29 okt 10:58layihe

“O zaman idman jurnalistləri daha çox tanınırdı, onların yazılarına maraq daha böyük idi”

“O zaman idman jurnalistləri daha çox tanınırdı, onların yazılarına maraq daha böyük idi”
Məzahir Süleymanzadəni oxuculara “Bakı” tanıdıb
Məzahir Süleymanzadə... Dekabrın 22-də 65 yaşını tamamlayacaq həmkarımızı Azərbaycan daha çox qanlı 20 Yanvardan sonra işıq üzü görən “Səhər”ə görə xatırlasa da, onun idman jurnalistikası sahəsində də əməyi böyükdü. Həm SSRİ, həm də müstəqillik dönəmində nüfuzlu mətbu orqanlarda çalışan Məzahir bəy eyni zamanda idman jurnalistlərinin müxtəlif nəsilləri ilə ünsiyyətdə olub, bu sahənin problemlərinə yetərincə yaxından bələddi. Odu ki, layihə çərçivəsində ikinci qonaq kimi məhz Məzahir Süleymanzadəni seçdik.
- Məzahir bəy, idman jurnalisti kimi formalaşmağınızda tanınmış simalardan kimlərin rolu olub?
- İlk növbədə Şamil Şahməmmədovun adını qeyd edərdim. Gənc yaşlarımdan futbol azarkeşi olduğumdan, ailəmizdə bu idman növünə böyük maraq göstərildiyindən Şamil müəllimin “Neftçi” haqda yazılarını həmişə sevə-sevə oxumuşam. Ona ustadım da deyə bilərəm. Tale elə gətirdi ki, Bakı Dövlət Universitetinin jurnalistika fakültəsini bitirdikdən sonra Şamil müəllim məni “Bakı” qəzetində işləməyə dəvət etdi. Çox xoşbəxtəm ki, məhz ondan sonra həmin dönəmdə hamının oxuduğu, futbolun inkişafına xüsusi diqqət ayıran qəzetdə “Neftçi” ilə bağlı yazılarım dərc olundu.
- İdman jurnalistikasına üz tutmağınız təsadüf oldu, yoxsa əvvəlcədən məhz bu sahədə çalışmağa qərar vermişdiz?
- Mənə sırf idman jurnalisti demək bəlkə də düzgün deyil. Ustadım Şahməmmədov kimi, mənim də müxtəlif mövzularda yazılarım olub. Sənayedən də yazmışam, ölkənin içtimai-siyasi vəziyyətindən də. O zaman idman jurnalistləri daha çox tanınırdı, onların yazılarına maraq daha böyük idi. “Neftçi”nin oyunları zamanı tribunaları dolduran 40 mindən çox azarkeş ertəsi idman yazarlarının matçla bağlı qeydlərini həvəslə oxuyur, onların təhlillərinə diqqət yetirirdilər. Qısaca desəm, futbol mövzusunda yazmaq jurnalisti ictimaiyyətə daha tez tanıtdırırdı. Sonra iş elə gətirdi ki, biz “AFFA nyus” qəzetinin nəşrini davam etdirdik, “Səhər” qəzetində idman, xüsusilə də futbol mövzusu əsas istiqamətlərdən biri idi. Özüm vaxtilə güləşçi olduğumdan idmana daim həvəsim olub. Şamaxı güləş məktəbinin yetriməsi kimi hətta Azərbaycan çempionu da olmuşam. Bu üzdən jurnalist kimi idman mənim üçün daim maraqlı sahə olub.
- Necə düşünürsüz, Azərbaycan idman jurnalistikasının SSRİ dönəminə aid olan hansı ənənələri bu gün də davam etdirilməlidi?
- Bu gün Azərbaycanda idman mediası başqa sahələri işıqlandıran jurnalistlərdən dəfələrlə öndədi. Çünki bu sahədə çalışanlar “xaltura” ilə məşğul olmurlar, gecə-gündüz bilmədən, operativ işləməyə səy göstərirlər. Digər sahələrdən yazan mətbuatımız isə düşünmürəm ki, parlaq dönəmini yaşayır. Sanki onlar dolanbaclardadı. Azıblar, indi yol axtarırlar ki, getmək istədiyi istiqaməti tapsınlar. Ənənəyə gəlincə, məncə, idman jurnalistikasında çalışanlar bu gün də Aqşin Kazımzadə, Firdovsi Zamanov, Oqtay Bayramov, Elmar Cəfərli və adını çəkmədiyim bir çox tanınmış qələm sahibinin yolunu layiqincə davam etdirir. Bu insanlar idman mətbuatının önündə gedənlər idi. Onların yolunu bizlər davam etdirdik. İndi isə estafet gənc nəslindi. Çox sevindirici haldı ki, həmin peşəkarların açdığı cığırla indiki nəsil yoluna davam edir.
- Hər sahədə olduğu kimi, sanki idman jurnalistikasında da nəsillərarası mübarizə var. Bu mübarizə kənardan necə görünür? Ümumiyyətlə, sizin bu məsələyə münasibətiniz necədi?
- Bu suala qismən də olsa, əvvəlki sualınızda cavab verdim. Hazırda idmandan yazanların arasında yetərincə istedadlı, gələcəyə ümid verən gənclər var. Düzdü, onların da öyrənməyə, qələmlərini təkmilləşdirməyə ehtiyac var. Ən əsası əvvəlki nəslin nümayəndələri kimi indiki idman jurnalistləri də Azərbaycan dilinə daha diqqətlidi. Bu məsələdə “Futbol+” məktəbinin də xüsusi rolunun olduğunu vurğulamalıyam. Jurnalistikanın başqa sahələrində çalışanlar çox vaxt dilin qayda-qanununa fikir vermir, cümlə quruluşu yanlış olur. Ola bilsin, başqa sahələrdə hər dövr üçün aktual olan “atalar və oğullar” mübarizəsi yaşanır. Ancaq idman jurnalistikasında bu yoxdu. Bu da ondan irəli gəlir ki, bu sahə üzrə ixtisaslaşan media nümayəndələri daim bir-birinə xoş münasibət bəsləyib, səfərlərdə, tədbirlərdə bir yerdə olublar. Səmimi iş ortamı olan yerdə belə mübarizələrə yer qalmır. Bu bizim vaxtımızda da belə olub, indi də belə davam edir.
- Sizcə, ölkənin idman, futbol uğurları ilə idman jurnalistikası arasında hansısa əlaqə var?
- Şübhəsiz. Bu gün Azərbaycan dünyada idman ölkəsi kimi tanınırsa, idmançılarımız mötəbər turnirlərdə qələbələri sıralayırsa, burda dövlətimiz tərəfindən onlara yaradılan şəraitlə yanaşı, idman jurnalistikasının da müəyyən rolu var. Təbliğat baxımından medianın danılmaz əməyinin olduğunu vurğulamaq lazımdı. Həmin idmançıları azarkeşlərə, tamaşaçılara kim tanıdır? Təbii ki, mətbuat. Bundan başqa, yaşanan problemləri işıqlandırmaq, onun həlli yollarını göstərmək idman mətbuatının üzərinə düşən missiyadı ki, bu gün idman yazarlarımız bu işin öhdəsindən, demək olar ki, gəlir.
- Əksər ölkələrdə bəzi idmançılar karyeralarını başa vurandan sonra idman jurnalistikasına üz tutur. Ancaq bizdə belələrinin sayı çox azdı. Necə düşünürsüz, bu ümumilikdə idmançıların təhsil səviyyəsi ilə bağlıdı, yoxsa bu sahədə olan maddi durum onları jurnalistikaya cəlb etmir?
- Fikrimcə, bunun kökündə idman jurnalistikasının bugünkü maliyyə vəziyyəti durur. İdman jurnalistləri Azərbaycanda ən az təmin olunan zümrələrdəndi. İdman yazarının maaşı azdı, dolanışığı çətindi. Ona görə də peşəkar idmançı karyerasını başa vurandan sonra bu sahəyə üz tutmur. Məncə, hazırda idman mediasında fədakar insanlar çalışır. Təəssüf ki, bayaq qeyd etdiyim kimi idman mətbuatı keyfiyyətinə görə jurnalistikanın başqa sahələrini üstələsə də, maddi baxımdan onlardan geri qalır.
- İdman mediasının inkişafında AFFA-nın rolunu necə dəyərləndirirsiz? Özünüz assosiasiyada çalışan illərdə bu sahəyə hansısa töhfə vermisiz?
- AFFA-nın vəzifəsi idman jurnalistikasının inkişafına xidmət etmək deyil. AFFA ölkə futbolunun inkişafına cavabdehlik daşıyan təşkilatdı. İdman mediası sərbəst sahədi. Ümumi götürəndə isə idman mətbuatına qayğı göstərmək hər bir idmançının borcudu. İlk növbədə Azərbaycan mətbuatının inkişafına cavabdehlik daşıyan qurumlar bu sahəyə diqqət ayırmalıdı. Bu işdə Mətbuat Şurasından tutmuş Azərbaycan Jurnalistlər Birliyinə qədər hamının marağı olmalıdı. İndi AFFA məcburiyyət qarşısında müəyyən tədbirlər həyata keçirirsə, müxtəlif layihələrə görə idman mediasına maliyyə ayırırsa, bunu alqışlamaq lazımdı. Assosiasiyanın heç bir sənədində “idman jurnalistikasının inkişafına cavahdehlik daşıyır” kimi qeyd yoxdu. Ancaq hər iki sahə bir-birinə bağlı olduğundan birgə çalışmaqda maraqlı olmalıdılar. Sualın ikinci hissəsinə gəlincə, mən AFFA-nın bir qədər çətin vaxtlarında qurumda çalışmışam. İndi idman mətbuatında üzdə olan yazarların əksəriyyəti həmin vaxt jurnalistikada ilk addımını atırdı. Maddi vəziyyətimiz ürəkaçan olmasa da, müxtəlif tədbirlədə onlara top, qələm və başqa hədiyyələr verirdik. Çalışırdım yığmanın səfər oyunlarında jurnalistlərimiz də xaricə yollansın. Ən əsası mənim çalışdığım illərdə AFFA-ya gələn istənilən jurnalist böyük hörmətlə qarşılanırdı, lazımi kömək göstərilirdi. Belə deyək, jurnalistə dəyər verilirdi. Məncə, bundan gözəl heç nə ola bilməz.
RƏŞAD
Layihəni AFFA yanında Media Komitəsi maliyyələşdirir
“O zaman idman jurnalistləri daha çox tanınırdı, onların yazılarına maraq daha böyük idi”
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 02:04 Şahin Diniyevin oyunsonrası açıqlamalarının xronikası Dünən, 02:00 Turdan məqamlar Dünən, 01:55 İdman jurnalistlərinin vahid platforması yaradılıb Dünən, 01:50 "Qəbələ" fərqi artırdı Dünən, 01:47 Lökbatanda "6 xallıq" oyun Dünən, 01:43 Hakimlərin mühakiməsi Dünən, 01:38 “Çelsi”ni Bakıdan məyus yola salmaq olar Dünən, 01:34 “Kəpəz”də Yunis Hüseynov dönəmi başladı Dünən, 01:30 “Kəpəz”in Şəhriyarları günahı Diniyevdə yox, özlərində görür Dünən, 01:27 Vüqar yenə qol vursa da… Dünən, 01:25 “Traktorsazi” İsfahanda şok yaşadı Dünən, 01:21 Ruslan Qurbanov yazdı, “Neftçi” azarkeşləri coşdu Dünən, 01:16 İlham Əliyev FİFA-nın prezidentini qəbul etdi Dünən, 01:11 UEFA Azərbaycana 71 min avro göndərdi Dünən, 01:07 Yığma üzvləri Rusiyada sevindi Dünən, 01:05 “Lokomotiv” avrokubokda debüt oyununa çıxır Dünən, 01:01 Olimpiya çempionu Vladiqafqazda fərqləndi Dünən, 00:57 Çingiz Hüseynzadə vəzifəsində qaldı Dünən, 00:55 “Araz”dan çətin qələbə Dünən, 00:49 “Çelsi” də “Atletiko”nun taleyini yaşasın! 20-11-2017, 20:12 Mikayıl Nərimanoğlunun kadrı “Kəpəz”dən qovuldu 20-11-2017, 20:09 Şahin Diniyevin istefasını şərtləndirən səbəblər 20-11-2017, 20:01 "Səbail"in əvəzediciləri də "Kəpəz"ə qənim oldu 20-11-2017, 19:59 Polina Rəhimovanın komandası vahid lider oldu 20-11-2017, 19:58 Lider 3 xalı 1 qolla qazandı 20-11-2017, 19:57 “Qəbələ” bu dəfə də keçilməz oldu 20-11-2017, 19:55 “Neftçi”nin “fanşop”unda təsbeh də satılır 20-11-2017, 19:52 Rüfət Dadaşov 14-ə çatdı 20-11-2017, 19:50 Qısaömürlü, lakin unudulmaz futbol qəzeti 20-11-2017, 19:42 Ağr atletikada cəza müddəti 8 aya enə bilər 20-11-2017, 19:39 Ayxan Abbasov “Zirə”nin oyununda geriləmə görmür 20-11-2017, 19:37 1:1 seriyası bitdi, “Keşlə”nin məğlubiyyətləri yox 20-11-2017, 19:35 Cahangir Həsənzadə danışa bilmir 20-11-2017, 19:34 Konte “Qarabağ”la matçı mövsümün ən vacib oyunu sayır 20-11-2017, 19:32 Debütant önündə yenilgi Diniyevin sonu oldu 20-11-2017, 19:30 Liderlər xal itirmədi 20-11-2017, 19:28 “Qarabağ”ın fanklubları stadionda polis istəmir 19-11-2017, 15:39 U21 millimiz üçün biabırçı 3 ay - XRONOLOGİYA 19-11-2017, 14:59 "21 Oktyabrdan... 20 il sonra" filmi - TRAİLER 19-11-2017, 13:56 Dünya çempionu məşqlərə qatılmır 19-11-2017, 13:50 Tərlan Əhmədov: “Elnur Cəfərov 99 faiz “Neftçi”dən göndəriləcək” 19-11-2017, 13:49 Elnur Cəfərov müsahibədən boyun qaçırdı 19-11-2017, 13:45 Xaqani Məmmədov ofisiant işləyən hakimi yanına çağırdı 19-11-2017, 13:33 “Məsuliyyətdən yayınmaq üçün ictimaiyyətə yanlış fikirlər sırımaq istəyən şəxslə nə danışasan?” 19-11-2017, 13:30 U-21-in üzvləri köməkçi-məşqçilərdən şikayət edib? 19-11-2017, 13:26 Faiq Cabbarov növbəti həftəni gözləyir 19-11-2017, 13:14 Babək Alxasov U-21-dən ayrılmaqla centlmen kimi davrandığını düşünür 19-11-2017, 13:13 Elxan Məmmədov UEFA nümayəndələri ilə görüşdü 19-11-2017, 13:10 Aqil Nəbiyev İmişli stadionuna ziyan vurmadığını deyir 19-11-2017, 13:08 "Qarabağ" azlıqda da güclüdü 19-11-2017, 13:04 Mahmud Qurbanov ÇSKA-nın futbol akademiyasında olub 19-11-2017, 13:01 “Zaqatala” ilk qələbəni çempionla dueldə qazandı 17-11-2017, 22:35 SSRİ idman ustasını MGA-dan da qovdular 17-11-2017, 22:32 “Oyun alğı-satqısı ilə bağlı əsl bazar premyer-liqadadı” 17-11-2017, 22:30 “Kəpəz”in mühasibatlıq sənədləri və möhürü hələ də Bakıdadı 17-11-2017, 22:29 Azərbaycan DÇ-də kimə azarkeşlik edəcək? 17-11-2017, 22:25 Üç yığmaya 4 namizəd Bütün xəbərlər
Ən çox oxunanlar