13 mar 11:26idman, manset

“Azərreyl” sindromu qırsa da...

“Azərreyl” sindromu qırsa da...
Zoran Qayiç hakimdən narazı qaldı
Dünən qadın voleybolçuların ölkə çempionatında növbəti turun oyunları keçirildi. İlk görüşdə “Azəryol” “quru” qələbəyə sevinsə də, “Lokomotiv”in 2-ci və 3-cü setdə bürünc medalı təmin etmiş rəqibinə ciddi müqavimət göstərdiyini söyləyə bilərik. Sözsüz, əsas diqqətlər “Telekom” – “Azərreyl” görüşünə yönəlmişdi. Ancaq qarşılaşmayadək intriqa, demək olar ki, ölmüşdü. Buna səbəb Voleybol Federasiyasının qərarını dəyişməsi idi. Belə ki, buna qədər çempionun toplanan xallar əsasında müəyyənləşəcəyi söylənilirdi. “Telekom” isə buna etiraz edir, sıralamanın dünya praktikasına uyğun müəyyənləşməli olduğunu bildirirdi. Belədə isə sıralama xala yox, qələbəyə əsasən müəyyənləşir. Bu isə o demək idi ki, hətta “Azərreyl” prinsipial oyunda qalib gəlsəydi belə, “Telekom” liderliyini davam etdirəcəkdi. Çünki yenə də qələbə sayına görə öndə olurdu.
AVF-nin son anda qərarını dəyişməsi görüşün məzmununa ciddi təsir göstərmədi. Tərəflər arasındakı əvvəlki 3 matçdakı kimi gərgin mübarizə baş tutdu. Komandalar hər xal uğrunda sonadək savaşırdı. Ancaq əvvəlcə onu qeyd edək ki, Gənclik Olimpiya Kompleksinə yetərincə azarkeş toplaşmışdı. Təbii, meydan sahiblərinə simpatiya bəsləyənlər daha çox idi. Tribunadakıların əksəriyyəti zərif cinsin nümayəndələri idi. İzləyicilər arasında “Telekom”un və yığmamızın hücumçusu Yelizaveta Səmədovanın sevgilisi, “Zirə”nin müdafiəçisi Yovan Krneta da vardı.
Eldar Əliyevlə Konstantin Selinin idarə etdiyi oyuna “Telekom” yaxşı başladı. Rəqibin kobud səhvlərindən məharətlə yararlanan “rabitəçilər” ilk texniki fasiləyə 8:2 öndə yollandı. Fasilədən sonra da meydan sahibləri fərqi artırmaqda davam edirdi. Famil Ağayev hücumda “dişsizlik” göstərən Yekaterina Jidkovanı Anastasiya Qurbanovayla əvəzlədi. Maraqlıdı ki, ikinci texniki fasiləyə kimi böyük fərqdən əsər-əlamət qalmamışdı. Hətta sonrakı dəqiqələrdə qonaqlar önə də çıxdı. Ancaq Zoran Qayiçin müdaxilələrindən sonra “Telekom” yenidən təşəbbüsü ələ aldı. Həlledici məqamlardan biri Aynur Kərimovanın hücum şansını qaçırması oldu. Belədə ilk set “ağ-göylər”in hesabına yazıldı. İkinci setdə başabaş mübarizə izləmədik. Komandalar xala-xal prinsipinə yalnız ilk dəqiqələrdə riayət etdi. Tezliklə təşəbbüsü ələ keçirən “Telekom” fərqi nəzərəçarpan dərəcədə açdı. Setin ortalarında serbiyalı mütəxəssis Ülkər Kərimovanı libero kimi meydana buraxdı. Gənc voleybolçu pis təsir bağışlamadı. Hər halda, onun meydançada olduğu müddətdə “Azərreyl” fərqi qapaya bilmədi. Belədə ümumi hesab 2:0 oldu. 3-cü setdə yenidən əsl çempionluğa layiq komandaların mübarizəsini izlədik. Texniki fasilələrə “Telekom” nisbi üstünlüklə yollansa da, “Azərreyl” təslim olmaq niyyətində deyildi. Müdafiədə və blokda sayıq oynayan son ölkə çempionu setin sonlarında üstünlüyə yiyələndi. Bu zaman tribunalardakı ab-havanı görməyə dəyərdi. Komandaların azarkeşləri sanki bir-biriylə yarışa çıxmışdı. Ab-havaya söz ola bilməzdi. Gərgin mübarizədən “Azərreyl” qalib ayrıldı.
Famil Ağayevin komandasının qələbə arzusu, aqressivliyi birə beş artmışdı. Bu istəklə 4-cü setə start verən “qırmızı-qaralar” hücumda məhsuldarlıq nümayiş etdirirdi. “Telekom” isə sanki şoka düşmüşdü. “Azərreyl”in fərqi 4 topa çatdırması çox şeydən xəbər verirdi. 2-ci zonadan endirilən zərbələr effektli alınırdı. “Azərreyl”də əsas önə çıxan fiqur Jidkova idi. Yığma üzvünün zərbələrinin əksəriyyəti dəqiq olurdu.
