11 noy 14:05idman

Asif Məmmədov Olimpiada ilə bağlı proqnoz verməkdən çəkindi

Asif Məmmədov Olimpiada ilə bağlı proqnoz verməkdən çəkindi
“Dünya çempionatında medal qazanmaq mümkünsüz idi”
Kişi və qadın ağır atletlər arasında Türkmənistanın paytaxtı Aşqabadda keçirilən dünya çempionatı finişə yaxınlaşır. Bizim üçün isə mundial bir neçə gündü başa çatıb. Ötən sayımızda 7 atletimizin nəticələrini diqqətinizə çatdırmışdıq. Qısaca xatırladaq ki, Məhəmməd Məmmədli (61 kq) 23-cü, Rüstəm Qasımov (67 kq) 26-cı, Kənan Xəlilov (67 kq) 25-ci, Füqan Əliyev (73 kq) 37-ci, Paşa İbrahimli (73 kq) 41-ci, Kənan Əliquliyev (81 kq) 37-ci, Tarmenxan Babayev (89 kq) isə 28-ci yeri tutub. Nəticələrin həddən artıq zəif olduğunu qeyd etməklə yanaşı, təmsilçilərimizin yaşının azlığını da önə çəkmişdik. Daha konkret olsaq, yığma üzvlərinin orta yaş həddi 18,8-ə bərabərdi. Amma təbii ki, bu ilk növbədə bizim problemdi. Ortada isə konkret rəqəmlər var ki, əsas tutarqa da budu.
Əlbəttə, uğursuzluq varsa, cavab verməli olan şəxsdən hesabat sormalıyıq. Bu isə yığma üzvlərinin hazırlığına və nəticələrinə cavabdeh olan baş məşqçidi. Asif Məmmədov 1 ilə yaxındı bu postu tutur. Gənc mütəxəssisdi, 38 yaşı var. Dünən onunla söhbətdə həm mundialı dəyərləndirdik, həm də yığma üzvlərinin perspektivinə işıq saldıq.
- Atletlərimizin çıxışı yalnız narazılığa yox, həm də narahatlığa səbəb oldu. Hər halda, 7 yığma üzvündən heç biri fəxri kürsüyə qalxmaq bir yana, ilk “20-liy”ə belə düşə bilmədi. Razı qalmaq üçün hansısa əsasınız var?
- Əlbəttə, yoxdu. Mən də bir məşqçi olaraq narazı qaldım. Buenos Ayresdə keçirilən yeniyetmələrin Olimpiadasında və gənclər arasında AÇ-də medal əldə etmişdik. Aşqabadda isə zəif çıxış etdik. Dünya çempionatının səviyyəsi başqadı, ən güclülərin qatıldığı yarışdı. Üstəlik, bu mundial ilk dəfə yeni qaydalarla keçirilir. Əvvəllər Olimpiadaya komandanın çıxışına əsasən vəsiqə qazanılırdısa, indi hər bir idmançı fərdi şəkildə bu hədəfin öhdəsindən gəlməlidi. Bizim heyət isə yenidi, uşaqların yaşı azdı, təcrübə çatmır. Bu üzdən fikrimcə, dünya çempionatında medal qazanmaq mümkünsüz idi. Mən də 1 ilə yaxındı bu heyətlə işləyirəm. Qarşıda daha 6 lisenziya xarakterli yarış var. Yəni şans bitməyib.
- Yığma üzvlərinin yaşının və təcrübəsinin azlığını başa düşdük. Bəs imkanından aşağı çıxış edənlər oldumu?
- Elə də böyük fərq olmadı. Təlim-məşq toplanışlarında və yarışlarda göstərdikləri nəticələrə uyğun çıxış etdilər. Aşağı-yuxarı, demək olar ki, eyni çəkini qaldırdılar. Buna rəğmən, dünya çempionatına qatılmaq çox vacib idi. Uşaqları güclü rəqiblərlə mübarizədə sınadıq, nəyə qadir olduqlarını gördük.
