20 noy 19:42idman

Ağr atletikada cəza müddəti 8 aya enə bilər

Ağr atletikada cəza müddəti 8 aya enə bilər
Rizvan Rəsulov: “Nicatın böyük şəklini divarda görəndə çox qürurlandım”
Xəbər verdiyimiz kimi, noyabrın 13-də Astanada Qazaxıstan Ağır Atletika Federasiyasının (QAAF) təşəbbüsü və təşkilatçılığı ilə Beynəlxalq Ağır Atletika Federasiyasının (IWF) Anti-Dopinq Konfransı keçirilib. Tədbirdə İWF prezidenti Tomaş Ayan, baş katib Məhəmməd Calud, İWF Anti-Dopinq Komissiyasının sədri Patrik Şamaş, həmçinin Beynəlxalq Olimpiya Komitəsinin (İOC) tələbi ilə 2008-ci ildə Pekin və 2012-də Londonda keçirilən Olimpiya Oyunlarında mübarizə aparan idmançıların analizlərinin yenidən yoxlanılması nəticəsində ağır atletlərindən 3 və daha çox dopinq-testi müsbət çıxan və buna görə 1 illik diskvalifikasiyaya məruz qalan 9 federasiyanın (Azərbaycan, Ermənistan, Belarus, Qazaxıstan, Çin, Moldova, Rusiya, Türkiyə və Ukrayna) idarə heyətlərinin üzvləri iştirak edib. Ölkəmizi Ağır Atletika Federasiyasının (AAAF) baş katibi Rizvan Rəsulov təmsil edib. Konfrans, müzakirə olunan məsələlər və perspektivlər barədə baş katib federasiyanın saytına danışıb.
– Konfransın təşkilində məqsəd nə idi?
– Məqsəd dopinqlə mübarizənin ən yüksək səviyyədə aparılmasının təmini, bunun üçün lazım olan bütün tədbirlərin görülməsi və müvafiq addımların atılması yollarının müzakirəsi idi. Təşəbbüs QAAF-dan gəlmiş, İWF tərəfindən müsbət qarşılanmışdı. İştirakçılar birillik diskvalifikasiyaya məruz qalan 9 ölkə idi. Əsas müzakirə mövzusu cəzanın bir ildən 8 aya endirilməsi, bunun üçün meyarların təyini, bu müddət ərzində yerli federasiyalar və anti-dopinq agentlikləri vasitəsilə ciddi mübarizə sistemlərinin yaradılması, belə halların bir də təkrarlanmaması üçün işlərin görülməsi oldu.
– Xüsusi fərqləndirə biləcəyiniz məqamlar hansılardı?
– Hazırda İOC başda olmaqla müvafiq qurumlar yalnız bizim yox, başqa idman növlərində də yaranan böyük dopinq problemlərinin həllinə çalışır. Ağır atletika dopinq sayı baxımından “öncül” növlərdən biri olduğundan İWF çox narahatdı. Tomaş Ayan Astanadakı çıxışı zamanı bu narahatlığını dəfələrlə ifadə etdi. O, qeyd etdi ki, belə hallar davam edəcəyi halda bu idman növünün Olimpiya ailəsində qalıb-qalmama məsələsi ciddi gündəmə səbəb ola bilər. AAAF olaraq biz də narahatıq, çünki ilk Olimpiya Oyunlarından bu yana ağır atletika həmişə böyük idmanın ayrılmaz hissəsi olub, kökləri dərinə gedir və Azərbaycanda da böyük ənənələri var. Olimpiadadan təcrid qərarı yüzminlərlə adamın idmandan getməsi ilə nəticələnə bilər ki, bunu da heç kim istəməz, çox üzücü məqam olar. İWF çalışır ki, ənənələri qorusun, buna mane olmaq istəyənlərə isə ciddi sanksiyalar tətbiq etsin. Ali qurumun prezidenti hətta belə bir fikir səsləndirdi ki, “hazırda İWF özündə 192 ölkənin federasiyasını ehtiva edir. Bundan sonra da hər hansı federasiya dopinqə qarşı lazımi mübarizə aparmasa, bu problemin böyüməsinə rəvac versə, tələb olunan qayda-qanunlara riayət etməsə, həmin ölkənin İWF-dən birdəfəlik uzaqlaşdırılması haqda da düşünə bilərik. Olmasın 192, olsun 150 üzv”.
