31 avq 18:56layihe

“Sonra da deyirlər ki, Qazaxda futbolçu yetişmir, “Göyəzən” autsayderdi”

“Sonra da deyirlər ki, Qazaxda futbolçu yetişmir, “Göyəzən” autsayderdi”
Pulsuzluqdan U-11 AFFA-nın bayrağı altında keçirilən çempionata qatılmayacaq
Qərb bölgəsinə “Azərbaycan futbolunun Məkkəsi” deyilir. Uzun illər bu deyim özünü doğruldub. Gəncə, Şəmkir, Tovuz, Qazax daim istedadlı futbolçular yetişdirməklə məşhurlaşıb. Təəssüf ki, son illər adını çəkdiyimiz rayonlarda bu sahədə tənəzzül yaşanır. Bir vaxtlar müxtəlif yaş qrupları üzrə yığmaların əsas bazası sayılan, ölkə futboluna neçə-neçə istedad bəxş edən zonada durğunluq hökm sürür.
Respublikanın Avropaya pəncərəsi sayılan Qazaxın “Göyəzən” klubu ötən əsrin 80-ci illərində SSRİ çempionatının ikinci liqasının 9-cu zonasında çıxış edən 5 Azərbaycan klubundan biri idi. Həmin vaxt şairlər diyarı kimi tanınan rayonda futbola böyük maraq, kütləvi axın var idi. Elə müstəqilliyin ilk illərində də “Göyəzən” ölkə çempionatının güclülər dəstəsinin daim iştirakçılarından biri idi. Qazax səfəri iddialı klublar üçün də ən ağır səfərlərdən biri hesab olunur, ordan xalla dönmək böyük uğur kimi dəyərləndirilirdi. Ancaq son illər bu bölgədə futbola münasibət dəyişib, pulsuzluqdan əziyyət çəkən “Göyəzən” birinci divizionun əbədi autsayderlərindən birinə çevrilib. Əsas komandanın ağır durumu uşaq futboluna da təsirsiz ötüşməyib.
Ötən həftə qərb bölgəsinə səfər çərçivəsində Yevlaxın, Şəmkirin ardından yolumuzu Qazaxa salıb, saza-sözə böyük önəm verən rayonda uşaq futbolunun bugünkü durumu ilə maraqlanmağı lazım bildik. Kaş getməyəydik, qazaxlı balacaların hansı şəraitdə top qovduğunu görməyəydik...
Paytaxtdakı həmyaşıdlarından fərqli, gələcəkdə böyük futbolçu olmaq istəyən, həmyerliləri Elvin Yunuszadə kimi “Qarabağ”da top qovmaq arzusu ilə yaşayan qazaxlı balacaların futbol oynamağa nə normal şəraiti, nə də lazımi inventarları var. Kənardan baxanda sanki Afrikanın hansısa geridəqalmış ölkəsində, kasıblıq içində böyüyən ac-yalavac uşaqların futbol oynadığını izləyirsən. SSRİ dönəmində “Göyəzən”də çalışmış, indi isə azyaşlılara futbolun sirlərini öyrədən Əbilxan Məmmədov da məşqdən sonra bizimlə söhbətdə şəraitsizlikdən giley-güzar etdi: “Əsas komandanın ağır durumda olması aşağı yaş qruplarına da təsir göstərir. Pulsuzluq və məşq keçmək üçün normal şəraitin olmaması ən böyük problemimizdi. Qazax şəhər stadionun hansı vəziyyətdə olduğu bütün futbol ictimaiyyətinə bəllidi. Ot örtüyü sıradan çıxıb, tribunalar qəzalı vəziyyətdədi, paltardəyişmə otaqlarından isə danışmağa dəyməz. Telekanallarda Bakıda, başqa şəhər və bölgələrdə yeni istifadəyə verilən stadionların görüntülərini izləyəndə sözün həqiqi mənasında köks ötürürük. Onların da şəraitinə baxın, bizim də. Bir neçə il əvvəl AFFA-nın dəstəyi ilə rayon mərkəzində süni örtüklü meydança istifadəyə verilmişdi. Həmin mini-meydançadan həm biz, həm də rayonda fəaliyyət göstərən təhsil müəssisələrinin tələbələri istifadə edirdi. Yüklənmə çox olduğundan və baxımsızlıqdan artıq həmin örtük sıradan çıxıb, çalalar əmələ gəlib. Normal məşq etmək mümkün deyil. Qazax həmişə idmanı və idmançıları ilə respublikada aparıcı mövqelərdən birini tutub. Ancaq nə edək ki, son vaxtlar rayonda futbol heç kimi maraqlandırmır. Bu gün də futbola üz tutan yetərincə çox uşaq var. Hər gün valideynlər övladlarını mənim yanıma gətirirlər. Lakin şəraitsizlik səmərəli işləməyimizə mane olur”.
Təcrübəli mütəxəssis inventar sarıdan da çətinliklə üzləşdiklərini bildirməyi unutmadı: “Son vaxtlara kimi AFFA bizi forma və inventarla təchiz edirdi. Lakin iki ildi bu qurum da bizdən üz döndərib. İndi istifadə etdiyimiz formalar “Open Futbol” Açıq Əyləncəli Futbol Məktəbi Layihəsi çərçivəsində bizə təqdim olunub. Çalışırıq həmin geyimlərdən səliqəli istifadə edək ki, yarışlar vaxtı problemlə üzləşməyək. Ötən il U-11, U-12, U-13 və U-14 yaş qrupunda assosiasiyanın bayrağı altında keçirilən ölkə çempionatında iştirak etmişik. Ancaq bu ildən maliyyə problemi ilə üzləşdiyimizdən U-11 komandasını yarışa buraxmayacağıq. Çempionata qatılmayan komandanın üzvləri isə həvəsdən düşür və başqa idman növlərinə üz tuturlar. Bu gedişlə Qazaxda futbol tam məhv olacaq”.