- Diqqətimizi çəkən bir məqam da oldu. Belə ki, bəzi atletlərimiz sonadək mübarizə aparmadılar, yəni “körpücüy”ə çıxmaqdan boyun qaçırdılar.
- Diz qeyd edirsiz. Bunun bir neçə səbəbi var. İdmançı hansısa yanaşmadan sonra özünü yaxşı hiss etməyə bilər. Yüngül zədə də bunda rol oynayır. Bizim idmançılarda da bu problemlər sözünü dedi. Həkimin də məsləhəti ilə “körpücüy”ə çıxmadılar. Yəni başqa səbəb axtarmağa lüzum yoxdu.
- Mundialda yalnız kişilər arasında təmsil olunduq. Məgər ölkəmizdə qadın atlet yoxdu?
- Əlbəttə ki, var. Elə biri Səbinə Əzimova. Yeniyetmələr arasında Avropa çempionudu. Başqaları da var. Sadəcə, böyüklər arasında çıxış etmək üçün hazır deyillər, yəni nəticələri buna imkan vermir. Legionerimiz Boyanka Kostovanın cəza müddəti bitib. Amma qaydalara görə yarışa qatılmaq üçün dopinq-testdən keçməlidi. Boyanka bunu etmədiyindən mundiala apara bilmədik.
- Ümumiyyətlə, zədə üzündən kənarda qalan atlet oldu?
- Yalnız Səbinə Əzimovanın adını çəkə bilərəm. Belində ağrılar var.
- Dopinqdə “ilişən” yetərincə potensiallı atletimiz var. Onlardan hansısa Olimiadaya kimi sıraya dönə biləcək?
- Yalnız Dadaş Dadaşbəylinin cəzasının müddəti gələn il başa çatır. Valentin Xristov, Firudin Quliyev, Elxan Əliquliyev isə 2023-cü ildə sıraya dönəcək. Yəni yaxın gələcəkdə onların qayıdacağı real deyil.
- Sonda narahatlıq doğuran məqama qayıdaq. Mundialda qeydə alınan nəticələr Tokio Olimpiadası ilə bağlı nikbin düşünməyə əsas vermir. Siz necə düşünürsüz, Olimpiadada hansısa atletimizi görə biləcəyik?
- Proqnoz verməyim düzgün çıxmaz. Çünki sabah necə olacağını heç kim deyə bilməz. Əlbəttə, istəyimiz budu ki, hansısa atletimiz Olimpiadaya vəsiqə qazansın. Tarmenxan Babayev bu vəzifənin öhdəsindən gələ biləcək potensialdadı. Füqan Əliyevlə Məhəmməd Məmmədli də perspektiv vəd edən idmançılardı. Gələn il keçiriləcək yarışlarda hər şey bəlli olacaq. Mən baş məşqçi olaraq Olimpiadaya lisenziya qazanacağımıza inanıram.
KƏNAN HƏSƏNOV
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:05 Həftənin idman proqramı Dünən, 17:03 Nazarov darmadağını izlədi, Şeydayev cəzalandı Dünən, 17:02 Hakimlər qış toplanışını Mingəçevirdə keçirəcək Dünən, 16:58 Qurban Qurbanov yığmadan getdi Dünən, 16:56 Qurban Qurbanov İK-dan da gedəcək Dünən, 16:54 Yığmanın yeni baş məşqçisi əcnəbi olacaq! Dünən, 16:52 İstefaya göndərilən məşqçilər susmağı üstün tutur Dünən, 16:51 Yeni departament rəhbəri AFFA-nın əməkdaşıdı Dünən, 16:48 Əhmədovların duelini "Keşlə"li qazandı Dünən, 16:45 “Qış çempionu” bu gün bəlli olacaq Dünən, 16:43 “Qurban Qurbanovu itirməmək üçün bu addımı atdıq” Dünən, 16:41 Dabosuz “Neftçi” ili qolsuz bitirdi Dünən, 16:37 U-19 növbəti darmadağınla 100-ü ötdü Dünən, 16:35 Sənan Qurbanov fasilədən sonranı nişan verdi Dünən, 16:33 Bayılda səssizlik... Dünən, 16:30 Rəşad Sadıqova yığmadan ayrılacağını iki gün əvvəldən deyiblərmiş Dünən, 16:27 Çempion “Zirə”nin “6”nı üstünə çevirdi Dünən, 16:20 “Neftçi” müdafiəçi transfer etdi Dünən, 16:18 "Neftçi" büdrədi, "Qarabağ" yaxınlaşdı 9-12-2018, 14:15 Katiblik sistemi ilə bağlı təklifi “Qarabağ” rəsmisi irəli sürüb 9-12-2018, 14:14 Klublar maliyyə hesabatını açıqlamaqda problem görmür 9-12-2018, 14:12 Yığma üçün yoxlama oyunları planlaşdırılmayıb 9-12-2018, 14:10 “Neftçi” üç yoxlama oyunu planlaşdırıb 9-12-2018, 13:55 Mikayıl Nərimanoğlu yeni işdə 9-12-2018, 13:54 Ölkə xaricində çıxış edənlər Vüqar Məmmədin dəvətini qəbul etmir 9-12-2018, 13:42 Lider autsayderlərə rəhm etmədi, "Şərq" oyuna gəlmədi 9-12-2018, 13:40 İlk dueli “Xəzər Cənub” qazandı 9-12-2018, 13:38 2018-in son turunda “qütblərarası savaş” 9-12-2018, 13:32 Baş məşqçilər uçurumun səbəblərini açıqladı 9-12-2018, 13:30 “Birincilər” bu dəfə də 1/8-dən “sağ çıxmadı” 9-12-2018, 13:19 Limit dəyişdirilsə, Rəhman bombardir olacaq 9-12-2018, 13:13 “Qəbələ”nin iki rəqibi məlumdu 9-12-2018, 13:12 “Qarabağ” oteli dəyişdi 9-12-2018, 13:10 “Frans Futbol”un seçiminə fərqli yanaşma 9-12-2018, 13:06 İki klubumuz eyni oteldə qalacaq 8-12-2018, 01:42 Ağır Atletika Akademiyasında üç saat 8-12-2018, 01:33 U-19 üç gündə iki oyuna çıxacaq 8-12-2018, 01:32 Derbini "Araz" qazandı, "Neftçi" üçüncü pilləyə gerilədi 8-12-2018, 01:31 “Sumqayıt” məşqçilərini “Altınordu”ya göndərir 7-12-2018, 22:45 Avropa Liqasında noyabr ayının qalibi açıqlandı 7-12-2018, 17:21 Ozobiç yığmamızı xorvatlar üçün incələdi 5-12-2018, 13:22 “Red Black Army” 3 yaşını qeyd etdi 5-12-2018, 13:21 Bakı İdman Sarayında zirvə savaşı 5-12-2018, 13:18 “Alyans” zirvədə möhkəmləndi 5-12-2018, 13:15 UEFA zəiflər üçün yeni turnir yaradır 5-12-2018, 13:12 "Atletiko Baku" "Ajara Cup 2018"də qalib oldu 5-12-2018, 13:05 Yığmanı gözləyən 8 ay 5-12-2018, 13:02 Slovakiyalılar iddalı və ehtiyatlıdı 5-12-2018, 12:59 Tounkara: “İnanıram ki, layiq olduğumuz yeri tutacağıq” 5-12-2018, 12:56 Sənan Qurbanov Adeniyinin yoxluğunu qabartdı 5-12-2018, 12:53 Qəbələdə iki günə qol vurulmadı 5-12-2018, 12:51 Tərlan Əhmədov hamıdan narazı qalıb 5-12-2018, 12:49 “Qarabağ” “Sportinq”in acığını “Keşlə”dən çıxdı 5-12-2018, 12:47 “Olimpik Star”da başladı, Bakı İdman Sarayında bitəcək 5-12-2018, 12:45 Qurban Qurbanovun oğlu növbəti qolunu sabiq komandasına vurdu 5-12-2018, 12:44 Gələcəyə hesablanmış layihə 5-12-2018, 12:42 “Zirə”nin şikayəti rədd olundu Bütün xəbərlər
Ən çox oxunanlar