31 dek 08:18liqa

Ruslan qış fasiləsinin dönüş nöqtəsi olacağını düşünür


“Özümüzdə millini çalışdıra biləcək kifayət qədər yerli məşqçi var”
Mövsümün əvvəlində çempionatın yekunu ilə bağlı proqnoz soruşsaydın, böyük əksəriyyət mayda avrokuboklara vəsiqə qazanacaq 4 komandadan biri kimi “Sabah”ın adını çəkərdi. Hələ ötən ilin yanvarından başlayan “transfer bombalarının” davamı yayda gəlmiş, komanda xeyli güclənmişdi.
Lakin mövsümə uğurlu start vermək mümkün olmadı. Ardıcıl xal itkilərini ardıcıl məşqçi dəyişiklikləri əvəzləyincə, “Sabah” qış fasiləsinə 14 oyundan sonra vur-tut 13 xalla yollandı. Bu gün “tələbələr”i sonuncu pillədəki “Səbail”dən 1, 3-cü sıradakı “Keşlə”dən 10 xal ayırır. Yəni vəziyyət kifayət qədər ağırdı. Üstəlik, kubok mübarizəsi də başlamamış bitdi.
Hələ ki, yalnız açıqlamaları ilə diqqətləri üzərinə çəkən Jelko Sopiçin dərdə nə dərəcədə dərman olacağını zaman göstərəcək. Amma fakt faktlığında qalır ki, durum heç də ürəkaçan deyil. İndiki halda avrokuboklara vəsiqə qazanmaq olduqca çətin, mümkünsüz görünür. Kənardan görünən başqa olur, içəridən görünən başqa. İçəridəki mənzərəylə tanış olmaq üçün komandanın kapitanı Ruslan Abışovla danışdıq.
- “Zirə”ylə oyunda aldığın zədəyə görə “Sabah”ın son 8 oyununu kənardan izləmək məcburiyyətində qalmışdın. İndiki durumun necədi?
- Zədəm “Neftçi”ylə oyundan əvvəl demək olar sağalmışdı. Sadəcə, bir balaca səbrsizlik etdim və zədəmi müəyyən mənada yenilədim. Şükürlər olsun, artıq sağalmışam, elə bir problem yoxdu. Səbirsizliklə təlim-məşq toplanışını gözləyirəm.
- Yəni toplanışda var gücünlə iştirak edə biləcəksən.
- Əlbəttə. Dediyim kimi, tam hazıram. Hamı kimi, çempionatın ikinci yarısına tam gücümlə hazırlaşacam.
- Yayda “Sabah”da edilən dəyişikliklər yaxşı mənada hamımızı təəccübləndirmişdi. Tanınmış yerli futbolçular heyətə qatılmış, komanda legionerlərlə güclənmişdi. Lakin komandanın turnir cədvəlindəki mövqeyi ürəkaçan deyil. Nə baş verdi?
- Bu suala konkret cavab vermək çətindi. Çünki nəsə baş verəndə konkret bir şey üzündən olmur. Mütləq ki, səbəblər var. Açığı, nə baş verdiyini biz də anlamırıq. Nəticə qazanmaq üçün hər bir şərait ve potensial olsa da, uğur qazana bilmirik. Sanki nəsə var, o “nəsə”ni tapmaq lazımdı. Heyət yaxşıdı, daxildəki ab-hava qaydasındadı, meydanda hamı can qoyur, amma yekunda alınmır. Yəqin yeni baş məşqçi bunun çarəsini tapacaq. Belə deyim, qış fasiləsi bizim üçün dönüş nöqtəsi olmalıdı.
- Yeni baş məşqçi demişkən, Jelko Sopiç iş başına keçəndən standart olmayan açıqlamalarla yadda qalır. Əsas tənqid hədəfi isə futbolçulardı. Xorvat mütəxəssisi necə xarakterizə edə bilərsən?
- Düzdü, xaraktercə çılğın, emosional insandı. Xüsusən də məşq və oyun vaxtları belə olur. Kənarda kifayət qədər sakit, təmkinli, fikirlərini izah edə biləcək biridi. Bizdən əsas istəyi meydanda aqressiv olmağımızdı. Tələbkardı, verdiyi tapşırıqlara meydanda əməl olunmasını istəyir.
- Çempionata Elşad Əhmədovla başladız, o getdi yerini müvəqqəti Rövşən Babayev tutdu, ardınca İqor Ponomaryov gəldi. İndi isə Jelko Sopiç…. Bu qədər məşqçi dəyişikliyi futbolçulara təsir etməyə bilməz.
