03 may 23:26idman

Cüdo yığmamızı əcnəbilərdən xilas etmək lazımdı

Cüdo yığmamızı əcnəbilərdən xilas etmək lazımdı
Rüstəm Orucov nəyi gözləyir?
Ötən həftə cüdo ictimaiyyətinin diqqəti Təl-Əvivə yönəlmişdi. İsrailin paytaxtında keçirilən Avropa çempionatında yığmamızdan uğurlu çıxış gözləyirdik. Zarafat deyil, millinin heyətində 16 (9 kişi, 7 qadın) idmançı var idi. Bunların üçdəbirinin nəticə verməsi bəs edərdi. Amma türklər demişkən, umduğumuzu bulmadıq. Halbuki komandamız heyətinin genişliyinə görə yalnız Fransa, Rusiya və İsraildən geri qalırdı. Bəs coğrafi cəhətdən Asiyada yerləşən ölkədə nə baş verdi? Niyə yeni rəhbərliyin dövründə parlaq çıxış edən cüdoçularımızın budəfəki çıxışı əvvəlki uğurların kölgəsində qaldı?
Bağırovun uğursuz debütü
Ötən il Natiq Bağırov böyük ümidlərlə qadınlardan ibarət komandanın başına gətirildi. Düşünürdük ki, Belarus yığmasında topladığı təcrübəylə zərif cinsin nümayəndələrinə təkan olar. Amma hələ ki işıq ucu görünmür. Düzdü, indidən mütəxəssisi asıb-kəsmək doğru deyil. Lakin komanda Təl-Əvivdə elə rüsvayçı çıxış etdi ki, baş məşqçiyə bəraət yeri qalmadı. Belə çıxır ki, son 6 ayda qadınlarımız vaxtını boşa verib. Nə fiziki, nə psixoloji, nə də taktiki-texniki hazırlıq qaydasındadı. Axı, necə ola bilər ki, 7 cüdoçudan 6-sı elə ilk görüşdə uduzsun? Onsuz da Leyla Əliyeva, Bazarraqçaa Erdenebat (hər ikisi 48 kq), Gültac Məmmədəliyeva, Buyankişiq Purevsuren (hər ikisi 52 kq), İçinxorloo Munxtsedev və Ülviyyə Rəhimlidən (hər ikisi 57 kq) medal gözləmirdik. Ancaq belə də yox da. Belə biabırçılıqdansa, yalnız kişilərlə AÇ-də təmsil olunmaq daha yaxşıydı. Guya Təl-Əvivdə nə qazandılar ki? Təcrübə? İlk görüşdə uduzmaqla təcrübə qazanmırlar, atam balası.
Elə bilməyin ki, İrina Kindzerskanı (+78 kq) unutdum. Qətiyyən. Qadınların yarışında bütün ümidlər ukraynalı legionerə idi. O da sağ olsun, “üzümüzü ağ etdi”. Ötən il dünya çempionu ol, amma AÇ-də cəmi 1 qələbədən sonra “ağ bayraq qaldır”. Uduzduğu rəqiblər “div” olsa, adamı yandırmaz. Nə ukraynalı Yelizaveta Kalanina, nə də xorvat İvana Maraniç adlı-sanlı cüdoçuydu. Yəni İrina da uğursuzluğa bəhanə gətirə bilməz. Bir sözlə, Bağırovun yığmamızın başındakı ilk AÇ-si fiaskoyla nəticələndi.
Maşurenko da ondan geri qalmır
Təkcə Natiq bəyə yüklənmək fikrimiz yoxdu. Guya Ruslan Maşurenkonun rəhbərlik etdiyi kişilərdən ibarət yığma dağı dağ üstünə qoydu? 9 idmançıdan yalnız ikisi fərqlənibsə, İsraildə himnimiz səslənməyibsə, hansı uğurdan danış olmaq olar? 1993-cü ildə, müharibə şəraitində, ölkədə idmana ayırmağa pulun tapılmadığı vaxtda cüdoçularımız analoji yarışda 1 qızıl, 1 gümüş medal qazanmışdı. Son illərdəki nəticələri isə son göstərici ilə müqayisə etmək belə gülüncdü. Deyək ki, Orxan Səfərov çəkisini dəyişib (66 kq) deyə medalsız qaldı. Bəs ötən il Polşanın paytaxtı Varşavada keçirilən AÇ-də fəxri kürsüdə yer alan Nicat Şıxəlizadə (66 kq), Rüstəm Orucov (73 kq) və Elxan Məmmədov (100 kq) niyə medala yaxın düşmədi? Yığmanın aparıcı üzvləri heç ilk “5-liy”ə də düşmədi. Vüqar Şirinli (60 kq), Məmmədəli Mehdiyev (90 kq) və Uşanqi Kokauri (+100 kq) bizi müsbət mənada təəccübləndirmədi. Ukraynalı mütəxəssis yatıb-durub, gənclərə dua etsin. Hidayət Heydərov (73 kq) gümüş, böyüklər arasında AÇ-də debüt edən Zelim Kotsoyev (100 kq) isə bürünc medal qazanmaqla çalışdırıcının çulunu sudan çıxartdı.
