06 in 19:22idman

ACF Fərhad Məmmədovla bağlı bəyanat yaydı

ACF Fərhad Məmmədovla bağlı bəyanat yaydı
Əşrəfoğlu: “Maşurenkonun işinə qiymət vermək tezdi”
Ötən sayımızda cüdo yığmamızın köməkçi-məşqçi vəzifəsindən istefa verən Fərhad Məmmədovun qalmaqallı müsahibəsini diqqətinizə çatdırmışdıq. Mütəxəssis çəkinmədən millinin çalışdırıcısı Ruslan Maşurenkonu səriştəsiz adlandırmış, hətta onu təhqir də etmişdi. Hər halda, Cüdo Federasiyasının (ACF) bu məsələdə seyrçi mövqe tutması, sükutu qoruması anlaşılmazdı. Problem danışıqlar və ortaq məxrəcə gəlməklə həll oluna bilərdi.
Dünən əvvəlcə cüdoçuların fikrini öyrənmək istədik. Ancaq yığma iyunun 1-dən Koreyada təlim-məşq toplanışında olduğundan cəhdimiz boşa çıxdı. O cümlədən Fərhad bəyin yerinə təyin edilmiş Elxan Məmmədovun da reaksiyasını ala bilmədik. Daha sonra üzümüzü ACF-yə tutduq. Qurumun baş katibi Elmar Babanlı topu mətbuat katibi Elnur Əşrəfoğluya atdı. Elnur bəy isə mütəxəssisin ittihamlarına belə cavab verdi: “Federasiyanın yeni rəhbərliyi iş başına keçəndə Fərhad Məmmədov gənclərdən ibarət yığmada çalışırdı. Rəhbərlik onu əsas komandaya gətirdi. Daha sonra idmançıların istəyi ilə Peter Zayzenbaher baş məşqçi vəzifəsinə təyin olundu. Zayzenbaher getdikdən sonra komanda Avropa və dünya çempionatına Fərhad bəyin rəhbərliyi altında çıxdı. Bir şeyi qeyd edim ki, əslində avstriyalı mütəxəssis Məmmədovla çalışmaq istəmirdi. Ancaq federasiya onu yığmada saxladı. Heç bu vaxta kimi bu faktı mətbuata açıqlamamışıq. Fərhad bəy özü demişdi ki, yığmaya baş məşqçi gətirilsin. Ruslan Maşurenkonun da millini çalışdıracağını bilirdi. Ukraynalı mütəxəssis yeni fəaliyyətə başlayıb. İndidən onun işinə qiymət vermək tezdi. Gəlin, səbirli olaq və dünya çempionatını gözləyək. Nəticələr pis olsa, onda Fərhad bəy iradlarını bildirər. Əslində yaxşı olardı ki, Məmmədov ağır ifadələr səsləndirmək əvəzinə “baş məşqçi ilə fikir ayrılığı oldu və komandadan ayrıldım” deməklə kifayətlənəydi. Sərt açıqlamalar DÇ ərəfəsində komandanın ab-havasına da mənfi təsir göstərir. ACF hər zaman yerli məşqçilərə dəstək verib. Hazırda millidəki məşqçilərdən yalnız Maşurenko əcnəbidi. Bildiyiniz kimi, yeganə dünya çempionumuz Elxan Məmmədov köməkçi-məşqçi təyin olunub. Nazim Hüseynov, Mehman Əzizov və Azər Şıxəliyev kimi tanınan məşqçilər də millidə çalışır. O ki qaldı Mövlud Mirəliyevə, o hələ noyabrdan öz istəyi ilə və işlərinin çoxluğunu əsas gətirərək yığmadan ayrılıb. Çünki Mirəliyev Göygöl və Şəmkir Olimpiya Komplekslərinin direktoru olmaqla yanaşı, ACF-nin Qərb bölgəsi üzrə nümayəndəsidi”.
Yeri gəlmişkən, dünən federasiya məsələylə bağlı bəyanat da yayıb. Bəyanatı müəyyən ixtisarla diqqətinizə çatdırırıq: “Məlumat üçün bildiririk ki, kişilərdən ibarət millinin baş məşqçisinin sabiq köməkçisi Fərhad Məmmədovla bağlı yayılan xəbərlər həqiqəti əks etdirmir. Bir faktı qeyd edək ki, Məmmədovun yerinə təyin olunan yeni köməkçi-məşqçi əcnəbi mütəxəssis yox, cüdo üzrə yeganə dünya çempionumuz Elxan Məmmədovdu. Baş məşqçi Ruslan Maşurenkonun digər köməkçiləri də yerli mütəxəssislərdi: ilk Olimpiya çempionumuz Nazim Hüseynov, Mehman Əzizov və Azər Şıxəliyev.
Fərhad Məmmədova gəlincə, 2015-ci ilin sentyabrında Cüdo Federasiyasına yeni rəhbərlik seçiləndə, o, gənclərdən ibarət millinin məşqçisi idi. Millimizin aparıcı cüdoçularının təklifi ilə avstriyalı mütəxəssis Peter Zayzenbaher kişilərdən ibarət yığmaya baş məşqçi gətiriləndə, məhz indiki rəhbərliyin təşəbbüsü ilə Məmmədov onun köməkçisi təyin edildi. Avstriyalı məşqçiylə də bəzi məqamlarda fikir ayrılığına gələn Məmmədov bir neçə dəfə Zayzenbaher tərəfindən məşqlərdən kənarlaşdırılıb və yığmadan göndərilməsi gündəmə gətirilib. Həmin vaxt məhz federasiya rəhbərliyinin təkidi ilə Fərhad bəy yenidən işinə qaytarılıb və bu haqda heç bir yerə məlumat verilməyib. Məlum səbəblərə görə Zayzenbaherin gedişindən sonra yeni baş məşqçi təyin olunana qədər bu post Məmmədova həvalə edildi. Ötən dövrün hazırlıq bünövrəsi 2017-ci ildə Avropa və dünya çempionatlarında effekt verib tükəndikdən sonra Fərhad bəy özü əcnəbi baş məşqçinin gətirilməsinin zəruriliyini rəhbərliyə bildirdi. Ukraynalı mütəxəssis milliyə baş məşqçi təyin edildikdən sonra Məmmədov və başqa yerli məşqçilər köməkçi-məşqçi kimi işlərini davam etdirdilər. Bütün bunları sadalamaqda məqsədimiz ACF-nin yerli mütəxəssislərə önəm verməsini göstərməkdi. Hazırda federasiyada 45-i regionlarda olmaqla, ümumilikdə 110 məşqçi fəaliyyət göstərir. Yeniyetmələr, gənclər və qadınlardan ibarət millilərin bütün məşqçi heyəti yerli mütəxəssislərdi. Millinin Bakıda keçiriləcək dünya çempionatına hazırlıq prosesi sürətlə davam edir. Göygöldə 20 gün ərzində Fransa və Türkiyə milliləri ilə birgə məhsuldar təlim-məşq toplanışından sonra hazırda yığmamız hazırlıq prosesini Koreyada, daha sonra isə Yaponiyada beynəlxalq formatda davam etdirəcək. Məhz belə bir dönəmdə Məmmədovun mətbuata bu cür açıqlaması bütün komandada, xüsusən də onun şəxsi tələbələrində neqativ ab-hava yaradır”.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar