03 in 11:56idman

Nurullayev daha çox təyinat alacağına ümid edir

Nurullayev daha çox təyinat alacağına ümid edir
“Kateqoriyamın dəyişməsində sonuncu seminarın da rolu oldu”
Geridə qoyduğumuz həftənin əsas xəbərlərindən biri FİFA referisi Əliyar Ağayevin birinci kateqoriyaya adlaması oldu. Eyni gündə Elçin Səmədlinin geriləməsi, Yusif Nurullayevin isə ikinci kateqoriyaya yüksəlməsi ilə bağlı xəbər yayılsa da, futzalçı hakimlər həmkarlarının kölgəsində qalmışdı. Dünən Nurullayevlə əlaqə saxlayıb 4 il “yerində saymağın” ardından karyerasında baş verən son dəyişikliklə bağlı söhbətləşdik.
- İkinci kateqoriyaya yüksəldiyin üçün təbrik edirik. Bunun üçün Səmədlinin birinci kateqoriyadan çıxarılması lazım idi?
- Təbrik üçün sağ olun. Fürsətdən istifadə edib mən də Əliyarı təbrik edir, ona uğurlar arzulayıram. FİFA hakimi adı almağımdan 4 il ötüb, artıq 5-ci ildi. Bu az müddət deyil. Həm də Səmədli birincidə idi, qalan üç nəfər üçüncü kateqoriyada. Yəni ikinci qrup boş idi. Odu ki, dəyişiklik məntiqli görünməlidi. Əslində kateqoriyamdakı dəyişiklik bir-iki il əvvəl baş verməliydi. Çünki beynəlxalq oyunlardakı qiymətlərim yüksək idi. Bununla belə, dəyişiklik ani baş verdi və açığı, gözləmirdim.
- Hətta bədbinliyə qapılmışdın və “irəliləmək üçün FİFA-da, UEFA-da “day-day”ın olmalıdı” deyirdin...
- (gülür) “Day-day” hər yerdə lazımdı. Zarafat bir yana, beynəlxalq qurumun hakimlər komitəsində dəstək vacibdi. Bu tək Yusifə yox, bütün hakimlərə lazımdı.
- Göründüyü kimi, istedadlı hakimə “day-day” lazım deyilmiş.
- Düzdü, ilk növbədə idarəçiliyin yüksək səviyyədə olmalıdı. Fikrimcə, kateqoriyamın dəyişməsində sonuncu seminarın da rolu oldu. Yadınızdadısa, ötən il qışda Bakıda futzal hakimləri üçün seminar keçirilmişdi. Belçikadan nümayəndə göndərmişdilər. Belçikalı Peri Qatiya həm FİFA-da instruktordu, həm də oyunlara inspektor gedir. Beynəlxalq qurumda çəkisi olan şəxsdi. Bəlkə onun da rolu olub. Burda video-testlər götürmüşdü bizdən və ən yaxşı mən cavablamışdım sualları.
- Elçin Səmədli niyə gerilədi?
- Açığı, dəqiq bilmirəm. Amma ehtimal edirəm ki, kimlər Avropa çempionatından əvvəlki seminarda iştirak edibsə, onları saxlayıblar. Bir nəfər istisna olmaqla. Ukraynalı Oleq İvanov karyerasını bitirdiyinə görə, ümumiyyətlə, siyahıda yoxdu. Səmədli isə AÇ-dən qabaq şəxsi problemlərinə görə seminara gedə bilməmişdi. Mənim ehtimalım budu, dəqiqini isə ordakılar bilir.
- İkinci kateqoriya sənə nə verəcək?
