17 may 12:33liqa

“Mənə uğur üçün alışıb-yanan futbolçular lazımdı, doymuşlar yox”

“Mənə uğur üçün alışıb-yanan futbolçular lazımdı, doymuşlar yox”
Şahin Diniyev sanatoriyadan qayıdan kimi ürəyini boşaltdı
Fasilə dönəminə baxmayaraq, premyer-liqa təmsilçiləri arasında ən fəal görünən “Kəpəz”di. Qərb təmsilçisi hansı futbolçularla yolların ayrıldığını bəyan edir, müqaviləsinin müddəti uzadılan oyunçularla bağlı məlumat verir, eyni zamanda heyəti gücləndirir. Lakin gedənlərin yerinə gətirilən yeni futbolçular xoş gələcək vəd etmir. Hər halda, görünən budu. Yaranmış vəziyyətlə bağlı baş məşqçi Şahin Diniyevlə danışmaq niyyətindəydik. Lakin təcrübəli mütəxəssis ölkə xaricində olduğundan, vətənə dönüşünü gözləyirdik. Diniyev artıq Bakıdadı. Gələr-gəlməz klub saytına geniş müsahibə verib ki, ixtisarla diqqətinizə çatdırırıq.
- Öncə çempionatla bağlı fikirlərinizi bilmək istərdik.
- Son çempionat ötənilki yarışla müqayisədə bizim üçün daha gərgin keçdi. Oyunlara görə klub rəhbərliyi, azarkeşlər, futbolçular və məşqçilər korpusu stress yaşadı. Müəyyən uğursuzluq oldu, amma ruhdan düşmədik, hamılıqla əl-ələ verib düşdüyümüz vəziyyətdən çıxdıq. Büdcə sarıdan rəqiblərdən geri qalmağımıza baxmayaraq, komanda xarakter göstərib çempionatda yaxşı çıxış etdi. Məşqçi işlədiyim dövrdə bu mövsüm qədər həm zehni, həm də fiziki cəhətdən yorğunluq olmamışdı. Həkimlərin də məsləhəti ilə mütləq istirahətə ehtiyac vardı. Yeni mövsümə hazırlaşmaq üçün 12 gün müddətində sanatoriyada müalicə aldım. Şükür, indi hər şey yaxşıdı, özümü gümrah hiss edirəm. Ölkə xaricində olsam da, komanda ilə bağlı məsələlər hər zaman diqqətimdə idi.
- Mövsümün yekunlarını necə qiymətləndirirsiz?
- İlk növbədə klub rəhbərliyinə və azarkeşlərə dəstəyə görə minnətdarlıq edirəm. Ardıcıl iki il 5-ci yeri tutduq. Avropa Liqasına vəsiqə qazanmağa bir xalımız çatmadı. Ona görə bir xal deyirəm ki, mənim düşüncəmlə “Zirə” – “Neftçi” oyununda qonaqlara texniki məğlubiyyət verilməsəydi, turnir cədvəlində xal fərqi başqa olacaqdı. Üçüncü dövrədə komandamız yalnız AZAL-ı qabaqlayırdı. Amma son dövrədə acınacaqlı durumdan çıxa bildik. Bəziləri xal fərqinin çoxluğuna görə sona kimi Avroliqa uğrunda vuruşacağımızı gülərək qarşılayırdı. Çünki 7 oyunda bunu aradan qaldırmaq çətin görünürdü. Amma “Kəpəz” bunu bacardı. 6 matçda qalib gəlib yalnız “Qarabağ”a uduzduq. Ümumilikdə komandanın çıxışından razıyam, azarkeşləri sevindirə bildik. Az büdcəyə baxmayaraq, rəqiblərlə başabaş mübarizə apardıq, heç kim üçün “qapazaltı” olmadıq. Sadəcə, üçüncü dövrədə üzləşdiyimiz yenilgilər vəziyyəti korladı. AZAL-la ev oyununda əlavə vaxtda buraxdığımız qol bizi qələbədən etdi, daha bir neçə belə oyunu sadalamaq olar. Qış fasiləsindən sonra “İnter”lə keçirdiyimiz ilk oyun komandanı yolundan etdi. İlk yarıda hesabda irəlidə olarkən, 48-ci dəqiqədə buraxdığımız qol uşaqları psixoloji cəhətdən “sındırdı” və bununla da uğursuzluq zolağına düşdük. Azarkeşlərin və əsasən də rəhbərliyin bizə inanması, dəstək verməsi həlledici oldu. Son dövrədə yığdığımız xala görə hətta “Qarabağ”dan üstün olduq. Bəzi futbolçular “Kəpəz”də potensiallarını aça bildilər, elitada özlərini bəlkə də ilk dəfə ən yaxşı tərəfdən göstərdilər. Təbii ki, baş məşqçi olaraq tam razı ola bilmərəm.
- Belə bir məsəl var, deyirlər gəmini ən sonda kapitan tərk edir. Amma Tural Axundov “Kəpəz”dən ilk gedənlərdən oldu. Onun gedişi heç də birmənalı qarşılanmadı.
- Tural iki il ərzində kapitan kimi mənim “sağ əlim” olub. Komandaya çox uğur gətirən futbolçu kimi yadda qalıb, bizə böyük köməyi dəyib. O, mədəni davranışı ilə meydanda və ondan kənarda seçilib. Futbolçunun ürəyi olduğu komanda ilə döyünməlidi. Gedənlərdən incimək olmaz. “Kəpəz”dən getmək istəyənlərə qadağa yoxdu. “İnter”lə oyundan sonra uşaqlara bildirdim ki, kim getmək istəyirsə, daha yaxşı təklifi varsa, getsin. 2015/16 mövsümünün ilk yarısında Rəşad Eyyubov adlı güclü futbolçumuz vardı. Qış fasiləsində sərfəli maliyyə təklifinə görə “Qəbələ”yə keçmək istədi. Bizimlə müqaviləsi ola-ola, ona uğur diləyib getməsinə icazə verdik. Axundov gedəndə ailə vəziyyətini nəzərə almağımızı istədi. Bilirsiz ki, onun ikinci övladı olub, ona görə də evdə daha çox olmaq istəyir. Yaşadığı Xırdalanla da Sumqayıtın arası çox yaxındı. “Halallıq verirsizsə, getmək istəyirəm” dedi, mən də etiraz etmədim. O, həmişə bizim qəlbimizdə olacaq. Ən yaxşı futbolçularımızdan biri idi, amma əvəzolunmaz oyunçu yoxdu. Hamının seçiminə hörmətlə yanaşmalıyıq. Turalın seçimində ailəsi rol oynadı və onun istəyini qəbul etdik. Axundov iki il ərzində “Kəpəz”də canını qoyub, ona təşəkkür edirik. Muqaviləsi olsa belə, heç kimə komandamızdan getməklə bağlı yasaq yoxdu. Rəhbərliyə gedişi ilə bağlı müraciət edərsə, bu etirazsız qarşılanar. Humanizm, insanlıq, futbolçuya hörmət klubumuzda hər şeydən öndə durur.
- Yeri gəlmişkən, bir neçə gün öncə klub saytı vasitəsi ilə Vüqar Bəybalayevin “Kəpəz”lə razılığa gəlməsi haqda xəbər vermişdik. Amma futbolçu “Sumqayıt”a keçdi. Bu məsələyə aydınlıq gətirməyinizi istərdik. Nə baş verdi?
