29 yan 17:07idman, manset

Həndbol Federasiyasının yeni strukturu müəyyənləşib

Həndbol Federasiyasının yeni strukturu müəyyənləşib
ABU “Azəryol” oldu, “Nur”, Gənclərbirliyi” və “Qarabağ” klubları yaradıldı

Dekabrın 1-də Həndbol Federasiyasında (AHF) çoxdan gözlənilən radikal dəyişiklik baş verdi. Heydər Babayev axır ki prezident postunu tərk etdi. Onun xələfi isə “Azəravtoyol” ASC-nin sədri Saleh Məmmədov oldu. Yeni prezident Milli Olimpiya Komitəsinin inzibati binasında keçirilən Hesabat-seçki Konfransında bunları demişdi: "Vaxtilə həndbol üzrə yığmanın üzvü olmuşam. O dövrdə bu növə böyük maraq olub. Niyə biz idman qurğularının yüksək səviyyədə olduğu, cənab prezident tərəfindən dəstək verildiyi halda, həndbolu inkişaf etdirməyək? İdman çox böyük strategiya əsasında işlənilməlidi. Etiraf edək ki, bir komanda ilə bu idman növünü inkişaf etdirə bilmərik".
Bundan sonra təxminən bir aylıq sükut yarandı. Hansısa addımın atıldığını görmədik. Yanvardan fəaliyyətə start verilib. Artıq federasiyanın yeni strukturu müəyyənləşib. AHF-nin 2 vitse-prezidenti seçilib. Rəfiqə Şabanova postunu qoruyub. Yeni vitse-prezident isə Orxan Abbasovdu. “Azəryol” voleybol klubunun sabiq icraçı direktoru Yusif Atakişiyev federasiyanın baş katibi seçilib. İsgəndər Əsgərov idman, Ernest Ağakişiyevlə Vaqif Əliyev beynəlxalq şöbəyə rəhbərlik edəcək. Federasiyada baş hakim Ələkbər Ağakişiyev olacaq. Məşqçilər Şurası isə Hikmət Abdullayevlə olimpiya çempionu Lyudmila Şubinaya həvalə edilib. Abdullayev həm də kişilərdən ibarət yığmanın baş məşqçisi funksiyasını yerinə yetirəcək. Qadınlar isə Georgi Voronova tapşırılıb. Ukraynalı mütəxəssis zərif cinsin nümayəndələrini İslam Həmrəyliyi Oyunlarına hazırlaşdıracaq. Dəfələrlə ölkə çempionu olmuş, son illər avrokuboklardakı yeganə təmsilçimiz ABU-nun da adı dəyişir. Yeni ad “Azəryol” olacaq. Ancaq 2001-dən fəaliyyət göstərən klub adını rəsmən “Çağırış” kubokundakı çıxışını başa vurduqdan sonra dəyişəcək.
