23 avq 21:01layihe

2000 manata görə məhv olan uşaq futbolu

2000 manata görə məhv olan uşaq futbolu
Elşad Mirzəyev: “Şəmkirdə ancaq oxuyana, oynayana, atdanıb-düşənə pul tapılır”
Paytaxtın 367 kilometr uzaqda, respublikanın şimali-qərbində, Gəncə-Qazax iqtisadi rayonunda yerləşən Şəmkir iqtisadi cəhətdən Azərbaycanın ən inkişaf etmiş bölgələrindən sayılır. 200 mindən çox əhalinin məskunlaşdığı rayonda 61 kənd, 4 qəsəbə var. Bölgədə xeyli sayda dövlət və özəl şirkətlər fəaliyyət göstərir.
Əsasən tərəvəzçilik üzrə ixtisaslaşan Şəmkir istixanaların sayına görə də ölkədə liderdi. Rusiya bazarlarını meyvə-tərəvəzlə təmin edən, xeyli sayda imkanlı iş adamının yaşadığı rayon bu gün ictimaiyyət arasında daha çox təm-təraqlı toyların məkanı kimi tanınır. Yerlilərlə yanaşı, Rusiya və Türkiyə şou-biznesinin nümayəndələrinin də tez-tez baş çəkdiyi Şəmkir artıq maqazin proqramlarının reportaj hazırlamaq üçün üz tutduğu əsas məkanlardan biridi.
Halbuki 20 il əvvəl hər şey fərqli idi. Şəmkirin adı gələndə adamlar ilk növbədə futbolu, güclülər dəstəsində at oynadan, ard-arda çempionluqlar bayram edən, Çempionlar Liqasında ilk dəfə mərhələ keçməklə adını ölkə futbolunun tarixinə həkk etdirən, Şahbaz Süleymanov kimi prezidenti olan rayonun eyniadlı komandasını göz önünə gətirir, “qırmızı-ağlar”ın heyətində top qovan futbolçuların adını çəkirdlər.
Təqvimdə 2017-ci il. İndi rayonda nə Saşanın komandasının kölgəsini xatırladan kollektiv, nə hər oyunda tribunaları dolduran azarkeşlər, nə də...
Nə də böyük futbolun bir daha bu bölgəyə ayaq açacağına ümid verən şərait var. Uşaq futbolundan isə danışmağa dəyməz. Əvvəlki illərdə pis-yaxşı rayonun aşağı yaş qrupları AFFA-nın bayrağı altında keçirilən çempionatlara qatılırdısa, bu il maliyyə çətinliyi üzündən bu da olmayacaq. Ötən həftənin şənbə günü Şəmkir Olimpiya Kompleksində görüşüb söhbət etdiyimiz uşaq məşqçisi Elşad Mirzəyev çox çətin durumla üzləşdiklərini, ümumiyyətlə, Şəmkirdə, futbolun məhv olmaq üzrə olduğunu söylədi. Rayon rəhbərliyinin uşaq futboluna münasibətindən narazı olan Mirzəyev artıq məşqçilikdən getmək fikrində olduğunu söylədi.
- Şəmkirdə uşaq futbolunda yaşanan problemləri sadalamaqla qutarmaz. O qədər çatışmazlıq var ki, bilmirəm hansından danışım. İlk növbədə onu bildirim ki, rayonun uşaq futbolu heç kimi maraqlandırmır. Baxımsızlıq ən böyük problemimizdi. Məşhur kinoda deyildiyi kimi, gərək AFFA belə etməyəydi. Assosiasiya heç olmasa, uşaq futboluna maliyyəni dayandırmamalıydı. İki il öncə Fərid Hüseynov rəhbərlikdə təmsil olunanda vəziyyətimiz əla idi. Həmin vaxt 3 yaş qrupu fəaliyyət göstərirdi, bütün turnirlərə də qatılırdıq. Onu da deyim ki, nəticələrimiz də var idi. Zona yarışlarında “Şəmkir”in aşağı yaş qrupları daim ilk “üçlük”də olurdu. Nə forma, nə inventar, nə də meydança problemimi ilə üzləşirdik. Ancaq onu da futboldan küsdürdülər. Hətta Fərid müəllim həftədə bir dəfə bizi məcbur edirdi ki, komandalar yoldaşlıq oyunları keçirsinlər və bütün bunların da xərcini çəkirdi. Bəzi perspektiv vəd edən oyunçularımız üçün xüsusi şərait yaratmışdı. Uşaqlar da rəhbərliyin atdığı addımın qarşılığını verməyə çalışırdılar. Meydana çıxdıqları hər oyunda sona qədər mübarizə aparır, meydanın hər qarışı uğrunda döyüşürdülər. Elvin Səfərli kluba preident gələndən sonra vəziyyət 180 dərəcə dəyişdi.
