12 sen 23:59idman

Yığma Sloveniyada Kameruna qalib gəlib, vətənə qayıdır

Yığma Sloveniyada Kameruna qalib gəlib, vətənə qayıdır
Yoxlama oyunlarının azlığı narahatlıq doğurur
Qadın voleybolçulardan ibarət yığmamızın Sloveniya toplanışı başa çatmaq üzrədi. Komandamız Maribordakı hazırlıq prosesini bu gün başa vuraraq, vətənə qayıdacaq. Maraqlıdı ki, millimiz bu ölkədəki ikinci təlim-məşq toplanışında cəmi bir yoxlama oyunu keçirib. Faiq Qarayevin yetirmələri sentyabrın 10-da çətinlik çəkmədən Kameruna qalib gəlib - 4:0 (25:21, 25:21, 25:21, 25:12). Ancaq voleybolçularımız Bakıya qayıtdıqdan sonra dincəlməyəcək. Ölkəmizə təşrif buyuracaq Rusiya klublarıyla yoxlama oyunlarının keçirilməsi nəzərdə tutulub. Dərnəgül Voleybol Mərkəzində Yekaterinburq – Bakı marşrutunu su yoluna döndərən Nikolay Karpolun “Uraloçka”sı sınağa çəkiləcək. Krasnodar “Dinamo”sunun da ölkəmizə gələcəyi gözlənilir.
Artıq Yaponiyada keçiriləcək dünya çempionatına çox az vaxt qalıb. Zarafat deyil, 17 gündən sonra millimiz mundialda ilk oyununa çıxacaq. Komandamızın isə hazırda hansı vəziyyətdə olduğunu bilmirik. Ötən ay Türkiyənin Antalya şəhərində təşkil olunan “Gloria Cup”da yığma ümidləri doğrultmadı. Yalnız əvvəlki əzəmətini itirən İtaliyaya qalib gələn milli Türkiyə və Rusiya qarşısında aciz qaldı. Ancaq əsas heyət üzvlərindən Natalya Məmmədova ilə Kristina Yaqubovanın, demək olar ki, meydana çıxmadığını da unutmayaq. Yəni heyət optimal olarsa, Qarayevin yetirmələrinin hansı gücə sahib olacağını bilmirik. Ancaq bir şeyi dəqiq bilirik ki, Maribordakı ilk toplanışdan fərqli, ikincisi ciddi mənada faydalı keçmədi. İyul-avqust aylarında Sloveniyada bir neçə yoxlama oyunu keçirilmişdi və praktika artımı üçün olduqca vacib idi. Ancaq son toplanışda yalnız Afrika təmsilçisiylə münasibətlər aydınlaşdırılıb. Başqa komandalarla planlaşdırılan qarşılaşmalar isə müəyyən səbəblərdən baş tutmayıb. Düzdü, Kamerun Afrikanın ən güclü yığması sayılır. Reytinqdə də bizdən 6 pillə irəlidədilər. FİVB-nin sıralamasında 18-ci sırada yer alan komandanın real gücü isə başqa şey deyir. Millimiz çətinlik çəkmədən rəqibinə qalib gəlir. Zəif rəqiblərlə oyunlar isə müsbət bir şey vermir. Axı belədə zəif yerlərini üzə çıxarmaq mümkün olmur. Prinsipcə, klublarla yoxlama oyunları da bu qəbildəndi.
