15 apr 12:48idman

“Qəbələ”nin “Kobra”sı Moskvada çeçenlə döyüşəcək

“Qəbələ”nin “Kobra”sı Moskvada çeçenlə döyüşəcək
“Nəfəsim və hücumlarımla rəqibi sındırmağı düşünürəm”
“Qəbələ”nin idmançısı Pərviz Abdullayev aprelin 20-də peşəkar rinqdə növbəti döyüşünü keçirəcək. “Kobra” Moskvada “ACB KB 15” turniri çərçivəsində yerli İslam Baybatırovla dünya kəməri uğrunda döyüşəcək. Dünən bununla bağlı Boks Mərkəzində mətbuat konfransı keçirildi. Əvvəlcə “Qəbələ”nin başqa idman növləri üzrə meneceri Səbuhi Qarayev bunları dedi: “Futbolla yanaşı, döyüş növlərinə də dəstəyimizi davam etdiririk. Qəbələdə də müxtəlif döyüş növləri üzrə bölmələrimiz fəaliyyət göstərir. Artıq 6-cı ildi idman klubu kimi çalışırıq. Bu növlərdən biri də kikboksinqdi. Pərviz Abdullayev “ACB KB 15” turnirində kəmər uğrunda İslam Baybatırovla döyüşəcək. Hamıya məlumdu ki, zəif idmançıları kəmər döyüşlərinə buraxmırlar. Gecənin əsas döyüşü bu görüş olacaq. ACB Rusiya təşkilatıdı. Çeçen iş adamları tərəfindən qurulub. Bu yaxınlarda Bakıda MMA üzrə “ACB-83” döyüşləri baş tutdu. Ancaq kikboksinqdə 15-ci seriyası olacaq. Bu yarış 2015-ci ildən keçirilir. Pərviz nüfuzlu “Glory” turnirində də qüvvəsini sınayıb. Alim Nəbiyev də bu yarışın iştirakçısı olub. Hər ikisi “Qəbələ” İK-nın üzvüdü. Nəbiyev “Glory”də 3 döyüşdə qələbə qazanıb və kəmər uğrunda mübarizə aparacaq. Pərvizin bu döyüşü Moskvada olacaq. Hamımız ondan qələbə gözləyirik”.
Pərvizin meneceri Faiq Abdullayevin fikirləri isə belə oldu: “Çox güman, Moskvadakı səfirliyimizin nümayəndələri də bu döyüşü izləməyə gələcək. Diaspordan da Pərvizə dəstək verməyə gələnlər olacaq. Pərviz indiyədək “ACB KB”də 4 döyüş keçirib və hamısında qalib gəlib. O, sonuncu dəfə ABŞ-ın Los Anceles şəhərində holland idmançıya nokautla qalib gələrək, kəmər uğrunda döyüşə vəsiqə qazanıb. İslamla qarşılaşma Rusiyanın “Boets” və “Bortsovskiy Klub” telekanallarından canlı yayınlanacaq. Mən Pərvizin həm əmisi oğluyam, həm də illərdi ona menecerlik edirəm. Promouterlərlə danışıqları mən aparıram və yekunda qərarı bir yerdə müzakirə edib veririk. 2012-də Kalmıkiyanın qubernatoru və məşhur idmançı olan Batu Xasikovdan dəvət gəlmişdi. Ruslan Hacıyev menecer kimi vasitəçilik etmişdi. Amma fikirləşdik ki, rəqiblər ora uduzmağa gedir. Çünki yerli idmançını yalnız nokautla üstələsən, qələbə sənindi. Belə güclü döyüşçünü isə nokauta salmaq asan deyil. Həm də Pərviz döyüşdən yeni çıxmışdı. Bu üzdən onların təklifiylə razılaşmadıq”.
Sözsüz, media nümayəndələrinin əsas diqqəti Abdullayevə yönəlmişdi. “Kobra” sualları ətraflı cavabladı:
- Kəmər döyüşünün Moskvada keçirilməsi təşkilatçıların istəyi idi? Bu, sənə hansı çətinlikləri yarada bilər?
- Açığı, bu döyüşün daha öncə Bakıda təşkil olunması nəzərdə tutulmuşdu. Ancaq bu aya həm prezident seçkisinin, həm də “Formula-1” üzrə Azərbaycan “Qran-pri”sinin düşməsi məkanın dəyişməsi ilə nəticələndi. Sonradan yarış Moskvaya salındı. Rusiya paytaxtında döyüşmək mənim üçün elə də çətin olmayacaq. Mən ölkə xaricində daha yaxşı döyüşürəm. Belədə özümü daha rahat hiss edirəm. Yeganə problem ondadı ki, rəqibə tam üstünlüklə qalib gəlməliyəm. Çünki təşkilatçılar Baybatırovun həmyerliləridi. Yerli idmançıya qalib gəlmək üçün birbaş üstün olmalısan. Hər biri 3 dəqiqədən ibarət olan 5 raundluq döyüş olacaq. Ümumiyyətlə, kəmək uğrunda keçirilən qarşılaşmalar 5 raund davam edir. Bu dəfə 77 kq-da rinqə çıxacam. Daha öncə 4 dəfə kəmər uğrunda döyüşmüşəm. 5 raundluq döyüş daha çətindi. Bu üzdən tam güclə bu görüşə hazırlaşmışam.
