22 avq 21:09idman

Samit Nuruzadə yenə səbr etməyi məsləhət görür

Samit Nuruzadə yenə səbr etməyi məsləhət görür
“Ucaboy millət olmamağımızı bəhanə etməməliyik”
Bu il basketbol tariximizdə ilk dəfə üç yaş qrupunda qitə arenasında təmsil olunduğumuzu bilirsiz. U-20 və U-18 Avropa çempionatının B, U-16 isə C divizionunda mübarizə apardı. U-20 və U-18 B divizionunda qalmaqla təsəlli tapdısa, yeniyetmələr Andorradan bürünc medalla qayıtdı. Əvvəlki saylarımızda U-20-nin baş məşqçisi Tahir Baxşıyev və U-16-nın çalışdırıcısı Elşən Yusubovun fikirlərini diqqətinizə çatdırmışdıq. Bu dəfə U-18-ə başçılıq edən Samit Nuruzadəylə söhbətləşdik.
- Əvvəlcə ümumi yarış təəssüratlarınızı bilmək istərdim.
- Çox müsbət təəssüratlarım var. Çünki B divizionunda ən gənc komanda idik. Oyundan-oyuna çıxışımızı yaxşılaşdırdıq. Polşa və İsrailə müqavimət göstərə bilmədik. Portuqaliyaya 30 xal fərqiylə uduzmağımıza baxmayaraq, komandanın çıxışından razı qaldım. Təlim-məşq toplanışı çərçivəsində yoxlama oyunları keçirsəydik, onlarla başa-baş oynaya bilərdik. Avstriya, İsveçrə və Albaniya ilə görüşləri də bura şamil edə bilərəm.
- Ən çox hansı oyunçulardan razı qaldız və hansı basketbolçular ümidləri doğrultmadı?
- Kamran Məmmədovdan çox razı qaldım. Şirzad Şirzadov ilk 3 qarşılaşmada çox yaxşı oynadı. Yaşca daha böyük olanlar gözlədiyim kimi çıxış etdi. Fiziki çatışmazlığımız heyətin rəqiblərlə müqayisədə daha gənc olmasından qaynaqlanırdı. Əksər rəqiblərin heyətində 1999 təvəllüdlü basketbolçular oynayırdı. Bizdə isə 1 yaş kiçik oyunçular cəmləşmişdi. Bizə bir az vaxt lazımdı. Gələn il sadaladığım ölkələrlə eyni səviyyədə çıxış edə bilərik.
- Həmin ölkələrdən ən çox nədə geri qaldız?
- İstər fiziki, istərsə də taktiki-texniki hazırlıqda geri qaldıq. Bu da səbəbsiz deyil. Çünki bizdə 18 yaşadək basketbolçular arasında ölkə çempionatı keçirilmir. Mən 20 nəfər arasından seçim edirəmsə, rəqiblər 2000-3000 arasından heyət formalaşdırır. Komandamızı Gürcüstan çempionatına aparmağa məcbur oluruq. Qonşu ölkədə basketbolçu sarıdan seçim genişdi. Ancaq onlar da bu yarışda uğurlu çıxış edə bilmədi. Bizdə ötən mövsüm 4 yaş qrupu üzrə çempionat keçirildi. Onlar böyüyür. Bir balaca səbr etmək lazımdı. Məncə, bunun axırı yaxşı olacaq.
- Donat qardaşları güclü basketbol məktəbi olan “Fənərbaxça”da çıxış edir. Bundan başqa, Tornike Julakidze və Eliyah Mollenhauer kimi legionerlər də heyətdə yer almışdı. Onların çıxışı ürəyinizcə oldu?
- Yenə qeyd edirəm ki, bunlar gəncdi. Saadettin Donat 2001 təvəllüdlüdü. Onun yaşı imkan verirdi ki, U-16 ilə Andorraya yollansın. Ancaq ən ucaboy basketbolçumuz olduğundan U-18-ə cəlb etdim.
- Yeri gəlmişkən, boy məsələsində də rəqiblərdən aşkar geri qalırdız?
- Nəzərəçarpanfərq yox idi. Şəxsi fikrim belədi ki, boy əsas amil deyil. Bəstəboy oyunçularımızın daha səviyyəli olmasını istərdim. Həmişə demişəm ki, ucaboy millət olmamağımızı bəhanə etməməliyik. Nə qədər seçim bol olarsa, bu problem də aradan qalxar.
- Ən çox hansı mövqenin oyunçusunun çatışmazlığından əziyyət çəkdiz?
- 3 nömrə. Bu elə basketbolçudu ki, topla oynamağı bacarır və eyni zamanda ucaboydu. Ancaq bu mövqe üzrə çatışmazlıq bütün dünyada var. Müasir basketbolda 4 və 5 nömrəsiz keçinmək olar, ancaq 3 nömrəsiz mümkün deyil. Bu mövqenin oyunçuları universal olur. Top da daşıyır, oyun da qurur, ribaun da götürür, xal da qazanır.
- Qeyd etdiz ki, gələn il başqa yığmalarla başa-baş mübarizə aparacaqsız. Bəs hədəf nə olacaq?