- Düşünürəm ki, transferlərlə bağlı məsələ daha çox azarkeşlərin diqqətindədi və onları yaxından maraqlandırır. Müqavilələr iyunun son günündə qüvvədən düşür, yeniləri isə avqustdan qüvvəyə minir. Ürəyi “Kəpəz”lə döyünən futbolçu komandada qalacaq. Yox, fikrində başqa şey varsa, bizimlə olmayacaq. Saytımızda “razılıq əldə olunub, müqavilələr uzadılır” yazılırsa, deməli, bu işdə futbolçunun da razılığı var. Onların hər biri ilə fərdi qaydada söhbət olur və razılıq əldə olunur. Kim istəyirsə, gedə bilər. Az öncə dediyim kimi, ona mane olmuruq. Müqavilə onsuz da avqustdan bağlanılır, indiki şəraitdə isə arada şəxsi razılıq əldə olunur. Bu bəlkə də peşəkarlıqdan uzaq ola bilər. Amma bizdə peşəkarlıq da var, qarşılıqlı anlayış da. Vüqarla 10 gün öncə danışıqlar oldu, ona şərtlərimizi dedik və razılaşdı. Belədə sayt vasitəsi ilə xəbəri ictimaiyyətə çatdırdıq. Amma sonradan ona başqa klubdan təklif olub və Bəybalayev mənə “burda potensialımı o qədər də aça bilməyərək, “Kəpəz”ə istənilən dəstəyi vermədim, ola bilsin, “Sumqayıt”da əsas heyətdə oynadım. Həm də burada yaşayıram, evimin içində özümü daha rahat hiss edərəm” söylədi. Vüqara dedim ki, ürəyin necə istəyir, klub istəyinlə razılaşacaq, gedə bilərsən. Ona uğurlar arzulayıram. Yaxşı oğlan, yaxşı futbolçudu. Hansısa oyunçu hansısa klubla danışıq aparırsa, yolu açıqdı. Bu gün mənə uğur üçün alışıb-yanan, dəridən-qabıqdan çıxan futbolçular lazımdı, doymuşlar yox.
HƏBİB hazırladı
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi 20-08-2017, 13:56 Tofiq Heydərov fikrindən daşınıb? 20-08-2017, 13:55 AMKF yeni sponsorun yolunu gözləyir 20-08-2017, 13:54 “Turan” rəsmisi PFL-in iradları ilə razılaşdı 20-08-2017, 13:52 Norveç səfirliyi viza vermədi, "Qarabağ" azarkeşləri piket keçirəcək 20-08-2017, 13:50 "Traktorsazi" ilk qələbəsini qazandı 20-08-2017, 13:49 Ölkə çempionu Şahmat Federasiyasına etiraz edir 19-08-2017, 19:46 Yığma üzvü zədələnib 19-08-2017, 19:44 Yığmanın baş məşqçisi mətbuat konfransı keçirəcək 19-08-2017, 19:41 “Xəzər Lənkəran” mərkəzi stadionu “Masallı”ya verildi 19-08-2017, 19:39 Yığmamız mövqeyini qorudu 19-08-2017, 19:36 Federasiya klublarla çempionatı müzakirə etdi 19-08-2017, 19:32 “Qarabağ” rəsmisi qazondakı problemləri problem saymır 19-08-2017, 19:30 “Qarabağ” rəhbərliyi ilə AFFA prezidenti arxa qapıdan yararlanıb 19-08-2017, 19:27 AFFA-nın gözü yol çəkir, Prosineçki vətənindən əl çəkmir 19-08-2017, 19:25 Yol polisi Rəşadın maşınını əlindən alıb 19-08-2017, 19:22 “Qəbələ” “Qalatasaray”la oynayacaq? 19-08-2017, 19:16 “Mil-Muğan”da köhnə-yeni baş məşqçi 19-08-2017, 19:13 Elmar Vəliyev stadiona görə Yevlaxın icra başçısına zəng vurub 19-08-2017, 19:11 Yeni yaradılan “Xəzər” birinci divizionda çıxış edəcək 19-08-2017, 19:07 “Qarabağ” “Parken”də dəstəksiz qalmayacaq 19-08-2017, 19:02 Şehiç yığmaya dəvət aldı 19-08-2017, 18:56 “Qarabağ” səfərdə nə etməlidi? 19-08-2017, 18:52 “Qarabağ” iki gün əvvəl gedir 19-08-2017, 16:41 Əsasnamənin havadan asılı qalan müddəaları 19-08-2017, 16:39 “Fikrimcə, ikili müqavilələr tək “İnter”də yox, başqa klublarda da var” 19-08-2017, 16:32 Ramil yenə meydana çıxmadı 19-08-2017, 16:29 Kəmaləddin Heydərov postunda qaldı 19-08-2017, 16:25 AQF saxta konfrans keçirib, Yaşar Məmmədovu neytrallaşdırdı 19-08-2017, 16:22 Dünya mətbuatı Ramil Quliyevdən yazır 19-08-2017, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc Bütün xəbərlər
Ən çox oxunanlar