Əzizova Türkiyədə beşinci ola bilər

Qadın voleybolçular arasında Türkiyə çempionatında 5-8-ci yerlər uğrunda mübarizə davam edir. “Beşiktaş” ikinci oyunda da “Halkbank”a qalib gəlib – 3:1 (12:25, 25:23, 25:21, 25:21). Marqarita Əzizova cəmi 2 xal toplayıb. “Beşiktaş” 5-ci yer uğrunda oyunda “Bursa BB” ilə münasibətləri aydınlaşdıracaq. Bu komanda “Nilüfər Bələdiyyəsi”ni üstələyib. Məğlublar isə 7-ci yer uğrunda qarşılaşacaq.
Yeri gəlmişkən, yarımfinalda “Əczaçıbaşı”ya uduzan “Fənərbaxça”nın bürünc medal uğrunda mübarizə aparacağı rəqib bəlli olub. Finalın biraddımlığında “Vakıfbank”a məğlub olan “Qalatasaray” Polina Rəhimovanın komandası ilə qüvvəsini sınayacaq.