- Üçüncü kateqoriya elə yerdi ki, ordakılar ancaq təsnifat oyunlarına təyinat alır. Əsas və elit mərhələdə əsasən birinci-ikinci kateqoriyalılar olur. Elit hakimlərə isə “dördlər finalı”, həmçinin qitə və dünya çempionatlarının final mərhələlərini etibar edirlər. Təbii ki, istisnalar da var. Məsələn, əsas raundda bəzən bir elit hakim də olur. 2018-də, ümumiyyətlə, az qala son bir ildə mənə oyun gəlmədi. Sonuncu dəfə Tiflisdə olmuşam. Avropa çempionatının seçmə mərhələsi çərçivəsində Gürcüstan, İsrail, İsveçrə və Şotlandiya yığmalarının mübarizə apardığı qrupun iki oyununu baş hakim kimi idarə etdim, birində isə ikinci oldum. Daha bir görüşdə texniki zonaya nəzarət etməyi tapşırdılar, yəni üçüncü idim. Belə götürsək, FİFA referisi kimi 4 turnirə dəvət almışam və hərəsində 3-4 oyun idarə etmişəm. Amma etiraf edim ki, təyinat sayı ürəyimcə deyil. Ümid edirəm ki, ikinci kateqoriyaya yüksələndən sonra daha çox təyinat gələcək.
- Son bir neçə ildə ikinci kateqoriyada hakimimiz yox idisə, indi birinci boşdu. Sənin ora düşməyin üçün daha 4 il gözləməliyik?
- Sözsüz ki, hədəfim irəliləməkdi. Bu, ilk növbədə özümdən, sonra da UEFA-dan asılıdı. Çalışacam ki, etimadı doğruldum. Xaqani müəllim (Hakimlər Komitəsinin sədri Xaqani Məmmədovu nəzərdə tutur – M.) də çalışır ki, hamımız inkişaf edək. Daxili yarışlardakı oyunlarımıza gəlir, əlaqələrindən istifadə edib beynəlxalq oyunlardakı idarəçiliyimizlə bağlı məlumat toplayır, arxayınlaşmağımıza imkan vermir.
- Razılaşırsan ki, yüksək liqada hakimlik baxımından rəqabətsizlik hökm sürür? Elçin Səmədli, Yusif Nurullayev, Ramil Namazov və Hikmət Qafarlını görməkdən gözümüz yağır olub. Belədə cəzasızlıq mühiti də yaranır, çünki kimsə səhvinə görə bir-iki tur kənarlaşdırılsa, hakim çatışmazlığı yaranacaq.
- Əvvəla onu deyim ki, yüksək liqanın son mövsümü gərgin və maraqlı keçdi. Növbəti mövsümün bundan da ağır keçəcəyi ehtimal olunur. Mən hələ birinci və ikinci liqaları demirəm. İnanın, orda da maraqlı oyunlar olur. Biz hakimlər də buna hazır olmalıyıq. Yüksək liqada oyun sayı az olduğuna görə hakim də azdı. Siz 4 hakimin adını saydız, ancaq Elçin Məmmədov, Ramiz Məhərrəmov, Azər Əsgərov, Əli Cəbrayılov, Kənan Məlikov, Azad Hüseynovu da əlavə etmək olar.
- Elçin Məmmədov aydın məsələdi, Azər Əsgərov sonuncu dəfə nə vaxt oyun idarə etdiyini özü belə xatırlamır, Azad Hüseynov “ağsaqqaldı”, bu gün-sabah karyerasını bitirəcək, Ramiz futbol, Əli çimərlik hakimidi.
- Komitə də çalışır ki, gənc hakimlərin sayını artırsın. O fikrinizlə razıyam ki, futzalda sırf futzal hakimi olmalıdı. Çimərlik hakimi fikrini öz sahəsinə yönəltməlidi, futbol hakimi öz sahəsinə, hərə öz yolu ilə irəliləməlidi.
- Sonuncu sualım: ikinci liqanın təyinatlarını sən həyata keçirirsən?
- Olur ki, Xaqani müəllim ikinci liqa ilə bağlı nəsə soruşur, mərkəzi oyunlar üçün lazımdısa, yüksək liqa hakimlərindən kiməsə ehtiyac olub-olmadığını dəqiqləşdirir. Amma son söz sədrə məxsusdu, təyinatları da o təsdiqləyir. Mən, sadəcə, ona kömək edirəm.
MİRAĞA
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar