30 avq 20:35layihe

“Vətən” “Bakı Cup” turnirinin qalibi oldu

“Vətən” “Bakı Cup” turnirinin qalibi oldu
Bölgə təmsilçiləri və xarici klublar maliyyəyə görə yarışa qatılmayıb
Artıq bir neçə vaxtdı bölgələrdə uşaq futbolunun durumunu, bu sahədə çalışan məşqçilərin hansı çətinliklərlə baş-başa qaldığını işıqlandırır, aidiyyatı qurumların diqqətini bu məsələyə yönəltməyə çalışırıq. İstər gənc, istərsə də həyatının çox hissəsini uşaq futboluna həsr edən mütəxəssislərin hamısı, demək olar ki, eyni problemlə üzə-üzədi. Maliyyə çatışmazlığı, yetərincə inventarın olmaması rayonlarda istedadlı uşaqların irəli getməsinə mane olur. Uşaq məşqçilərini narahat edən məqamlardan biri də bölgələrdə aşağı yaş qrupları üzrə turnirlərin təşkil olunmamasıdı. Onların fikrincə, bu cür turnirlər uşaqların həm ustalıq səviyyəsinin yüksəlməsinə yardım edir, həm də rayon mühitində böyüyən azyaşlıların dünyagörüşünün inkişafına təkan verir. Fərqli komandalarda oynayan həmyaşıdları ilə yaşıl meydanda qarşılaşmaq uşaqlara psixoloji cəhətdən müsbət təsir göstərir.
Bugünlərdə, daha dəqiq desək, ötən həftənin sonunda Bakıda “Leon” Futbol Klubunun və AFFA-nın təşkilatçılığı ilə 11 yaşlılar arasında “Baku Cup 2017” turniri keçirildi. Çox təəssüf ki, üç gün davam edən və 12 komandanın – “Leon”, Sumqayıt İOEUGİM, “Əlincə”, “Amasya”, “Buzovna”, “Qarabağ”, “Leon” (U-10), “İnter”, “Qarabağ” (U-10), “Vətən”, “Neftçi” İK və “Səbail”- qatıldığı yarışda bir dənə də bölgə təmsilçisi yox idi. Srağagün keçirilən yarımfinal görüşlərində Sumqayıt İOEUGİM-i “Vətənl”lə qarşılaşdı və matç ikincilərin qələbəsi ilə başa çatdı – 6:1. Digər cütdə isə “Əlincə” ilə “Neftçi” İK üz-üzə gəldi. Əsas vaxtda 2:2 hesablı bərabərlik qeydə alındığından, qalibi müəyyənləşdirmək üçün uzatma dəqiqələrinə ehtiyac duyuldu ki, burda “Neftçi” İK son saniyələrdə fərqlənməklə finala çıxmağı bacardı. 3-cü yer uğrunda görüşdə “Əlincə” Sumqayıt təmsilçisini udaraq “bürünc”ə sahib çıxdı. Turnirin həlledici qarşılaşmasında isə “Vətən” “Neftçi” İK-i böyük hesabla məğlub edib, favorit kimi qatıldığı yarışın qalibi oldu. Yeri gəlmişkən, onu da qeyd edək ki, ADBTİA-nın meydanında keçirilən qarşılaşmaları xeyli sayda azarkeş izləyirdi. Hətta aralarında İrandan gələn bir qrup turist də var idi. Arenada işıqlandırma sisteminin olması matçların axşam saatlarında keçirilməsinə imkan verdiyindən nə azarkeşlər, nə də meydana çıxan uşaqlar istidən əziyyət çəkdi. Onu da bildirək ki, ilk dəfə keçirlməsinə baxmayaraq, turnirdə təşkilatçılıq yüksək səviyyədə idi.
Oyunlar başa çatdıqdan sonra turnirin təşkilatçılarından biri olan “Leon” Futbol Klubunun rəsmisi Mahir Quliyevlə söhbətləşdik. Mahir bəy bölgə təmsilçilərinə dəvət göndərdiklərini bildirsə də, onların vəsait çatışmazlığı səbəbindən Bakıya gəlmədiklərini vurğuladı: “Bu yaxınlarda “Leon” Türkiyədə təşkil olunan turnirdə iştirak etmişdi. Vətənə döndükdən sonra qərara aldıq ki, həmin yarışdan Azərbaycanda da keçirmək olar. İlk dəfə bu cür turnir təşkil etdiyimizdən, ola bilsin, müəyyən çatışmazlıqlar var. Ancaq fikrimcə, ümumilikdə normal dəyərləndirmək olar.Yarışdan öncə paytaxt klubları ilə yanaşı, bölgələrdə fəaliyyət göstərən komandalara da dəvət göndərmişdik. Ancaq demək olar ki, hamısı maliyyə ilə bağlı çətinliklərinin olduğunu qeyd edib, Bakıya gələ bilməyəcəklərini dedilər. “Baku Cup” turnirini hər il təşkil etməyə çalışacağıq. Hətta bu dəfə yarışa qatılan klubların rəsmiləri qış fasiləsində də daha bir yarış təşkil etməyimizi istəyirlər. İstəyirdik ki, turnirdə xaricdən də qonaqlarımız olsun. “Trabzonspor”, Tiflis “Dinamo”su, “Saburali” və Küveytdən bir komanda əvvəlcə Bakıya gəlməyə razılıq versə də, paytaxtda otellərin qiymətlərinin baha olması onları fikrindən daşındırdı. Turnirin təşkilində ALOFF şirkəti, AFFA, ADBTİA bizə dəstək oldu ki, hamısına təşəkkür edirik”.
İlk dəfə keçirilən turnirin qalibi olan “Vətən”in baş məşqçisi Samir Əbdürəhmanov isə bunları söylədi: “Bakıda belə turnirin keçirilməsi ürəyimizcədi. Bu il Avstriyada, Türkiyədə təşkil olunan turnirlərdə iştirak etmişik. Sözün düzü, bugünkü turnir səviyyə baxımından heç də onlardan geri qalmır. Təşkilatçılar maksimum səy göstəriblər ki, komandalar heç bir problemlə üzləşməsinlər. Şübhəsiz, biz də istəyərdik ki, iştirakçıların sayı daha çox olsun. Gəncə, Mingəçevir, Lənkəran təmsilçiləri ilə görüşlər məşçqçi kimi bizə də maraqlı olardı. Ümid edirəm kii, növbəti illərdə “Baku Cup”da bütün bölgələrin komandalarını, eləcə də əcnəbi qonaqları görə biləcəyik”.
“Əlincə”nin baş məşqçisi İlkin Hacıyev də turnirdən razı qaldığını dedi: “Çox yaxşı təşkil olunan yarışa şahidlik etdik. Uşaq futbolunun inkişafını istəyiriksə, belə turnirlərin sayı çox olmalıdı. Özünüz də şahid olduz ki, uşaqlar necə sevinirdilər, sanki onların bayramı idi. İnanıram ki, bu yarış ənənə halını alacaq və hər il təşkil olunacaq”.
