22 apr 08:14liqa

Namaşko Moldovaya getdiyinə görə peşmandı


Təcrübəli qapıçı çempionatın indiki vəziyyətdə başa çatmasının tərəfdarıdı
“Qəbələ”nin ispan yarımmüdafiəçisi Fernan Lopes kimi, “Keşlə”nin moldovalı qapıçısı Stanislav Namaşko da hazırda vətənindədi. Çempionat oyunlarının təxirə salınması ilə bağlı verilən qərardan dərhal sonra yaxınlarına baş çəkmək üçün Moldovaya yollanan təcrübəli qolkiper Bakıya qayıda bilmir. Futbolun nə vaxt bərpa olunacağı bilinmədiyi kimi, hava yollarının nə vaxt açılacağı da naməlumdu. Namaşko ilə söhbətdə “gedəndə qayıda bilməyəcəyini düşünmürdün” sualına aydınlıq gətirmək istəsəm də, söhbətimiz bir az geniş alındı.
- Azərbaycanda həyat dayanıb. Siz tərəflərdə nə var, nə yox?
- Moldovadayam, dəqiq desəm, doğma şəhərim Tiraspolda. Hamı kimi məşq edir, formamı qorumağa çalışıram. O ki qaldı bizdəki vəziyyətə, hər yerdə olduğu kimidi. Karantin rejimi elan olunub, insanlar da buna uyğun addım atmağa çalışır. İş yerlərinın, demək olar, hamısı bağlanıb, yalnız bəzi dövlət orqanları çalışır. Mayın 1-nə qədər insanların evdən bayıra çıxması konkret qadağan olub. Yalnız olduqca vacib işlərə görə harasa çıxmaq icazəsi verilir. Düzdü, Azərbaycandakı kimi SMS xidməti yoxdu. Hər tinbaşı polislərdi, yoxlayırlar, lazımsız yerə evdən çıxanları geri qaytarırlar. Xüsusən də yaşlı insanlara qarşı həssas davranırlar. İctimai nəqliyyatın, eləcə də fərdi maşınların hərəkəti də dayandırılıb. Dediyim kimi, yalnız zərurət yarananda evdən çıxmaq olar. Sərt rejimə baxmayaraq, bəzən kimlərinsə qadağalara riayət etmədiyi aşkara çıxır. Mentallıq məsələsidi (gülür).
- Ölənlərin və xəstəliyə yoluxanların sayı ilə bağlı durum necədi?
- Ölənlər var, amma başqa ölkələrdəki qədər çox deyil. Əsasən yaşı 60-dan yuxarı olanlardı. Virusa yoluxanlar isə dərhal müalicə almağa göndərilir.
- Çoxdan Moldovadasan?
- Martın 14-də gəlmişəm.
- Sən gedəndə nəzarət bu dərəcədə güclü deyildi. Çox güman, vəziyyətin ciddiləşəcəyini hiss edib vaxtında “aradan çıxdın”.
- Yox-yox, qətiyyən! Əksinə, belə olacağını bilsəydim, gəlməzdim. Açığı, Moldovaya gəlmək planım əvvəldən var idi. Və buna görə 2-3 həftə əvvəldən təyyarə bileti bron etmişdim. Martın 14-də “Sabah”la oynamalıydıq, bir həftə sonra “Səbail”lə. Bundan sonra çempionatda yığmaların oyunları ilə bağlı ikihəftəlik fasilə yaranacaqdı. Əvvəldən planımı belə qurmuşdum ki, “Səbail”lə matçdan sonra evə gəlim, 4-5 gündən sonra qayıdım. Onsuz da bir neçə günlük istirahət imkanı veriləcəkdi. Lakin ayın 13-də qarşıdakı iki turun oyunlarının təxirə salınması açıqlandı. Bunu bilən kimi biletin vaxtını ayın 14-də dəyişdim ki, 23-nə qədər Bakıya qayıdım. Mən bura gələndən sonra hava yolları bağlandı, uçuşlar təxirə salındı. Yəni məndən asılı olan iş deyildi. Bilsəydim belə olacaq, gəlməzdim.
- Belə başa düşürəm ki, səfərin ürəyincə olmadı.
- Ürəyimcə olmadı deyəndə ki, məni narahat edən bütün işlərdəki qeyri-müəyyənlikdi. Gələcəklə bağlı konkretlik yoxdu. Çempionat nə vaxt bərpa olunacaq, yollar nə vaxt açılacaq, açılandan sonra durum necə olacaq – bu kimi suallara görə narahatlıq keçirirəm. Çempionatda isə kifayət qədər vacib oyunlarımız qalıb.
- Klub rəhbərliyi ilə baş məşqçinin sənə münasibəti necədi?
- Əvvəl necəydisə, indi də elə. Özləri də yaxşı başa düşür ki, mənlik bir şey yoxdu. Mən biletimi gedib-qayıtmaq şərti ilə almışdım. Həmin vaxt yolların bağlanacağı ilə bağlı heç bir məlumat yox idi. Bir var, sabah nə olacağını bilə-bilə addım atasan, bir də var, sən addım atandan sonra hər şey dəyişsin. Ona görə də bir-birimizi anlayışla qarşılayırıq.
- Komandanın onlayn məşqlərində iştirak edirsən?
- Əlbəttə, edirəm. Moldovada olsam da, “Keşlə”nin üzvüyəm. Orda başverənlərdən, söylənilənlərdən dərhal xəbər tuturam. Həmçinin onlayn məşqlərə qoşuluram. Bununla yanaşı, özüm də fərdi məşq edirəm.
- Çempionatın gələcəyi ilə bağlı müxtəlif versiyalar səsləndirilir. Mövsümü indiki kimi bitirmək variantı irəli sürülür. Həmçinin başa çatdırılması və yarımçıq dayandırılması variantları da var. Hansının tərəfdarısan?
- Yarımçıq dayandırılmanı qətiyyən dəstəkləmirəm. Sözün düzü, mən çempionatın indiki halda başa çatmasının tərəfdarıyam. Yəni 20 turun yekununa görə medalçılar müəyyənləşsin. Amma bunu yalnız mən istəyə bilərəm, turnir cədvəlində bizdən aşağıda olan komandalar üzvləri istəməz, anlaşılandı.
- Həmkarlarının əksəriyyəti idman prinsiplərinin pozulmasını istəmir. Sən niyə indiki şəkildə başa çatdırılmasının tərəfdarısan?
- Vaxt çox olsaydı, əlbəttə, mən də çempionatın başa çatdırılmasını istərdim. Necə deyərlər, güclü olan qalib gəlsin. Ancaq bundan sonrakı vəziyyətə baxın. Aprelin 21-di və hələ də çempionatın nə vaxt bərpa olunacağı bilinmir. Ən yaxşı halda mayın ortalarında nəsə ola bilər. Bu isə o deməkdi ki, iki ay futbolsuz qalandan sonra yenidən yaşıl meydanlara qayıtmalıyıq. Bunun üçünsə 2-3 həftəlik toplanış kifayət etməyəcək. Baxın, qış fasiləsində cəmi iki həftə dincəlirik. Qayıdandan sonra üçhəftəlik toplanış keçir, yoldaşlıq oyunlarına çıxırıq ki, formamızı bərpa edək. Buna baxmayaraq, ilk oyunlarda hələ tam hazır olmadığımız görünür. Yəni ikihəftəlik futbolsuzluğu qısa müddətdə aradan qaldırmaq olmur. İndi isə iki ay futbolsuz qalandan sonra 2-3 həftəlik məşqlərlə, həm də lazımi sayda yoldaşlıq görüşləri keçirmədən çempionat matçlarına çıxmalıyıq. Bunun biz futbolçulara hansı çətinlik yaradacağını demək artıqdı. İki ay futbolsuz qal, evdən bayıra çıxma və cəmi 2 həftəlik hazırlıqdan sonra çempionatın həlledici mərhələsinə qədəm qoy. Çox çətin olacaq, çox. Bu hələ işin görünən tərəfidi. Daha bir problem sonra yarana bilər.
- Hansı problem?
- Təqvimlə bağlı problem. Deyək ki, çempionatı iyunun sonu, ya da iyulun əvvəlində başa vurduq. Ardınca avrokubok oyunları başlayır, sonra da növbəti çempionat. Yəni 1-2 ayın içində bunları çatdırmaq lazımdı. Razıyam, Avropanın aparıcı futbol ölkələri üçün bu adi haldı. Onlar sıx qrafikdə oynamağa öyrəşiblər. Çempionat başa çatır, Avropa çempionatına yollanırlar, ordan çıxıb avrokubok matçlarında iştirak edirlər, daha sonra Superkubok görüşü, müxtəlif kubokların finalları, ardınca da yeni çempionat. Amma biz heç vaxt belə qrafiklə oynamamışıq. Ona görə də ciddi çətinliklər yaranacaq.