Rüstəm Orucov vaxt itirir
Ötən il Hidayət Avropa çempionu olanda bunu təsadüfi uğur kimi qarşılayanlar zaman ötdükcə yanıldıqlarının fərqinə vardılar. 2017-də Rüstəm yalnız dünya çempionatında “gümüş”ü boynundan asmaqla Heydərovdan daha yaxşı nəticə göstərdi. Qalan yarışlarda ya hər ikisi eyni vaxtda “bürünc”ə sevindi, ya da Hidayət daha təcrübəli komanda yoldaşından yuxarı pillədə qərarlaşdı. Üstəlik, şəxsi görüşlərdə də 20 yaşlı cüdoçu Orucova qalib gəldi. Artıq neçə dəfə Rüstəmin çəkisini 81 kq-a qaldırması müzakirə olunub. 26 yaşlı cüdoçu isə bu addımı sanki gənc həmkarına təslim olmaq saydığından, prinsipiallıq göstərir. Halbuki vaxtında yuxarı kateqoriyaya keçsə, həmin çəkiyə uyğunlaşıb, Olimpiadaya lisenziya qazana bilər. Düzdü, hazırda dünya reytinqində komanda yoldaşından öndədi. Ancaq başverənlər göstərir ki, çəkisini dəyişməsə, Rüstəm üçün ip də əldən çıxacaq, it də. Çünki Heydərovun belə yüksəlişi fonunda məşqçilər korpusunun onu qoyub, Olimpiadaya Orucovu aparacağı inandırıcı görünmür. Qısası, zaman Rüstəmin əleyhinə işləyir. Çox keçmədən kateqoriya məsələsini bir daha düşünüb, yekun qərara gəlməlidi. Əks halda gec olacaq.
“Day-day”lı monqollar
Bir neçə il əvvəl Ağayar Axundzadəyə belə sual vermişdim: “Başqa növlərdə legionerlərdən istifadə olunur, bəlkə siz də uğur qazanmaq üçün yığmaya əcnəbi idmançı gətirəsiz”. O zaman təcrübəli mütəxəssis suala sualla cavab vermişdi: “Bu əcnəbilər bizə nə verir axı?”
O zaman Cüdo Federasiyası (ACF) fərqli strategiya üzrə hərəkət edir, başqa federasiyaların asan yoluyla getmirdi. Cəmi bir legioner (Kokauri) var idi, vəssalam. Amma indi beynəlmiləl yığmamız var. Gürcü, ukraynalı, monqol... Necə deyərlər, yığma xalqlar dostluğunun rəmzidi. Xüsusən monqollara münasibətdə bu qədər səbr göstərilməsini anlamaq mümkün deyil. Görəsən, onların hamisi kimdi? Çünki hələ də ölkəmizə 1 medal belə qazandırmayan əcnəbilərin millidə qalmasına izah tapa bilmirik. Bunu ACF-yə irad tutanda da bu qızların gənc olduğunu və zamanla özlərini göstərəcəklərini deyirlər. Başa düşmürəm, yığma xeyriyyə fondudu, yoxsa təcrübə qazandırma mərkəzi? Legioner bizimkiləri bir baş üstələmirsə, cüdoçularımız onları üstələyirsə, onda belə əcnəbi kimə lazımdı? Vüsalə Kərimova kimi böyük perspektiv vəd edən gəncləri indidən belə yarışlarda bərkə-boşa salmaq daha faydalıdı. Bu federasiyaların legioner sevdasını başa düşsəm, başqa dərdim olmaz...
Fərhad Əliyevi yerinə qaytarın!
Maşurenko yığmaya baş məşqçi təyin olunanda ACF-ni tənqid etmişdik. Çünki dəyişikliyə heç bir əsas yox idi. Fərhad Əliyev millidə gül kimi çalışırdı. Nəticələr də ürəkaçan idi. Elə təkcə onun rəhbərliyi altında ötən il AÇ-də 2 qızıl, 3 bürünc medal qazandığımızı xatırlasaq, bəs edər. Beynəlxalq Cüdo Federasiyasının (İJF) tövsiyəsinə (!!!) uyaraq, ukraynalını yığmanın başına gətirmək ən yaxşı halda qeyri-peşəkarlıqdı. Deyilənə görə, Ruslan Aleksandroviç fiziki hazırlığa daha çox önəm verir. Allah bilir, AÇ ərəfəsində cüdoçuları necə ağır məşqlərlə yükləyibsə, İsraildə yorğunluğun qurbanı olublar. Əslində belə olsa, təəccüblənmərik də. Hələ ötən il bu təyinat gerçəkləşəndə yazmışdıq ki, Maşurenko məşqçi kimi heç yerdə uğur qazanmayıb və bu addım böyük riskdi. Heyf, haqlı çıxdıq.
Sentyabrda Bakıda dünya çempionatı keçiriləcək. Mundiala Maşurenkoyla yollanmaq özünəqəsd effekti verə bilər. Məsul yarışa 5 aydan da az qalıb. İndidən yığmanı yenidən Əliyevin sərəncamına vermək lazımdı. Əks halda ölkəmizdəki turnirdə uğursuzluq yaşansa, buna görə məsuliyyəti təkcə Maşurenko yox, həm də ACF daşıyacaq.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar