18 yan 13:58idman, manset

Elçin Zeynalov Toğrulun finaldakı çıxışından narazı qalıb

Elçin Zeynalov Toğrulun finaldakı çıxışından narazı qalıb
“Bu məsələ hələ də mənə qaranlıq qalıb”

Şənbə günü Bakı İdman Sarayına baş çəkdim. 20 Yanvar faciəsinin şəhidi Müşfiq İsayevin xatirə turnirinin ilk günündə başverənləri canlı müşahidə etmək imkanı qazandım. Ənənəvi yarışda əcnəbi hakimlər də ədaləti qoruyurdu. Sərbəst güləş yığmamızın baş məşqçisi Firdovsi Umudov görüşləri diqqətlə izləyir, bəzi güləşçilərə hərdən irad və tövsiyələrini çatdırırdı. İzləyicilər arasında Namiq və Arif Abdullayevlər, gənclər və idman nazirinin müavini İsmayıl İsmayılov, AGİN-in idman şöbəsinin rəhbəri Fərid Mansurov və gəncəli məşqçi, olimpiya çempionu Toğrul Əsgərovu güləşimizə bəxş etmiş Elçin Zeynalov da var idi. Fürsətdən istifadə edib, 68 yaşlı mütəxəssisə yaxınlaşıb ayaqüstü söhbətləşdik.
- Bir ara Toğrulla aranızdan qara pişik keçmişdi. İndi münasibətləriniz necədi?
- Mən onun məşqçisi olmuşam, o mənim yox.
- Sözsüz. Soyuqluq yaranandan sonra səhvini başa düşüb, sizdən üzr istədi?
- Aramızda hansısa narazılıq yoxdu. Həmişə arzulamışam ki, yetirməm bayrağımızı ucaltsın.
- Olimpiadadakı çıxışından razı qaldız?
- Onun finaladək sərgilədiyi mübarizədən razı qaldım. Ancaq həlledici görüşdəki çıxışından razı qalmadım. Bunu bütün Azərbaycan deyirdi ki, o Toğrula yaraşan güləş deyildi.
- Niyə belə alındı? Bəlkə rusiyalı rəqib həddən artıq güclü idi?
- Şəxsi fikrimi deyəcəm. Bu məsələ hələ də mənə qaranlıq qalıb. Anlaya bilmirəm ki, niyə belə nəticə qeydə alındı? Çünki Toğrul olimpiya çempionu idi və elə güləşməməliydi. Heç yuxuma da girməzdi ki, yetirməm finalda belə güləşər. Amma bu idmandı. Toğrul deyir ki, gözüm qaraldı, zədə aldım və ona görə istədiyim kimi güləşə bilmədim. Amma yenə də mənə qaranlıq qaldı.
- Olimpiadadan sonra onunla görüşmüsüz?
- Bəli.
- Gümüş medalçı kimi aldığı pul mükafatından şəxsi məşqçisinə zəhməthaqqı verib?
- Mənə məşqçi kimi ölkə başçısı mükafat verib. Mən də o mükafatı ikinci məşqçi Elman Əsgərovla yarı bölmüşəm. Prezidentimizdən də, nazirimizdən də, federasiyanın fəaliyyətindən də razıyıq. Allah canlarını sağ eləsin.
- Adətən, olimpiya çempionları yetişdiyi idman zalı üçün şəraiti yaxşılaşdırır və ya yeni kompleks tikdirir. Toğrul rəhbərliyiniz altında yetişdiyi zal üçün bir şey edib?
- Toğrul hələ karyerasını davam etdirir. Uğurlarının davamını gətirməyə çalışır. Yəqin ki, gələcəkdə kömək edəcək.
- Gəncə hər zaman sərbəst güləş məktəbiylə seçilib. Ancaq sanki indi Bakı və Sumqayıtla rəqabətdə çətinlik çəkir. Bəlkə yanılıram?
- Sərbəst güləş üzrə ilk dünya çempionu gəncəli olub. 1963-cü ildə Aydın İbrahimov mundialda fəxri kürsünün ən yüksək pilləsinə qalxıb. Gəncə həmişə güləşin beşiyi olub. Bir az maddi dəstək verilsə, 2-ci Toğrulu da üzə çıxararıq. Sevindirici haldı ki, Rio-2016-da da yetirməm qalib gəldi. Ramil Qasımov cüdoda paralimpiya çempionu oldu. O və qardaşı Amil məhz mənim rəhbərliyim altında güləş məşqlərində iştirak edib. 23 saylı məktəbdə idman dərsini onlara mən keçmişəm.
