01 okt 14:56layihe

Avropa və dünya çempionu yetişdirən şəhər stadionsuz qalıb

Avropa və dünya çempionu yetişdirən şəhər stadionsuz qalıb
Ramiz Hacıyev: “Şirvanda idmançılara heç bir qayğı göstərilmir”
Bu dəfə layihə çərçivəsində yolumuz ölkənin 5-ci böyük şəhəri Şiravanadı. O şəhərə ki, təmsilçisi Azərbaycan çempionu olub, ölkə kubokunu qazanıb. Şirvanda (keçmiş adı Əli-Bayramlı) futbola maraq hələ SSRİ dönəminə gedib çıxır. Bəzi bölgələrimizdən fərqli? Mərkəzi Aran zonasının ən böyük yaşayış mərkəzlərindən biri olan bu şəhərin özünəxas futbol ənənəsi var. Şirvanlı gənclərdən qurulmuş komanda Azərbaycanın Moskvadan asılı olduğu vaxtlarda – 1978 və 1985-ci illərdə “Ümid kuboku”nda yeniyetmələr arasında SSRİ çempionu olmaqla yanaşı, “Dəri top” kubokunu da başları üzərinə qaldırmışdı. Bu şəhərin futbol klubu Həvəskarlar Liqasının üçqat və kubokun ikiqat qalibidi. Səmədağa Şıxlarov, Şərafət Əliyev, Tərlan Əhmədov, Vadar Nuriyev, Müşfiq Şükürov, Namiq Bəşirov, Əli Abışov, Elmir Xankişiyev və adını çəkmədiyimiz bir çox tanınmışların böyük futbola yolu məhz bu şəhərdən başlayıb.
Əməkdar məşqçi Tahir Əliyevin rəhbərliyi altında 1980-cı ildə ölkə çempionu olub, kuboku qazanan “Energetik” çoxdan tarixin yaddaşına qovuşub. Böyük futboldan uzaq düşən Şirvan bu gün azyaşlıların ümidinə qalıb. AFFA-nın bayrağı altında keçirilən liqalara qatılan uşaq komandaları olmasa, əminliklə ölkənin 5-ci böyük şəhərində futbolun məhv olduğunu söyləyə bilərik.
Şirvan şəhər Təhsil şöbəsinin Uşaq-Gənclər və İdman İdarəsinin məşqçi-müəllimi, əməkdar məşqçi, şəhərdə çoxlarının “ata” ləqəbi ilə tanıdığı Ramiz Hacıyevlə söhbət zamanı məlum oldu ki, Şirvanda vəziyyət deyildiyindən və yazıldığından da acınacaqlıdı. Şərait var, imkan yox. Arada itirən isə neçə-neçə istedadlı yeniyetmədi. Şirvan futbolunda problem o qədərdi ki, sözün düzü, Ramiz müəllimlə söhbətə bilmədik hardan başlayaq: qoyun otlağına çevrilmiş Şirvan stadionundan, yoxsa AFFA-nın keçirdiyi aşağı yaş qrupları üzrə liqalara qatılan komandaların problemlərindən. Yeri gəlmişkən onu da bildirək ki, Şirvanda tikintisinə 12 il əvvəl başlanan və 10 minə yaxın tamaşaçı tutumu olan stadionun, mini və qış idman meydançaları kimi nəzərdə tutulan böyük idman kompleksinin inşası illərdi yarımçıq qalıb. İdman infrastrukturuna milyonlarla manat xərclənsə də, işin yarımçıq qalması nəticəsində obyekt tam məhv olmaq üzrədi. Aidiyyatı qurumlar isə yaranmış mənzərəyə biganə yanaşırlar.
2004-cü ildə Dövlət Neft Şirkətinin "Azneft" İstehsalat Birliyi tərəfindən tikintisinə başlanılan Şirvan şəhər stadionunda işlər 2008-in sentyabrında dayandırılıb. Stadion ərazisində inşa edilən ikimərtəbəli mehmanxana isə, demək olar ki, hazır vəziyyətdə idi. Şirvan Şəhər İcra Hakimiyyətindən mətbuata bildirilib ki, məsələnin həlli üçün tikintini həyata keçirən Dövlət Neft Şirkətinə bir neçə dəfə yazılı müraciət edilsə də, verilən cavablarda konkret səbəb göstərilməyib. Problemlə bağlı Gənclər və İdman Nazirliyinə də müraciət edilib.
