04 mar 10:54liqa / reportaj

Baxımlı oyun və …heç-heçə


74. Sumqayıt – Keşlə 2:2 (1:1)
1. Mehdi Cənnətov – 4,0
44. Elvin Cəfərquliyev – 4,5
5. Camaləddin Xocaniyazov – 5,5
4. Şəhriyar Əliyev (k) – 5,5
14. Elvin Bədəlov – 5,5
18. Süleyman Əhmədov – 5,0
(22. Sərtan Taşkın, 89) – qiymətsiz
46. Aleksey İsayev – 6,0
6. Vüqar Mustafayev - 5,5
8. Peyman Babayi – 6,0
90. Rəhim Sadıxov – 6,5
(9. Amil Yunanov, 76) – qiymətsiz
70. Mehdi Şərifi – 5,0
(10. Əmir Ağayev, 61) – 5,5
Ehtiyat oyunçular
13. Aydın Bayramov
97. Xəyal Nəcəfov
2. Rail Məlikov
50. İlqar Qurbanov
20. Rüfət Abdullazadə
28. Səbuhi Abdullazadə
88. Cavid Quliyev
Baş məşqçi: Ayxan Abbasov
Komandanın ən yaxşısı: Rəhim Sadıxov

1. Stanislav Namaşko – 5,0
4. Slavik Alxasov (k) – 5,5
33. Tərlan Quliyev – 5,0
(5. Franko Flores, 56) – 5,0
21. Miyuşko Boyoviç – 5,0
3. Cabir Əmirli – 5,0
25. Con Kamara – 4,5
(13. Pərviz Azadov, 21) – 5,5
7. Tural Bayramlı – 5,5
(11. Ruslan Qurbanov, 64) – 5,5
17. Vüsal İsgəndərli – 6,5
10. Sezar Meza Kolli – 6,0
30. Şahrux Qadoyev – 5,5
42. Aleksandr Kristovao – 5,5
Ehtiyat oyunçular
94. Rəşad Əzizli
57. Əkpər Vəliyev
18. Ruslan Əmircanov
19. Azər Salahlı
2. İlkin Qırtımov
22. Əfran İsmayılov
6. Rəşad Sadiqov
9. Lorenso Frutos
Baş məşqçi: Tərlan Əhmədov
Komandanın ən yaxşısı: Vüsal İsgəndərli
Qollar: P.Babayi, 4 (1:0, A.İsayev). V.İsgəndərli, 10 (1:1, S.M.Kolli). R.Sadıxov, 59 (2:1, A.İsayev). S.Alxasov, 80 (2:2, V.İsgəndərli).
Vərəqələr: S.M.Kolli, 28 (qeyri-idman hərəkəti). Ş.Əliyev, 54 (qeyri-idman hərəkəti). V.Mustafayev, 69 (qeyri-idman hərəkəti). F.Flores, 70 (qeyri-idman hərəkəti). İ.Qurbanov, 90+1 (qeyri-idman hərəkəti). C.Xocaniyazov, 90+5 (hakimin qərarına etiraz). S.Alxasov, 90+6 (qeyri-idman hərəkəti) – sarı.
Hakimlər: KAMAL UMUDLU, Rahil Ramazanov, Eyyub İbrahimov, Rauf Allahverdiyev (hamısı Bakı).
Hakim-inspektor: Munis Abdullayev (Bakı).
AFFA nümayəndəsi: Maşallah Əhmədov (Bakı).
29 fevral. Sumqayıt. Kapital Bank Arena. 1200 tamaşaçı (1326 yerlik).
Birinci hissəyə 5, ikinci hissəyə 6 dəqiqə əlavə olunub.
Oyunun qiyməti: 6,0.
Hesabat turunun ilk qarşılamasında meydana çıxan komandalar arzusunda olduğu 3 xalı qazana bilməsə də, stadiona gələn azarkeşlər baxımlı, bolqollu, sürətli oyun izlədilər. Maraqlı və gərgin idman mübarizəsi şəraitində keçən görüşdə ilk qol artıq 4-cü dəqiqədə vuruldu. Meydan sahiblərinin heyətində Babayi adını tabloya yazdırdı. Hücum isə Xocaniyazovun sağ cinahda boş qalan Süleymana uzun ötürməsindən sonra başladı. U-21-in üzvü daha əlverişli mövqedə olan İsayevi, sonuncu isə meydanın mərkəzindən qapıya şığıyan Peymanı vaxtında “gördü”. Cənubi azərbaycanlı futbolçu penalti nöqtəsi yaxınlığından uzaq küncü dəqiq nişan almaqla premyer-liqada 7-ci qolunu vurdu. 9-cu dəqiqədə Babayi dubl etməyə yaxın olsa da, İsayevin asmasını lazımınca dəyərləndirə bilmədi. Bir dəqiqə sonra isə artıq Cənnətov topu tordan çıxarmaq məcburiyyətində qaldı. Sezar meydanın “Keşlə”yə aid hissəsindən gözəl ötürmə ilə Vüsalı zərbə mövqeyinə çıxardı. Həmin an “Sumqayıt”ın qolkiperi vaxtında irəli çıxıb təhlükəni sovuşdura bilərdi. Lakin qərar verməkdə çətinlik çəkən, əvvəlcə irəli çıxıb, sonra yerində qalmağı düşünən Mehdinin kobud səhvindən sonra İsgəndərli “paraşüt” zərbə ilə tarazlığı bərpa etdi. 20-ci dəqiqədə Tural qonaqların ikinci qolunu vura bilərdi. Lakin yarımmüdafiəçinin zərbəsi son anda müdafiəçiyə dəyərək meydanı tərk etdi. 34-cü dəqiqədə isə Şərifi yerli azarkeşləri bir anlıq başını tutmağa vadar etdi. Alekseyin uzaqdan güclü zərbəsini Namaşko geri qaytarınca, top Mehdinin qarşısına düşdü. Ancaq Şərifi təxminən 7 metrdən “çərçivə”yə düşə bilmədi. İlk yarının əsas vaxtına əlavə olunmuş dəqiqələrdə Cəfərquliyev komandasının çoxgedişli kombinasiyasını dəqiq tamamlaya bilmədi. Onun itibucaq altında vurduğu zərbədən sonra top cüzi fərqlə dirəyin yanından keçdi.
Fasilədən sonra da tribunaya toplaşanlar dinamik, nəfəskəsən oyuna şahidlik etdilər. Sanki həm meydan sahibləri, həm də qonaqlar tərəfdarlara əsl futbolun necə oynanıldığını göstərmək üçün meydana çıxmışdılar. Rəngarəng hücumlar, hiyləgər ara ötürmələri, ölkə futbolu üçün bir qədər yad olan uzaqdan zərbələr, amansız ikili mübarizələr – bir sözlə, meydanda nə desən, görmək olardı. İkinci yarıda da ilk qol “kimyaçılar”dan gəldi. 59-cu dəqiqədə “Sumqayıt”ın heyətində ən yaxşılardan olan Rəhim təxminən 25 metrdən qüvvətli zərbə ilə komandasını hesabda önə çıxardı. Buna qədər, daha dəqiq desək, 53-cü dəqiqədə Peyman növbəti real qol şansını qaçırmışdı. Onun yaxın məsafədən zərbəsi Namaşkonun üstünə getdiyindən qolkiper çətinliklə də olsa, topu kornerə çıxrmağı bacardı. 80-ci dəqiqədə Slavik səhnəyə çıxdı. Vüsaldan ötürmə alan kapitan Rəhimdən heç də zəif olmadığını nümayiş etdirərək, təxminən 25 metrdən bəlkə də turun ən gözəl qoluna imza atdı. Top elə traektoriya ilə hərəkət etdi ki, həmin an “çərçivə”də Mehdi yox, lap Buffon da olsaydı, onu zərərsizləşdirə bilməzdi. Hesab bərabərləşəndən sonra gözləmək olardı ki, komandalar riskə getməyərək oyunun tempini aşağı salıb heç-heçəyə razılaşacaqlar. Ancaq ehtimallar özünü doğrultmadı. 90-cı dəqiqədə meydana sonradan çıxan Əmir Ağayev Bədəlovun ideal ötürməsindən sonra əlverişli şansı boşa verdi. 90+5-ci dəqiqədə isə qonaqların bəxti gətirmədi. Kristavao müdafiəçini də keçib havada olan topu öncə başı, ardınca isə ayağı ilə qapıya göndərmək istəsə də, müdafiəçi “mərmi”ni uzaqlaşdırdı. Geri dönən top Qadoyevin önünə düşüncə, özbəkistanlı legioner təkrar zərbə ilə “çərçivə”ni nişan aldı. Ancaq bu dəfə Taşkın qəhrəmanlıq etdi. Müdafiəçi son anda topu boş qalan qapıdan çıxardı. Beləliklə, hər iki komanda qələbə üçün əlindən gələni etsə də. turun ən maraqlı oyunu “sülh”lə başa çatdı.
RƏŞAD

Reaksiyalar
Tərlan Əhmədov: “Oyunun gərgin və maraqlı olacağını hardasa təxmin etmişdim. Baxımlı qollar və gərgin mübarizəyə səhnə olan 90 dəqiqə izlədik. Fikrimcə, yaxşı mübarizə apardıq. Baxmayaraq ki, hesabda geri düşürdük, dönüş edə bildik. Qalib də gələ, məğlub da ola bilərdik. Nəticə ədalətli oldu. Məğlub durumda olanda futbolçularımın geridönüş etməsi sevindirdi. Qarşıda çətin oyunlar var. Sona doğru qısa addımlarla və səbrlə işimizi davam etdiririk. İnşallah, bəhrəsini də görərik. Bütün futbolçularıma güvənirəm. Pərviz Azadov sonradan meydana çıxsa da, yaxşı oynadı. Ötən oyunda qol da vurmuşdu. Turalda bir az yorğunluq hiss olunur. Kamaranın yoxluğu bizə çətinlik yaradır. Mənə elə gəlir, zədəsi o qədər də ciddi deyil. Buna baxmayaraq, sabahı gözləməliyik. Son durumunu həkim müayinəsindən sonra biləcəyik. Əlimizdə olan futbolçulardan istifadə etməyə çalışacağıq”.
Ayxan Abbasov: “Evdə oynayırdıq, qələbə qazanmaq istəyirdik. Yaxşı hazırlaşmışdıq. Son dəqiqələrdə açıq futbol gedirdi. İki komandanın da imkanları oldu. “Keşlə” çempionatda 3-cü pillədə qərarlaşıb. Hər oyunu final kimi dəyərləndirəcəyik. Hər iki komandanın fərqlənmək üçün imkanları oldu. Onlar da vura bilmədi, biz də. İlk hissədə bizim daha çox imkanımız oldu. 3-cü qolu da vura bilərdik. Vüqar Mustafayevin qayıdışı heyətlə bağlı seçim zamanı məni heç də çətinə salmayıb. Əksinə, sevinirik ki, futbolçularımız hamısı sağlamdı. Vüqarın zədədən sonra belə oynaması sevindiricidi. Bu gün rəqibə görə heyət qurmuşduq. İntizamsızlıqla bağlı açıqlanan statistikaya gəlincə, biz futbol oynayırıq. “Sumqayıt”da qırmızı vərəqə azdı. Ancaq sarı vərəqələr çox ola bilər ki, bunu da intizamsızlıq saymıram. Normaldı, belə bir statistika böyük əhəmiyyət kəsb etmir. Biz şahmat yox, futbol oynayırıq. Sarı vərəqənin çoxluğu intizamsızlıqla bağlı deyil. Futbolçulardan aqressivlik istəyirik. Çoxlu vərəqə bizi üzür və futbolçulara diqqətli olmağı göstəriş veririk. Bir var oyunçu boş yerə, məsələn, hakimə etraza görə cəzalanır, bir də var oyun vəziyyətində. Bizim futbolçular, demək olar ki, oyun epizoduna görə qarşısında vərəqə görüblər. Qapımızda gördüyümüz hər iki qolda Mehdi Cənnətovun səhvi var idi? Məncə, ikinci qola yenidən baxmaq lazımdı. Slavikin mövsüm ərzində belə qolları olur. Onu boş buraxmamalıydıq. İlk qolda səhv var idi. Mehdinin yaxşı oyunları olub, ona inanırıq. Bu gün sırf bir futbolçudan danışmaq istəmirəm. Qələbəni əldən verdik”.
