10 apr 22:08liqa, reportaj

“Neftçi”yə daha bir sillə və 7-ci yer…

“Neftçi”yə daha bir sillə və 7-ci yer…
Elxan Abdullayev “Forza”ya növbəti mesajını göndərdi

97. Kəpəz (Gəncə) – Neftçi (Bakı) 2:0 (2:0)
30. Davud Kərimi – 6,5
13. Şəhriyar Rəhimov – 6,0
36. Renan – 6,0
25. Şəhriyar Əliyev – 6,0
21. Novruz Məmmədov – 6,0
5. Kərim Diniyev – 6,0
18. Tural Axundov (k) – 6,0
(7. Vüqar Bəybalayev, 80) – qiymətsiz
19. Orxan Əliyev – 5,5
77. Serjinyo – 5,5
(17. Nicat Qurbanov, 67) – 5,5
10. Dario Federiko – 6,0
(80. Tural Rzayev, 87) – qiymətsiz
90. Jülyen Ebah – 6,0
Ehtiyat oyunçular
88. Tadas Simaitis
6. Ceyhun Cavadov
23. Tural Nərimanov
68. Əli Nuri
Baş məşqçi: Şahin Diniyev
Komandanın ən yaxşısı: Davud Kərimi

33. Boban Baykoviç – 5,0
27. Məqsəd İsayev – 5,5
95. Elvin Bədəlov – 4,5
3. Filyo – 4,5
22. Mahir Şükürov (k) – 4,5
(29. Georgi Navalovski, 46) – 5,0
23. Tərzin Cahangirov – 4,5
8. Zdenek Folprext – 4,5
11. İqnasio Errera – 4,5
(17. Rəhman Hacıyev, 46) – 5,0
7. Namiq Ələsgərov – 4,5
12. Daniel Seqoviya – 4,5
9. Hüqo Barqas – 4,5
(10. Cavid İmamverdiyev, 70) – 4,5
Ehtiyat oyunçular
53. Maksim Vaylo
13. Murad Ağayev
15. Ruslan Abışov
19. Fəhmin Muradbəyli
Baş məşqçi: Elxan Abdullayev
Komandanın ən yaxşısı: Məqsəd İsayev
Qollar: T.Axundov, 14–p. (1:0). T.Axundov, 42–p. (2:0).
Vərəqələr: M.İsayev, 11 (perspektivli hücumun qarşısını kəsmək). M.Şükürov, 81 (hakimin qərarına etiraz) - sarı.
Hakimlər: ELVİN ƏSGƏROV, Rahil Ramazanov, Mübariz Haşımov, Ömər Paşayev (hamısı Bakı).
Hakim-inspektor: Murad Məmmədov (Bakı).
AFFA nümayəndəsi: Əsgər Əmirəliyev (Abşeron).
9 aprel. Gəncə. Şəhər stadionu. 10000 tamaaçı (25000 yerlik).
Birinci hissəyə 1, ikinci hissəyə 5 dəqiqə əlavə olunub.
Oyunun qiyməti: 6,0.

Turun mərkəzi qarşılaşması Bakıda – “Qarabağ”la “Qəbələ” arasında baş tutsa da, məhz bu oyunun yekun nəticəsi az maraq kəsb etmirdi. Paytaxtda çempionluq uğrunda savaşanların duelinə şahidlik edəcəkdiksə, qərbin paytaxtında Avroliqa uğrunda mübarizə aparanlar üz-üzə gəlirdi. Söhbət həm əzəli rəqiblərin, həm də ölkənin iki ən köklü klubunun mübarizəsindən gedir. Mümkün qələbə “Kəpəz”i 6-cı pilləyə qaldıracaqdısa, kubok mübarizəsini dayandıran “Neftçi” ardıcıl ikinci ağır zərbəni alacaqdı. Bakılıların qələbəsi isə qərbliləri əlini Avroliqaya vəsiqədən üzməyə məcbur edəcəkdi. Amma bu heç də asan görünmürdü. Belə ki, ikinci dövrədə Gəncədə baş tutan görüşdə meydan sahibləri qonaqları 2:0 hesabıyla üstələməyi bacarmışdı. Ümumiyyətlə, Gəncə səfərinin istənilən komanda üçün ağır olduğu dəqiqdi. Təsadüfi deyil ki, “Qəbələ”, “İnter”, “Zirə” kimi iddialılar burda xal itirməklə yadda qalıb. Hə, dekabrdakı qarşılaşmada “Neftçi” rəsmilərinin Gəncənin icra başçısı Elmar Vəliyevin göstərişi ilə VİP-lojadan başqa tribunaya göndərilməsi də araya bir başqa prinsipiallıq qatırdı. Odu ki, stadionun yolunu tutan azarkeşləri maraqlı oyunun gözlədiyi şübhə doğurmurdu. Oyun günü Gəncədə doğan günəş futbolla yaxından maraqlanmayanları belə stadionun yolunu tutmağa vadar edirdi.
