18 in 13:04idman

Olimpiadanın qəhrəmanlarının DÇ-də debütü necə alınacaq?

Olimpiadanın qəhrəmanlarının DÇ-də debütü necə alınacaq?
“Komandamız göstərməlidi ki, belə pressinq altında oynamağa qadirdi”

Bu gün Rusiyanın Xantı-Mansiysk vilayətində şahmat üzrə qadınlar arasında dünya çempionatı start götürəcək. Bildiyiniz kimi, yığmamız mundialda ilk dəfə iştirak edəcək. Komandamızın rəqibləri Rusiya (2508), Çin (2499), Gürcüstan (2459), Hindistan (2417), Polşa (2415), Ukrayna (2406), ABŞ (2324), Vyetnam (2323) və Misir (1994) olacaq. Milli əmsalına (2329) görə çempionatın 7-ci komandasıdı. Fikrət Sideifzadənin kapitanı olduğu yığmada 1-ci lövhə ən təcrübəli şahmatçımız Zeynəb Məmmədyarovaya (2289) tapşırılıb. Qadınlar arasında son ölkə çempionu Günay Məmmədzadə (2368) ikinci lövhədə oynayacaq. Olimpiadada 3-cü lövhədə fəxri kürsünün ən yüksək pilləsinə qalxaraq şahmat tariximizdə ilkə imza atan Gülnar Məmmədova (2362) yenə həmin lövhədə uğur qazanmağa çalışacaq. Bu sıralama eynilə Bakıda keçirilən Şahmat Olimpiadasında olduğu kimidi. Fərq 4-5-ci lövhələrdəki dəyişikliklərdədi. Ülviyyə Fətəliyeva (2341) 4-cü lövhədə oynayacaqsa, Xanım Balacayeva (2283) ehtiyat yığma üzvü funksiyasını yerinə yetirəcək. Olimpiadada 8-ci yeri tutmaqla şahmatsevərləri sevindirən yığma DÇ-də debütdəcə uğur qazanmaq istəyir. Hərçənd nəhənglərlə mübarizədə medalçılar sırasına düşmək qəliz məsələdi. Hətta ilk “5-lik”də yer almaq da komandamız üçün uğurlu nəticə sayılar.
Bəs görəsən, mütəxəssislər yığmanın şanslarını necə dəyərləndirir? Millinin heyəti optimaldımı? Lövhələr üzrə bölgü düzgün aparılıbmı? DÇ-nin favoritləri hansı ölkələrdi?
Anar Allahverdiyev: “Çox ağır yarışdı. Çin, Rusiya, Ukrayna həmişə yüksək səviyyəli oyun nümayiş etdirir. Debütant olan yığmamız ilk “5-lik”də yer alsa, bunun özü böyük nəticə olar. Yarışda cəmi 10 komanda iştirak edir. Azərbaycan yığması zəif komanda olsaydı, belə mötəbər yarışa buraxmazdılar. Şahmatçıların psixoloji hazırlığını yoxlamaq baxımından və təcrübə sarıdan bu yarış çox önəmlidi. Heyətdə Xanım Balacayeva kimi debütant var. O, öz oyunuyla göstərir ki, yığmaya təsadüfən gəlməyib. Böyük perspektivi olan şahmatçıdı. İndi millidə gəncləşdirmə prosesi gedir. Köhnə heyətdən yalnız Gülnar Məmmədova və Zeynəb Məmmədyarova qalıb. Gəncləşdirmə prosesi bütün yığmalarda gedir. Sevindirici haldı ki, bizdə nəsildəyişmə zərərsiz baş verir. Fikrimcə, Xantı-Mansiyskə optimal heyət aparılıb. Adətən, son 6 ayda göstərilən nəticə və yığılan reytinqə əsasən seçim aparılır ki, bu mənada ən güclülərin komandaya cəlb olunduğunu söyləyə bilərik. Təcrübəli şahmatçılardan Türkan Məmmədyarova şəxsi səbəblər üzündən millidən kənarda qalıb. Aydan Höccətova təhsiliylə bağlı 1 illik fasilə götürüb. Namizədlər sırasında Nərmin Kazımova və Nərmin Xələfovanın da adını çəkmək olar. Sonuncu lövhəyə 4-5 namizəd var idi. Bu dəfə seçim Xanımın lehinə edildi. Lövhələr üzrə bölgü baş məşqçinin işidi. Buna hətta federasiya da müdaxilə etmir. Buna məşqçi cavabdehlik daşıyır. Fikrət Sideifzadə təcrübəli baş məşqçidi. Kimin hansı lövhədə yer almasından asılı olmayaraq, yaxşı oyun göstərmək lazımdı. Olimpiada İsveçrə sistemi üzrə keçirilirsə, DÇ dairəvi turnirdi. Mundialda ehtiyat oyunçuya böyük ehtiyac duyulur. Kiminsə oyunu getməyə və ya yorula bilər. Bu zaman ehtiyat şahmatçının yardımına ehtiyac yaranır. Bu daha sərt turnirdi. Burda nəfəs almağa imkan yoxdu. Komandamız göstərməlidi ki, belə pressinq altında oynamağa qadirdi. Millimizin potensialı var. İstedad, istək və bacarıq kimi üç vacib komponent bizdə var. Fikrimcə, çempionluq uğrunda Çin və Rusiya mübarizə aparacaq. Onlara Ukrayna boy göstərə bilər”.
Rəsul İbrahimov: “Medal qazanmaq şansımız yüksək deyil. Turnirin axarı hansı yerə iddia edəcəyimizi göstərəcək. Hər şey ola bilər. Ən azı hər şahmatçımız üçün bu yarış əla hazırlıq imkanı, məşq turniridi. Hər şahmatçı fərdi qaydada öz lövhəsində yaxşı nəticə göstərməyə çalışmalıdı. Heyət seçiminin obyektiv olduğunu düşünürəm. İlkin heyət açıqlananda Günay Məmmədzadənin adı 1-ci sırada yazılmışdı. O özü də ilk lövhədə oynamaq istəyirdi. Hesab edirəm ki, buna tam haqqı da çatırdı. Çünki son üç yarışda digər qadın şahmatçılarımızı qabaqlamışdı. Əvvəlcə ölkə çempionu oldu. Ardınca Avropa çempionatında və “Naxçıvan Open”də ən yaxşı nəticə göstərən qadın şahmatçımız kimi fərqləndi. Ancaq məşqçinin seçimi daha önəmlidi. Fikrət Sideifzadə belə seçim edibsə, belə də olsun. Problem yoxdu. DÇ Olimpiada kimi uzun çəkmir. Fikrimcə, cəmi 9 tur ərzində yekunlaşan turnirdə yorğunluq haqda danışmağa dəyməz. Nəticə uğursuz olsa, bunu yorğunluqla bağlamaq doğru olmaz. İlk iki lövhədə oynayan şahmatçılarımızın çıxışından çox şey asılıdı. Olimpiada göstərdi ki, Gülnar Məmmədova 3-cü lövhədə çox yaxşı oynayır. Komandaya çoxlu xal qazandıra bildi. Düşünürəm ki, Ülviyyə Fətəliyeva da yaxşı formadadı. Lazımi anda Xanım Balacayeva da qoşula bilər. 3-4-cü lövhələrlə bağlı ciddi narahatlıq yoxdu. Əsas məsələ 1-2-ci lövhədə uğur qazanmaqdı. İki lövhədən hər oyuna ümumilikdə 1 xal götürsək, bu, komandamızın şanslarını xeyli artıracaq. Çin, Rusiya, Ukrayna və Gürcüstan arasında çempionluq mübarizəsinin gedəcəyini düşünürəm”.
Qeyd edək ki, yığmamız ilk turda Polşa ilə qarşılaşacaq.
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı 15-08-2017, 11:59 “Kopenhagen” yenə xal itirdi 15-08-2017, 11:56 “Qarabağ”ın oyununa maraq həddən artıq böyükdü 15-08-2017, 11:54 “Zirə” “Səbail”in debütünü korladı 15-08-2017, 11:52 Raufun “Kukesi”yə transferi düyünə düşüb 15-08-2017, 11:50 Ramin Musayev Sumqayıtda tribuna tikəcək 15-08-2017, 11:47 “Vətən” birinci divizionda oynayacaq, Əsədov baş məşqçi olacaq 15-08-2017, 11:46 Qriqorçuk yetirmələrindən narazı qaldı 15-08-2017, 11:43 “İnter” döyüşdü, sevinən “Qəbələ” oldu 15-08-2017, 11:39 “Qəbələ” Xavi ilə yolları ayırdı 15-08-2017, 11:37 Həkim, dizayner, energetik, rəssam... 15-08-2017, 11:36 Boris Xetaqurov göz yaşını saxlaya bilmədi 15-08-2017, 11:32 “Anortosis” Araza pulsuz yiyələnib 15-08-2017, 11:30 Elxan Abdullayevin söydüyü azarkeş “Futbol+”ə danışdı 15-08-2017, 11:26 “Neftçi” “Asan xidmət”lə vidalaşır 15-08-2017, 11:23 Çempion mövsümə məğlubiyyətlə başladı, “İnter Arena”ya qol yağdı 15-08-2017, 11:19 Vüqar Əsgərovdan növbəti qol 15-08-2017, 11:18 Dünya və olimpiya çempionu zirvədə 15-08-2017, 11:17 Milli Belçikaya uduzdu 15-08-2017, 11:16 “Mauqli” qisas üçün döyüşəcək 15-08-2017, 11:14 Biri Türkiyədə, biri Çexiyada fərqləndi 15-08-2017, 11:13 Kazanda yeddinci oldular 15-08-2017, 11:11 Yığma “AAAF Park”da toplanış keçir 15-08-2017, 11:09 İlk turdan sonra: qol vurmayan qalmadı 13-08-2017, 14:36 Mütəxəssislər yenə “Qarabağ”la “Qəbələ”ni fərqləndirir Bütün xəbərlər
Ən çox oxunanlar