Heyətə də toxunmadan keçə bilmərik. Voleybol Federasiyasının mətbuat xidməti hələ millimizin heyətini açıqlamayıb. Əlbəttə, mundiala yollanacaq “14-lüy”ün müəyyənləşdirilməsinə hələ var. Ancaq ən azı toplanışda iştirak edənlərin adlarını ictimaiyyətə açıqlamaq lazımdı. Saytı işləməyən AVF məlumatları “feysbuk” səhifəsi vasitəsi ilə paylaşır. Orda komandanın şəkli yerləşdirilib ki, buna əsasən Qarayevin sərəncamında olan voleybolçuların adlarını açıqlaya bilərik. Hazırkı heyətdə 20 oyunçu var. Hücumçu sarıdan qıtlıq yoxdu. Anastasiya Bessonova, Marqarita Əzizova, Yekaterina Jidkova, Polina Rəhimova, Natalya Məmmədova, Yana Kulan, Odina Bayramova, Yelizaveta Səmədova və Anastasiya Qurbanova bu mövqedə çıxış edir. Ancaq onlardan ikisi – Bayramova ilə Səmədova nisbətən normal top qəbulu texnikasına sahibdi. Hərçənd Odinanın özünün də servis qarşılamada ciddi problemlərinin olduğunu dəfələrlə görmüşük. Sadəcə, onun alternativi yoxdu. Çox güman, Qarayev Məmmədova, Səmədova və Bayramova “3-lüy”ündən ikisini əsas heyətdə meydana buraxacaq. Rəhimova isə diaqonal (qəbulsuz) hücumçu kimi çıxış edəcək. Eynilə ötən il Bakıda keçirilən Avropa çempionatında olduğu kimi. Heyətdə 4 libero var: Leyla Parşkova, Yuliya Kərimova, Bəyaz Əliyeva, Ceyran İmanova. Faiq bəy nədənsə Kərimovayla Əliyevaya üstünlük verir. Yuliyanın libero kimi üstünlükləri çoxdu. Ancaq karyerasına hücumçu kimi başlayıb, sonradan libero mövqeyinə keçən Bəyazın tələblərə cavab verdiyini söyləmək olmaz. Təcrübəli mütəxəssis bəlkə də İmanovanı oyunun gedişində 2-ci libero kimi meydana buraxmaq üçün onun adını hücumçu kimi iştirak ərizəsinə salacaq. Çünki Ceyran adətən setin sonlarında, qəbulda problemlər baş qaldıranda meydana çıxır. Digər iki mövqedə baş məşqçinin elə də çox alternativ variantı yoxdu. Toppaylayıcılar Şəfaqət Həbibova, Kristina Yaqubova və Yana Əzimovadı. Qızıl Avropa Liqasında Əzimova daha yaxşı təsir bağışladı. Ancaq Yananın həmkarları beynəlxalq oyun təcrübəsinə görə onu qabaqlayır. Qarayev məhz bu məqamı nəzərə alaraq, “14-lüy”ə Həbibova və Yaqubovanın adını daxil edə bilər. Hər halda, bu, daha real görünən ehtimaldı. Ayşən Abduləzimova, Aynur Kərimova, Alyona Həsənova və Kseniya Pavlenko blokçularımızdı. Sonuncu gənc olduğundan kənarda qalacaq isimdi. Yalnız digər üç voleybolçudan kimsə zədələnsə, Pavlenko mundiala yollana bilər.
Bu arada dünya çempionatının qrup oyunlarının başlama saatı açıqlanıb. “Gündoğar ölkə” ilə aramızda 5 saat fərq olduğundan millimizin görüşlərini günün ilk yarısında canlı izləyə biləcəyik. C qrupunun təqvimi belədi:
1-ci tur
29 sentyabr
8.40 Rusiya – Trinidad və Tobaqo, 11.10 AZƏRBAYCAN – ABŞ, 14.20 Koreya – Tayland
2-ci tur
30 sentyabr
8.40 ABŞ – Trinidad və Tobaqo, 11.10 AZƏRBAYCAN – Koreya, 14.20 Tayland – Rusiya
3-cü tur
2 oktyabr
8.40 Rusiya – AZƏRBAYCAN, 11.10 Trinidad və Tobaqo – Tayland, 14.20 ABŞ – Koreya
4-cü tur
3 oktyabr
8.40 AZƏRBAYCAN – Trinidad və Tobaqo, 11.10 Koreya – Rusiya, 14.20 Tayland – ABŞ
5-ci tur
8.40 Trinidad və Tobaqo – Koreya, 11.10 Tayland – AZƏRBAYCAN, 14.20 Rusiya – ABŞ
Xatırladaq ki, hər qrupda ilk 4 yeri tutanlar ikinci qrup mərhələsinə vəsiqə qazanacaq. Onu da nəzərinizə çatdıraq ki, mundialın ölkəmizdə hansı yerli telekanal tərəfindən yayınlanacağı bilinmir.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
21-05-2019, 15:14 Həftənin idman proqramı 21-05-2019, 15:08 Medianın finala biganəliyinin arxasında nə dayanır? 21-05-2019, 15:05 “Çelsi” fanklubunun Bakıdakı üzvləri hava limanına getməyəcək 21-05-2019, 15:03 Ayxan Abbasov “Sumqayıt”dan gedir 21-05-2019, 15:01 Rauf Əliyev: “Top qəbul etmək, düzgün ötürmək vermək çətin idi” 21-05-2019, 14:54 Cavid Hüseynov rəhbərliklə görüşəcək 21-05-2019, 14:52 İnqilab Məmmədov protokolda çoxlu səhv buraxdı 21-05-2019, 14:50 "Qəbələ": final lənətinə son və ilk titul! 21-05-2019, 14:46 "Səbail" bir ucdan yola salır 21-05-2019, 14:40 Alla Həsənova çempion oldu 21-05-2019, 14:38 Fərid Kərimzadə yersiz xal itkilərini səbəb göstərdi 21-05-2019, 14:35 Elçin Səmədli UEFA-da Murad Məmmədovu əvəzlədi 21-05-2019, 14:32 “Xəzər Cənub” dağıldı! 21-05-2019, 14:28 “Baku Fire” yüksək liqaya iddialıdı 21-05-2019, 14:27 ADBTİA “gümüş”ü “Standard”dan “oğurladı” 21-05-2019, 14:23 Şengen vizasının yoxluğu Kamal Bayramovu yığmadan edib 21-05-2019, 14:21 Emil qayıtdı, “Tobol” darmadağınla qazandı 21-05-2019, 14:18 “Bu ailənin bir üzvü olduğum üçün qürur hissi keçirirəm” 21-05-2019, 14:10 UEFA bilet qiymətlərini açıqladı 21-05-2019, 14:03 Delarj da getdi... 21-05-2019, 14:02 “Azneft” dairəsində “yanan top” quraşdırılıb 21-05-2019, 14:00 Tapmaca kimi bilet satışı 19-05-2019, 15:06 Kikboksinq Federasiyasında Zaur Yusifov adlı dünya çempionu yoxdu 19-05-2019, 15:05 Zöhrə Ağamirova finala vəsiqə qazandı 19-05-2019, 15:04 Teymur heç-heçə etdi, Şəhriyar uduzdu 19-05-2019, 15:03 Yığma üç həftədən artıq toplanış keçəcək 19-05-2019, 15:01 Marko Rossi Şeydayevlə İsrafilovu fərqləndirdi 19-05-2019, 15:01 “Zirə” 9 futbolçu ilə vidalaşdı 19-05-2019, 14:56 Futbol ictimaiyyəti üçün Avroliqaya kimin getməsinin önəmi yoxdu 19-05-2019, 14:55 Rauf Əliyev də PFL-dən narazıdı 19-05-2019, 14:53 Finalçı çalışdırıcılar qələbəyə kökləniblər 19-05-2019, 14:50 "Xəzər Cənub" Mehman Mahmudovu Allaha tapşırdı 19-05-2019, 14:49 Futzal mövsümü qalmaqalla bitdi 19-05-2019, 14:46 Tünzalə Ağayeva finalçılardan heç birinə azarkeşlik etməyəcək 19-05-2019, 14:43 Naxçıvanda ölüm-qalım savaşı 19-05-2019, 14:41 Bütün medalçılar müəyyənləşdi 19-05-2019, 14:39 Xətai Bağırov Tayland çempionatında top qovacaq 19-05-2019, 14:35 “Səbail”in məşqçisindən narazıların sayı artır 19-05-2019, 14:33 Platellas Bakını “kiçik Dubay” adlandırdı 19-05-2019, 14:31 Mövsümü qələbəsiz başa vurdular… 19-05-2019, 14:29 Erməni futbolçu Bakıya gəlməyəcək 19-05-2019, 14:28 “Səbail” futbolçulara borcunu ödədi 19-05-2019, 14:27 “Sabah” Haqverdiyevli sabaha ehtiyac duymadı 19-05-2019, 14:03 “Məktəblərdə futbol dərsi” bitdi 19-05-2019, 13:56 Kaprara Azərbaycan yığmasında? 19-05-2019, 13:54 Ay sizin başınız haqqı... 19-05-2019, 13:50 “Finalçılar hərəyə 10 min bilet də ala bilər” 19-05-2019, 13:49 “Keşlə” 13 futbolçuya “qapını göstərdi” 19-05-2019, 13:47 “Qəbələ” Gürcüstandan qayıtdı 19-05-2019, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi Bütün xəbərlər
Ən çox oxunanlar