31 avq 22:52idman

Cüdo tariximizdə ilk yaşansa da…

Cüdo tariximizdə ilk yaşansa da…
Növbəti medal Rüstəm Orucovdan gəldi
Macarıstanın paytaxtı Budapeştdə cüdo üzrə dünya çempionatı davam edir. Çərşənbə axşamı kişilərdə 66, qadınlarda 52 kq-da mübarizə baş tutdu. Nəzakət Əzizova (52 kq) ilk mərhələdə mərakeşli İkram Sukateyə qalib gəlsə də, kosovalı Distria Krasniqiyə uduzdu. Monqolustanlı legioner Buyanxişiq Purevsuren elə debütdə rus Natalya Kuziutinaya məğlub oldu. Təcrübəli Nicat Şıxəlizadə (66 kq) də mundialla erkən vidalaşdı. Hərçənd həmyerlimizin qazax Yeldos Jumakanova hakimin mübahisəli qərarıyla yenildiyini də qeyd edək. Referi Şıxəlizadənin 3 dəfə qaydanı pozduğu qənaətinə gəldi. 3 cərimə xalı (şido) isə avtomatik məğlubiyyət anlamına gəlir.
Ancaq dünən hesabımıza daha bir medal yazıldı. Elə əvvəldən 73 kq-da uğur qazanacağımıza inanırdıq. Çünki bu çəkidə iki güclü cüdoçumuz çıxış edirdi. Amma buna qədər daha iki qadın cüdoçumuzun mübarizəni erkən başa vurduğunu qeyd edək. 57 kq-da İçinxorlu Munxtsedev ispan Jayone Equisoain, Səkinə Zayirova isə slovakiyalı Viktoriya Mayorosova qarşısında aciz qaldı. İndi isə keçək 73 kq-da başverənlərə. Cüdo tariximizdə ilk dəfə dünya çempionatında 1 çəkidə iki idmançımız yarımfinala yüksəldi. Böyüklərin mundialında debüt edən Hidayət Heydərov bu mərhələyədək mərakeşli Əhməd Əl Meziatini, rumıniyalı Aleksandru Raikunu, kubalı Maqdiel Estradanı və rus Denis Yartsevi vaxtından əvvəl məyus etdi. Rüstəm Orucov əvvəlcə kosovolu Akil Qyakovanı “ippon”la üstələdikdən sonra fransız Pyer Dupratı 1 “vazari” ilə mübarizədən kənarlaşdırdı. Olimpiadanın gümüş medalçısı tacik Bəhruzi Xocazadəni 3 “şido”yla devirə bildisə, çinli Sai Yinjirqalanı gözəl fəndlə “ippon”a saldı. Heydərov yarımfinalda təhsil aldığı ali məktəbin imtahanına görə DÇ-yə qatıla bilməyən olimpiya çempionu Şohey Ononu əvəzləyən Soiçi Haşimoto ilə qarşılaşdı. Cəmi 20 yaşı olmasına baxmayaraq, bu çəkidə dünya reytinqinə başçılıq edən həmkarına açıq mübarizə təklif edən Hidayət bir neçə dəfə fənd etmək istədi. Ancaq yapon cüdoçu çox yaxşı müdafiə olunurdu. Haşimotonun sona 1 dəqiqə 12 saniyə qalmış cəld hərəkətlə səlist yerinə yetirdiyi fənddən qurtulmaq isə mümkün deyildi. Hidayət mundialın yarımfinalında ən güclü rəqibə uduzsa da, göz yaşlarını saxlaya bilmirdi. Görünür, istedadlı cüdoçu Budapeştə yalnız çempionluq üçün yollanmışdı. Bəlkə də bu üzdən bürünc medal uğrunda görüşə lazımınca köklənə bilmədi. Nəticədə monqolustanlı Odbayar Qanbaatara uduzaraq fəxri kürsüdən kənarda qaldı. Bu il keçirilən yarışlarda Heydərovun kölgəsində qalan Orucov yarımfinalda koreyalı Çanqrim Ana cəmi 30 saniyə ərzində “ippon”la qalib gələrək sindromu qırdı. Beləliklə, Rüstəm karyerasında ilk dəfə DÇ-nin finalına yüksəldi. Haşimotoyla görüşün əsas vaxtında tərəflər xal qazana bilmədi. Əlavə vaxtda Rüstəmin bir fəndi xal kimi dəyərləndirilmədi. Əvəzində şübhəli vəziyyətdə Soiçinin fəndi “vazari” kimi qiymətləndirildi. Belədə Orucov “gümüş”lə kifayətləndi.
Hazırda ölkəmiz 2 gümüş medalla 3-cü pillədə qərarlaşıb. Bizdən yuxarıda Yaponiya (5-2-1) və Monqolustan (1-1-2) yer alıb.
Bu gün kişilərdə 81, qadınlarda isə 63 kq-da qaliblər müəyyənləşəcək. 81 kq-da heç bir təmsilçimiz yoxdu. 63 kq-da Gülsədəf Kərimova çıxış edəcək. O ilk mərhələdə venesuelalı Anrikuelis Barriosla qarşılaşacaq.
Bu arada ilk yarış günündə gümüş medal qazanan Orxan Səfərov (60 kq) keçirdiyi qarşılaşmalardan danışıb: “Smetov və Urozboyevin mübarizə üslubu fərqlidi. Urozboyev daha açıq güləşir və ona qalib gələcəyimə inanırdım. Mənə, sadəcə, gözləmək lazım idi. Özbəkistanlı idmançı səhvə yol verməyə başladı. Smetovu isə fəndlə tutmaq çətindi. Olimpiadanın yarımfinalındakı məğlubiyyəti nəzərə alaraq deyə bilərəm ki, əsas mübarizəm onunla oldu. Çox istəyirdim ki, onu məğlub edim və bunu bacardım. Finalda yalnız qızıl medal uğrunda mübarizə aparmaq istəyirsən. Qızıl medal qazanıb Azərbaycanın cüdo tarixinə düşmək istəyirdim. Çünki ölkəmizdə yalnız Elxan Məmmədov bu titulu qazanmağa müvəffəq olub. Kapitanımızın göstərdiyi nəticəni təkrarlamaq istəyirdim. Mən solaxayam və Naohişa qarşılaşma boyunca sol əlimi nəzarətdə saxlayırdı. Üstəlik, yapon cüdoçu bəstəboydu və sol əlini geri çəkib yalnız aşağıdan həmlə edir. İlişdirmə və pəncə ilə vurma onun sevimli fəndləridi. Əks halda, nəticə başqa cür də ola bilərdi. Takatoya qalib gəlmək üçün onu qabaqlamaq, sol əlini bağlamaq və sağ tərəfində dayanmaq lazımdı... Bu, cüdo tariximizdə ən güclü komandadı. Şadam ki, elə ilk gündə fərqlənə bildim və uşaqları ruhlandırdım. Əminəm ki, qızıl medallarımız olacaq”.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 15:46 “Bakı”nın bazasına nəzarət Vaqif Heydərliyə tapşırılıb Dünən, 15:42 Ölkə kubokunda yenilik olacaq Dünən, 15:34 Adalılarla görüşdə xeyrimizə olan məqamlar Dünən, 15:26 Farer adaları erkən və itki ilə gəldi Dünən, 15:22 Foqts Rüfəti təriflədi Dünən, 15:21 Orxan Sadıqlı: “Kim edibsə, Allah bəlasını versin” Dünən, 15:19 Nə Maksimov, nə də Çixradze: “Sumqayıt” Ayxan Abbasova tapşırıldı Dünən, 15:17 Media nümayəndələri üçün “İntellektual kubok” keçiriləcək Dünən, 15:12 U-19 ilk oyunda darmadağın oldu Dünən, 15:09 “Zirə” apellyasiya şikayəti verəcək Dünən, 15:02 U-19: Gürcüstandan sonra şərikli lider Dünən, 15:00 Bakı İdman Sarayında dramatik sonluq Dünən, 14:58 Dedov hücum haqda düşünür Dünən, 14:57 Stuxlik “Zenit”in oyununda Dünən, 14:55 “Sabah” MOİK-i sınağa çəkəcək Dünən, 14:54 UEFA “Vorskla”nın işinə dekabrın 13-də baxacaq Dünən, 14:52 “Qəbələ” rəsmiləri UEFA-nın tədbirinə qatıldı 13-11-2018, 18:49 Azər Mirzəyev məktubla “Futbol+”ə müraciət etdi 13-11-2018, 18:48 Namiq Əliyev DÇ-də fərqlənənləri mükafatlandırdı 13-11-2018, 18:46 Qurban Qurbanovdan ideal seçim 13-11-2018, 18:45 Nazim Süleymanov getdi, yerinə iki yerli, iki əcnəbi namizəd var 13-11-2018, 18:43 İddialıların duelində qalib müəyyənləşmədi 13-11-2018, 18:41 Sabah kubokun püşkü atılacaq 13-11-2018, 18:37 “Lex” Qriqorçukla maraqlanır 13-11-2018, 18:36 Tovuz futbolunun 100 illiyi ilə bağlı kitab nəşr olundu 13-11-2018, 18:29 Rəşad Sadıqov “Beşiktaş”ın futbolçularını U-21-ə cəlb etdi 13-11-2018, 18:27 Riçard “Qarabağ”a qayıtmaq haqda düşünmür 13-11-2018, 18:25 “İmarət”in uşaqları pirotexniki vasitələri Kiyevdən 160 manata alıb 13-11-2018, 18:21 Qonaqlar özünü ev sahibi kimi apardı, bombardir dəyişdi 13-11-2018, 18:19 Turun oyunçusu 13-11-2018, 18:19 Turun sitatı 13-11-2018, 18:18 Turdan məqamlar 13-11-2018, 18:16 “Rəvan”ın rəqibi oyuna gəlmədi, “pərdə enmədi” 13-11-2018, 18:14 Lider başlayacaq, çempion bitirəcək 13-11-2018, 18:13 Vüqar bombardir oldu, komandası elitaya yüksəldi 13-11-2018, 18:11 Yığma AÇ-də mübarizəyə başlayır 11-11-2018, 15:01 Qurban Qurbanov yeni ofisin faydasından danışıb 11-11-2018, 14:59 Ölkə kuboku biabırçı vəziyyətə salınıb 11-11-2018, 14:40 Elnar Kərimov Türkiyədən qayıdıb “od püskürdü” 11-11-2018, 14:37 Yığma “Keşlə”ni darmadağın etdi 11-11-2018, 14:35 “Qarabağ”dan ilk qələbə və bayram hədiyyəsi 11-11-2018, 14:27 “Yadımdadı, konyak içməkdən ayıq vaxtımız olmadı” 11-11-2018, 14:15 Həyati əhəmiyyətli oyuna 8 gün qalarkən... 11-11-2018, 14:05 Asif Məmmədov Olimpiada ilə bağlı proqnoz verməkdən çəkindi 11-11-2018, 13:44 U-21-in rəqibi heyəti açıqladı 11-11-2018, 13:33 “Bizdə heç vaxt maliyyə ilə bağlı problem olmayıb” 8-11-2018, 22:24 “Məni öz içimdən vurdular” 8-11-2018, 22:20 PFL daha jurnalistləri Qəbələyə aparmayacaq 8-11-2018, 22:19 Kosovonun qapıçısı tarixi şans yaxaladıqlarını düşünür 8-11-2018, 21:34 Qalmaqallı “böyük oyun”dan 7 il ötdü 8-11-2018, 21:31 Poltava döyüşü 8-11-2018, 21:29 Çətin eniş, problem yaradan polkovnik, “Qa-ra-bağ” qışqıran tələbələr... 8-11-2018, 21:26 Qurbanov “Vorskla”nın qrupdan çıxmaq şanslarından danışdı 8-11-2018, 21:24 Gəncə futbolu şanlı tarixiylə ayaqlaşa bilmir 8-11-2018, 21:22 Bir oyun təxirə salındı 8-11-2018, 21:21 Ozancanın üzülməsinə Dəniz sevindi 8-11-2018, 21:19 Hakimlərə hücum çəkən futbolçuya 5 oyunluq cəza Bütün xəbərlər
Ən çox oxunanlar