Hesab 22:21 olarkən anlaşılmazlıq yaşandı. Belə ki, “Telekom”un bir neçə voleybolçusu blok xalına sevinsələr də, hakim topun yerə toxunmadığını düşünərək oyunu davam etdirdi. Yekunda xalı “Azərreyl” qazandı. Buna meydan sahibləri kəskin etirazını bildirsə də, hakim qərarını dəyişmədi və üstəlik, “ağ-göylər”in bir üzvünə sarı vərəqə göstərdi. Gərgin keçən bu set də qonaqların hesabına yazıldı. Beləliklə, bu mövsüm tərəflər arasında keçirilən 4-cü oyun da 5-ci setədək davam etdi.
Tay-brekdə gah bu, gah da digər komanda önə keçirdi. Hərarət ən yüksək həddə çatmışdı. Barışmaz mübarizənin səviyyəsinə söz ola bilməzdi. Setin ortalarında “Telekom” 3 xal fərqiylə önə çıxdı. Famil Ağayevin götürdüyü fasilədən sonra “Azərreyl” özünə gəldi. Epizodların birində yan xətt hakiminin bayrağını qaldırması “Telekom”un liberosunu özündən çıxardı. Mariya Filipova hisslərini cilovlaya bilməyib, ədalət təmsilçisini itələdi. Bundan sonra baş hakim meydan sahiblərinə xəbərdarlıq etdi ki, bənzər hadisə baş versə, rəqibə 1 xal veriləcək. Növbəti epizodda isə “Azərreyl”in baş məşqçisi topun auta çıxacağını düşünüb, onu tutdu. Halbuki Valeriya Məmmədova topu qaytara bilərdi və buna görə gənc mütəxəssisə narazılığını bildirdi. Amansız mübarizənin yekununda qonaqlar qələbə qazandı. Beləliklə, “Azərreyl” bu mövsüm ilk dəfə “Telekom”a qalib gəldi.
Oyundan sonra Qayiç hakimləri alqışlayaraq özünəməxsus formada etirazını bildirdi. Olduqca əsəbi olan serbiyalı çalışdırıcı əvvəlcə görüş haqda fikirlərini bölüşməkdən boyun qaçırdı. Ancaq qəzəbi soyuduqdan sonra suallarımıza cavab verdi: “Çox çətindi. Çünki heç kim reqlamenti bilmir. Hərə bir söz danışır. Bütün dünya qələbə sayını əsas götürür. Belə hesablansa, biz praktiki olaraq çempionuq. 2-ci setdən sonra arxayınlaşmadıq. Sadəcə, rəqib yaxşı oynamağa başladı. Jidkovanın zərbələrinə blok qoya bilmirdik. Bu mövsüm ilk dəfə “Azərreyl”ə uduzduq. Fikrimcə, azarkeşlər əla oyun izlədi. Qarşılaşma həqiqətən zövqləri oxşadı. Hakimlikdən razı qalmadım. 5-ci setdə topumuz auta getməmişdi. Ümumiyyətlə, bizə qarşı hakimlərin haqsızlığı dəfələrlə olub”.
Famil Ağayev isə bunları söylədi: “2:0-dan bu oyunu çevirmək voleybolçularımızın xarakterindən, savaşcı ruhundan xəbər verir. Hər iki komanda əla oynadı. Bu, mövsümün ən yaxşı qarşılaşması oldu. Hər iki komandanı təbrik edirəm. Voleybolda dəfələrlə olub ki, 0:2 geridə olan komanda sonradan özündə güc taparaq qələbə qazanıb. Bu gün də biz bunu bacardıq. Əvəzetmələrimiz də özünü doğrultdu. 2-ci setdən sonra Jidkovanın da oyunu alındı. Onunu oyunu alınanda qarşısını almaq çox çətin olur. Federasiyadan yarışın reqlamenti ilə bağlı bizə heç nə deyilməyib. Hələ xala, ya qələbəyə görə çempionun müəyyənləşəcəyi bilinmir”.
Azəryol - Lokomotiv 3:0 (25:13, 27:25, 26:24), Telekom - Azərreyl 2:3 (25:22, 25:16, 23:25, 22:25, 16:18)
1.Telekom 14 12 2 38-18 33
2. Azərreyl 14 11 3 39-14 34
3. Azəryol 14 7 6 30-18 25
4. Lokomotiv 14 3 11 11-35 9
5. Gürcüstan 12 0 12 3-36 0
Qeyd: AVF-nin dəyişdiyi reqlamentdə qələbə sayı əsas götürüldüyü üçün “Telekom” liderdi.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:05 Kaprara özünü də batırdı, yığmamızı da... Dünən, 15:03 Mirabdulla Abbasovun məsələsi məhkəməyə qədər gedə bilər Dünən, 15:00 Stiven Jozef-Monroz da “Neftçi”li oldu Dünən, 14:57 Samir Əliyev 0:4-ə görə özünü suçladı Dünən, 14:56 Əliyarı finala layiq görmədilər Dünən, 14:20 Qurban Qurbanov Yurçeviçə cavab vermək istəmədi Dünən, 14:16 “Qarabağ” “Səbail”i məğlub etdi Dünən, 14:12 Mahirdən şübhəli mesaj Dünən, 14:07 U-21-lə bağlı süjet “tufan qopardı” Dünən, 14:05 “Qəbələ” Ukrayna təmsilçisi ilə qarşılaşacaq Dünən, 14:04 “Zirə”dən ayrılanlar “Qəbələ” ilə anlaşdı Dünən, 14:00 Emildən növbəti “quru” oyun Dünən, 13:58 Veteranlar arasında çempionat bərpa olunacaq Dünən, 13:57 Baş katib Nazim Süleymanova qərargah və pul söz verdi Dünən, 13:55 Fərid Nəbiyev vətənə qayıtmaq istəmir Dünən, 13:52 “Səbail” bu gün Bolqarıstana köçür Dünən, 13:51 “Keşlə” sabah toplanışa başlayır Dünən, 13:44 “Qara bazar” sakitləşib, amma Azərbaycanın pulu yenə xaricə axır Dünən, 13:39 Həftənin idman proqramı 18-06-2019, 16:04 11 ildə xərclənən milyonların siyahısı... 17-06-2019, 21:43 “Sabah”ın Türkiyə planında dəyişiklik oldu 17-06-2019, 21:42 Xətai Bağırov Taylanddan qayıdır 17-06-2019, 21:42 Əliyar Fransada daha bir oyun idarə etdi 17-06-2019, 21:32 Bölməyə aparılam azarkeşlər məhkəməyə müraciət edə bilərlər 17-06-2019, 21:31 Ruslan Abışov “Neftçi”dən ayrılmasının səbəbini gizlətmədi 17-06-2019, 21:29 Rauf Əliyev “Neftçi”dəki rəqabətdən çəkinmir 17-06-2019, 21:27 "Səbail" makedoniyalı qapıçı ilə anlaşdı 17-06-2019, 21:26 "Neftçi" gözlənilən transferi gerçəkləşdirdi 17-06-2019, 21:24 “Qarabağ”ın veteranı klub rəhbərliyindən gileyləndi 17-06-2019, 21:23 “Əvəzimə əcnəbi müdafiəçi alınmayacaq, çünki komandada üç yerli müdafiəçi var” 17-06-2019, 20:06 Süni gündəm: “Qarabağ”ın futbolçuları hədəf göstərilir 17-06-2019, 20:04 Əfran İsmayılov yığmada lider çatışmazlığını qabartdı 17-06-2019, 20:03 U-21-in üzvü “Zirə”də 17-06-2019, 20:02 “Real”ın yeni transferinin zirvəyə yolu “Qəbələ Cup”dan keçib 17-06-2019, 20:01 Transfer dosyesi 17-06-2019, 20:00 Futbolçular xaricə gedə bilməməyin günahını agentlərdə görürülər 17-06-2019, 19:58 Gerye “köhlən atlar”la razılığa gəldi 17-06-2019, 19:57 Arif Əsədov üzr istədi və vaxt azlığını əsas gətirdi 17-06-2019, 19:55 Aleksey İsayev Avropaya yollanır 17-06-2019, 19:20 “Xəzər qasırğası” 75 yaşında! 17-06-2019, 18:53 Azad Cabbarov yenə sədr seçildi 17-06-2019, 18:49 Rıbka da azarkeşsizlikdən gileylənir 17-06-2019, 18:47 “Bu təcrübə Bakıya AÇ-2020-də зox kцmək edəcək” 17-06-2019, 18:36 “Energetik” can üstədi... 14-06-2019, 22:42 Nazim Süleymanov bu dəfə Masallıya üz tutdu 14-06-2019, 22:32 AFFA ilə sövdələşənlər “Futbol+”i hədəf seçdilər 14-06-2019, 22:31 "Ronaldinyo akademiyası"nın layihəsi qüvvədədi 14-06-2019, 22:30 “Neftçi" Sansone ilə vidalaşdı 14-06-2019, 22:28 Skarlatake daha bir il "Zirə"də 14-06-2019, 22:27 Bu dəfə 5 qapaz... 14-06-2019, 22:17 Yurçeviç xəcalət çəkdiyini bildirib, üzr istədi 14-06-2019, 22:15 Yığma üzvlərinin qiymətləndirməsi 14-06-2019, 22:13 “Bakcell Arena”da azarkeşlər “istefa” tələb etdilər 14-06-2019, 22:11 Yığmanın və AFFA-nın “altını üstünə çevirdilər” 14-06-2019, 22:09 “Qəbələ” birinci divizionun bombardiri ilə anlaşdı 14-06-2019, 22:07 Futbol ictimaiyyəti çıxış yolu göstərdi 14-06-2019, 22:05 Məşqçilər Komitəsinin üzvləri dilə gəldilər Bütün xəbərlər
Ən çox oxunanlar