- Ölkə çempionatında Gəncə güləşçilərinin çıxışından razı qaldız?
- Bəli. 74 kq-da Murad Süleymanov çempion oldu. Cəmi 20 yaşı var. Heç kimə də xal vermədi. Onun böyük perspektivi var. 61 kq-da Qalib Əliyev yaxşı güləşdi. O vaxtilə Avropa çempionu olub və idman ustasıdı. İkiqat dünya çempionu Hacı Əliyevə 4:1 hesabıyla qalib gəlirdi. Sona cəmi 1,5 dəqiqə qalmışdı. Sonra yarış təcrübəsi hesabına Hacı qalib gəldi. Ancaq Qalib ruhdan düşmədi və bürünc medal qazandı. Ruhlan Məmmədov da 3-cü yeri tutdu. O da mənim tələbəmdi. Ümumi baxanda gəncəli güləşçilərin çempionatdakı çıxışından razı qaldım.
- Gələcəkdə 2-ci Toğrul Əsgərov deyə biləcəyimiz, olimpiya çempionu ola biləcək güləşçi varmı?
- Murad çox perspektivli və intizama əməl edən güləşçidi. Onun gələcəyi parlaqdı. Qalib də hər zaman məşqçisinin sözünə baxsa, uğur qazanacaq. Bəzi şeylərdən uzaqlaşsa, nəticə qazanacaq.
- Bəzi şeylər dedikdə əyləncəni nəzərdə tutursuz?
- Yox. Məsələn, mən idmançının oruc tutmasının əleyhinəyəm. Yarışa yaxın oruc tutandan sonra forma yığmaq mümkün olmur. Mən belə şeyi qəbul edə bilmirəm. Bununla bağlı axundlarla, şeyxlərlə danışmışam. Deyiblər ki, idmançılar, xəstələr oruc tutmaqdan azaddı. Yarış qurtarsın, orucunu tut da. Qalib elə-belə güləşçi deyil. Yetirməm son çempion Yaşar Əliyevə qalib gəldi. Onun qardaşı Hacıya da ciddi müqavimət göstərdi.
- 61 kq olimpiya çəkisi deyil. Olimpiada üçün mübarizə aparmaq üçün çəkisini 57 kq-a salmalı, yoxsa 65 kq-a artırmalıdı?
- Elə öz çəkisində qalmalıdı. Çünki belə söhbət var ki, Tokio-2020-də olimpiya çəkiləri yenidən artacaq. Belə olsa, 61 kq da olimpiya kateqoriyası olacaq.
- Bəs Murad növbəti Olimpiadada Cəbrayıl Həsənovun yerinə iştirak edə bilər?
- Murad gəncdi. Cəbrayıl nə qədər güləşəcək ki? Maksimum 1-2 il yarışlarda çıxış edəcək. Dünyanı tutub durası deyil ki. Onun davamçısı Murad olacaq. Amma Süleymanov da bəzi şeyləri düzəltməlidi.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 17:32 “Federasiyanı şahmatın inkişafı yox, öz piarı maraqlandırır” Dünən, 17:31 Rusiya yığması Sumqayıta gəlir Dünən, 16:24 Oqtay Abdullayev Nazim Süleymanovu ittiham etdi Dünən, 16:23 “Qəbələ” azarkeşləri üçün xüsusi tədbir hazırlayıb Dünən, 16:22 Mirbağır İsayev “Neftçi”dən ayrıldı Dünən, 16:20 Əliyar Ağayev Fransaya gedəcək Dünən, 16:19 Mirabdulla Abbasov "Neftçi"dən ayrılacaq? Dünən, 16:18 Ruslan Qurbanov "Visla"ya keçə bilər Dünən, 15:59 Tərlan Əhmədov Rəşad Sadiqovu futbola qaytarır, Raili istəyir Dünən, 15:56 “Arsenal”ın Mxitaryanla bağlı qərarı Bakıdakı azarkeşlərinin fikirlərini haçalayıb Dünən, 15:56 Haqq davamız davam edir Dünən, 15:53 Agentlər fasilə dönəmini dəyərləndirdi Dünən, 15:51 “Sumqayıt”dan ikisi getdi, ikisi yeni müqavilə imzaladı Dünən, 15:50 Gerye “Qarabağ”a “qiymət oxuyur” Dünən, 15:20 “Xəzər Cənub”un prezidentindən səs-küylü müsahibə Dünən, 15:18 “Şüvəlan” Heydər Əliyev kubokunun qalibi oldu Dünən, 15:17 “Ekol” kubokun sahibi oldu Dünən, 15:15 Paşayev “bürünc” qazandı, Emil ən yaxşılaran biri oldu Dünən, 15:14 “Sabah” gələcəyin futbolçularını seçəcək Dünən, 15:12 Agenti Petrovu “Dinamo” səviyyəsində görür Dünən, 15:11 AFFA UEFA-ya müraciət etdi, biletlər geri qaytarıldı 24-05-2019, 17:14 Gülağa Cabbarov Stuxlikə məktub yazdı 24-05-2019, 17:13 Riad Rəfiyev əvvəlcə sponsorla, sonra baş məşqçi ilə görüşəcək 24-05-2019, 17:11 “Qəbələ”də qeyri-müəyyənlik davam edir 24-05-2019, 17:09 Renat Dadaşov U-21-dən imtina etməyib 24-05-2019, 17:07 Qara Qarayev daha iki il “Qarabağ”da 24-05-2019, 17:06 Azərbaycanlı futbolçular Mxitaryanı “qorxaq” adlandırdı 24-05-2019, 17:04 Avroliqanın kuboku Cocuq Mərcanlıda 24-05-2019, 15:28 Yığma 17 nəfərlə hazırlaşır 24-05-2019, 15:25 Yurçeviç “çərçivə”ni Səlahət Ağayevə tapşıracaq 24-05-2019, 15:22 "Ayntraxt"ın azarkeşləri azərbaycanlı cocuqları sevindirdilər 24-05-2019, 15:17 UEFA İcraiyyə Komitəsi Bakıda yığışacaq 24-05-2019, 15:14 Çempion üç günə iki qələbə qazandı 24-05-2019, 15:12 “Araz”ın ÇL-dəki rəqibləri nə vaxt məlum olacaq? 24-05-2019, 15:10 Joze Alesio limitin tərəfdarıdı 24-05-2019, 15:08 Hər iki finalçı cəzalandırıldı 24-05-2019, 14:03 “Dəyişikliklər vacibdi, amma belə yox” 24-05-2019, 14:01 “Keşlə” Salahlı ilə anlaşdı, hədəfdə Əfrandı 24-05-2019, 13:59 U-21 xorvatlarla “sülh bağladı” 24-05-2019, 13:54 Səfir jurnalistlər önünə çıxacaq 24-05-2019, 13:53 Nə tez ayıldın, Özil?! 24-05-2019, 13:51 Naxçıvan turniri: xəbəri kimdən alaq? 24-05-2019, 13:47 Kamal Bayramov “Səbail”də 24-05-2019, 13:44 Emil Balayevli "Tobol"dan önəmli qələbə 24-05-2019, 13:40 “Neftçi”nin Mirabdullanı satmaq fikri yoxdu 24-05-2019, 13:25 Ayxan Abbasov Riad Rəfiyevlə son görüşü gözləyir 24-05-2019, 13:20 AZAL “Qəbələ” və “Sumqayıt”ın futbolçularına zülm etdi 24-05-2019, 13:18 “Topaz” mayın 28-də festivala başlayır 24-05-2019, 11:21 Futbolumuzdakı ingilislər həmyerlilərini Bakıya səsləyir 23-05-2019, 20:32 Finalın meydanda görünməyən tərəfləri 23-05-2019, 20:21 Naxçıvanda üç gün 23-05-2019, 20:19 Premyer-liqanın ən yaxşısı Dani Kintanadı! 23-05-2019, 20:16 “Zirə”nin kapitanlarına qapını göstərirlər 23-05-2019, 20:13 AFFA “Xəzər Cənub”a cəza yağdırdı 23-05-2019, 20:11 "Ekol" “Neftçi”ni asanlıqla üstələdi 23-05-2019, 20:03 Xətai Bağırov Taylandda oteldə qalır 23-05-2019, 19:24 Davud Kərimi 13 futbolçunun göndərilməsini normal sayır Bütün xəbərlər
Ən çox oxunanlar