- Yarışa hazırlığın necə olub?
- Sentyabrdan ara vermədən məşq edirəm. Ötən ilin noyabrında “ACB KB 12”də döyüşmüşdüm. Yanvarın 18-də Türkiyədə İsmayıl Uzunərə qalib gəldim. Sırf bu döyüşə iki aydı hazırlaşıram. Boks üzrə əməkdar məşqçi Zaur Məmmədov, şəxsi məşqçim Mehman Umudov və hamımızın tanıdığı Füzuli Musayevin rəhbərliyi altında hazırlıq keçmişəm. Həm Bakıda, həm də Qəbələdə təlim-məşq toplanışında oldum. Bir ay əvvəl bu bölgədə fiziki hazırlıq keçdim, daha sonra 1 həftə də Qəbələdə hazırlaşdım. Məşqlərim yüksək səviyyədə keçib. Rəqibimdən fiziki cəhətdən qat-qat üstün olduğumu düşünürəm. Hücum üslubunda döyüşməyi sevirəm. Bu döyüşü də elə quracam. Rəqibin kimliyi mənim üçün fərq etmir. Yalnız və yalnız qələbəni düşünürəm.
- Çeçen idmançını təhlil etmisən? Güclü tərəfləri nədi?
- İslam gözləyərək döyüşməyi, rəqibini qarşılamağı xoşlayır. Çox ağır zərbələri var. Son 6 döyüşünü nokautla qazanıb. Amma mən başıma güvənirəm (gülür). Çox güclü rəqiblərlə döyüşmüşəm. Zərbələrə dözümlüyəm. Nəfəsim və hücumlarımla rəqibi sındırmağı düşünürəm.
- Bu kəmər başqa yarışlar üçün qapı açacaq, yoxsa sırf maddi gəlir gətirəcək?
- İndiyədək bir çox təşkilatların keçirdiyi yarışlarda döyüşmüşəm. “Glory” bunların başında gəlirsə, “ACB KB” ikinci yerdədi. Bu kəmərə sahib çıxsam, yenidən “Glory”də çıxış edəcəyimə inanıram. Daha öncə həmin yarışda 70 kq-da döyüşmüşdüm. Növbəti dəfə isə 77 kq-da mübarizə aparacam.
- Əvvəlki kateqoriyada çıxış edərkən xeyli çəki salmalı olurdun. İndi bu baxımdan vəziyyətin necədi?
- 77 kq-da döyüşmək mənim üçün çox rahatdı. Çünki maksimum 4-5 kq çəki salıram. Bu da mənə əziyyət vermir, rahatdı. Ancaq əvvəllər 10-12 kq atmalı olurdum. “Glory”də 70 kq-da qələbə qazandım. Daha sonra ordan dəvət gəlsə də, həmin çəkidə döyüşə bilmədim. Çünki həmin kateqoriyada çıxış etmək ağır idi. Bu çəkidə həm gücümü, həm nəfəsimi, həm də zərbələrimi hiss edirəm.
- Daha öncə məğlub olduğun idmançılardan kiminləsə yenidən qarşılaşmağı planlaşdırırsan?
- 2011-də kəmər döyüşündə Adəm Bozkurta məğlub olmuşdum. Döyüş Türkiyədə baş tutduğundan hakimlər qələbəni yerli idmançıya verdi. Bu yaxınlarda onunla döyüşmək təklif olundu. Mən də imtina etmədim. Aprelə nəzərdə tutulmuşdu. Ancaq bu ay İslamla döyüşüm olduğundan növbəti aylara salınmasını istədim. Başqa vaxt istənilən an onunla döyüşməyə hazıram.
- Bu il “Glory”də mübarizə aparmaq ehtimalın var?
- Baybatırovla qarşılaşmadan çox şey asılıdı. Burda qalib gəlsəm, yəqin ki, təklif gələcək.
- Hansı səhvlərindən nəticə çıxarmısan və İslamla döyüşdə onları etməməyə çalışacaqsan?
- Bir çox döyüşlərdə müdafiəni unuduram. Hücum edərkən müdafiəni unutmaq olmaz. Əlləri aşağı salmaq olmaz.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 00:35 “Klassiklər”in heyətində legioner yoxdu Bu gün, 00:33 “Formula-1” ulduzları Bakıdadı Dünən, 23:42 PFL öz rahatlığı üçün “Qəbələ”ni Bakıya dartmaq istəyir Dünən, 23:41 “Beerbaşa” “İdman Azərbaycan”ın çempionluğunu şübhə altına aldı Dünən, 23:39 “Beşiktaş”la oyunun vaxtı açıqlansa da... Dünən, 23:38 “Zirə” “Qarabağ”a “zəfər dəhlizi” açmayacaq Dünən, 23:37 Avroliqaya iddialılar sual dənizində üzür Dünən, 23:35 Ceyhun Sultanov Niassenin dalınca gedib? Dünən, 23:34 Muxtar Babayev “Sumqayıt”ın Müşahidə Şurasında qalacaq Dünən, 23:19 Maksimova 4 oyun cəza, Abasova xəbərdarlıq Dünən, 23:18 “Xəzər” elitaya çıxsa, Qubanı təmsil edəcək Dünən, 23:16 Yığma uduzdu, Azər Məmmədov təcrübəsizliyi qabartdı Dünən, 23:15 Məsafə qısalır, şanslar dəyişir Dünən, 23:13 “Şüvəlan” autsayderin qonağıdı Dünən, 23:12 Akif Əliyev 60-ı qeyd etdi Dünən, 22:38 AÇ-də rəqiblər müəyyənləşdi Dünən, 22:37 "Futbol+" əzmkar qələbə ilə yarımfinalda! Dünən, 22:36 “Kəpəz”lilər “Xəmsə”nin rəhbərinə baş çəkdi Dünən, 22:34 Karlsen 6 qol vurdu, komandası çempion oldu Dünən, 22:32 Avrokubokun finalı hakimlərimizə tapşırıldı Dünən, 22:31 Rəşad Sadıqov “Qarabağ”ın seriyasını davam etdirə bilmədi Dünən, 22:29 Kubok sürprizlə başladı Dünən, 22:27 “Ələt” mövsümü üç kubokla bitirdi Dünən, 22:26 İnfantino “Qarabağ”ı təbrik etdi Dünən, 22:24 İkisi də finalda Dünən, 22:23 Kramarenkonun qızı Bakıda Rusiya üçün “qızıl” qazandı Dünən, 01:22 Mircavadovdan Qurban Qurbanovun ona çatmasına reaksiya Dünən, 01:20 “Qarabağ” Avropada tək deyil Dünən, 01:19 PFL medalçıları bir gündə mükafatlandıracaq Dünən, 01:18 “Qəbələ” Qəbələdə “qonaq olacaq” Dünən, 01:16 Azərbaycan “Qran-pri”sində anşlaq gözlənilir Dünən, 01:14 NTD: ardıcıl ikinci dəfə Dünən, 01:13 İki boksçumuz yarımfinalda Dünən, 01:12 Liderdən ağır məğlubiyyət Dünən, 01:11 Natalya finalda çökdü Dünən, 01:10 Şahmatçılarımız fasiləyə qələbəsiz yollandı Dünən, 01:08 “Neftçi” Mahmudova görə apellyasiya şikayəti verdi Dünən, 01:07 “Füzuli” və “Alyans” növbəti mərhələyə yüksəldi Dünən, 01:06 “Qarabağ”ın çempionluqlarını incələyərkən… Dünən, 01:04 “Zirə”nin legioneri Duayt Yorkla tanışlığından danışdı Dünən, 01:00 Elçin Rəhmanov “Qarabağ”ın maraqlandığı futbolçuları izləyib Dünən, 00:18 Turun statistikası Dünən, 00:15 Turun məşqçisi Dünən, 00:13 Hakimlərin mühakiməsi Dünən, 00:12 Turun oyunçusu Dünən, 00:10 Turun sitatı Dünən, 00:09 Turdan məqamlar Dünən, 00:06 Debütant zirvəni fəth etdi Dünən, 00:04 “Xəzər” bu həftə zirvəyə yüksələ bilər Dünən, 00:02 Rüfət yoxdusa, qələbə də yoxdu Dünən, 00:01 “Sülh”lə başladılar 25-04-2018, 23:59 “Qəbələ” ilk titulunu qazandı 25-04-2018, 13:18 “Lokomotiv” məğlubiyyətsiz çempion oldu 25-04-2018, 13:16 “Kobra”dan növbəti qələbə 25-04-2018, 13:10 Dmitri Nazarov səkkiz aydan sonra qol vurdu 25-04-2018, 13:09 Kamran Ağayev finalın Qəbələdə keçiriləcəyindən xəbərsizdi 25-04-2018, 13:07 Fikrət Orman sentyabrda “Beşiktaş”ı ölkəmizə gətirəcək Bütün xəbərlər
Ən çox oxunanlar