“Neftçi”nin işinin asan olmayacağı artıq ilk dəqiqələrdən hiss olunurdu. Qışda komandaya cəlb olunan legionerlərin qazonun durumundan narahat olduğunu bir-birinə təəccüblü baxışlarından görmək çətin deyildi. Odu ki, top qəbul etməkdə, irəliləməkdə çətinlik çəkən Errera, Dreksa, Barqas kimilər düşündüyünü edə bilmirdi. Meydan amilindən istifadə etməyə çalışan meydan sahibləri ilk belə fürsəti əldən vermədi. Cərimə zərbəsindən sonra topun “canlı sədd”ə dayanan Seqoviyanın əlinə dəydiyini iddia edən Əsgərov düşünmədən bakılıların qapısına şübhəli penalti təyin etdi. Topa yaxınlaşan Tural Axundov qol vurmaq imkanını boşa vermədi. Gəncəlilər 27-ci dəqiqədə fərqi artırmağa yaxın oldu. Darionun fərdi ustalığı hesabına bir neçə rəqibdən sıyrılıb Ebaha ötürdüyü topu kamerunlunu qabaqlayan Bədəlov qapı qarşısından uzaqlaşdırdı. Bir dəqiqə sonra Mahirin cərimə zərbəsindən fərqlənmək istəyi baş tutmadı. Öz oyununu sərgiləməkdə çətinlik çəkən “Neftçi”nin hesabı bərabərləşdirmək üçün bir yolu vardı: standart vəziyyətlərdən maksimum yararlanmaq. Lakin bu da baş tutmurdu. Davud Kərimi, bəzən də müdafiəçilər ucaboy Seqoviyanın başla fərqlənməsinə imkan vermirdi. 40-cı dəqiqədə Barqas yerli azarkeşləri xeyli həyəcanlandırdı. “9 nömrə”nin tullanaraq başı üzərindən aşırdığı top Şəhriyar Əliyevə tuş gəlməsəydi, çox güman, hesab açılacaqdı. İkinci hissənin planlarını cızan Elxan Abdullayev 42-ci dəqiqədə şok yaşadı. Ebahın cərimə meydançasına ötürdüyü topa Filyo əli ilə toxundu ki, baş hakim “Neftçi”nin qapısına haqlı penalti təyin etdi. Kapitan Baykoviçlə topu fərqli cinahlara göndərib dublunu rəsmiləşdirdi.
Elxan Abdullayev Mahir Şükürovu meydana buraxmaqla etdiyi səhvi fasilədə düzəltməyə çalışdı. Kapitanı və Erreranı meydandan çıxaran baş məşqçi Rəhmanla Navalovskiyə şans verdi. Yeri gəlmişkən, qeyd edək ki, Şükürov ehtiyat oyunçular skamyasında dinc oturmayaraq, hakimin qərarına etiraz etdiyinə görə sarı vərəqə ilə cəzalandırıldı… Əvəzetmələrdən sonra qonaqların çıxışında müəyyən fəallıq nəzərə çarpsa da, real qol imkanı yaratmaq mümkün olmurdu. Seqoviyaya necə gəldi edilən asmalar konkret ünvana göndərilməyincə, ispan hücumçu hər dəfə başını tutmağa məcbur olurdu. İtiriləsi heç nəyin qalmadığını yaxşı bilən “Neftçi” 60-cı dəqiqədən etibarən böyük qüvvə ilə irəli atılmağa başladı. Meydan sahibləri də öz növbəsində müdafiədə diqqətli oynamaqla ümidini əks-hücumlara bağlamışdı. Bir saat ərzində xeyli güc itirən qərblilərin matçın sonlarına yaxın yorulduğu açıq-aşkar hiss olunurdu. Təzyiqi artıran “ağ-qaralar” bir neçə dəfə qola yaxın olsa da, Davud keçilməz olduğunu göstərməkdə davam edirdi. 83-ci dəqiqədə Kərimi Namiqin cərimə zərbəsindən yaxın küncə göndərdiyi topu inanılmaz qurtarışla dəf edib komandasına həyat verdi. “Neftçi”nin bütün cəhdlərinə baxmayaraq, qələbəni bayram edən “Kəpəz” oldu. Bununla da “ağ-qaralar” 7-ci pilləyə yuvarlandı.
HƏBİB
Gözdən qaçmadı
* İcra Hakimiyyətinin başçısı Elmar Vəliyevin yolunu gözləyən xüsusi azarkeşlər eynəkli kişini görən kimi cuşa gəldi. 5-ci dəqiqədən etibarən başçının dayandığı sektorun aşağı hissəsində əyləşənlərin yaratdığı ab-havanın jurnalistlərin işinə hansı çətinlik törətdiyini sözlə ifadə etmək, sadəcə, mümkün deyil.
* Oyundan təxminən yarım saat əvvəl qonaqlar üçün ayrılmış sektorda 12 nəfərlik dəstə gözə dəyirdi. Maraqlandıq və məlum oldu ki, Bakıdan gələnlər “Flaqman”ın üzvləridi. Çox keçmədən təxminən 50 nəfərdən ibarət “Forza Neftçi”lilər mərkəzi sektorun qarşısından keçərək sağ qapının arxasında yerini tutdu.
* “Forza”lıları görən ağsaqqal azarkeşlərdən birinin “bunlar kimdi, bu nə fasondu” sualını yanında əyləşən ortayaşlının şirin Gəncə ləhcəsində “Bakının avtovagzalından gəliflər dana” şəklində cavablaması mərkəzi tribunada əyləşənləri xeyli güldürdü.
* Dekabrda baş tutan qarşılaşmada “Neftçi” rəsmilərinin xoş olmayan münasibətlə üzləşməsi “Kəpəz” rəsmilərini bu dəfə daha diqqətli olmağa vadar etmişdi. Belə ki, qonaqlara ayrıca otaq ayrılmışdı.
* Dördmatçlıq cəzadan sonra yenidən oynamaq imkanı qazanan Nicat Qurbanov qarşılaşmadan əvvəl azarkeşlərin isti münasibətini gördü. Belə ki, tərəfdarlar ehtiyat oyunçular skamyasına tərəf irəliləyən yarımmüdafiəçini uzun müddət alqışladılar.
* 21-ci dəqiqədə Mahir Şükürovun qaydanı pozmasına azarkeşlərdən birinin “50 yaşın var, ay Mahir, get, toyuqlarını bəslə də” deməsi maraqlı atmaca kimi yadda qaldı.
* Futbolsevərləri bu oyunu izləməkdən məhrum edən təkcə “CBC Sport” deyildi. Belə ki, klubların saytları da bu işdə fəallıq göstərmədi. Nəticədə “Xəmsə”nin “feysbuk” səhifəsi canlı yayın təşkil edərək azarkeşləri qismən də olsa, razı saldı.
Reaksiyalar
Elxan Abdullayev: “Belə meydanda oynamaq hər iki komanda üçün çətin idi. Ona görə də bu cür oyunlarda bir qol həlledici olur. Müdafiədə boşluqlar var idi, bunun nəticəsində iki qol buraxdıq. İlk penalti qərarı haqda bir söz deyə bilmərəm, amma ikinci penalti 100 faiz dəqiq idi. Heyətdəki dəyişikliklər zədəlilərə görə idi. 5-6 futbolçunun xidmətindən istifadə edə bilməyəcəkdik. Bəziləri iynə gücünə meydana çıxmışdı. Bunu qabardanda bəziləri bəhanə gətirdiyimi düşünür. Ona görə də zədə söhbətini qabartmaq istəmirəm. Onu deyim ki, nəticə qazanmaq istəyən komandada 28-30 futbolçu olmalıdı. İki hücumçu ilə oynamaq istəyimiz də baş tutmadı. Baxımlı oyun olmasa da, mübarizə aparmağa çalışdıq. Rəqib qələbə qazanıbsa, qələbəyə layiq idi. Buna görə onları təbrik edirəm. Bir heyətlə ardıcıl üç oyun keçirə bilmirik. Bundan sonra nə edəcəyik? Məqsəd bacardığımız qədər irəliləməkdi. Bəzən alınır, bəzən alınmır. Mövsümü neçənci pillədə başa vuracağımızı deyə bilmərəm. Zaman göstərəcək. Əlbəttə, baş məşqçi kimi mənim də hansısa səhvim var. İş olan yerdə səhvlərin olması normaldı. Hansı səhvlərdi? Bunu özüm bilirəm, ətraflı açıqlama vermək istəmirəm. “Forza Neftçi” haqda dediklərimə gəlincə, xuliqan sözünün mənası söyüş deyil. İngiltərədə elə azarkeşlər var ki, onlara xuliqan deyirlər. Yəni Avropada bəzi azarkeşlərə aid olunan sözdü. “Nottingem Forest”lə “Aston Villa”nın azarkeşləri xuliqan kimi tanınır və bunu normal qəbul edirlər. Açıq deyirəm, mən söyüş götürmürəm. Kim götürür, susur, özü bilər. Mən qəbul etmirəm. “İstefa” qışqırsınlar, tənqid etsinlər, amma söyüş eşitmək istəmirəm. Hamı tənqid edir, burda nə var ki? Biri də var qulağın eşidə-eşidə soyüş söyürlər”.
Şahin Diniyev: “Bu gün hər iki komanda üçün son şanslardan biriydi. Saman çöpündən tutacaq qədər az şansımız var idisə də, istifadə etməliydik. Bundan sonra necə olacaq, bilmirik. Hər oyuna qələbə üçün çıxacağıq. Düzdü, “Neftçi”də uyğunlaşma problemi var. Amma yenə də bacardıqlarını göstərdilər. Erkən qol vurmaqla işimizin böyük hissəsini gördük. Uşaqlar bu gün əsl xarakter göstərdi. Hər birini təbrik edirəm”.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 14:11 Şəhriyar Parisdə beşinci oldu Bu gün, 14:09 Kamran “gümüş”lə kifayətləndi Bu gün, 14:08 Məğlubiyyət və “sülh” Bu gün, 14:06 Voleybol millimiz qələbəyə həsrət qaldı Bu gün, 14:05 Nəfəskəsən mübarizədən Rikkyardo qalib ayrıldı Bu gün, 14:02 Yığmada ikinci Alesio dönəmi başlayır Bu gün, 14:01 Fanklublar “Zirə” ilə “İnter”i dəstəkləməyəcək Bu gün, 13:59 Vaqif Sadıqov Məşqçilər Komitəsinin planlarını açıqladı Bu gün, 13:58 “Neftçi” bu gün başlayır Bu gün, 13:57 “İnter”də nə müqavilələr yenilənib, nə də maaşlar verilib Bu gün, 13:54 “Milli Dəstə” iş başında olmayacaq Bu gün, 13:52 “Qarabağ” ÇSKA-dan 5 qol “yedi” Bu gün, 13:49 Şeydayev darmadağına sevindi Bu gün, 13:22 David Manqa “Zirə”ni və Bakını təriflədi Bu gün, 13:19 “Zirə” rumın müdafiəçi ilə münasibətləri rəsmiləşdirdi Bu gün, 13:18 “Ayntraxt”ın məşqçisi Renatın üstün cəhətlərindən danışdı Bu gün, 13:16 AFFA-dan maliyyələşən klublara mayın maaşı verilməyib Bu gün, 13:14 “Ölüm sükutu var idi, heç kim ürək edib nəsə demək istəmirdi” Bu gün, 13:11 “Qəbələ”dən növbəti transfer Bu gün, 13:09 “İstəyirik ki, cəlb edəcəyimiz hücumçu nəinki “Qəbələ”nin, həm də çempionatımızın siması olsun” 25-06-2017, 23:16 AÇ üçün heyət açıqlandı 25-06-2017, 23:15 Ölkə çempionatı başa çatdı 25-06-2017, 23:14 Ukrayna ilə bacarmadıq 25-06-2017, 23:13 Nağı Səfərova yenə etimad göstərildi 25-06-2017, 23:12 Bakıda “Red Bull”dan əzələ nümayişi 25-06-2017, 23:10 Kamran Şahsuvarlı finalda 25-06-2017, 23:08 Əliyar Ağayev “Rusenborq”un oyununa təyinat aldı 25-06-2017, 23:07 UEFA-nın MDB üzrə əlaqələndiricisi “Futbol+”ə danışdı 25-06-2017, 23:05 “Zirə”nin oyununda təcrübəsiz qazax 25-06-2017, 22:56 “Qarabağ” oyuna çıxır, “Samtredia” hücumçuyla gücləndi 25-06-2017, 22:55 “Neftçi” rəsmisi gördüyü işdən danışmaq istəmədi 25-06-2017, 22:44 “Zirə”də yayın məsələsində qeyri-müəyyənlikdi 25-06-2017, 22:43 “Dalğa Arena” avrokubok oyunlarına hazırdı 25-06-2017, 22:42 Patrik Klyuvert “Vətən”ə təşəkkür edib 25-06-2017, 22:37 Sloveniyada AÇ-yə gerisayım başlayır 25-06-2017, 22:36 Fransa millisinin sabiq yarımmüdafiəçisi “Qəbələ”də 25-06-2017, 22:34 Futzal millimiz yenə braziliyalıya tapşırılacaq 25-06-2017, 22:33 Yığmamız qrupda qaldı 25-06-2017, 22:31 BOK prezidenti MOK-a məktub göndərdi 25-06-2017, 22:30 Ayxan Abbasov “Zirə”ni Avroliqaya hazır sayır 25-06-2017, 22:27 "Zirə" rumın müdafiəçi transfer etdi 25-06-2017, 22:09 TRANSFER DOSYESİ 25-06-2017, 22:07 Zirə azarkeşləri oyunun Mərdəkanda keçirilməsindən razıdı 25-06-2017, 22:06 “Sumqayıt” jurnalistlər üçün iftar süfrəsi açdı 25-06-2017, 22:03 “Zirə”nin legionerləri Türkiyədə ləngidi 23-06-2017, 20:23 Avropa Yay Olimpiya Festivalına lisenziya qazandılar 23-06-2017, 20:22 Otellərin sayı artsa, Bakıya daha çox “Formula-1” azarkeşi gələcək 23-06-2017, 20:20 Ronaldoya millinin forması hədiyyə olundu 23-06-2017, 20:17 Emil Balayev “Səbail”ə keçərkən Qurban Qurbanovla danışmayıb 23-06-2017, 20:14 “Zirə” biletlərin qiymətini açıqladı 23-06-2017, 20:12 Əliyar FİFA karyerasına sıfırdan başlayır... 23-06-2017, 20:09 “Samtredia” ilə ilk oyunun başlama vaxtı dəqiqləşdi 23-06-2017, 20:08 “İnter”in rəqibi son çempionu məğlub etdi 23-06-2017, 20:06 Avroliqanın debütantı mübarizəyə hazırdı 23-06-2017, 20:00 Sumqayıtda mükafatlandırma 23-06-2017, 19:56 Yığmanın baş məşqçisi Ermənistanla oyundan danışdı 23-06-2017, 19:55 Avroliqada ikinci dövrə başlayır Bütün xəbərlər
Ən çox oxunanlar