Con Kamara: “Ani bir epizodda zədələndim. Sanki şok yaşadım. Özümü pis hiss etdim. Hər şeyə həkim müayinəsindən sonra aydınlıq gələcək. Hər iki komanda qol epizodlarından yararlanmağa çalışdı. Hərəyə 2 qol imkanı dəyərləndirildi və yekunda heç-heçə qeydə alındı".
Şəhriyar Əliyev: “Çox maraqlı və ağır oyun oldu. Baş məşqçimiz əvvəlcədən rəqibi təhlil edib, bizə tapşırıqlarını vermişdi. Bilirdik ki, "Keşlə" əks-hücumlardan istifadə etməyi yaxşı bacaran komandadı. Oyun ərzində hər iki tərəfin qələbə üçün yetərincə şansı oldu. Düzdü, bizim fərqlənmək üçün imkanımız daha çox idi. Təəssüf ki, qələbə qazana bilmədik. Artıq bu gündən fikrimizi "Qəbələ" ilə növbəti görüşə yönəltmişik. Açığı, rəqibin oyun sisteminə bələd idik. Daha çox müdafiəçilərin arxasına göndərilən uzun ötürmələrdən istifadə edirdilər. Hesabda önə çıxsaq da, qələbə hesabını qoruya bilmədik. Kiminsə səhvi oldu deyə bir şey yoxdu. Müdafiə hücumdan başlayır. Qol buraxmışıqsa, hamımızın bunda müəyyən səhvi var. İkinci qolda isə, ümumiyyətlə, Slavikdən gözləmirdik ki, o məsafədən qapını düşünsün. Oyunun tempi də yüksək idi. Hesabda öndə olsaq da, bəzən tələskənlik var idi. Məşqlərdə səhvlərimizin üzərində işləyəcəyik ki, qarşıdakı görüşlərdə belə üstünlükləri əldən verməyək".

Gözdən qaçmadı
* Məşqçilər Komitəsinin üzvləri Şakir Qəribov, Ağasəlim Mircavadov və AFFA-nın vitse-prezidenti Vaqif Sadıqov da oyunu “Kapital Bank Arena”da izləyirdilər.
* Yığmanın məşqçisi Arif Əsədov Niderlanda səfər ərəfəsində Sumqayıtdakı görüşü izləmək üçün doğulub boya-başa çatdığı şəhərə təşrif buyurmuşdu.
* “Keşlə”nin prezidenti Zaur Axundov ənənəsinə sadiq qalaraq, oyundan öncə komandasının isinmə hərəkətlərini meydanın kənarından izləməyi lazım bilmişdi.
* "Sumqayıt"ın rəsmi fanklubu Suriyada şəhid olan 33 türk əsgərin xatirəsini tribunadan pankart açmaqla yad etdi. Pankartın bir tərəfində Türkiyə, bir tərəfində isə Azərbaycan bayrağı asılmışdı. Fanatlar həmçinin oyunun gedişində bir neçə dəfə "şəhidlər ölməz, vətən bölünməz" şüarını səsləndirdilər.
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 13:43 "Neftçi" ikinci doğma evim, Azərbaycan ikinci vətənimdi" Bu gün, 13:28 “Keşlə” maaşları tam ödəyəcək Bu gün, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... Dünən, 19:19 AFFA UEFA ilə məsləhətləşmələr aparır Dünən, 19:18 Ağarza Rzayev dünyasını dəyişdi Dünən, 19:08 Çingiz İsmayılov AFFA-nın yardımından imtina edib Dünən, 19:01 “Avropaya yollanmaq üçün Mirançuk daha yaxşı oynamalıdı” Dünən, 18:54 Faiq Qarayev də dəstək kampaniyasına qoşuldu Dünən, 18:50 Uayt döyüş üçün yer tapıb, amma açıqlamır Dünən, 18:46 BOK və yaponiyalılar təzyiqə dözmədi Dünən, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar