14 mar 13:09idman, manset

AVF reqlamenti niyə dəyişib?

AVF reqlamenti niyə dəyişib?
Oqtay Musayev: “Beynəlxalq qaydalara əsaslanmaq qərarına gəldik”

Ötən sayımızda Voleybol Federasiyasının reqlamenti dəyişdiyini xəbər vermişdik. Söhbət qalibin xala yox, qələbə sayına əsasən müəyyənləşməsindən gedir. Halbuki daha öncə turnir cədvəlində sıralamanın xala əsasən qurulacağı deyilirdi. İki gün əvvələdək sıralama bu qaydada gedirdi. Ancaq “Telekom” – “Azərreyl” oyunu ərəfəsində öyrəndik ki, qurum Beynəlxalq Voleybol Federasiyasının (FİVB) son illər tətbiq etdiyi qaydalara əsaslanmağı lazım bilib. Bir sözlə, “Telekom” axır ki arzusuna çatdı. Bu klub uzun müddət idi ki, federasiyanı beynəlxalq qaydalara əsaslanmalı olduğunu iddia edirdi. Həm də reqlamentin hələ də onlara təqdim olunmadığını bildirirdi. Əvvəlcə onu qeyd edək ki, cari “voleybol ili” son illərin ən qeyri-adi mövsümlərindən biri oldu. Çempionatın startına az qalmış federasiya rəhbərliyində dəyişiklik baş verdi. AVF-nin prezidenti postunda Ziya Məmmədovu Cavid Qurbanov əvəzlədi. Onun gəlişindən sonra “Lokomotiv”in voleybolçulara görə ödəməli olduğu 1 milyon dollara yaxın borcu AVF tərəfindən hissə-hissə ödənildi. Bunun nəticəsində klublarımız transfer qadağasından qurtuldu. Qurbanov eyni zamanda “Lokomotiv”i yenidən həyata qaytardı. Əslində ötən mövsüm çempionatda debüt edən “Gənclik” cari “voleybol ili”ndə “Lokomotiv”ə çevrildi. Başqa sözlə, daha bir klubumuz ixtisara düşdü. Belədə 4 komanda qaldı. Bu il keçiriləcək Avropa çempionatı ərəfəsində təcrübə qazanmaq istəyən Gürcüstan yığması da çempionatımıza qoşuldu. Beləliklə, cəmi 5 iştirakçıyla birinciliyə start verildi. AVF iştirakçıların sayının azlığını nəzərə alıb, pley-off sisteminin tətbiq olunmayacağını açıqladı. Bundan sonra qərara alındı ki, medalçılar yekunda toplanan xallara əsasən müəyyənləşsin. Hər halda, ictimaiyyətə belə məlumat ötürülmüşdü. AVF-nin ən böyük səhvi o oldu ki, həmin reqlament yazılı surətdə klublara göndərilmədi. Belə yerdə “Telekom”un gileylənməyə haqqı çatırdı. Onsuz da uzun illər federasiya “Azərreyl”in dəstəkçisi kimi tanınıb. Ancaq bu dəfə AVF bu düşüncələri alt-üst etmək qərarına gəldi və qəfil reqlamenti dəyişərək qələbə sayını əsas götürdü. Bu isə o deməkdi ki, “Telekom” qarşıdakı 2 oyunun birində qalib gəlməklə ilk dəfə ölkə çempionu ola bilər. Buna isə şübhə yoxdu. Axı rəqiblər gürcülər və “Lokomotiv” olacaq. Zoran Qayiç hətta 2-ci heyətlə belə bu komandalara qalib gələr. Başqa sözlə, “Telekom” praktiki olaraq ölkə çempionudu.
Dünən AVF-nin qərar dəyişikliyinin səbəbini öyrənmək üçün federasiyanın çempionatların təşkili üzrə əlaqələndiricisi Oqtay Musayevlə danışdıq: “Bildiyiniz kimi, iki-üç ildi FİVB yeni qaydalar tətbiq edib. Hazırki qaydalara görə, 3:0 və 3:1 hesablı qələbələrə 3, 3:2 hesablı zəfərlərə isə 2 xal verilir. Tay-brekdə uduzan komandanın hesabına 1 xal yazılır. Ancaq bu halda qələbə sayı turnir cədvəlində əsas götürülür. Biz də beynəlxalq qaydalara əsaslanmaq qərarına gəldik. Kişilərin çempionatında da bu prinsipə əsaslandıq. Bu üzdən “Lokomotiv” təsnifat mərhələsində bir xal geri qaldığı “Neftçi”dən öndə oldu. Çünki qələbə sayı daha çox idi. Ancaq ikinci mərhələni pley-off yox, dairəvi system üzrə keçirmək qərarına gəldik. İlk dövrənin oyunları martın 15-17-si aralığında Bakıda, ikinci dövrənin görüşləri isə ayın 27-29-da Naxçıvanda keçiriləcək. Yekunda qələbə sayına əsasən medalçılar müəyyənləşəcək”.
Yeri gəlmişkən, kişilərin yarışında final mərhələsinin ilk dövrəsinin təqvimi açıqlanıb. Oyunlar Dərnəgül Voleybol Mərkəzində keçiriləcək:
15 mart
15.00 Neftçi – MOİK, 17.30 Lokomotiv – Naxçıvan
16 mart
15.00 Naxçıvan – MOİK, 17.30 Lokomotiv – Neftçi
17 mart
15.00 MOİK – Lokomotiv, 17.30 Neftçi – Naxçıvan
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 16:53 Ziya Əzizov Tərlan Əhmədov haqda heç nə bilmirmiş… Dünən, 16:51 “İdman Azərbaycan” yalnız “Qarabağ”a, “CBC Sport” hamısına müraciət edib Dünən, 16:49 Oqtay Abdullayev Vidadi Rzayevə mesaj verib Dünən, 16:25 Stankoviç “Sperantsa”nı zəif rəqib saymır Dünən, 16:22 “Azərbaycanı bu cür təsəvvür etmirdim” Dünən, 16:20 “Sperantsa” ilə səfər oyununa getmək üçün 150-160 dollar lazımdı Dünən, 16:19 Efros “Neftçi”ni “Şerif” səviyyəsində görür Dünən, 16:15 “Biz sürgünük, qardaş, sürgün” Dünən, 16:12 “Qarabağ”ın Romerosu gəldi Dünən, 16:08 Slavçev iddialı həmyerlilərinə yenilgidən danışdı Dünən, 15:37 AFFA rəhbərliyi üçün ideal “23-lük”... Dünən, 15:34 “Zirə” hücumçu və müdafiəçi ilə danışıq aparır Dünən, 15:29 Həftənin idman proqramı Dünən, 15:25 “Səbail” Bilalın keçidini rəsmiləşdirdi Dünən, 15:19 “Traktorsazi” adını dəyişdi? Dünən, 15:17 AFFA yığma üzvlərini xarici klublara yerləşdirir Dünən, 15:13 “Kəpəz”dən ayrılan Etibar İbrahimov ölkə xaricinə yollana bilər Dünən, 15:08 Bezotosnı “Qəbələ”nin qərarını anlaya bilmir Dünən, 15:05 “Tobol” potensial liderdi Dünən, 15:04 Qəbələ turnirində görünənlərdən təkcə Yoviç parlamayıb Dünən, 15:02 Banişevskini Ələsgərovdan xəbərsiz əməliyyat ediblər 23-06-2019, 16:11 “Sabah”dan 2000 manatlıq növbəti müsabiqə 23-06-2019, 15:46 “Qarabağ” rəqiblərini “Dalğa Arena”da qəbul edəcək 23-06-2019, 15:40 Mirabdulla Abbasovun məsələsinə nöqtə qoyuldu 23-06-2019, 15:33 Nicat Qurbanov karyerasını bitirmək istəmir 23-06-2019, 15:17 Eddi İsrafilov üçün 500 min avro 23-06-2019, 15:15 Xətai Bağırovun Taylandda maaşı 2500 dollar olub 23-06-2019, 15:14 Minskdə yarışacaq güləş yığmalarının heyəti açıqlandı 23-06-2019, 15:12 Sevinc Bünyatova-Yusubova Mikayıl Cabbarovla görüşmək istəyir 23-06-2019, 15:10 “Hər şey ikitərəfli əlaqələr, razılıq sayəsində baş tutdu” 21-06-2019, 13:44 “Coca-Cola Məktəbli Kuboku”na yekun vuruldu 21-06-2019, 13:38 Ayxan Abbasov Müşahidə Şurasının qərarını gözləyir 21-06-2019, 13:37 Zaur Hidayətov “Sumqayıt-2”ni çalışdıracaq 21-06-2019, 13:34 Nazim Süleymanov Buzovnada veteranlarla görüşdü 21-06-2019, 13:28 Avrokubok təmsilçilərimiz rəqiblərini tanıdı 21-06-2019, 13:25 Tanıtma 21-06-2019, 13:24 Avrokubok iştirakçılarının yoxlama oyunlarını izləyə biləcəyik? 21-06-2019, 13:21 Çingiz Abdullayevlə Kamran Quliyev hədiyyə verdi 21-06-2019, 13:19 “Gurultulu bəyanatlar verməyəcəm” 21-06-2019, 13:18 "Neftçi"nin Mirabdulla ilə bağlı əlavə tələbləri var 21-06-2019, 13:16 Tanıtma 21-06-2019, 13:15 “Səbail” Koçuku razı saldı 21-06-2019, 13:12 Tanıtma 21-06-2019, 13:07 Ramos getdi, Məhəmməd gəldi 21-06-2019, 13:06 “Keşlə” bu gündən başlayır 21-06-2019, 13:05 Etibar İbrahimov “Kəpəz”dən ayrıldı 21-06-2019, 13:01 “Zirə”nin planı açıqlandı 21-06-2019, 12:59 “Qəbələ”nin sabiq məşqçisi Sənan Qurbanovu təriflədi 21-06-2019, 12:57 “Qarabağ”, “Neftçi” və “Qəbələ”nin üzü gülür 21-06-2019, 12:54 Emil Balayevli “Tobol” sonda “yıxıldı” 20-06-2019, 22:50 Yayın ilk “xarici” qələbəsi “Neftçi”dən 19-06-2019, 15:05 Kaprara özünü də batırdı, yığmamızı da... 19-06-2019, 15:03 Mirabdulla Abbasovun məsələsi məhkəməyə qədər gedə bilər 19-06-2019, 15:00 Stiven Jozef-Monroz da “Neftçi”li oldu 19-06-2019, 14:57 Samir Əliyev 0:4-ə görə özünü suçladı 19-06-2019, 14:56 Əliyarı finala layiq görmədilər 19-06-2019, 14:20 Qurban Qurbanov Yurçeviçə cavab vermək istəmədi Bütün xəbərlər
Ən çox oxunanlar