- Nə demək istədiyinizi anladım. Amma bu məsələdə edə biləcəyimiz nəsə yoxdu. Bizim işimiz futbol oynamaq, baş məşqçinin tapşırıqlarını yerinə yetirməkdi. Dediyiniz məsələ ilə bağlı qərar klub rəhbərliyinə məxsusdu deyə, hörmət etməliyik. Onları da başa düşmək olar. Məşqçi dəyişiklikləri boşuna deyildi, komandanın vəziyyətini yaxşılaşdırmaq, düşdüyümüz durumdan çıxmaq üçün atılan addım idi. Əlbəttə, tez-tez yeni məşqçilərlə çalışmaq asan deyil. Çünki hər birinin fərqli futbol fəlsəfələri olur. Bir məşqçinin tapşırıqlarını dinləyirsən, öurəşirsən, meydanda həyata keçirməyə çalışırsan, bir də baxırsan yenisi gəldi. Sonra ona uyğunlaşmalısan. Ümid edirəm ki, bu dəfəki seçim uğurlu olar.
- Təcrübəli futbolçusan, komandanın kapitanısan. Səncə, durumu yaxşıya doğru dəyişmək üçün bundan sonra nə etmək lazımdı?
- Bu sualın ən yaxşı cavabını baş məşqçi bilər. Amma kapitan kimi şəxsi fikrimi soruşursuzsa, məncə, heyətimiz kifayət qədər yaxşı olsa da, 1-2 mövqe mütləq güclənməlidi. Hansı mövqelərin olduğunu deməyim etik cəhətdən doğru olmaz. Mən sizə düşündüyümü deməyə çalışıram, təfərrüata varmadan. Bundan başqa, zədəli futbolçularımız var idi, Kevin Kubemba ilə Elşən Abdullayev. Bizim üçün olduqca vacib futbolçulardı. Artıq onlar da sıralarımıza qayıdırlar, zədələrini tam sağaldıblar. Bütün bunlar mütləq ki, nəticələrimizə yaxşı mənada təsir edəcək.
- Rəhbərlik bu qədər pul xərcləyib, şərait yaradırsa, mütləq ki, minimum istəkləri Avroliqaya vəsiqədi. Kubok mübarizəsi vaxtından əvvəl başa çatdı, avrokubok vəsiqəsi üçün rəqibləriniz kifayət qədərdi. Çətin olmayacaq?
- Əlbəttə, çox çətin olacaq. Çünki yersiz xallar çox itirmişik. Bu gün “Keşlə”, “Zirə”, “Sumqayıt” da mükafatçı yerlər uğrunda mübarizə aparır. Turnir cədvəlinə baxsaq, 3-cü pillədəki “Keşlə”dən 10 xal geri qalırıq, az fərq deyil. Ona görə də yaranmış fasilədən istifadə edib toparlanmaq lazımdı. İkinci yarıya uğurlu başlaya bilsək, davamı gələcək. Öz gücümüzə inanmalı, xal itkisi barədə qətiyyən düşünməməli və sona qədər mübarizə aparmalıyıq. Hər nə qədər çətin görünsə də, mümkünsüz deyil.
- Xeyli vaxtdı yığmadan uzaq düşmüsən. Həm də millinin mərkəz müdafiəçisi baxımından korluq çəkdiyi vaxtda. Əlini üzmüsən, yoxsa yenidən nə vaxtsa şərəfli formanı geyəcəyinə ümid edirsən?
- Yığmada olmaq hər bir futbolçu üçün böyük motivasiyadı. Mən də tezliklə yıgmadakı yerimi bərpa etmək istəyirəm. Əlbəttə, yığmaya dəvət almaq üçün formasını geydiyin komandanın nəticələri də vacibdi. Ona görə də ilk növbədə “Sabah”dad aim oynamalı və uğurlu görünməliyəm ki, sonra nəyəsə ümid edim. Futbolçu özünü yaxşı tərəfdən göstərəndə istər-istəməz yığma məşqçilərinin diqqətini cəlb edir.
- Və aktual sual. Millinin baş məşqçi azərbaycanlı olmalıdı, yoxsa əcnəbi?
- Özümüzdə millini çalışdıra biləcək kifayət qədər yerli məşqçi var. Ümumiyyətlə mənim fikrim belədi ki, yerli məşqçilərimizə inanmalı və onlarla fəxr etməliyik. Çünki azərbaycanlı futbolçuları onlardan yaxşı heç kim tanıya və oyunlara kökləyib hazırlaya bilməz. Yox,yeni məşqçi əcnəbi olacaqsa, futbolumuza bələd olan və futbolçuları tanıyan biri olmalıdı. Belədə həm tanışlıq üçün vaxt itkisi olmayacaq, həm də daha effektli görünəcək. Bu baxımdan mən də böyük əksəriyyət kimi Robert Prosineçki variantını ağlabatan hesab edirəm.