- Səfərli uşaq futboluna diqqət ayırmırdı?
- O iş başına keçəndən sonra aşağı yaş qrupları ilə bağlı söhbətimiz oldu. İlk toplantıda hər cür kömək göstərəcəyini, uşaq komandalarının inkişafı naminə lazımi dəstəyi verəcəyini bildirdi. Bir neçə gündən sonra onunla növbəti dəfə görüşdük. Bu dəfə illik smetanı klub prezidenti kimi ona təqdim etdim. Gözucu sənədlərə baxdıqdan sonra “mənim sizə verməyə pulum yoxdu” söyləyib, uşaq futbolu ilə bağlı bir daha onu narahat etməməyi tapşırdı. Birdən elə başa düşərsiz ki, smetada nəsə şişirdilmiş rəqəmlər var idi. Allaha and olsun ki, hər şey minimum məbləğlə hesablanmışdı. Komandanı Bakıya, Sumqayıta 120, Qəbələyə isə aparıb-gətirmək üçün nəqliyyat xərci 70 manat nəzərdə tutulmuşdu. Hətta belə gülməli rəqəmlə belə razılaşmadı. Adını da qoydu ki, U-15 komandası “Qəbələ”yə 0:4 uduzursa, aşağı yaş qruplarının fəaliyyət göstərməsi lazımsız bir şeydi. O insana başa sala bilmədim ki, “Qəbələ”yə məğlub olmaq dünyanın axırı deyil. Onların birhəftəlik xərci bizim illik büdcəmizə bərabərdi. O bəhanə axtarırdı və yaranmış vəziyyətdən də istifadə etdi. Komandanın baş inzibatçısı Namiq Sarıyev öz cibindən hər oyuna 150 manat xərcləyirdi ki, bəlkə Elvin müəllim bundan utanıb addım atsın. Ancaq onun üçün şəmkirli uşaqların futbolla məşğul olması maraqsız idi. Səfərli bir ilin içində Şəmkirdə uşaq futbolunu məhv etdi. Perspektivli yeniyetmələrimiz diqqətsizlik səbəbindən başqa kluba üz tutdular. Valideynlər də rəhbərliyin münasibətindən bezmişdi. Ancaq vaxt var idi, bizim aşağı yaş qruplarında oynamaq üçün Tovuzdan, Gəncədən uşaqlar gəlirdilər.
- Ötən il yaşananlar artıq tarixdə qaldı. İndi vəziyyət necədi?
- Acınacaqlı, bundan pisini ağlıma gətirə bilmirəm. Əsas komandanın fəaliyyət göstərib-göstərməyəcəyi məlum deyil. Bugünlərdə aşağı yaş qruplarının taleyi ilə bağlı rayonun Gənclər və İdman İdarəsinin rəisi Emin İsmayolavla danışdım. O uşaq futboluna vəsait ayırmaq iqtidarında olmadıqlarını söylədi. Təsəvvür edirsiz, idman ölkəsi olan Azərbaycanda bu sahənin inkişafına cavabdehlik daşıyan dövlət idarəsi uşaq futboluna vəsait ayırmayacağını bildirir. Bu nə deməkdi?!
- Rayonda başqa futbol bölmələri fəaliyyət göstərir?
- Kağız üzərində bölmələr də var, vəsait də ayrılır. Real durum isə sizə dedyim kimidi. Kür qəsəbəsində Əli adlı məşqçi iki yaş qrupu ilə hazırlıq keçir. Onun komandaları çempionatda UGİM-i təmsil edəcək. Bir də təhsil şöbəsinin komandası var. Orda ata, oğul - İsmayıl və Şöhrət müəllim çalışır. Onlar rayondakı 4 saylı məktəbin idman meydançasında məşq keçirlər. Hamı şəraitsizlik ucbatından işini yola verir. Açığı, işləyən adamı elə vəziyyətə salırlar ki, istər-istəməz əlin-ayağın işdən soyuyur. Artıq məşqilikdən ayrılmaq qərarına gəlmişəm. Nə vaxta kimi cibimin pulunu xərcləyəcəm?
- Bəs yetirmələriniz? Onların gələcək taleyi siz narahat etmir? Neçə illərdi onların üzərindən zəhmət çəkirsiz.
- Bayaq qeyd etdiyim kimi, onların bəziləri artıq başqa klublara üz tutublar. Bugünlərdə isə U-16 komandamızın qapıçısı “Qarabağ”a transfer olundu. Əminəm ki, bir neçə ildən sonra həmin uşaq ölkənin ən güclü qolkiperlərindən biri olacaq, barmaqla göstəriləcək. Aralarında futboldan uzaqlaşanlar da var. Baxımsızlıqdan, problemlərdən bezdilər. Nə vaxta kimi “Şəmkir”in yeniyetmələri o biri klubdakı həmyaşıdlarına baxın köks ötürəcəklər... Fikiləşirlər ki, oyun planında onlardan geri qalmırlar, hər gün həmyaşıdları kimi məşq edirlər. Ancaq “Qəbələ”, “Sumqayıt”, “Neftçi” və adını çəkmədiyim başqa klubların komandaları çempionat oyunlarına xüsusi avtobuslarda, sanballı firmaların geyim dəstində gəlirlər, bunlar isə köhnəlmiş, rəngi qaçmış formalarda çıxırlar. Uşaq psixologiyasıdı, fikirləşir ki, rayonda yaşadığına görə irəli getməsi mümkünsüzdü. Yığma məşqçiləri də o klubların oyunçularını qoyub, “Şəmkir”dən milliyə futbolçu dəvət etməyəcək. Mən bu yaşda şəraitsizlik səbəbindən məşqçilikdən ayrılmaq qərarı verirəmsə, uşağı qınamağa dəyməz.
- Bu sualı əsas komandanın durumu ilə bağlı da vermişdim. Məcburam yenidən təkrarlayım: Şəmkir kimi imkanlı rayonda bir nəfər yoxdu ki, uşaq futboluna maliyyə ayırsın? Sizə illik nə qədər xərc tələb olunur?
- Məbləği desəm, bəlkə də güləcəksiz. Bizim illik xərcimiz cəmi 2000 manatdı. Bu məbləği ayıran yoxdu deyə, uşaq futbolu çökür.
- Bəlkə özünüz iş adamlarına müraciət edəsiz? Onlarla görüşüb durumu izah etsəz, bəlkə sponsor tapıla...
- Ağız açmadığım adam, döymədiyim qapı qalmayıb. Heç kim yaxın durmur. Sanki Şəmkir futbolunu lənətləyiblər. Hara gedirəmsə, kimlə görüşürəmsə, hamı deyir sizdə pullu oğlanlar çoxdu, sənin nə problemin var. Eynilə sizin kimi onlar da eyni fikirləri səsləndirirlər. Daha bilmirlər ki, Şəmkirdə ancaq oxuyana, oynayana, atdanıb-düşənə pul tapılır. Özü də böyük pullar. Ancaq uşaq futboluna görə heç kim əlini cibinə atmaq istəmir. Bu bizim faciəmizdi. İndi duyulmasa da, bir neçə ildən sonra bu laqeydliyin fəsadları üzə çıxacaq. Mənim bir yetirməm var idi. Texniki cəhətdən çox güclü, gələcək vəd edən oyunçu idi. Bir neçə ildən sonra böyük klublarda oynayacağına ümidim böyük idi. Dəfələrlə başqa klublardan ona görə təklif də almışdıq. Lakin heç yerə buraxmadıq ki, öz rayonumuzun komandasında çıxış edər. Şəraitsizlikdən və diqqətsizlikdən bezərək futbolu buraxdı. Onu geri qaytarmaq üçün çox cəhd etdim, ancaq faydasız oldu. Sonradan eşitdim ki, pis yola düşüb. Şəmkirin imkanlı şəxsləri başa düşmür ki, idmana az-çox yatırım etməklə gələcəkdə sağlam nəslin yetişməsinə töhfə verirlər. Bekar qalan uşaq, yeniyetmə özünə nəsə məşğuliyyət tapmalıdı. Bu məşğuliyyət də bəzən sonradan kriminala yol açır. Vaxtında ayılmasaq, sonra çox peşman olacağıq.
RƏŞAD
2000 manata görə məhv olan uşaq futbolu
Layihəni AFFA yanında Media Komitəsi maliyyələşdirir
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 12:54 BMM “Futbol+”ə yer verməkdən çəkindi Bu gün, 12:53 Azərbaycanın idman ictimaiyyətinə müraciət Bu gün, 12:51 “Sumqayıt” “Keşlə”nin aqibətini yaşadı Bu gün, 12:48 Türkiyənin heyəti və yoldaşlıq görüşlərinə təyinatlar açıqlandı Bu gün, 12:47 Miloş Velebit kimdi? Bu gün, 12:45 “Yumşaq” Yurçeviç xaricdə fiasko vəd edir Bu gün, 12:44 Musa Qurbanlıdan poker, U-19-dan darmadağın Bu gün, 12:40 Sansone “Neftçi”də 600 min manat qazanacaq Bu gün, 12:39 Stuxlikin yeniliyinə fərqli münasibət Bu gün, 12:37 Klublar Komitəsinin rəhbərsiz qalması AFFA-nın ürəyincə deyil Bu gün, 12:36 “Səbail”də argentinalı forvard: 13 ildə 13 (?!) klub dəyişib Bu gün, 12:27 Qış fasiləsinin diqqəti çəkən 5 olayı Bu gün, 12:25 Stuxlik Xorvatiyaya gedəcək Bu gün, 12:23 “Red Black Army” narahatdı Bu gün, 12:22 Prinsipial rəqiblərin 50-ci dueli Bu gün, 12:18 “Çempionatda limiti ləğv etmişdilər, hamı legioner gətirib, pul “yeyirdi” Bu gün, 12:13 Amit Quluzadə “Çelik”də 22 gün qalıb və geri qayıdıb 14-02-2019, 23:21 “Karlsen, demək olar ki, səhv etmir” 14-02-2019, 23:18 Günay Məmmədzadə - 9 oyuna 8,5 xal toplayan çempion! 14-02-2019, 23:07 Denis “Sumqayıt”la oyuna dönüş nöqtəsi kimi baxır 14-02-2019, 23:05 Stuxlikin “islahatı” liqalarda narazılıq doğurub 14-02-2019, 23:03 U-21 martda 10 günlük toplanış keçəcək 14-02-2019, 22:54 Yığma penaltini qaçırdı və İspaniyaya uduzdu 14-02-2019, 22:51 “Avropa çempionatında iştirak etmək üçün vuruşacağıq” 14-02-2019, 22:41 Yurçeviçin təyinatına premyer-liqadan baxış 14-02-2019, 22:39 Xorvatlar Yurçeviçin 300 min avro qazanacağını iddia edir 14-02-2019, 22:37 Üç il əvvəlki duelə damğa vuran FİFA referisi 14-02-2019, 22:36 “Tofiq Bəhramov”da növbəti “döyüş” 14-02-2019, 22:34 Divizionda təcrübəli adlar: İmanxan Sultani, Ramil Diniyev, Əliyar Ağayev, İnqilab Məmmədov… 14-02-2019, 22:32 “Xəzər Lənkəran” yenə məhkəməyə gəlmədi 14-02-2019, 22:30 “Səbail” Antalyaya yollanıb 14-02-2019, 22:29 Asif Əsgərov ECA-nın toplantısının detallarını açıqladı 14-02-2019, 22:27 Kluba kəsilən cəriməni “Ağsu”nun futbolçuları ödəyəcək 14-02-2019, 22:26 İntizam Komitəsi daha iki komandaya texniki məğlubiyyət verdi 14-02-2019, 22:25 “Qəbələ”nin sabiq məşqçisi və idman direktoru uğursuzlar arasında 14-02-2019, 22:23 Baş katib BOS-da qonaqlarla görüşdü 13-02-2019, 13:35 Hacı Əliyev: "Hələ optimal formada deyiləm" 13-02-2019, 13:33 AFFA yığmanı Nikola Yurçeviçə tapşırdı 13-02-2019, 13:30 Yığmanın yeni çalışdırıcısını Məşqçilər Komitəsinin üzvlərindən uzaq tutublar 13-02-2019, 13:29 UEFA nümayəndələrinin Bakıya son səfəri 13-02-2019, 13:28 Səyavuş Əliyev “İdman Azərbaycan”ın direktoru olacaq 13-02-2019, 13:22 U-21-in heyəti ilə bağlı növbəti narazılıq dalğası 13-02-2019, 13:21 Aqil Məmmədov zədələnib 13-02-2019, 13:20 “Neftçi”nin bazasında işlər davam etdirilir 13-02-2019, 13:14 “Keşlə” Vaqif Cavadovdan qurtuldu 13-02-2019, 13:11 Almeyda “Qarabağ”dan ayrıldı 13-02-2019, 13:09 “Salam, “Çelsi”, nətərsən?” 13-02-2019, 13:05 Moldova futboluna azarkeşlik edən rus təqaüdçü 13-02-2019, 12:59 Turun statistikası 13-02-2019, 12:56 Turun məşqçisi 13-02-2019, 12:56 Turun oyunçusu 13-02-2019, 12:55 Turun sitatı 13-02-2019, 12:54 Cənub zonasında havaya görə təxirəsalma 13-02-2019, 12:50 Hakimlərin mühakiməsi 13-02-2019, 12:48 “Banişevski kuboku”nda 6 komanda mübarizə aparacaq 13-02-2019, 12:47 “Zirə”dən 6 aylıq icarə və növbəti transfer 13-02-2019, 12:45 Turdan məqamlar Bütün xəbərlər
Ən çox oxunanlar