Dünən AHF-in idman şöbəsinin rəhbəri İsgəndər Əsgərovla əlaqə saxlayıb, başqa yeni informasiyalar da əldə etdik: “Yanvarın 4-də federasiyanın strukturu müəyyənləşdi. Vitse-prezidentlər, baş katib, şöbə müdirləri, yığmaların baş məşqçiləri seçildi. Saleh müəllim Rəfiqə xanımla söhbət etdi və belə qərara alındı ki, bundan sonra Şabanova vitse-prezident kimi fəaliyyət göstərsin. Qadınlardan ibarət yığmanı isə Voronov çalışdıracaq. Ancaq “Çağırış” kubokunda ABU-nu Polşada hər iki mütəxəssis birgə meydana çıxaracaq. Həmin turnirdə çıxışını başa vurduqdan sonra klub “Azəryol” adıyla fəaliyyətini davam etdirəcək. Komandaya yeni baş məşqçi seçiləcək. Artıq qadınlardan ibarət 4 yeni klubun formalaşdırılması işinə start verilib. Bunlardan biri bölgə klubudu. Mingəçevirin “Nur” komandası daxili yarışlarda iştirak edəcək. “Qaradağ” fəaliyyətini dayandırıb. Onun əvəzinə “Qarabağ” adlı klub yaradılıb. Həmçinin “Gənclərbirliyi” təsis edilib. Fevralın sonlarında “Azəryol” və bu 3 klub arasında mini-turnir keçiriləcək. Fevralın 17-də başlayacaq çempionat 2 dövrədən ibarət olacaq. Martda yarışa yekun vurulacaq. Kişi komandaların formalaşdırılmasına isə İslam Həmrəyliyi Oyunlarından sonra start veriləcək. Sentyabrda kişilərdə 8, qadınlarda 6 komanda olmaqla ölkə çempionatına başlamağı planlaşdırırıq. Yeni mövsüm yaz aylarına kimi davam edəcək. O ki qaldı yığmalarımıza, kişilər hazırda Tiflisdədi. Bazar günü Gürcüstan toplanışını başa vurub qayıdacaqlar. Daha sonra Həştərxanda və Zaporojyedə hazırlıq prosesi baş tutacaq. Bu yığma üçün bir neçə əcnəbi “milliləşdiriləcək”. Qadınlar gündə iki dəfə ölkə daxilində hazırlıq keçir. Xaricdə çıxış edən həndbolçularımızı da dəvət edəcəyik. Yeri gəlmişkən, Yekaterina Peçe “Nur”un şərəfini qoruyacaq. Çalışacağıq ki, mayda hər iki yığmamız oyunlarda yüksək səviyyədə çıxış etsin. Qadınlardan ibarət yığma üçün kimisə “milliləşdirməyi” planlaşdırmırıq. Ancaq Valentina Salamaxanın İslam Həmrəyliyi Oyunlarında çıxış etməsi sual altındadı. Çünki onun komandası bundesliqada liderlik edir. Mayda klubunun çempionatda vacib oyunları olacaq. Ola bilər, oyunlarda yığmaya qoşulmasın. Hələ bu məsələ dəqiqləşməyib. Sizə bir şeyi deyim ki, hazırki rəhbərlik həndbola çox can yandırır. Düzdü, Heydər Babayev də yeni rəhbər seçiləndə işə yaxşı başlamışdı. Həndbola qayğı göstərirdi. Ancaq sonra diqqət və qayğısını kəsdi. Ümid edirəm ki, Saleh müəllim belə etməz. Davamlı iş getsə, bir neçə ildən sonra həndbolda böyük irəliləyiş görəcəyik”.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:06 Kikboksinq Federasiyasında Zaur Yusifov adlı dünya çempionu yoxdu Dünən, 15:05 Zöhrə Ağamirova finala vəsiqə qazandı Dünən, 15:04 Teymur heç-heçə etdi, Şəhriyar uduzdu Dünən, 15:03 Yığma üç həftədən artıq toplanış keçəcək Dünən, 15:01 Marko Rossi Şeydayevlə İsrafilovu fərqləndirdi Dünən, 15:01 “Zirə” 9 futbolçu ilə vidalaşdı Dünən, 14:56 Futbol ictimaiyyəti üçün Avroliqaya kimin getməsinin önəmi yoxdu Dünən, 14:55 Rauf Əliyev də PFL-dən narazıdı Dünən, 14:53 Finalçı çalışdırıcılar qələbəyə kökləniblər Dünən, 14:50 "Xəzər Cənub" Mehman Mahmudovu Allaha tapşırdı Dünən, 14:49 Futzal mövsümü qalmaqalla bitdi Dünən, 14:46 Tünzalə Ağayeva finalçılardan heç birinə azarkeşlik etməyəcək Dünən, 14:43 Naxçıvanda ölüm-qalım savaşı Dünən, 14:41 Bütün medalçılar müəyyənləşdi Dünən, 14:39 Xətai Bağırov Tayland çempionatında top qovacaq Dünən, 14:35 “Səbail”in məşqçisindən narazıların sayı artır Dünən, 14:33 Platellas Bakını “kiçik Dubay” adlandırdı Dünən, 14:31 Mövsümü qələbəsiz başa vurdular… Dünən, 14:29 Erməni futbolçu Bakıya gəlməyəcək Dünən, 14:28 “Səbail” futbolçulara borcunu ödədi Dünən, 14:27 “Sabah” Haqverdiyevli sabaha ehtiyac duymadı Dünən, 14:03 “Məktəblərdə futbol dərsi” bitdi Dünən, 13:56 Kaprara Azərbaycan yığmasında? Dünən, 13:54 Ay sizin başınız haqqı... Dünən, 13:50 “Finalçılar hərəyə 10 min bilet də ala bilər” Dünən, 13:49 “Keşlə” 13 futbolçuya “qapını göstərdi” Dünən, 13:47 “Qəbələ” Gürcüstandan qayıtdı Dünən, 13:46 Veteranların konfransı söz-söhbət doğurdu 17-05-2019, 21:50 Toğrul Əsgərova Avropa Oyunlarında şans veriləcək 17-05-2019, 21:48 Əliyar Ağayev 2019-da mərkəzi oyuna həsrət qalıb 17-05-2019, 21:47 “Neftçi” Çingiz Abdullayevin də medalını göndərib 17-05-2019, 21:45 Azarkeşlər finala xüsusi hazırlaşır 17-05-2019, 21:43 “Sumqayıt”ın “vuran ayağı” məşqlərdən kənarda qalıb 17-05-2019, 21:38 Naxçıvan stadionu son “döyüş”ə hazırdı 17-05-2019, 21:24 “Sabah” qalibə 960 manat təqdim etdi 17-05-2019, 21:10 “Sabah” beş futbolçuya qapını göstərdi 17-05-2019, 21:09 "Neftçi" üç futbolçu ilə vidalaşdı 17-05-2019, 21:08 Renat Dadaşov U-21-dən imtina etdi 17-05-2019, 21:07 İnqilab Məmmədovun ayağı "Qəbələ"yə düşərlidi 17-05-2019, 19:52 150 min manatlıq təsəlli 17-05-2019, 19:51 Kitanovski "Səbail"ə lazım olmadı 17-05-2019, 19:50 Slavik Alxasov "Keşlə"də qaldı 17-05-2019, 19:48 "Neftçi" Benetlə müqavilə müddıtini uzatdı 17-05-2019, 19:47 Medallar şənbə günü paylanacaq 17-05-2019, 19:46 Finalda Naxçıvan – Lənkəran dueli 17-05-2019, 19:44 Cüdo Federasiyası təxribata münasibət bildirdi 17-05-2019, 19:42 Jezniçakın yolunu gözləyirmişlər… 17-05-2019, 18:58 Abdullayevlə Nikolovdan “tikanlı” sözlər 17-05-2019, 18:57 Fiqu könüllülərə səsləndi 17-05-2019, 18:56 “Futbol və Biznes” sammiti keçirildi 17-05-2019, 18:53 Son turun qiyməti 3520 manat oldu 17-05-2019, 18:50 “Sumqayıt” Atilla Yıldırımı yola saldı 17-05-2019, 18:49 Ziyalılar “Qəbələ”yə baş çəkdi 17-05-2019, 18:43 “Traktorsazi” Çempionlar Liqasında olmayacaq 17-05-2019, 18:42 “Arsenal” Mxitaryanın xüsusi şəkildə qorunmasını istəyir 17-05-2019, 18:39 Oqtay Abdullayev hesabat verəcək 15-05-2019, 14:17 “Səbail” “bürünc”ü “Şur”da “yudu” Bütün xəbərlər
Ən çox oxunanlar