Ömrünün 50 ilini Şirvan futboluna həsr etmiş, uzun müddət “Energetik”də oynamış, sonralar isə klubun baş məşqçisi olmuş Ramiz Hacıyev yaranmış vəziyyət haqda ürəkağrısı ilə danışdı.
- Bu gün Şirvanda futbol yox dərəcəsindədi. Halbuki vaxtilə bu şəhərin komandası istər ümumittifaq turnirlərində, istərsə də respublikadaxili yarışlarda müvəffəqiyyət qazanmağı bacarıb.
- Uşaq futbolu ilə bağlı vəziyyət necədi?
- Hazırda 150-yə yaxın uşaq aşağı yaş qruplarında futbolun sirlərini öyrənir. Ancaq nə xeyri? 15 yaşdan sonra onlar komandasız qalırlar. Çünki bizim gücümüz maksimum U-14 komandasına qədər çatır. Ondan yuxarı yaş qrupları “ev-səfər” prinsipi ilə oynadığından maliyyə vəziyyətimiz onları saxlamağa imkan vermir.
- Bu gün aşağı yaş qrupları hansı qurum tərəfindən maliyyələşir?
- Bildiyiniz kimi, Şirvan komandaları Mərkəzi Aran zonasında çıxış edir. Hazırda 5 yaş qrupumuz AFFA-nın bayrağı altında keçirilən yarışlarda iştirak edir ki, onların da yol xərcləri assosiasiya tərəfindən qarşılanır. Yemək pulunu isə şəhərin Gənclər və İdman İdarəsi ödəyir. O da çox çətinliklə. Şirvanda həmişə futbol olub. SSRİ dönəmində bu şəhərin aşağı yaş qrupları ümumittifaq səviyyəli turnirlərin qalibi olublar. “Energetik” isə 1980-ci ildə həm ölkə çempionu oldu, həm də kuboku qazandı. İndi isə Şirvanda böyük futbol adına heç nə yoxdu. Ən yaralı yerimiz isə stadiondu. Köhnə arenanı sökəndə az qala yalvardım ki, bunu etməsinlər. Həmin stadionda biz Avropa və dünya çempionu yetişdirmişik. Yetirmələrimiz arasında ölkənin aparıcı klublarının şərəfini qoruyanlar da olub. Ancaq heç kim məni dinləmədi. “Böyük və yeni tələblərə uyğun infrastruktur yaradırıq” deyib, köhnəni sökdülər, yenisini isə araya-ərsəyə gətirə bilmədilər. Çox təəssüflə qeyd etməliyəm ki, əhalisinin sayı 100 mindən artıq olan şəhər bu gün stadionsuz qalıb.
- Yeni tikilən stadion hazırda hansı vəziyyətdədi?
- Qısaca desəm, çox acınacaqlı. Gündən-günə hər şey sökülüb-dağılır. Stadionun ərazisində mehmanxana tikmişdilər. Qapısı, pəncərəsi, döşəməsi də yerində idi. Obyektin təhvil verilməsi üçün xırda-para işlər qalmışdı. Obyektə gözətçi təyin olunmadığından oğurluq baş alıb getdi. Bir gün pəncərəsini, o biri gün qapılarını, daha sonra başqa materialları söküb apardılar. Dəfələrlə bu talanın qarşısının alınması üçün müvafiq orqanlara müraciət etdim. Ancaq nə xeyri var? Bu gün həmin adamları tuturlar, 3 gündən sonra buraxırlar.
- Bəs İcra Hakimiyyəti bu məsələyə necə münasibət göstərir?
