23 iy 12:12idman

Türkiyə millisində çalışmış, 26 il vətəndən uzaq qalmış azərbaycanlı...

Türkiyə millisində çalışmış, 26 il vətəndən uzaq qalmış azərbaycanlı...
Üzeyir Hacıyev: “Heç bir məşqçi bilə-bilə idmançıya dopinq içirməz”
Yaxınlarda iştirak etdiyim yas mərasimlərinin birində qələbəlik idi. İnsan izdihamı müşahidə olunan “Mərasim evi”ndə gəlib-gedən bir ağsaqqalla görüşürdü. Biri hal-əhval tutur, digəri Türkiyədəki, Kosovodakı durumla maraqlanır, sanki kişidən müsahibə götürürdülər. Hiss edirdim ki, tanınmış adamdı, idmanla məşğul olan şəxsdi.
Öyrənəndə məlum oldu ki, 68 yaşlı Üzeyir Hacıyev vaxtilə ağırlıqqaldırma ilə məşğul olub, daha sonra hakimlik edib. Sonradan Türkiyəyə köçüb və uzun müddət orda yaşayıb. Yaxınlaşıb söhbət etdim, müəyyən məlumatlar topladım, yekunda nömrəsini aldım ki, bir-iki günə zəng vuraram, danışarıq.
- Söhbətdən belə başa düşdüm ki, azərbaycanlı olsaz da, uzun illərdi vətəndən kənarda yaşayırsız.
- Azərbaycanda anadan olmuşam, burda böyümüşəm. 1992-ci ildə ailəmlə birgə Türkiyəyə köçdüm. Həyat yoldaşım, iki oğlum, nəvələrim – hamımız o vaxtdan Türkiyədə yaşayırıq. Bir ildi başqa ölkədə yaşayıram, işləyirəm.
- Harda?
- Uzun illər ağır atletika ilə məşğul olmuşam, sonradan hakimlik etdim. 2005-ci ildən isə bu idman növündə məşqçi kimi fəaliyyət göstərirəm. Vaxtilə Türkiyə millisində çalışırdım, hazırda Kosovo yığmasındayam. Ötən il Kosovodan Türkiyə Ağır Atletika Federasiyasına müraciət edib, onlara mütəxəssis göndərməyi xahiş etdilər. Kosovoda yaxşı idmançılar var, ağır atletikada inkişaf etmək istəyirlər. Həm idmançı, həm də məşqçi hazırlamaq üçün Türkiyədən kömək istəmişdilər. Federasiya rəhbərliyi 20 məşqçi arasında seçim apardı, yekunda mənim adımı göndərdilər. Və beləcə, birillk müqavilə bağladıq.
- Bu idman növünə gəlişiniz yadınızdadı?
- Əlbəttə, yadımdadı. Uşaq yaşlarımdan bütün idman növlərinə marağım var idi. Lakin nədənsə daha çox ştanqı, qantelləri sevirdim. Belədə vaxtımın böyük hissəsini ağırlıqqaldırmaya həsr etməyə başladım. Uzun müddət peşəkar idmançı kimi fəaliyyət göstərdim, sonradan hakimlik etdim. Hazırda ağırlıqqaldırma üzrə beynəlxalq dərəcəli hakiməm. 1968-79-cu illər aralığında idmançı kimi bir çox yarışlarda iştirak etmişəm. Azərbaycan çempionu oldum, Universiadada 3-cü yeri tutdum. Sonradan hakimliyə, ardınca məşqçiliyə həvəs yarandı. Belədə Türkiyədə məşqçiliyə start verdim. Halbuki ixtisasca mühəndisəm, Azərbaycan Texniki Universitetini bitirmişəm. Cavanlıqda bir müddət Bakı Metropolitetində işləmişəm. Belə deyim, maraqlı həyat hekayəm var.
- Türkiyəyə köçməyinizin səbəbi nə idi?
- Övladlarımın təhsili ilə bağlı idi. O vaxt Azərbaycanda çətin dövr idi, mən də daha yaxşı təhsil almalarını istəyirdim. İki oğlum var, maşallah, ikisi də işləyirlər. Xarici ölkələrlə yaxşı əlaqələri var, bir neçə dildə sərbəst danışırlar.
- İdmançı, hakim... Məşqçiliyə gəlişiniz necə oldu?
- Türkiyə yığmasında çalışana qədər özümün “Merzefon Bələdiyyə” adlı idman klubum vardı. İşə sıfırdan başladım, ağır atletikanı orda inkişaf etdirdim. Çox yaxşı kollektiv yaratmağa nail oldum. Türkiyədə daxilindəki idman klubları arasındakı yarışmanın qalibi olduq. 55 min əhalisi olan qəsəbənin komandasını çempion etdim. Bundan sonra mən və dörd idmançım Türkiyə millisindən dəvət aldıq. Birlikdə dünya çempionatında iştirak etdik.
- Yetirmələrindən kimlərsə böyük turnirlərdə medal qazanıb?
