12 iy 19:47idman

Kapitan dünya çempionatını “xırdaladı”

Kapitan dünya çempionatını “xırdaladı”
Yığmamız Bakıda Almaniya ilə qarşılaşacaq

Şahmat üzrə qadınlardan ibarət yığmamızın ötən ay tarixində ilk dəfə dünya çempionatında iştirak etdiyini bilirsiz. Xatırladaq ki, millimiz 10 komandanın mübarizə apardığı mundialda reytinqinə uyğun pillədə - 9-cu yerdə qərarlaşdı. Yəni qadınların çıxışını nə uğurlu saymaq olar, nə də uğursuz. Düzdü, Olimpiadada 8-ci yeri tutan yığmadan daha böyük nəticə gözləmək olardı. Ancaq unutmayaq ki, milli Bakıda keçirilən yarışa həm Bakıda, həm Qəbələdə, həm də Şamaxıda toplanış keçməklə hazırlaşmışdı. Heç vaxt komandamız hansısa yarışa bu səviyyədə hazırlaşıb qatılmamışdı. Üstəlik, məşqçilər korpusunda Konstantin Landanın yer alması da şahmatçılarımızın debüt problemlərinin aradan qalxmasında faydalı olmuşdu. Bu da nəticədə əksini tapdı. Hindistan və Polşa kimi komandalara qalib gəlib, Gürcüstanla heç-heçə edən Fikrət Sideifzadənin yetirmələri yekunda 8-ci yeri tutdu. Ancaq DÇ üçün xüsusi hazırlığın keçirilməməsi uğurlu çıxış etməyə imkan vermədi. Bununla belə, milli ilk 4 turdan sonra sensasiyaya imza atmağa yaxın idi. Debütdə Polşaya ağır məğlubiyyət komandamızı sındırmadı. Aşkar autsayder Misiri darmadağın edən xanımlar çempionluğa iddialı 3 komandadan ikisi - Rusiya və Çinlə heç-heçə etməklə hamını təəccübləndirməyi bacardı. Ancaq bundan sonra komandamız “əyləci basdı”. Bəlkə də ardıcıl güclü rəqiblərlə qarşılaşmalar yığma üzvlərini xeyli yormuşdu. Hər halda, Vyetnam, Ukrayna və Gürcüstan məğlubiyyətlərini başqa cür əsaslandırmaqda çətinlik çəkirik. Komandamız məğlubiyyət sindromundan ABŞ-la heç-heçə etməklə çıxdı. Son turda yığma Hindistana qalib gələ bilsəydi, boyundan yuxarı tullanacaqdı. Ancaq şahmatın yaradıcıları millimizə şans vermədi. Yekunda qazancımız 5 xal oldu. Günay Məmmədzadə istisna olmaqla, bütün yığma üzvləri reytinqini aşağı saldı. Son ölkə çempionu 2-ci lövhədə turnirin ən yaxşı 2-ci şahmatçısı oldu. 17 yaşlı şahmatçı ümumi sıralamada 7-ci yeri tutmaqla necə böyük perspektivə malik olduğunu növbəti dəfə isbatladı.
Dünən komandamızın yarışdakı çıxışını şərh etməsi üçün kapitan Fikrət Sideifzadəyə söz verdik: “Misiri kənara qoysaq, bütün komandalar güclü idi. Belə turnirdə oynamaq çətindi. Olimpiadada 1 oyun qələbə qazanırsan, özünə gəlirsən. Dünya çempionatında isə hər gün güclü rəqiblə qarşılaşırsan. Təzyiq altında oynamaq həqiqətən çox çətindi. Rusiya və Çinlə çox yaxşı oynadıq. Amma Vyetnamla oyundan qorxurdum. Çünki bir az boşalma gedir, o dəqiqə nəticədə hiss olunur. Həm də qızlar hələ tam sabit çıxış edə bilmir. 9 oyunun hamısını eyni səviyyədə keçirmək komandamız üçün çətindi. Bir az Zeynəb Məmmədyarova zəif çıxış etdi. Əslində 6-cı yeri tuta bilərdik. Bu nəticəyə yaxın idik. Məsələn, Ukrayna ilə oyunda qalib gəlməliydik. Təəssüf ki, həmin görüşdən məğlub ayrıldıq. Vyetnama uduzmamalıydıq. Amma nəzərə almaq lazımdı ki, mundialda ilk dəfə çıxış edirdik. Komandamız üçün yeni təcrübə oldu. İstənilən halda, bu yarışa qatılmaq belə yığmamız üçün böyük göstəricidi. Bir də onu qeyd edim ki, heyətlə bağlı kasadlıq var idi. Seçim imkanımız geniş deyildi. İlk 4 lövhə ilə bağlı seçimdə problem yaşamadım. Ancaq ehtiyat oyunçu seçimində normal, sabit çıxış edən şahmatçı tapa bilmədim. Xanım Balacayevanı reytinqinə görə seçdim. Düzdü, daha səviyyəli və reytinqdə öndə olan Nərmin Xələfova və Xəyalə Abdullanı da komandaya cəlb etmək olardı. Ancaq onlar belə yarışlarda çox “döyülüb”. Bu üzdən daha da psixoloji zədə almalarını istəmədim. Xanım daha gənc olduğuna görə ona şans verməyi qərara aldım. Hesab edirəm ki, debütü pis alınmadı. Komandada çıxış etməyin nə olduğunu bildi və güclü rəqiblərlə qarşılaşdı. Hələ zəif olsa da, irəliləmək perspektivi var. Komandamızın potensialı var. Müxtəlif illərdə komanda yarışlarında ilk “10-luq”da yer almışıq. Sadəcə, sabit illik hazırlıq planı olsa, yüksək nəticələrə imza atmaq mümkündü. Dünya çempionatına yaxşı hazırlaşmadan yollandıq. Bu üzdən uğurlu çıxış edə bilmədik. Ötən il yaxşı toplanış keçdik. Yaxşı maliyyə dəstəyi oldu. Bunun da nəticəsi kimi Bakıda keçirilən Olimpiadada uğurlu çıxış etdik. Nədənsə hamı həmin yarışda 8-ci yeri tutduğumuzu deyir. Ancaq əslində 4-9-cu yerləri bölüşmüşük. Çünki bunun qızlara psixoloji təsiri də var axı”.
Təcrübəli mütəxəssis komandamızın bundan sonrakı hazırlığı haqda da danışdı: “Payızda Avropa çempionatında iştirak edəcəyik. Ona qədər komanda üzvləri üçün proqram hazırlamışıq. Bu ayın axırlarında klublararası Türkiyə çempionatında Gülnar Məmmədova da iştirak edəcək. Yığma üzvü Çanaqqala komandasının şərəfini qoruyacaq. Mən də onunla birgə qardaş ölkəyə yollanacam. Avqustun 21-dən 26-dək Almaniyanın qadınlardan ibarət yığması Bakıda millimizlə yoldaşlıq oyunları keçirəcək. Onlar da qitə birinciliyinə çox ciddi hazırlaşır. Ümid edirəm ki, Mahir müəllim (AŞF-nin 1-ci vitse-prezidenti Mahir Məmmədovu nəzərdə tutur – S.) oktyabrın 7-dən 17-dək baş tutacaq klublararası Avropa Kubokunda bizim də iştirakımızı təmin edəcək. Necə ki keçən il bu baş vermişdi. Oktyabrın 27-dən noyabrın 5-dək isə Avropa çempionatı baş tutacaq. Sentyabrın 20-30-u aralığında təlim-məşq toplanışı keçməyi planlaşdırırıq. Bunların hamısını Faiq müəllimə (AŞF-nin vitse-prezidenti Faiq Həsənov) demişəm. Yəqin ki, hamısını təşkil edəcəklər. Avropada da yaxşı yer tutacağımıza ümid edirəm.
“Bakı Open” isə keçirilməyə bilər. Novxanıdakı “AF Otel”də şərait ürəkaçan deyil. Ola bilər, paytaxtın başqa mehmanxanasında həmin yarışı keçirək.
Yığmanın AÇ üçün heyətinə gəlincə, yəqin ki, Almaniya ilə oyunlarda Xanım olacaq. Ancaq qitə birinciliyi üçün Türkan Məmmədyarovanın da heyətdə yer almaq ehtimalı var. Bu iki şahmatçı arasında seçim edəcəm. Bu yaxınlarda ana olacağı gözlənilən Məmmədyarovanın sentyabrdan etibarən karyerasını bərpa edəcəyi gözlənilir. Özü mənə bu haqda deyib. Türkan təcrübəli və daha etibarlı şahmatçıdı. Ancaq onun həmin vaxt hansı formada olmasından da çox şey asılıdı”.
Oxşar xəbərlər:
Şərh yaz
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Код:
Şifrə görsənmirsə yenilə
Введите код:

Son xəbərlər
Dünən, 13:43 "Neftçi" ikinci doğma evim, Azərbaycan ikinci vətənimdi" Dünən, 13:28 “Keşlə” maaşları tam ödəyəcək Dünən, 13:01 Qurban Qurbanov 20 min, Elxan Məmmədov 4 min manat, Kamran Ağayev isə... 29-03-2020, 19:19 AFFA UEFA ilə məsləhətləşmələr aparır 29-03-2020, 19:18 Ağarza Rzayev dünyasını dəyişdi 29-03-2020, 19:08 Çingiz İsmayılov AFFA-nın yardımından imtina edib 29-03-2020, 19:01 “Avropaya yollanmaq üçün Mirançuk daha yaxşı oynamalıdı” 29-03-2020, 18:54 Faiq Qarayev də dəstək kampaniyasına qoşuldu 29-03-2020, 18:50 Uayt döyüş üçün yer tapıb, amma açıqlamır 29-03-2020, 18:46 BOK və yaponiyalılar təzyiqə dözmədi 29-03-2020, 18:43 Azərbaycan Avstraliyanın taleyini yaşamaq istəmədi 26-03-2020, 15:37 “Süleymanovun yerinə gələn məşqçi məni ilk gündən ofsayda saldı” 26-03-2020, 15:33 Yubilyarlara Elxan Məmmədovun göstərişi ilə hədiyyə verilib 26-03-2020, 14:47 Ölkəmizdəki əcnəbilərin yaxınları koronavirusa yoluxmayıb 26-03-2020, 14:46 AFFA və PFL əməkdaşları da istirahətə çəkilib 26-03-2020, 14:45 Ağır Atletika Federasiyasından Novruz “hədiyyəsi” 26-03-2020, 14:33 “Zaqatala”nın hədəfi çempionluqdu 26-03-2020, 14:29 “Komanda hələ ki heç nəyə qadir deyil” 26-03-2020, 14:21 “Neftçi”dən “33 ən yaxşı” sırasına düşən sonuncu ad… 22-03-2020, 19:27 PFL açıqladı: azı bir ay futbol olmayacaq 22-03-2020, 19:24 “Mehdi Hüseynzadə”də 9600 oturacaq quraşdırılacaq 22-03-2020, 19:22 FIDE Rusiya qanunlarına da məhəl qoymur 22-03-2020, 19:18 “Sumqayıt”ın ofisindən oğurluq edən saxlanıldı 22-03-2020, 19:15 Tural Rzayev zədəyə görə “Merani”dən ayrıldı 22-03-2020, 19:09 Elçin Dərgahquliyev məsuliyyəti üzərinə götürdü 22-03-2020, 19:06 “Qadın futbolçular kişilər kimi çox qazansalar, daha məsuliyyətli və çalışqan olarlar” 22-03-2020, 18:59 Novruz Əzimov doğum günündə işdən azad olunub 22-03-2020, 18:46 “Neftçi” 1937-ci ilin martında yox, yanvarında yaranıb 18-03-2020, 16:29 AFFA liqalarda fasiləni aprelin 14-nə kimi uzadıb 18-03-2020, 16:28 “Bu gün hamımız koronavirusun əsiriyik” 18-03-2020, 16:27 Premyer-liqa məşqçiləri çempionatdakı fasiləni normal qarşılayırlar 18-03-2020, 16:24 Asim Xudiyev ABŞ təəssüratını bölüşdü 18-03-2020, 16:22 “Səbail” hollandı vətəninə yola saldı 13-03-2020, 12:15 Azər Mirzəyev Teymurun yaxşı fürsəti qaçırdığını düşünür 13-03-2020, 12:13 “Bizim dostlarımız qapı dirəkləridi” 13-03-2020, 12:11 Riçard Almeyda “Qarabağ”la Bakı üçün darıxır 13-03-2020, 12:07 Region Liqası nəzərdə tutulan vaxtda bitəcək 13-03-2020, 12:02 “Premier Quba”nın məsələsinə gələn həftə baxılacaq 13-03-2020, 11:59 Riad Rəfiyev Ayxan Abbasova dəstək oldu 13-03-2020, 11:56 Teymurun əziz canı = Azərbaycanın itirilən şansı 13-03-2020, 11:53 4-cü oyun, 4-cü məğlubiyyət! 12-03-2020, 10:45 Məğlubedilməzlər də məğlub olurlar… 12-03-2020, 10:43 “Bu gün əsas rəqibimiz arxayınlıq və özümüzük” 12-03-2020, 10:40 AFFA-dan “Xəzər Lənkəran”a cavab gəldi 11-03-2020, 11:44 Samir Abasov gənc mütəxəssislərin müdafiəsinə qalxdı 11-03-2020, 11:37 Emil Babayandan isti münasibət görüb 11-03-2020, 11:34 “Xəzər Lənkəran”ın U-17 komandası fəaliyyətini dayandıracaq 11-03-2020, 11:31 Rus agenti və "Bude-Qlimt” rəhbərliyini qınadılar 11-03-2020, 11:29 “Vaxtında düzgün addımlar atsaydım, maddi xərclərimizi azalda bilərdim” 11-03-2020, 11:24 “Premier Quba”nın taleyi necə olacaq? 11-03-2020, 11:19 Rüstəm Rəhimov hakimliyin səviyyəsindən narazıdı 6-03-2020, 12:05 Emil Balayev: Kostanaydan Zirəyə... 6-03-2020, 12:04 Sabiq qapıçılar Emilə haqq qazandırdılar 6-03-2020, 12:01 Bakıya gələnlərin hər biri yoxlanılacaq 6-03-2020, 11:59 Millətlər Liqasında rəqiblərimiz müəyyənləşdi 6-03-2020, 11:55 AFFA oyunları təxirə saldı, klublar məşqləri ləğv etdi 6-03-2020, 11:53 Stuxlikin yersiz inadı klubların “başında çatlayır” Bütün xəbərlər
Ən çox oxunanlar