– Konfransda Azərbaycanla bağlı nə danışıldı?
– Ölkə fərqi qoyulmadı. Hamıya eyni münasibət oldu, hamımıza cəzanın yüngülləşdirməsi üçün şans yaradıldığı bildirildi. Qeyd edildi ki, işimizə daha ciddi yanaşmaq, dopinqlə mübarizəni davam etdirmək, belə halların bir daha baş verməməsi üçün bütün mexanizmlərin – istər federasiya, istərsə də dövlət səviyyəsində həyata keçirilməsi vacibdi.
– İWF-nin bizdən konkret istəyi, tələbi və təklifləri nə oldu?
– Tələblər anti-dopinq seminarlarının təşkili və sayının çoxaldılması, WADA və Azərbaycan Milli Anti-Dopinq Agentliyi (AMADA) ilə sıx çalışmaq, ən əsası federasiyanın qarşısına qoyulan tələblərin tam yerinə yetirilməsidi. Bu müddətdə müstəqil anti-dopinq ekspertlərindən qurulmuş monitorinq qrupu müntəzəm Azərbaycana gələcək. Qarşıya qoyulan tələblər federasiya tərəfindən yerinə yetirilərsə, cəza müddətinin bitməsinə 4 ay qalmış yeniyetmələrin, iki ay qalmış isə başqa yaş qruplarının və rəsmi (texniki) nümayəndələrin beynəlxalq yarışlara qatılmasına icazə veriləcək. Əks halda cəza dövrünün sonuna qədər beynəlxalq yarışlarda iştirak edə bilməyəcəyik.
– Necə düşünürsüz, dopinqlə bağlı mübarizə işləri hansı formatda aparılmalıdı?
– Bilirsiz, bu işləri biz AMADA ilə birgə aparırıq. Ölkəmizdə ağır atletika bölmələri Təhsil Nazirliyi, Gənclər və İdman Nazirliyi (AGİN), AHİTA-nın nəzdində olan Uşaq Gənclər İdman məktəblərində fəaliyyət göstərir. Bu məktəblərdə fəaliyyət göstərən bölmələrin rəhbər işçiləri müntəzəm məşqçi-müəllim heyəti ilə dopinqlə bağlı təbliğat və təşviqat işləri aparmalıdı. Çünki ölkədaxili yarışlarda iştirak edən idmançılar idman məktəblərinin yetirmələridi. Hansısa idmançıda yasaq maddə aşkarlanarsa, bu hal qeyd olunan təşkilatların imicinə ciddi ziyan vurur. Federasiya isə bu hallar baş verdikdə həmin məktəblərin yuxarı təşkilatlarına rəsmi məlumat göndərəcək. Düşünürəm ki, federasiya AMADA, GİN və MOK-la vahid bir sistemdə fəaliyyət göstərərək dopinqə qarşı birgə mübarizəni və əsasən də məşqçi-müəllimlər arasında təbliğat və təşviqat işlərini gücləndirməlidi. Bu işdə hazırda bədən tərbiyəsi və idman sahəsində ali bədən tərbiyəsi mütəxəssisləri hazırlayan ADBTİA ilə birgə yasaq dərman preparatlarının rolu olmadan yüksək səviyyəli idmançıların hazırlanması istiqamətində yeni müasir metodların işlənib hazırlanması da vacib məsələlərdən biridi. Bir məsələni də bildirmək istəyirəm ki, bu preparatların qəbulu idmançının orqanizminə kifayət qədər ziyan vurmaqla yanaşı, zehni inkişafını da kəskin şəkildə minimuma endirir. Ağır atletika elə idman növüdü ki, burda idmançı əql ilə hərəkət etməlidi. Əks halda heç bir nəticəyə gəlib çıxmaq olmaz. Bunu əvvəlki proseslər də göstərdi. Keçmişə baxsaq, görərik ki, ağır atletika ilə məşğul olanların əksəriyyəti dopinq vasitələrindən istifadə etməyib. Bunun nəticəsində onlar 25-35 yaş aralığında yüksək nəticələr əldə edib. Sonda isə ali təhsil müəssisələrində tədris aparan müəllimlər, professorlar, başqa elmi dərəcələri olan kafedra müdirləri, nazirliklərdə işləyən vəzifəli şəxslər, həkim və mühəndis peşəsində işləyən insanlar yetişib. Bu baxımdan bugünkü statistika bizi narahat etməyə bilməz. Bu, psixoloji bir maneədi və bunu layiqli şəkildə arxada qoymalı, keçməliyik.
- AAAF-ın fəaliyyətinə beynəlxalq münasibət necədi?
– Çox müsbətdi. Bunu konfrans zamanı da hiss etdim. Bilirsiz ki, AAAF anti-dopinq fəaliyyətini artıq ötən ilin yayından aparır. Ayan özü də Bakıya səfəri zamanı buna şahidlik etdi və haqqımızda yetərincə müsbət fikirlər səsləndirdi. O gördü ki, AAAF dopinqə “yox” deyir və bunu hər addımı ilə göstərir, sübut edir. Biz işin psixoloji tərəfinə də böyük önəm veririk. “Dopinqsiz nəticə qazanmaq mümkün deyil” fikrini insanların beynindən çıxarmaq, onları yeni, təmiz mübarizə erasının başladığına inandırmaq asan deyil. Bu, yetərincə böyük vaxt və əmək sərfi tələb edən işdi. Ötən ilin noyabrında prezident İlham Əliyevin fərmanı əsasında anti-dopinq qanunu qüvvəyə mindi və AMADA yaradıldı. Mexanizm, hüquqi əsas, təməl var, qalır işi başa çatdırmaq.
– Astanada bir açılış mərasimi də oldu…
– Bəli, paytaxda İWF-nin baş katibinin ofisinin açılışı oldu. Artıq deyə bilərik ki, dünyada ağır atletikanın iki mərkəzi var: Budapeştdə prezident, Astanada isə baş katibin oturduğu yer. Bu həm Qazaxıstan, həm də yaxın ölkələrin inkişafına təkan verə biləcək bir məqamdı. Çünki məsafələr qısalacaq və ünsiyyət, çalışma daha rahat olacaq. Mənim üçün açılış zamanı qeyd edə biləcəyim əsas məqam bu ofisdə olimpiya çempionu, azərbaycanlı Nicat Rəhimovun rəngli boya ilə çəkilmiş rəsminin divardan asılması oldu. Bundan böyük fərəh hissi duydum. Nicat bizimdi, bizim çempionumuzdu. Qazaxıstanın adından çıxış etməsi isə çox şeyi dəyişmir. Onun əldə etdiyi nəticə bütün atletlərimiz üçün nümunədi. O, özü də hazırda Bakıdadı. Nicat ilk addımlarını atdığı “Zirvə” klubunun prezidenti, eyni zamanda AAAF-ın vitse-prezidenti olan Tofiq Heydərovla görüşdü. Uğurlarındakı roluna görə ona, kluba, onun bütün üzvlərinə, həmçinin bütün ağır atletika ailəsinə minnətdarlığını bildirdi. Biz həmişə onun uğurlarına sevinmişik, bundan sonra da sevinəcəyik. O, Olimpiya çempionu kimi Azərbaycan ağır atletikasının tarixinə adını qızıl hərflərlə yazan idmançıdı. Nicat hansı ölkədə çıxış etməyindən asılı olmayaraq, azərbaycanlıdı. Onun böyük şəklini orda divarda görəndə çox qürurlandım.