HƏBİB
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Bu gün, 12:36 Nazim Süleymanovu tərk edənlərin ortaq dərdi var Bu gün, 12:35 Almeyda Şeferin komandasında oynayacaq Bu gün, 12:34 Mahir Əmrəlinin gözəl qolu kifayət etdi Bu gün, 12:32 Birinci oyunu özbəklər, ikincini yığmamız qazandı Bu gün, 12:31 “Keşlə” ikinci oyunda da uduzdu Bu gün, 12:29 “Neftçi”də ispan məşqçi Bu gün, 12:28 “Sabah” "Spartak"ın gəncləri ilə “sülh bağladı” Bu gün, 12:24 “Zirə” toplanışı qələbəylə bitirdi Bu gün, 12:20 “Zirə” Krnetanı qaytardı Bu gün, 12:17 Kvaşuk Azərbaycan xatirələrini bölüşdü Bu gün, 12:13 “Sumqayıt” Türkiyədə ilk qələbəsini qazandı Bu gün, 12:10 Samir Abasov aşağı yaş qrupu üzrə yığmaları çalışdırmaq istəmir Bu gün, 12:07 Rüfət Dadaşovu qınayırlar... Bu gün, 12:05 2020-ci ildə ilk heç-heçə Bu gün, 12:03 Xoş gəldin, Vassaras! Xoş getdin, 5000 avro... Bu gün, 11:58 Yeni federasiyanın ilk iclası keçirildi 22-01-2020, 12:17 Yanvarın 28-də seçki yox, təyinat olacaq! 22-01-2020, 12:15 Rövnəq Abdullayev 4-cü dəfə prezident olmaq istəyir 22-01-2020, 12:14 “Neftçi” Bordinə təzminat ödəyəcək 22-01-2020, 12:12 Rauf Əliyevin qanunlara “hörməti”: həm deputatdı, həm də biznesmen 22-01-2020, 12:09 “Forza Neftçi” Bordinin göndərilməsini gecikmiş qərar sayır 22-01-2020, 12:08 U-19-un düşərgəsində növbəti qalmaqal 22-01-2020, 11:58 “Qarabağ” sonda məğlubiyyətdən qaçdı 22-01-2020, 11:56 “Sabah” əzmkar qələbəyə sevindi 22-01-2020, 11:51 80 dəqiqəlik məşq 22-01-2020, 11:49 Fuad Əsədov Elxan Məmmədovun yalanını üzünə çırpdı 22-01-2020, 11:46 “Kəpəz” rəhbərliyi şəhidlərin yaxınlarından üzr istədi 22-01-2020, 11:44 “Qəbələ”nin yoxlama görüşü yarımçıq qaldı 22-01-2020, 11:37 Füzuli Məmmədov Bordinlə bağlı sualdan yayındı 22-01-2020, 11:34 İki flaqmanın duelini “Dinamo” qazandı 20-01-2020, 11:34 Vasif Talıbov Apeldorn uğursuzluğunun səbəblərini açıqladı 20-01-2020, 11:31 “İnşallah, bu il komandamız elitada oynayar və...” 20-01-2020, 11:30 “Ağsu” divizionda çıxışını dayandıra bilər 20-01-2020, 11:28 Əcnəbi klublar azərbaycanlı futbolçularla maraqlanır 20-01-2020, 11:26 Emin Abbasov Deviçin qayıdışına aydınlıq gətirdi 20-01-2020, 11:25 Tərlan Əhmədovu nəticə maraqlandırmır 20-01-2020, 11:23 “Keşlə” iki qapıçısını itirdi və …darmadağın oldu 20-01-2020, 11:20 “Çempionluq yoluna “Sumqayıt”ı udmaqla başlamaq lazımdı” 20-01-2020, 11:15 Fuad Musayev Samir Ələkbərovu kimin təklifi ilə qaytarıb? 20-01-2020, 11:13 “Sumqayıt”ın Futbol Akademiyasında şok olay 20-01-2020, 11:09 Faciənin yarımçıq qoyduğu səfər… 18-01-2020, 12:09 “Kəpəz” rəhbərliyi Mehman Allahverdiyevi yubileyində yada salmayıb 18-01-2020, 12:05 PFL Antalyaya böyük heyətlə gedib 18-01-2020, 12:00 Şok iddia: AFFA Qriqorçukla danışıq aparır 18-01-2020, 11:58 Niassenin məsələsində nöqtə qoyulmayıb 18-01-2020, 11:54 “Zirə” Antalyada qələbə həsrətinə son qoydu 18-01-2020, 11:46 Buzovna “Xəzri”si necə yaşayır? 18-01-2020, 11:20 "Modern Hospital"da məskunlaşan yığma natamam heyətlə hazırlaşır 18-01-2020, 11:16 "Viktoriya” Fərid Nəbiyevin transferini açıqladı 18-01-2020, 10:58 30 il əvvəl, məhz bu gün... 18-01-2020, 10:48 Deviç “Sabah”a döndü 17-01-2020, 12:30 Şəhriyar övladları ilə bir arada 17-01-2020, 12:28 Biletlərin 81 faizi xarici ölkə vətəndaşlarına satılıb 17-01-2020, 12:25 AFFA Azad Həmkarlar İttifaqı İlham Əliyevə müraciət hazırlayır 17-01-2020, 12:19 Yunis Hüseynov Antalyaya gedir 17-01-2020, 12:15 İcra başçısı ilə görüşün təşəbbüskarı şəmkirli məşqçilər olub 17-01-2020, 12:13 Dario Federiko yoxlama oyununda qol vurdu Bütün xəbərlər
Ən çox oxunanlar