28 dek 13:02idman

Gülnar Məmmədova gələn il mənzilə sahib çıxa bilər

Gülnar Məmmədova gələn il mənzilə sahib çıxa bilər
Mahir Məmmədov: “Çalışacağıq ki, şahmatçıların istəyini yerinə yetirək”
Ötən sayımızda qadınlardan ibarət şahmat yığmamızın üzvü Gülnar Məmmədovanın ölkə prezidentinə müraciətini diqqətinizə çatdırmışdıq. Bakıda təşkil olunan Şahmat Olimpiadasında qızıl medal qazanan şahmatçı ölkə tarixində ilkə imza atmışdı. Yarış ərəfəsində komanda hesabında qadınlardan ibarət yığmamız ilk “10-luğ”a düşəcəyi halda böyük mükafat alacağı vəd olunmuşdu. Üstəlik, fərdi lövhələr üzrə ilk “3-lük”də yer alacaq şahmatçılar da ayrıca mükafat almalıydı. Bu, rəhbərlik səviyyəsində turnir ərəfəsində şahmatçılarla keçirilən görüşdə səsləndirilən fikirlər olub. Ancaq nədənsə daha sonra verilən vədlər unudulub.
Məsələ ilə bağlı Şahmat Federasiyasının (AŞF) vitse-prezidenti Mahir Məmmədovun fikirlərini mütləq öyrənməliydik. Belə də etdik. Ancaq “SOCAR-Gürcüstan”ın da rəhbəri olan Məmmədovun fikirlərinə keçməmiş maraqlı bir məqama toxunaq. Dekabrın 23-də Gülnar “feysbuk” səhifəsində belə bir status yazıb: “Olimpiadada yer tutduqdan sonra AŞF nəinki vəd etdiyi mükafatı vermədi, hətta müraciətimə baxmayaraq, kirayədə yaşadığımızı bilə-bilə adımı mənzil alanların siyahısına da salmadı. Bütün bunlar azmış kimi, digər yığma üzvləri kimi mənim də təqaüdümü kəsdi. Belə olan surətdə hansı şahmatçı rahat çalışa bilər?”
Bu statusun altında müxtəlif rəylər yazılıb. Rauf Məmmədov, Qədir Hüseynov və Nərmin Kazımova kimi yığma üzvləri Gülnara dəstək verib. Əslində onlar da mövcud vəziyyətdən təngə gəlib. Məsələ burasındadı ki, aprelin 1-dən dekabrın 31-dək yığma üzvlərinə ayda 2000 manat təqaüd veriləcəyi ilə bağlı AŞF ilə şahmatçılar arasında müqavilə imzalanıb. Ancaq təqaüd maydan etibarən verilməyə başlayıb. Başqa sözlə, aprelin təqaüdü ixtisara düşüb. Olimpiada başa çatdıqdan sonra təqaüdlərin verilməsiylə bağlı ləngimələr yaşanıb. Klublararası Avropa Kuboku ərəfəsində, konkretləşdirsək, noyabrın əvvəllərində avqustun təqaüdü verilib. Vəssalam. Bundan sonra yığma üzvləri pul üzünə həsrət qalıb. Halbuki Avropa Kubokunda da şahmatçılar yaxşı təsir bağışlamışdı. Başqa sözlə, təqaüdlərin kəsilməsi üçün hər hansı bəhanədən söhbət gedə bilməz. Etibarlı mənbədən əldə etdiyimiz məlumata görə, AŞF son 4 ayın təqaüdü üçün şahmatçılarla yeni müqavilə bağlamaq istəyir. Amma yeni anlaşmada aylıq təqaüd 4 dəfə az göstərilir. Başqa sözlə, hər şahmatçı aylıq 500 manat almalı olacaq. Ancaq hələ ki yığma üzvləri gözləmə mövqeyi tutub.
İndi isə Mahir bəyi dinləyək. Vitse-prezident mənzil məsələsini eşidən kimi əsəbləşdi: “Gülnarın adının ev alacaq şəxslərin siyahısına salınacağı gözlənilmirdi. Çünki onun məsələsi noyabrın sonunda məlum oldu. Dünyanın heç bir yerində ev üçün müraciət etdikdən 10 gün sonra mənzillə təmin olunmursan. Heç kimin mənzil vermək borcu yoxdu. Bu, cənab prezidentin böyük alicənablığıdı. Noyabrda oyanırsan ki, mənim mənzilim yoxdu və dekabrda sənə mənzil verilir. Bu mümkün olan iş deyil. Onun məsələsinə gələn il baxılacaq. Gülnar bizə noyabrda müraciət edib. Müraciətinə baxmışıq. Gələn il əlimdən gələni edəcəm ki, onun adı da mənzil alacaq şəxslərin siyahısında olsun”.
Məmmədov təqaüdlə bağlı yuxarıda qeyd etdiyimiz narazılıq haqda isə bunları dedi: “Maaş məsələsinə gəlincə, Elman müəllimlə (AŞF-nin prezidenti Elman Rüstəmovu nəzərdə tutur - S.) görüşməliyik. Hələ vaxt tapıb onunla görüşə bilməmişəm. Mən sırf Şahmat Olimpiadası ilə məşğul idim. Yarış başa çatdıqdan sonra Təşkilat Komitəsinin işlərinin yekunlaşdırılması üzərində çalışdım. Ola bilsin, bir-iki günə Elman müəllimlə görüşdüm. Yaxşı bilirsiz ki, hər yerdə vəziyyət ağırdı. Bütün sahələrdə durum çətindi. Kimsə maliyyə tapırsa, bunu çox çətinliklə əldə edir. Dövlətin əvvəlki kimi maliyyələşdirmək imkanı yoxdu. İqtisadiyyatımızda böyük problemlər var. Ancaq yenə də mən vaxt tapıb Elman müəllimlə görüşəcəm. Çalışacağıq ki, şahmatçıların istəyini yerinə yetirək”.
Əslində Mahir bəyin dediklərini - ölkədə ciddi maliyyə problemlərinin olduğunu danmırıq və bunu hər sahədə hiss edirik. Ancaq prezident İlham Əliyevin iki gün əvvəl Milli Olimpiya Komitəsinin inzibati binasında səsləndirdiyi həddən artıq nikbin fikirlər istər-istəməz fərqli təəssürat yaradır. Fikirləşirsən ki, bəlkə biz başqa ölkədə yaşayırıq. Nədənsə deyilənlərlə reallıq üst-üstə düşmür. Ölkədə hər hansı irihəcmli yarış keçirilirsə, ondan sonra mütləq ciddi maliyyə problemləri baş qaldırır. Olmazdı ki, elə əvvəldən Bahar Muradova demişkən, ayağımızı yorğanımıza görə uzadaydıq? Belə görünür ki, ilk Avropa Oyunlarının gətirdiyi iqtisadi problemlər də hökumət dairələri üçün dərs olmayıb. İbrət götürsəydilər, hələ də Azərbaycanda irimiqyaslı yarışları təşkil etmək eşqinə düşməzdilər. Bu gedişlə maaş sıxıntısı yaşayan idmançılarımızın sayı daha da artacaq. Çünki hadisələrin arzuolunmaz axarının durdurulması üçün ciddi adımlar atılmır.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Dünən, 18:38 Əvəzediciləri “Neftçi”nin təsəlli yeridi Dünən, 18:37 Qol vuran qələbə qazandı Dünən, 18:35 “Qəbələ” 3 xal qazandı, Qriqorçuk hakimlikdən narazı qaldı Dünən, 18:33 “İmarət Avropa”dan “Vətən”ə cavab gəldi Dünən, 18:32 Azərbaycanlı azarkeşlərin idmançısının yanında olmaq hüququ yoxdu! Dünən, 18:31 “Zirə” bostanlıqda “Kəpəz”in dərsini verdi Dünən, 18:29 Futzal çempionatına iddialı debütantlar gəlir Dünən, 18:29 Rauf Əliyev “Kukesi”də debüt etdi Dünən, 18:24 1 yaşlı uşaqdan 80 yaşlı qocaya sillə Dünən, 18:21 “İnter” 88 dəqiqə dözdü Dünən, 18:17 “Qarabağ”ı böyük ekranda izləmək üçün 500 nəfər müraciət edib Dünən, 18:15 Futbol ictimaiyyəti “Neftçi”ni “asıb-kəsdi” Dünən, 18:14 “Kopenhagen”dən əzmkar qələbə... Dünən, 18:09 Samit Nuruzadə yenə səbr etməyi məsləhət görür Dünən, 18:07 Faiq Həsənov susdu! Dünən, 18:06 Qısa xəbərlər Dünən, 18:04 Belfor pula qaçır... Dünən, 18:03 “Şüvəlan” MOİK-i darmadağın etdi 20-08-2017, 15:30 Ramil Quliyevin ilk məşqçisi onun geri dönməsini istəyir 20-08-2017, 15:26 TRANSFER DOSYESİ 20-08-2017, 15:25 Şarples mərkəzi arenada gördüyü işin sirrini açıqladı 20-08-2017, 15:23 Vaif Əsədov Sadiqovun ittihamları ilə razılaşmadı 20-08-2017, 15:19 “Qəbələ” əvəzedicilərinə qalib gəldi 20-08-2017, 15:18 Ayxan Abbasov “Kəpəz”in qərarının səbəbini anlamayıb 20-08-2017, 15:15 “Neftçi” yeni kartların satışına başladı 20-08-2017, 15:14 “Parken”də anşlaq gözlənilir 20-08-2017, 15:12 “Qarabağ” mövqeyini ortaya qoydu 20-08-2017, 15:11 Danimarkadakı “Vətən” Cəmiyyətinin sədrindən şok vəd 20-08-2017, 15:10 Dima qol hesabını açdı 20-08-2017, 15:09 Yığma “cırtdan”la “Bakcell Arena”da qarşılaşacaq 20-08-2017, 14:13 Höccət Hacıyev Lənkəran stadionunda dondurma satır? 20-08-2017, 14:08 Azərbaycanlı agentlər Rauf Əliyevlə bağlı danışdı 20-08-2017, 14:01 Ən güclü gimnastlar müəyyənləşdi 20-08-2017, 14:00 Almaniyaya səfər ərəfəsində görüş 20-08-2017, 13:59 Bu dəfə Sloveniyaya uduzdular 20-08-2017, 13:58 Ruslan bir pillə irəlilədi 20-08-2017, 13:56 Tofiq Heydərov fikrindən daşınıb? 20-08-2017, 13:55 AMKF yeni sponsorun yolunu gözləyir 20-08-2017, 13:54 “Turan” rəsmisi PFL-in iradları ilə razılaşdı 20-08-2017, 13:52 Norveç səfirliyi viza vermədi, "Qarabağ" azarkeşləri piket keçirəcək 20-08-2017, 13:50 "Traktorsazi" ilk qələbəsini qazandı 20-08-2017, 13:49 Ölkə çempionu Şahmat Federasiyasına etiraz edir 19-08-2017, 19:46 Yığma üzvü zədələnib 19-08-2017, 19:44 Yığmanın baş məşqçisi mətbuat konfransı keçirəcək 19-08-2017, 19:41 “Xəzər Lənkəran” mərkəzi stadionu “Masallı”ya verildi 19-08-2017, 19:39 Yığmamız mövqeyini qorudu 19-08-2017, 19:36 Federasiya klublarla çempionatı müzakirə etdi 19-08-2017, 19:32 “Qarabağ” rəsmisi qazondakı problemləri problem saymır 19-08-2017, 19:30 “Qarabağ” rəhbərliyi ilə AFFA prezidenti arxa qapıdan yararlanıb 19-08-2017, 19:27 AFFA-nın gözü yol çəkir, Prosineçki vətənindən əl çəkmir 19-08-2017, 19:25 Yol polisi Rəşadın maşınını əlindən alıb 19-08-2017, 19:22 “Qəbələ” “Qalatasaray”la oynayacaq? 19-08-2017, 19:16 “Mil-Muğan”da köhnə-yeni baş məşqçi 19-08-2017, 19:13 Elmar Vəliyev stadiona görə Yevlaxın icra başçısına zəng vurub 19-08-2017, 19:11 Yeni yaradılan “Xəzər” birinci divizionda çıxış edəcək 19-08-2017, 19:07 “Qarabağ” “Parken”də dəstəksiz qalmayacaq 19-08-2017, 19:02 Şehiç yığmaya dəvət aldı Bütün xəbərlər
Ən çox oxunanlar