hə” deyir. Təklif olsa, baxarıq. Amma hazırda heç nə yoxdu.
- AZAL-ın qış planları bəlli olmasa da, “Qəbələ” ilə oyundan sonra istirahət başlayır. Tətili harda keçirəcəksən?
- Mən Tiflisdənəm. Təbii ki, doğma şəhərimdə istirahət edəcəm. Yeni ili də ailəmlə birgə keçirəcəm. Klubun qış planları da yəqin ki, yaxın günlərdə bəlli olacaq.
ŞƏFİ ŞƏFİYEV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 22:07 “Bayıl Arena”da Əliyar Ağayevin də səhvi olub Dünən, 22:05 Stuxlik Xaqani Məmmədovun otağında oturur Dünən, 22:04 Emin Ağayev yığmada potensial görür Dünən, 22:02 “CBC Sport” DÇ-ni yayınlamaq istəyir Dünən, 22:01 Cüdo yığmamızda məcburi dəyişiklik Dünən, 22:00 Dünya çempionatının püşkü atıldı Dünən, 21:56 “1982-ci il” ilə Lissabona 7 saatlıq səfər Dünən, 21:54 Uğurun bünövrəsi Lissabonda qoyulsun! Dünən, 21:52 "Arsenal"la oyunun biletləri satışda Dünən, 21:24 Vaqner "Qarabağ"ı portəgizlərə təriflədi Dünən, 21:22 Qurban Qurbanov: “Rəşad oynamayacaq, Miçelin meydana çıxıb-çıxmayacağı sabah bilinəcək” Dünən, 21:04 Alesio yığmanın heyətini açıqladı Dünən, 21:03 “Xəzər Cənub” qalmaqal yaratdı, klubun rəhbəri Zaur Axundovdan üzr istədi Dünən, 21:00 Mundialda üzümüzü kim(lər) güldürəcək? Dünən, 20:58 Məmmədyarova “qaralar”la xal qazana bilmir Dünən, 20:55 Sənan Qurbanov “Qəbələ”nin problemlərini açıqladı Dünən, 20:53 “Kəpəz” ilk qol və ilk xal axtarışında Dünən, 20:52 Anar Salmanovun reaksiyası gecikmədi Dünən, 20:51 Azarkeşlər ÇL oyunları zamanı çətinliklə üzləşir Dünən, 00:29 Almaniyada Ömər Paşayevin səhhətində ciddi problem aşkarlanmayıb Dünən, 00:27 Heç bir klub mətbuat katibinə protokol doldurmağı tapşırmır Dünən, 00:26 Xaqani Məmmədovun düşmənləri sosial şəbəkədə “at oynadır” Dünən, 00:23 Voleybolçular dünya çempionatına inamlı yollanır Dünən, 00:21 Alesio yığmanın heyətini bu gün açıqlayacaq Dünən, 00:19 “Sportinq” qrup mübarizəsinə uğursuz başlayır Dünən, 00:05 Turun oyunçusu Dünən, 00:04 TURUN SİTATI Dünən, 00:02 Məhsuldarlıq rekord vurdu Dünən, 00:01 Turun statistikası 19-09-2018, 23:59 TURUN MƏŞQÇİSİ 19-09-2018, 23:58 Turdan məqamlar 19-09-2018, 23:56 16 medalın izi ilə... 19-09-2018, 23:54 Xala və qola həsrət “Kəpəz”in baş məşqçisi məmnundu 19-09-2018, 23:53 İntizam Komitəsi “Zirə”yə texniki məğlubiyyət verdi 19-09-2018, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu Bütün xəbərlər
Ən çox oxunanlar