- Desəm ki, ilk “10-luq”da yer almaq üçün oynayacağıq, bu bir nəticə sayılmaz. Çünki A divizionuna ancaq medalçılar vəsiqə qazanır. 4-cü də, 14-cü də olsan, B divizionunda qalırsan. Bunu məsuliyyəti üzərimdən atmaq üçün demirəm. Reallığı qəbul etmək lazımdı. Əsas məqsəd Azərbaycanın böyüklərdən ibarət yığması üçün basketbolçu yetişdirməkdi. Rimas Kurtinaytisə 6 il möhlət verilmişdi. Bir az səbirli olun. Əsas yığmanı formalaşdırmaq üçün zamana ehtiyac var.
- Siz həm də gələcəkdə formalaşacaq əsas millinin çalışdırıcısı olacaqsız. Bu mənada U-20 və U-16-nın çıxışını necə dəyərləndirirsiz?
- U-16 haqda danışa bilərəm. Çünki onları məşq elətdirmişəm. Bu komandanın əksər üzvlərini Gürcüstan çempionatında oynatmışam. Çox istərdim ki, qrup lideri kimi yarımfinala vəsiqə qazansınlar. Belədə finala yüksələrdilər. Amma bürünc medal da pis nəticə deyil. B divizionu isə başqa səviyyədi. Artıq U-18-in bazası var. Fasiləsiz oyunçu yetişdirməyi bacarırıq. Bu məni sevindirir.
- Ermənilər klub formalaşdırıb, Rusiya çempionatına qatılır. Bu variantı biz də Türkiyədə tətbiq edə bilərikmi?
- Əlbəttə. Amma bu bizim üçün bir az tezdi. Onlar buna daha tez başlayıb. Mən basketbolun düşməni deyiləm. Mən də Türkiyə və Rusiya kimi ölkələrin çempionatında komandayla təmsil olunmağımızı istərdim. Amma bizdə hələ bu baza yoxdu. Bütün vəsaitimizi həmin kluba qoysaq, uşaq basketbolu bundan bir fayda görməyəcək. Çox istərdim ki, regionlarda bu idman növünü inkişaf etdirək. Həmin vəsaiti uşaq basketbolunun tərəqqisinə xərcləmək indiki zamanda daha məqsədəuyğun olar.
- Avropa çempionatına qatılan yığmalarımız ölkə xaricində toplanış keçə bilmədi, yoxlama oyunları keçirmədi. Belə çıxır ki, federasiyanızda ciddi maliyyə sıxıntısı var.
- Bu gün hər idman növündə bunu müşahidə edirik. Yoxlama oyunları keçirməməyimizdən, daha yaxşı hazırlıq keçə bilməməyimizdən şikayətlənmək fikrində deyiləm. 3 komandanın Avropa çempionatında iştirakı təmin olunub. Hər halda, buna da vəsait qoyulub. Nədənsə şikayətlənsəydim, komandanı heç yarışa aparmazdım.
- 2019-dan etibarən indiki U-20 böyüklər kateqoriyasına keçəcək. Əsas yığma həmin ildən formalaşacaq?
- Bu, FİBA-nın reqlamentindən asılıdı. Beynəlxalq qurum seçmə mərhələni futbol kimi tənzimləyib. İndi əvvəlki reqlamentə keçməyi fikirləşirlər. Biz FİBA-nın yekun qərarına uyğun addım atacağıq. Hər şey Samit Nuruzadənin deməyi ilə olmur (gülür). Federasiya rəhbərliyi ilə söhbət edib, bir qərar çıxaracağıq.
- Növbəti mövsüm üçün çempionatımızda hansı dəyişiklər gözlənilir?
- Hələ ki böyüklər arasında hansı komandaların iştirak edəcəyi bilinmir. Uşaqlar arasında yarışlar da əvvəlki qaydada keçiriləcək. Bu dəfə daha çox yaş qrupu üzrə çempionatlar keçiriləcək. Mənim üçün bu gün prioritet budu.
- Xəzəryanı ölkələr arasında keçirilən “Xəzər Liqası” turnirindən səs-soraq yoxdu. Bu yarışın taleyi necə oldu?
- İki mərhələ keçirildikdən sonra 3-cü mərhələ Türkmənistanda baş tutmalıydı. Ancaq hələ keçirilməyib. Ümidvaram ki, “Xəzər Liqası” davam edəcək.
SƏRXAN
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 11:28 “Bülənt Korkmaz elə bilirdi ki, Azərbaycanda heç kimin futboldan anlayışı yoxdu” Dünən, 11:23 Nurlan Novruzov Moldovanı Estoniyaya dəyişdi Dünən, 11:22 AFFA oyunlarda çəkiliş aparanlara “barmaq silkələdi” Dünən, 11:20 “Doğma Bakıda futbolun incəliklərini öyrəndim” Dünən, 11:12 Aqil Nəbiyev beş aydı məşğul olduğu işi davam etdirəcək Dünən, 11:09 Tovuzlular sevindi, gəncəlilər üzüldü Dünən, 11:07 İsmayıllı futbolçuları Qəbələdən kubok apardı 21-02-2020, 12:28 Klublar Obradoviçin anormal qərarını anlayışla qarşılayırlar 21-02-2020, 12:26 AFFA “Keşlə”nin paraqvaylı legionerini “milliləşdirir” 21-02-2020, 12:21 Ramilin dönüşünə təəssüflənirlər... 21-02-2020, 12:13 Elxan Məmmədov xidmətlərin ucuz olduğu yerlərə gedir 21-02-2020, 11:56 Turun ən məhsuldar görüşü Şamaxıda baş tutdu 21-02-2020, 11:54 “Neftçi”yə bütün veteranları əzizdi 21-02-2020, 11:51 Cavid Hüseynova sərt cəza: 4 oyun + 3200 manat! 21-02-2020, 11:49 Dosyeyə bax, AFFA! 19-02-2020, 11:50 “Sabah”ın avrokuboklara qatılmaması Adıgözəlov üçün fiasko olmayacaq 19-02-2020, 11:49 Ramil Şeydayev “Sabah”ı seçdi 19-02-2020, 11:48 Obradoviçin toplanışı nəyə xidmət edir? 19-02-2020, 11:45 “Köhlən atlar” “qartallar”ın “yuvasını dağıtdı” 19-02-2020, 11:42 “Sabah” “Sumqayıt”ı evində döydü 19-02-2020, 11:40 “Səbail”dən ardıcıl ikinci qələbə 19-02-2020, 11:34 Mövsümün ən məhsuldar həftəsi 19-02-2020, 11:29 “Neftçi” ikinci pillədəki yerini möhkəmləndirdi 14-02-2020, 12:31 “İsgəndər Cavadovun akademiyasına ayrılan vəsaiti görəndə şoka düşdük” 14-02-2020, 12:20 Elxan Məmmədovun veteranlarla görüşü təxirə salındı 14-02-2020, 12:15 AFFA “Marafon”u da Nazim Süleymanovun üzünə bağladı 14-02-2020, 12:10 Ağabalanın cəriməsini kim ödəyəcək? 14-02-2020, 11:10 AFFA telekanallara və onlayn mediaya dəvət göndərib 14-02-2020, 11:05 “Qəbələ” çilili forvardla anlaşdı 14-02-2020, 11:03 “Xəzər Lənkəran”a texniki məğlubiyyət verilib 14-02-2020, 11:01 Ruslan “Neftçi” ilə görüşü də buraxacaq 14-02-2020, 11:00 “Birinci işimiz sonuncu pillədən qurtulmaqdı” 14-02-2020, 10:56 Rauf yenə Prezidentə müraciət etdi, anası 1333 səs topladı 14-02-2020, 10:55 Cəmşid Məhərrəmov azadlıqda 12-02-2020, 11:55 Elvin Yunuszadə “Çelik”i Ümit Özata görə seçib 12-02-2020, 11:53 Samir Abasovun seçkidən xəbəri olmayıb 12-02-2020, 11:51 “Sumqayıt” itirdiyi mövqeyi qaytardı 12-02-2020, 11:31 “Qarabağ” “Neftçi”nin yaxınlaşmasına imkan vermədi 12-02-2020, 11:28 İsgəndər Cavadov AFFA-ya əl açıb 12-02-2020, 11:26 “Forza Neftçi” 11 yaşını Mərdəkanda qeyd etdi 12-02-2020, 11:24 Səmra Əliyeva şərhinin birmənalı qarşılanmayacağını bilirmiş 7-02-2020, 22:09 Məşqçilər Komitəsi namizədləri iki saat müzakirə edib 7-02-2020, 22:07 “Qəbələ” pasportun məsuliyyətini AFFA-nın üzərinə atdı 7-02-2020, 22:06 Ağatahir Əzimov futzal hakimlərini “topa tutdu” 7-02-2020, 22:03 Riçard, belə getmək lazım idi 7-02-2020, 22:02 "Qəbələ”nin gözlədiyi hücumçu gəldi 7-02-2020, 22:00 Vüqar Aftandil Hacıyevin “gəl” mesajını gözləyir 7-02-2020, 21:49 Start ərəfəsində yüngül gəzişmə 7-02-2020, 21:47 Siz gizlənin, Rövşən danışsın... 7-02-2020, 21:44 Kamal Bayramov üçün mövsüm bitdi 5-02-2020, 11:42 Elman Ələkbərov yığmanın yaradılan şəraitin əvəzini vermədiyini düşünür 5-02-2020, 11:42 Futbolumuzun yetirməsi 50 yaşında dünyasını dəyişdi 5-02-2020, 11:40 AFFA-da Stuxlikin Bəhramovu ziyarət etməməsinin səbəbini bilmirlər 5-02-2020, 11:38 Almeydalı “Baniyas”dan növbəti qələbə 5-02-2020, 11:37 “Qarabağ” Kintananı Çin klubuna yola saldı 5-02-2020, 11:35 “Zirə”ni Qadze ilə Ramazanov sevindirdi 5-02-2020, 11:32 Rauf Məmmədov deputat olmaq istəyən anasının müdafiəsinə qalxdı Bütün xəbərlər
Ən çox oxunanlar