Bizim işimiz futbol oynamaq, müqavilə öhdəliklərini yerinə yetirməkdi. Necə olacağını futbol mütəxəssisləri, federasiya rəhbərləri və baş məşqçilər öz aralarındakı söhbətdə müəyyənləşdirəcəklər. Biz futbolçular isə verilən hər qərara hörmətlə yanaşıb, deyilənlərə əməl edəcəyik.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 14:17 “Ağsu Siti”nin prezidenti AFFA-ya üsyan etdi Bu gün, 14:15 “Xəzər Lənkəran”ın futbolçuları 250 min iddiasına cavab verdi Bu gün, 14:13 Əsgər Abdullayev Naxçıvanda qalıb Bu gün, 14:09 Stamenkoviçdən insanlıq nümunəsi Bu gün, 10:29 “Heç-heçəyə görə bizi axşam saat 9-a qədər hərbi hissədə saxladılar” Bu gün, 09:53 Klublar siqnal gözləyir Bu gün, 09:50 Barış “Austriya”ya lazım olmadı, Riçard da göndərilir Bu gün, 09:46 Nikolay Adam Mahiri “Ayntraxt”a təklif edib Bu gün, 09:39 Zaqatalada “Viktoriya”ya çevrilən “Qələbə”… Bu gün, 09:36 Eldar Əzimzadəyə həsr olunan film çəkilib 27-05-2020, 18:42 “Haralar” rəhbərliyi ad məsələsinə aydınlıq gətirdi 27-05-2020, 18:41 Hakan Sünal 11 azyaşlını müsəlman etdi 27-05-2020, 18:40 Firdovsi Umudov haqqında yazılanlara münasibət bildirdi 27-05-2020, 18:38 Rasim Kara Likioyuya sualla cavab verdi 27-05-2020, 18:37 “Şahdağ”ın 165 min manatı havaya uçdu 27-05-2020, 18:27 “Mövsüm davam edəcəksə, Allah futbolçuların köməyi olsun” 27-05-2020, 18:26 Aminin “Sabah”dakı sabahı necə olacaq? 27-05-2020, 18:23 Çempion məşqçilərin mesajı: “heç kim ağız büzə bilməz” 27-05-2020, 18:20 Nazarovu cəza gözləyir 27-05-2020, 18:18 “Olimpik”i almaq istəyən Piriyevlər kimdi? 27-05-2020, 18:15 Maşalla Əhmədov DTX-ya ərizə yazdı 25-05-2020, 17:50 U-19 liqasının formatında dəyişiklik olmayacaq 25-05-2020, 17:49 İcraiyyə Komitəsi növbəti həftə yığışacaq 25-05-2020, 17:48 Foqts yığmamızın sayəsində liderlər sırasındadı 25-05-2020, 17:36 Futbolumuzun əcnəbiləri bir çatışmazlığı qeyd etdilər 25-05-2020, 17:34 “Təəssüf ki, “Bakı”nın bazası ilə bağlı belə məsələlər oldu” 25-05-2020, 17:26 Aftandil Hacıyev mövsümün bərpasını istəmir 25-05-2020, 13:43 Yaşar Bəşirov lisenziya müəmmasına aydınlıq gətirdi 25-05-2020, 13:31 “Azərbaycan millisini seçdiyimə görə valideynlərimə Bakının mərkəzində mənzil verilməyib” 25-05-2020, 13:29 Aydan ulduZa Türkiyə futbolu 25-05-2020, 13:20 “Nə göz-qaş edirsən, baş məşqçi artıq yatıb, istirahət etmək istəyirəm” 24-05-2020, 11:13 Yayın ilk keçidi Amin Seydiyev oldu 24-05-2020, 10:56 Agentlər Aminin ölkə xaricinə yollanacağını düşünürlər 24-05-2020, 10:47 EFA, “Fireland Football Club”, “Dortmund Bakı”, yox bir qaşqaldaq… 24-05-2020, 10:28 Koronavirus olmasaydı... 24-05-2020, 10:25 “Futbolu qaldırsa, veteranlar qaldıracaq” 23-05-2020, 11:14 Əməkdar məşqçi ölüm-qalım mübarizəsi aparır 23-05-2020, 11:02 “Qəbələ”nin elitada ilk qolunun müəllifi dükan işlədirmiş 23-05-2020, 10:58 AFFA-da qanvermə aksiyası 23-05-2020, 10:57 Bakı UEFA-ya təminat verib 23-05-2020, 10:54 “Ximki”: elita əvəzinə 2-ci dəstəyə 22-05-2020, 16:41 “Stəkan bir yana, əl altında olan hər şey paltardəyişmə otağında uçurdu!” 22-05-2020, 16:32 “Neftçi” bilərəkdən “Bəhramov”a sürgün edildi” 22-05-2020, 11:33 Kurtinaytis 300 nəfər qonaq üçün qəsr icarəyə götürüb 22-05-2020, 11:30 Kamran “Ximki”nin ən məhsuldar futbolçusudu 22-05-2020, 11:29 “Qarabağ”ın həkimi fikir bildirməkdə çətinlik çəkir 22-05-2020, 11:26 Yaşar Vahabzadə “Kəpəz”in futbolçularına kökəlməməyi tapşırıb 22-05-2020, 11:23 Mehman Allahverdiyev cəzalı ola-ola meydana çıxıb 22-05-2020, 11:21 Elxan müəllim, bəs qərar açıqlanacaqdı? 22-05-2020, 11:17 PFL növbəti videkonfransa qatıldı 22-05-2020, 11:16 “Kəpəz”lə “Turan Tovuz” istənilən qərara razı olacaq 22-05-2020, 11:13 “Xaqani Məmmədovun sanki sumqayıtlı hakimlərə qarşı allergiyası var idi” 20-05-2020, 11:30 AFFA divizionda və liqalarda mövsümü erkən bitirir 20-05-2020, 11:27 “Sumqayıt”da 55 nəfər testdən keçdi, “Qəbələ” isə gözləyir 20-05-2020, 11:25 Rövşən Hüseynli birbaşa pley-offa keçməyi təklif etdi 20-05-2020, 11:24 Futzal çempionatında durum futboldakından fərqlidi 20-05-2020, 11:20 Jurnalistlər yerli məşqçinin tərəfdarıdı Bütün xəbərlər
Ən çox oxunanlar