Əbilxan bəy üzləşdikləri durumla bağlı dövlət qurumlarına, “Göyəzən”in sponsoruna müraciət etdiklərini bildirsə də, heç bir reaksiya görmədiklərini də söylədi: “Milli Məclisə seçki ərəfəsində deputatlığa namizəd olanların hamısı ilə görüşüb dərdimizi bildirdik. Hamısı da problemimizi həll edəcəyini bildirdi. Ancaq sonradan heç kim bizimlə maraqlanmadı. Gənclər və İdman İdarəsi də yaşananlardan xəbərdardı. Nə faydası... Səsimizə səs verən, bizə yardım əlini uzadan yoxdu. Sonra da deyirlər ki, Qazaxda futbolçu yetişmir, “Göyəzən” autsayderdi. Belə münasibətlə kim burda qalar? Bu gün neçə-neçə yetirməmiz “Qəbələ”nin və Bakının müxtəlif klublarının aşağı yaş qruplarında çıxış edir. Onların hamısı futbolda ilk addımı məhz Qazaxda atıblar. Ancaq şəraitsizlik səbəbindən sonradan kənara üz tutublar. Heç kim bizi qınaya, işləyə bilməməkdə ittiham edə bilməz. Bakı və başqa şəhərlərdə uşaq futboluna göstərilən diqqətin, ayrılan vəsaitin heç olmasa, yarısı bizdə olsa, hər il müxtəlif yaş qrupu üzrə millilərə oyunçu verərik”.
Göründüyü kimi, futbolu ilə seçilən rayonda indi durum çox acınacaqlıdı. Qazax uşaqlarının futbola marağını yönəltmək, onları peşəkar kimi yetişdirib ölkə futboluna qazandırmaq üçün burda elementar şərait, lazımı infrastruktur yoxdu. Uşaq futbolunda ciddi təməl olmadan hansısa uğura iddia etmək isə yersizdi. Böyük dağın adını daşıyan, vaxtilə Qazaxın qüruru sayılan “Göyəzən” indi yalnız kağız üzərində mövcudluğunu qoruyur. Rəhmətlik Səməd Vurğunun ruhu məni bağışlayar, məşhur misraları belə dəyişməyimə etiraz etməz:
Göylərə baş çəkir Göyəzən dağı,
Futbol Qazax üçün olub gözdağı...
RƏŞAD
Layihəni AFFA yanında Media Komitəsi maliyyələşdirir
“Sonra da deyirlər ki, Qazaxda futbolçu yetişmir, “Göyəzən” autsayderdi”
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 12:53 “Neftçi” Zirədə xal itirdi 17-02-2019, 16:02 Yığma üzvləri darmadağından danışdı 17-02-2019, 16:00 Fərid Nəbiyevə Slovakiya və Sloveniyadan təkliflər olub 17-02-2019, 15:59 “Qarabağ” Dedanı “Karpatı”ya satmağa hazırlaşır 17-02-2019, 15:58 PFL divizionun oyunlarını canlı yayınlayır 17-02-2019, 15:56 Moldova yığmasının üzvü "Neftçi"də 17-02-2019, 15:55 "Bayıl Arena"da 10 qol vurulsa da... 17-02-2019, 15:53 “Qarabağ”dan qorxmuruq, çəkinmirik” 17-02-2019, 15:52 Cavid Hüseynov “Qarabağ”la oyunda 1 xala razıdı 17-02-2019, 15:50 "Qəbələ" həvəslə hazırlaşır 17-02-2019, 15:42 Yurçeviçli millinin nağıl arzuları bəllidi 17-02-2019, 15:40 10 saatlıq tur 17-02-2019, 15:38 “Keşlə” yığmanın marağını klub marağından üstün tutub 17-02-2019, 15:37 Sürprizsiz tur 17-02-2019, 15:35 “Qaranın yerini silkələmək üçün çox çalışdım, alınmadı” 17-02-2019, 12:54 BMM “Futbol+”ə yer verməkdən çəkindi 17-02-2019, 12:53 Azərbaycanın idman ictimaiyyətinə müraciət 17-02-2019, 12:51 “Sumqayıt” “Keşlə”nin aqibətini yaşadı 17-02-2019, 12:48 Türkiyənin heyəti və yoldaşlıq görüşlərinə təyinatlar açıqlandı 17-02-2019, 12:47 Miloş Velebit kimdi? 17-02-2019, 12:45 “Yumşaq” Yurçeviç xaricdə fiasko vəd edir 17-02-2019, 12:44 Musa Qurbanlıdan poker, U-19-dan darmadağın 17-02-2019, 12:40 Sansone “Neftçi”də 600 min manat qazanacaq 17-02-2019, 12:39 Stuxlikin yeniliyinə fərqli münasibət 17-02-2019, 12:37 Klublar Komitəsinin rəhbərsiz qalması AFFA-nın ürəyincə deyil 17-02-2019, 12:36 “Səbail”də argentinalı forvard: 13 ildə 13 (?!) klub dəyişib 17-02-2019, 12:27 Qış fasiləsinin diqqəti çəkən 5 olayı 17-02-2019, 12:25 Stuxlik Xorvatiyaya gedəcək 17-02-2019, 12:23 “Red Black Army” narahatdı 17-02-2019, 12:22 Prinsipial rəqiblərin 50-ci dueli 17-02-2019, 12:18 “Çempionatda limiti ləğv etmişdilər, hamı legioner gətirib, pul “yeyirdi” 17-02-2019, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası Bütün xəbərlər
Ən çox oxunanlar