– Necə düşünürsüz, AAAF-ın gördüyü işlər birillik cəzanın 8 aya endirilməsinə imkan verirmi?
– Təbii ki. Gələn il üçün əsas beynəlxalq yarışlarımız Yeniyetmələrin Olimpiya Oyunları, gənclər arasında Avropa və böyüklər arasında dünya çempionatıdı. Dövlətin anti-dopinq siyasətinin fəaliyyət mexanizmi də get-gedə bərkiyir, möhkəmlənir. AGİN tərəfindən vacib amillər təmin olunur. Federasiya isə fəaliyyətini yaranmış bu imkanlar üzərində quraraq çalışır ki, düzgün addımlarla idmançılarımızın fiziki, psixoloji, texniki hazırlığını ən yüksək səviyyəyə çatdırsın. İnsanlar bizə inanmalı, kömək etməlidi. Azərbaycan güclü insanların vətənidi. Regionlardakı təbiət ağır atletlərin yetişməsi üçün çox münbitdi. Biz də güclü insanları bu idmana cəlb edir, əsl çempionlar yetişdirməyə çalışırıq. Bunun üçün lazımi maddi-texniki bazamız, mütəxəssis ehtiyatımız var. Əminəm ki, cəzamız da 8 aya endiriləcək və biz beynəlxalq yarışlarda iştiraka vaxtından əvvəl başlaya biləcəyik.
– Cəza müddətində ölkədaxili yarışlar keçiriləcəkmi?
– Bəli, bununla bağlı heç bir problem yoxdu. İWF bu 9 ölkəyə diskvalifikasiya dövründə ruhdan düşməmək üçün motivasiya verməyə çalışır. Bu üzdən daxili yarışların təşkilinə razılıq verilir, hazırlığın fasiləsiz olmasına imkan yaradılır. Qarşıdakı ən azı 8 ay ərzində beynəlxalq yarışlarda iştirak edə bilməsək də, ölkə çempionatı və kubokunun keçirilməsinə maneə yoxdu.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
11-12-2017, 23:56 Emin Abbasov “Şüvəlan”ı “Xəzər”ə dəyişdi 11-12-2017, 23:54 Qurban Qurbanov milli üçün prinsiplərini açıqladı 11-12-2017, 23:52 Qurban Qurbanov 8-ci dəfə ilin məşqçisi seçildi 11-12-2017, 23:51 Dekabrın 13-də Region Liqasının püşkü atılacaq 11-12-2017, 19:07 “Zirə” yenə “Neftçi”ni cəzalandırdı 11-12-2017, 19:05 Arazdan öldürücü zərbə, Rüfətdən het-trik 11-12-2017, 19:00 “Qarabağ”la “Qəbələ” cütün taleyini bu gün həll edə bilər 11-12-2017, 18:59 “Keşlə” “Kəpəz”i evə əliboş göndərdi 11-12-2017, 18:40 Balakəndə futzal turniri keçiriib 11-12-2017, 18:39 Ölkə çempionu ilk dövrənin lideridi 11-12-2017, 18:38 Alim Rotterdamda fərqləndi 11-12-2017, 18:37 Qayıbovun kadrı onun xələfi oldu 11-12-2017, 18:36 Cüdoçular Sumqayıtda yarışdı 11-12-2017, 18:34 Tofiq Heydərov baş məşqçi vəzifəsindən istefa verdi 11-12-2017, 18:33 “Sumqayıt”ın qış planına aydınlıq gəldi 11-12-2017, 18:30 Nadir necə Raqıl oldu və ya bir təqdimatın təəssüratı 11-12-2017, 18:26 “İmarət” 2017-yə möhtəşəm tədbirlə yekun vurdu 11-12-2017, 18:23 Fəhmin “Neftçi”ni “Səbail”ə dəyişir 10-12-2017, 21:35 Yığmanın məşqçisi qadın güləşinin problemlərindən danışdı 10-12-2017, 21:29 Gəncənin isra başçısının foto müəmması 10-12-2017, 21:11 Çempionlar Liqası bizə nə qazandırdı? 