RƏŞAD
Layihəni AFFA yanında Media Komitəsi maliyyələşdirir
“Vətən” “Bakı Cup” turnirinin qalibi oldu
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 13:57 Boykotçular martın sonunda turnir təşkil edəcək Dünən, 13:54 “Qarabağ”lılar bu dəfə “Yuventus”a ilişdi Dünən, 13:24 Vüqar Nadirov “FC Baku”dan qovuldu Dünən, 13:22 “Qızıl oğlan” 40 yaşını tamamladı Dünən, 13:19 Zaqreb “Dinamo”sunun skautları Musa Qurbanlını izləyib Dünən, 13:10 Mahir Şükürov Bakıda PSJ-nin məktəbini açmaq istəyir Dünən, 13:04 “Turan Tovuz” baş məşqçi ilə yolları ayırır Dünən, 12:57 “Heç kim bizə qara qəpik də verməyib” Dünən, 12:52 “Keşlə” üçün çıxış yolu Dünən, 12:49 Dmitri Kramarenko yığmada qaldı Dünən, 12:46 "Sumqayıt-2" üç xalı 5, MOİK 4 qolla qazandı Dünən, 12:44 Samir Abasov məşqçi karyerasında bir ilk yaşayacaq Dünən, 12:19 1/8 finalın oyun günləri müəyyənləşdi Dünən, 12:16 Türklər yığmamızı darmadağın etdi Dünən, 12:12 Arzuman Rizvanov Çexiyanın yüksək liqasında Dünən, 12:09 Susqun bombardirlər: 977 dəqiqəyə cəmi 1 qol Dünən, 12:05 Dünya ulduzları Bakıya gəlir Dünən, 12:02 "Səbail" 2400 manat cərimə ilə razı deyil Dünən, 11:23 Yığma İspaniya ilə eyni qrupda 21-02-2019, 19:33 Liderlər üçün asan gəzinti 21-02-2019, 19:32 “Kəpəz”in yubileyinə aid film təqdim olundu 21-02-2019, 19:30 Mitreski “Neftçi”dəki ən yaddaqalan oyununu xatırladı 21-02-2019, 19:28 Zaqreb sınağı: bir ay əvvəlin düşüncələri 21-02-2019, 19:27 Ramil Şeydayev Yurçeviçi tanımır 21-02-2019, 19:25 “El Klasiko” “İdman Azərbaycan”da 21-02-2019, 19:17 Riad Rəfiyev yeni transferləri yararsız saymır 21-02-2019, 19:15 “Sumqayıt” rəhbərliyi məşqçilərlə görüş keçirəcək 21-02-2019, 19:12 Elvin Məmmədov “qara zolaq”dan çıxmaq üçün bir qələbənin kifayət edəcəyini düşünür 21-02-2019, 19:09 Sərxan Hacıyev Budapeştdədi 21-02-2019, 19:07 “İspan mətbəxinə öyrəşmək asan olmadı və 4-5 futbolçumuz xəstələndi” 21-02-2019, 19:06 Ölkə futbolunda rüsvayçılıq davam edir 21-02-2019, 19:05 “Neftçi” qeyri-adi cəzanı əsaslı sayır 21-02-2019, 19:03 Təmkin Xəlilzadə duyğulan(dır)dı 21-02-2019, 19:02 Lider dəyişəcəkmi? 21-02-2019, 18:59 Zal dəyişdi, canlı yayın olmayacaq 21-02-2019, 18:52 İlk dueli türklər qazandı 21-02-2019, 18:50 Emil oynadı, “Tobol” qələbə qazandı 21-02-2019, 18:47 “Elə cavab verərəm, siz də qəzetə yazarsız, sonra ...” 21-02-2019, 18:44 Delarj durumundan məmnundu 21-02-2019, 18:43 Dördüncü “Media turniri” başlayır 21-02-2019, 18:41 Qurban Qurbanov İnzaqi ilə Donadonidən öndə 20-02-2019, 17:45 “FC Baku” və “Şahdağ” rəqiblərinə “5” verdi 20-02-2019, 17:43 U-19-un üzvləri “qırmızı”nı qabartdı 20-02-2019, 17:41 Nikola Yurçeviç Xorvatiyaya qayıdıb 20-02-2019, 17:40 İntizam Komitəsi “Səbail”i cərimələməlidi 20-02-2019, 17:37 Yığmamız Litvanı sınağa çəkəcək 20-02-2019, 16:40 “Sumqayıt”: 70 illiyə 7-ci yerdə?! 20-02-2019, 16:39 Tural rəsmən “Dauqavpils”də 20-02-2019, 16:36 Bu ruh nə ruhdu belə... 20-02-2019, 16:24 Turun statistikası 20-02-2019, 16:21 Turun məşqçisi 20-02-2019, 16:06 Hakimlərin mühakiməsi 20-02-2019, 16:03 Turun oyunçusu 20-02-2019, 16:02 Turun sitatı 20-02-2019, 15:56 Məhsuldarlıq rekordu 20-02-2019, 15:49 Kubokun son qalibindən açılışda səssizlik, ertəsi darmadağın 20-02-2019, 15:45 Əliyar Ağayev VAR-da sınanacaq Bütün xəbərlər
Ən çox oxunanlar