- Avropa üçüncüsü və dünya dördüncüsu olublar. Fərdi Sezgin Avropada “bürünc” qazanmışdı, Əli Osman Gökmən isə dünyada 4-cü oldu. Hər ikisini “Merzefon”da yetişdirmişdim.
- Maraqlıdı, Azərbaycan Ağır Atletika Federasiyasına rəhbərlik edənlər və orda çalışanlar ilə əlaqəniz necədi?
- Hamısı dostlarımdı, imkan düşdükcə tez-tez görüşürük. Bəzən aramızda fikir alış-verişi edirik, müzakirələr aparırıq, tövsiyələrimizi bölüşürük. Tofiq Heydərov tək iş adamı deyil, həm də ağır atletikanın fanatik mütəxəssisidi. Digər sahələrdən qazandığı pulları ağır atletikaya xərcləməklə bu idman növünə olan sevgisini göstərir. Hətta kəndlərdə belə, idman zalları inşa etdirib.
- Azərbaycanda ağır atletikanın bugünkü durumu kənardan necə görünür?
- Çox yaxşı işlər görülür. Görülən işin “meyvələrini” 2-3 ildən sonra dadacağıq. Ayın 20-də İtaliyada Avropa çempionatı keçiriləcək və Azərbaycan yığması ora tam tərkibdə - 32 idmançı ilə yollanacaq. Yeni sistemdə ilk imtahanlarını verəcəklər. Uğurlu nəticə qazanacaqlarına ümid edirəm. Kosovo da orda olacaq, 3 idmançım mübarizəyə qoşulacaq.
- Bu illər ərzində sizə Azərbaycanda çalışmaqla bağlı federasiyadan müraciət olub?
- Münasibətlərimiz yaxşı olsa da, heç vaxt işlə bağlı kiməsə nəsə deməmişəm, demərəm də. Hər zaman qarşı tərəfdən təklif gözləmişəm. Nə yalan deyim, Azərbaycandan təklif almamışam.
- Bəlkə burda işləmək istəməyəcəyinizi düşünüblər?
- Təklif olsaydı, böyük məmnuniyyətlə işləyərdim. 26 ildi vətəndən ayrı düşmüşəm, yaxınlarımı gec-gec görürəm. Belədə Azərbaycanda işləmək mənim üçün xeyirli olar. Həm də bilik və bacarığımı öz uşaqlarımıza aşılaya bilərəm.
- Ağır Atletika Federasiyasından ağızdolusu danışırsız. Amma idmançılar tez-tez dopinqdə “ilişirlər”. Bunun günahkarı kimdi bəs?
- Bir ara təkcə Azərbaycanda yox, dünyanın hər yerdə aləm bir-birinə dəymişdi. Təkcə Azərbaycan “ilişməmişdi” ki. Rusiya, Türkiyə, Qazaxıstan, Çin idmançılarında da dopinq aşkarlanmışdı. 9 ölkə idi ki, təmizləmə işləri üçün onlara vaxt verdilər. Həmin müddət ərzində başqa idmançılarda dopinq aşkarlanmasaydı, cəza aradan qaldırılacaqdı. Türkiyə və Azərbaycan həmin güzəştdən yararlanmağı bacardı. Çünki növbəti qayda pozuntusu aşkarlanmadı. 9 ölkənin cəzası oktyabrın 19-da bitir. Amma Azərbaycanla Türkiyəni cəzadan vaxtından əvvəl azad etdilər.
- Ümumiyyətlə, dopinq faktları hardan qaynaqlanır? Məşqçilər təklif edir, yoxsa idmançılar gizli qəbul edir?
- İndi texnologiya o dərəcədə inkişaf edib ki, 50 metrlik hovuza bir damla dopinq at, həmin aparat onu aşkarlayacaq. Ona görə də heç kimi aldatmaq olmur. İçmisənsə, “ilişəcəksən”. Ona görə də artıq heç kim o riskə getmir. Sizi inandırım, məşqçilərin bundan xəbəri olmur. Heç bir məşqçi bilə-bilə idmançıya dopinq içirməz. Bu, həmin mütəxəssisin özünün öz əlləriylə karyerasını məhv etməsi deməkdi.
- Belə çıxır ki, idmançılar bilə-bilə dopinq içirlər? Yəni, hansısa preparatın içində olmur. Sırf dopinqdi və onu qəbul edirlər.
- Bəli-bəli. Qəbul edirdilər, amma gizli. Nə məşqçi bilirdi, nə rəhbərlik, nə də ətrafında kimsə. Bir idmançı digərinə dopinq içdiyini deməz. Artıq narahatlığa ehtiyac yoxdu. Çünki idmançılar hər şeydən xəbərdardılar. Bilirlər ki, yoxlama aparsalar, üzə çıxacaq. Gizlətmək mümkün deyil. Azərbaycanlı idmançılar, pəhləvanlar, maşallah, bacarıqlıdılar. İtaliyadakı Avropa çempionatından sonra nəticələrə baxarsız.
HƏBİB
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:29 Almaniyada Ömər Paşayevin səhhətində ciddi problem aşkarlanmayıb Bu gün, 00:27 Heç bir klub mətbuat katibinə protokol doldurmağı tapşırmır Bu gün, 00:26 Xaqani Məmmədovun düşmənləri sosial şəbəkədə “at oynadır” Bu gün, 00:23 Voleybolçular dünya çempionatına inamlı yollanır Bu gün, 00:21 Alesio yığmanın heyətini bu gün açıqlayacaq Bu gün, 00:19 “Sportinq” qrup mübarizəsinə uğursuz başlayır Bu gün, 00:05 Turun oyunçusu Bu gün, 00:04 TURUN SİTATI Bu gün, 00:02 Məhsuldarlıq rekord vurdu Bu gün, 00:01 Turun statistikası Dünən, 23:59 TURUN MƏŞQÇİSİ Dünən, 23:58 Turdan məqamlar Dünən, 23:56 16 medalın izi ilə... Dünən, 23:54 Xala və qola həsrət “Kəpəz”in baş məşqçisi məmnundu Dünən, 23:53 İntizam Komitəsi “Zirə”yə texniki məğlubiyyət verdi Dünən, 23:51 HAKİMLƏRİN MÜHAKİMƏSİ 18-09-2018, 22:14 Stuxlik qovulanları başına topladı 18-09-2018, 22:13 Sabiqlər Stuxliklə görüşə dəvət olundu, Tahir Süleymanov AFFA-nın təklifini geri çevirdi 18-09-2018, 22:12 Əliyar Ağayev “Latsio” – “Apollon” oyununda 18-09-2018, 22:10 “Sportinq” kubok mübarizəsinə qələbə ilə başladı 18-09-2018, 22:08 UEFA “Sportinq”i cəzalandırdı 18-09-2018, 22:07 Leteksiye “Qarabağ”ın oyununda qrupda debüt edəcək 18-09-2018, 22:07 “Qarabağ” bu gün yola düşür: 7 saatlıq uçuş 18-09-2018, 22:05 “Traktorsazi” dayandı, “Maşınsazi” davam edir 18-09-2018, 21:48 Samir Abasovun əziyyəti hədər getdi 18-09-2018, 21:45 Rüfət Dadaşov Almaniyada növbəti qolunu vurdu 18-09-2018, 21:44 Qriqorçuk “Astana”ya qayıdacaq 18-09-2018, 21:43 Volkan Üst infarkt keçirib 18-09-2018, 21:42 “Keşlə” Bosançiçi göndərdi 18-09-2018, 21:40 Rahid formada olmadığını etiraf etdi 18-09-2018, 21:37 Bayılda qarşılıqlı qollar 18-09-2018, 21:16 Deviç vurur, “Sabah” udur 18-09-2018, 21:13 “Zirə”yə texniki məğlubiyyət veriləcək 18-09-2018, 21:12 “Neftçi” “yuva”ya qayıdışını qələbəylə qeyd etdi 18-09-2018, 21:10 Startda “sülh” olmadı 18-09-2018, 21:08 Təyinatlar açıqlandı 14-09-2018, 23:16 “Uşaq vaxtı Kasorlayla bir yerdə oynamışam” 14-09-2018, 23:04 Dünya çempionatı üçün rekord mükafat fondu 14-09-2018, 23:03 Tofiq Məmmədov Avropanın ən güclüsüdü! 14-09-2018, 22:58 AFFA Hakimlər Komitəsi ilə Hakim-İnspektorlar Komitəsini birləşdirir 14-09-2018, 22:57 Şahin Diniyevlə Əsgər Abdullayev Mircavadovun səsinə səs vermədi 14-09-2018, 22:56 Venera Kahriç Xaqani Məmmədovdan ölkə başçısına şikayət etdi 14-09-2018, 22:54 “Keşlə”dən növbəti transfer 14-09-2018, 22:52 PFL-i premyer-liqanın imici maraqlandırmır 14-09-2018, 22:50 “Sportinq”in 4 illik avrokubok macərasına səyahət 14-09-2018, 22:47 Adams Mxitaryanın Bakıya gəlməsini istəyir 14-09-2018, 22:46 Slavçev futbolumuzdan və “Qarabağ”dakı durumundan razıdı 14-09-2018, 22:43 “Qəbələ” Biləcəriyə qayıtdı 14-09-2018, 22:34 Yığmalardan ikisi liqalarda oynayacaq 14-09-2018, 22:33 Utancaq, küskün Zeynal Zeynalov 14-09-2018, 22:32 “Hərbçilər” zirvədə! 14-09-2018, 22:30 Futbolçular Bakının işğaldan azad olunduğu günü bilmir 14-09-2018, 22:26 Yüksək liqanın təqvimi açıqlandı 14-09-2018, 22:24 Yığma “Sumqayıt”ı darmadağın etdi 14-09-2018, 22:23 Eddi oynadı, komandası mərhələ adladı 14-09-2018, 22:21 Tahir Süleymanov Qurban Qurbanova haqq qazandırdı 14-09-2018, 22:20 “Neftçi”nin yeni formaları satışa çıxır Bütün xəbərlər
Ən çox oxunanlar