10-12-2017, 21:09 Bakıda A qrupunun oyunlarını reallaşacaq 10-12-2017, 21:08 Yorğunluq da "Qarabağ"a mane olmadı 10-12-2017, 20:46 “Azərsell” Lunyovu 2100 manat cərimələtdi 10-12-2017, 20:34 Qalmaqallı oyunun hakimi susdu 10-12-2017, 20:32 “Xəzər Lənkəran” ən sadiq azarkeşlərindən birini itirdi 10-12-2017, 19:28 “Futbol+” ilin ən yaxşılarını seçir! 10-12-2017, 19:24 “Neftçi” yenə kubokda sevinəcək? 10-12-2017, 19:22 Arif Əsədov “Sabah”ı yeni transferlərlə gücləndirəcək 10-12-2017, 19:19 Çempiona iki qol da kifayət etmədi 10-12-2017, 19:18 Yunis Hüseynov “Keşlə” səddini keçməkdə iddialıdı 8-12-2017, 21:17 Azərbaycan “Qran-pri”sinin vaxtı dəyişmədi 8-12-2017, 21:14 Voleybol yığmamız Rusiya və ABŞ ilə qarşılaşacaq 8-12-2017, 21:12 “Lokomotiv” Portuqaliya klubuna da aman vermədi 8-12-2017, 21:09 “Neftçi” kuboku qurban verməlidi 8-12-2017, 21:07 AFFA “Xəzər Lənkəran”ın rəsmisini 5 oyunluq cəzalandırdı 8-12-2017, 21:04 Mirhüseyn gələn həftə apellyasiya şikayəti verəcək 8-12-2017, 21:03 Prosineçkinin müqaviləsinin müddəti 4 gün öncə bitib 8-12-2017, 20:15 “Qarabağ” strategiyasını dəyişməyəcək! 8-12-2017, 20:14 “Əbədi şəhər”ə macəralı səfər 8-12-2017, 20:13 “Sky Sport İtaly”nin əməkdaşını UEFA rəsmisi dayandırıb 8-12-2017, 20:05 “Qarabağ”ın ÇL-dən qazancı 33 milyondu! 8-12-2017, 20:04 Şehiç ən çox seyv edən qapıçıdı! 8-12-2017, 20:03 Azərbaycanlılardan biri yerli fanatlar tərəfindən döyülüb 8-12-2017, 19:54 Arif Əsədovun "Sabah"ı təhlükəli zonadan uzaqlaşdı 8-12-2017, 19:52 “Səbail” 2-ci dövrənin qalibidi! 8-12-2017, 19:47 “Futbol+” ilin ən yaxşılarını seçir! 8-12-2017, 19:45 Kamranla Namiq “Kəpəz”in maraq dairəsindədi 8-12-2017, 19:32 Premyer-liqa "Bayıl Arena”da yarılanacaq 8-12-2017, 19:19 Vaqif Paşayev problemi uşaq məşqçilərində görür 8-12-2017, 19:16 Brüssel siyahıdan çıxarıldı, yığmamız ilk səbətdə yer aldı 8-12-2017, 18:47 “Çelsi”ylə “Qarabağ” bir qrupa düşəndə çox sevinmişdim” 7-12-2017, 19:12 Fərid Qayıbov Mariana Vasilyevaya alternativ yerli məşqçi görmür 7-12-2017, 19:10 Yığma üzvlərinin duelindən Polina qalib ayrıldı 7-12-2017, 19:08 “Pul qazancım olsaydı, adamı bu qədər “yandırmazdı” 7-12-2017, 19:02 “Neftçi” bəyanat yaydı 7-12-2017, 19:01 Elxan Məmmədov: “Hüquq-mühafizə orqanlarının araşdırması davam edir” Bütün xəbərlər
Ən çox oxunanlar