- İcra hakimiyyəti nə etsin? Obyektin yiyəsi başqa qurumdu. Bölgədə fəaliyyət göstərən neft şirkətlərinin hərəsi bir yerə tabedi. Biri Moskvadakı oliqarx olan həmyerlimizin nəzarətindədi, biri Bakının. Bir sözlə, hər şey yuxarı instansiyalardan tənzimlənməlidi. Elə bu səbəbdəndi ki, Şirvanda idmançılara heç bir qayğı göstərilmir. Həyatını idmanla bağlayan gənclər heç bir işlə təmin olunmurlar. Sonra deyirlər ki, şəhərdə cinayətkarlıq baş alıb gedir. Boş-bekar qalan gənc nə etməlidi? Dolanışığını təmin etmək üçün məcbur olub əyri yollara düşür.
- Bəlkə məsələ ilə bağlı AFFA rəhbərliyinə müraciət edəsiz?
- Bunu da etmişəm. AFFA rəhbərliyinə mövcud durumla bağlı məktub ünvanlamışam, durumumuzu orda izah etmişəm. Lakin heç bir xeyri olmayıb. Ədliyyə Nazirliyindən qeydiyyatdan keçmiş “Şirvan” klubumuz var. Bütün sənədləri də qaydasındadı. AFFA-dan da bildirdilər ki, sponsor tapsaz, aşağı dəstədə çıxış edə bilərsiz. Əmin olun ki, sponsor tapılsa, mənə başqa yerlərdən futbolçu axtarmağa ehtiyac yoxdu. Öz yetirmələrimiz hesabına asanlıqla çempionata qatıla bilərik. Sadəcə, bizə bu imkanı yaratmaq lazımdı.
- Məşq keçmək üçün meydança problemi ilə üzləşdiyinizi bildirdiz. Bəs hazırda rəhbərliyiniz altında futbolun sirlərini öyrənən 150 yeniyetmə harda məşq edir?
- Olimpiya Kompleksinin süni meydanında. Gənclər və idman naziri Azad Rəhimöv bölgəyə səfər edib sakinlərlə görüşürdü. Mən də fürsətdən istifadə edib onun qəbuluna düşdüm.Problemimiz barədə nazirə məlumat verdikdən sonra bizə kompleksdən təmənnasız yararlanmaq imkanı yaratdılar.
- Şirvandan bir çox tanınmış futbolçu çıxıb. Onlar bu gün doğma şəhərin futboluna yardım edirlərmi?
- Onlarla bəzən xeyirdə-şərdə üz-üzə gəlirik. Hamısı yaşanan problemlərdən xəbərdardı. Köməyə gəlincə, onların nə imkanı var ki, nə də etsinlər? İndi zəmanə də dəyişib. Yenə hərdən icra başçısı öz cibindən bizə kömək göstərir.
RƏŞAD
Layihəni AFFA yanında Media Komitəsi maliyyələşdirir
Avropa və dünya çempionu yetişdirən şəhər stadionsuz qalıb
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
19-10-2018, 14:55 “Sumqayıt”dan ayrılan məşçinin cəzası və cəriməsi yarıbayarı azaldıldı 19-10-2018, 14:53 Mirheydər Səfiyev “nala-mıxa vurdu” 19-10-2018, 14:49 Hakimin burnunu sındıran baş məşqçi cəzalandı 19-10-2018, 14:46 Sənan Qurbanov “Neftçi”ylə oyuna dönüş nöqtəsi kimi baxır 19-10-2018, 14:24 Qurban Qurbanova yönələn iradlar haqlıdımı? 19-10-2018, 14:17 “Qarabağ”ın yığma ilə bağlı paylaşımı birmənalı qarşılanmayıb 19-10-2018, 14:14 Mahir sosial şəbəkələrdən istifadə etmir 19-10-2018, 14:12 Rüfət Dadaşov Prosineçkinin addımını axmaqlıq sayır 19-10-2018, 14:02 Futbolçu “Kəpəz”in baş məşqçisini döyüb? 19-10-2018, 14:00 “Böyüklər” yekun vuracaq, “birincilər” başlayacaq 19-10-2018, 13:58 “Neftçi” 1 qolla zirvəyə yüksəldi 19-10-2018, 13:56 Emin Mahmudov "Qəbələ"ni təhlükəli rəqib sayır 19-10-2018, 13:55 AFFA 4 xalı 40 min manatla mükafatlandırıb? 19-10-2018, 13:53 U-21 tsikli səfər xalı ilə bitirdi 19-10-2018, 13:51 “Qarabağ”ın oyununa cəmi 7000 bilet satılıb 19-10-2018, 13:50 Bolqar hakim yaxşı qiymət alıb 18-10-2018, 20:04 AFFA hakimə kəllə atan “Laçın”ın məşqçisini cəzalandıracaq 18-10-2018, 20:03 Mirheydər Səfiyevin istədiyi məbləğ AFFA-nı heyrətləndirib 18-10-2018, 20:01 Çempion və mükafatçı qələbəylə başladı 18-10-2018, 19:52 Qurban Qurbanovun “cırtdan”a qarşı gedişləri 18-10-2018, 19:50 Qələbəyə mane olan səbəblər 18-10-2018, 19:48 Mahirə çıxış yolları göstərdilər... 18-10-2018, 19:45 Maltalılar bayram edir 18-10-2018, 19:39 "Sektor 11" BOS-da niyə varlığını göstərmədi? 18-10-2018, 19:37 Vaxtilə məhbus həyatı yaşayanlar Kokorinlə Mamayevdən danışdı 18-10-2018, 19:34 Erkin İbrahimov Skandinaviyaya aparmaq üçün futbolçu axtarır 18-10-2018, 19:30 AÇ-2020 ilə bağlı tədbir 16-10-2018, 18:25 “Araz”ın uğursuzluğu Zaur Axundovu qəzəbləndirməyib 16-10-2018, 18:22 U-13 liqasında “Laçın”ın baş məşqçisi hakimin burnunu qırdı 16-10-2018, 18:21 Stuxlik Xaqani Məmmədovu “kəsib”? 16-10-2018, 18:19 Ramil Şeydayev topdaşıyan rolunda 16-10-2018, 18:18 Malta ayağımızın altını qazdı 16-10-2018, 18:15 Haşımov Bebeki bəyənib 16-10-2018, 18:14 “Mahir oyundan sonra paltardəyişmə otağında ağlayırdı” 16-10-2018, 18:11 AFFA üçün sponsorluq müqaviləsi 16-10-2018, 18:09 "Neftçi" “parçalandı”, “ağlar” qalib gəldi 16-10-2018, 18:08 Kvaratsxeliya konfransı açıq elan etmək hüququna malikdi 16-10-2018, 18:07 Yığma üzvlərinin qiymətləndirməsi 16-10-2018, 18:04 Həftənin idman proqramı 16-10-2018, 18:03 Xal itirməyən iki komanda qaldı 16-10-2018, 18:01 “Keşlə” divizionun liderini darmadağın etdi 16-10-2018, 18:00 Yaxşı ki “Səbail” var… 16-10-2018, 17:59 Dadaşovlu “Eştoril” son anda xilas oldu 16-10-2018, 17:57 “Xəzər Lənkəran”a uduzduq… 16-10-2018, 17:56 “Sumqayıt”da Diaçenkonu həmyerlisi əvəzləyəcək 16-10-2018, 17:54 Samir Abasov sabiq komandasını üstələdi 16-10-2018, 17:52 “Xilə”yə “Royal Holding” sponsorluq edir 15-10-2018, 14:02 Sabah “Futbol+”də 14-10-2018, 16:36 Firdovsi Umudov proqnoz verməkdən çəkindi 14-10-2018, 16:33 Vüqar Nadirov “Baku City”ni atıb premyer-liqaya getməyəcək 14-10-2018, 16:31 Federasiya rəsmisi legionerlərsiz nəticə qazanmağın çətin olduğunu etiraf etdi 14-10-2018, 16:30 “Sumqayıt” 8 min manat cərimələnən məşqçisiylə yolları ayırdı 14-10-2018, 16:26 Yenilmək növbəsi Maltanındı! 14-10-2018, 16:24 “Milli dəstə” tarixinin ən bahalı səfərini gerçəkləşdirib 14-10-2018, 16:22 Olsen komandasının bəxtinin gətirmədiyini düşünür 14-10-2018, 16:07 Rəşad Sadıqov Renatı maya qədər yığmaya dəvət etməyəcək 14-10-2018, 16:04 Stuxlik hakimlərdən test götürdü Bütün xəbərlər
Ən çox oxunanlar