15 in 17:57idman

“Formula-1” üçün dünya ulduzlarına 1 milyondan çox pul xərclənəcək

“Formula-1” üçün dünya ulduzlarına 1 milyondan çox pul xərclənəcək
Ginnesin Rekordlar Kitabına düşən Novruzov da şou göstərəcək

10 gündən sonra “Formula-1” üzrə dünya çempionatının 8-ci yarışı ölkəmizdə keçiriləcək. Gələn həftə kainatın ən güclü pilotları və sürət həvəskarları Bakıya axışacaq. Artıq Bakı Şəhər Halqası tam hazır vəziyyətə gətirilib. Asfalt örtüyü tam yenilənib və təhlükəsizlik sədləri çəkilib. Azərbaycan “Qran-pri”sinin tamaşaçıları üçün zəngin əyləncə proqramı hazırlanıb. Milli Parkda yerləşən əyləncə zonalarında keçiriləcək konsert proqramlarında dünya ulduzları ilə yanaşı, yerli gənc istedadlar da çıxış edəcəklər. “Bakı Şəhər Halqası” Əməliyyat Şirkəti Azərbaycan “Qran-pri”sini izləməyə gələn tamaşaçılar üçün 4 günlük geniş əyləncə proqramı hazırlayıb. Proqramın detalları artıq tam müəyyənləşib. Belə ki, əyləncə proqramı 22-25 iyun tarixlərini əhatə edir və proqramda nəzərdə tutulan bütün tədbirlər bulvar ərazisi ilə yanaşı, Sahil və Sabir parklarında yerləşən əyləncə zonalarında baş tutacaq. Əyləncə proqramı iyunun 22-də saat 14.00-dan 22.00-dək davam edəcək, 23-25 iyun tarixlərində isə saat 10.00-da başlayıb, 23.00-da başa çatacaq.
BŞH-nin Kommersiya şöbəsinin rəhbəri Bülənt Özərdim yarışın bayram əhval-ruhiyyəsində keçəcəyini bildirib: “Biz bu il Azərbaycan “Qran-pri”sinin tamaşaçıları üçün ötən illə müqayisədə daha geniş və daha məzmunlu əyləncə proqramı hazırlamışıq. Eyni zamanda müxtəlif günlərə və zonalara fərqli qiymətlərə biletlər təklif edirik. Məqsədimiz kiçikdən böyüyə hər kəsin yarış həyəcanını yaxından yaşamasını təmin etməkdi. Artıq yarış həftəsonuna 10 gün qalıb və son günlər ərzində yerli sakinlər yarışa daha çox maraq göstərir. İnanırıq ki, “Formula-1” və “Formula-2” yarışlarını izləməyə gələnlər həm də günboyu müxtəlif əyləncə proqramları ilə unudulmaz həftəsonu keçirəcəklər. Hamını bir daha yarışı bizimlə birlikdə izləməyə dəvət edirəm. Gəlin, yarış həyəcanını və əyləncə coşğusunu bir arada yaşayaq və yay tətilinə gözəl anlarla başlayaq”.

Dünya ulduzları
Milli Parkda salınmış böyük səhnədə dünya ulduzlarının iştirakı ilə canlı konsert proqramları baş tutacaq. İyunun 23-də Tarkan, ertəsi gün Nikol Şerzinger və “The Black Eyed Peas” qrupu, ayın 25-də isə Meray Keri səhnəyə çıxacaq. Axşam saatlarında baş tutacaq bu konsertlərdə dünya ulduzları ən çox sevilən ifalarını səsləndirəcəklər. Onlardan ikisinin alacağı qonorar haqda məlumatlar Türkiyə mətbuatına sızıb. Qardaş ölkə KİV-inin yazdıqlarına inansaq, Tarkan Bakıdakı konsertə görə 1,8 milyon lirə qazanacaq. Bu isə təxminən 900 min manat və ya 500 min dollar edir. Meray Kerinin konsertə görə qazancının 250 min dollar olacağı söylənilir. Hər iki tanınmış müğənninin paytaxtın 7 ulduzlu otellərindən birində kral dairəsində qalacağı da bildirilir.

Tanınmış yerli musiqi qrupları
Yarışı izləməyə gələn tamaşaçılar Azərbaycanın gənc istedadlarının ifasında müxtəlif yerli və xarici mahnıları dinləyərək, gözəl vaxt keçirə biləcək. Bulvarda yerləşən “Formula-1” şəhərciyi və “Azneft” zonasında səhnəyə çıxacaq bu ifaçılar indiyədək bir sıra yerli və xarici festivalların iştirakçıları olublar. Ölkəmizi bu il “Avroviziya”da “Skeletons” mahnısı ilə təmsil etmiş Diana Hacıyevanın (Dihaj) rəhbərliyindəki musiqi qrupu, 2007-də keçirilmiş “Yeni Ulduz” müsabiqəsinin qalibi Çingiz Mustafayevin başçılıq etdiyi “Palmas” musiqi qrupu və Anar Keytarmanın rəhbərlik etdiyi musiqi qrupu gələn həftənin son günlərində konsert verəcək.

“Nərdivan adam”ın şousu
Azərbaycanlı sirk ustası və 2015-ci ildə ABŞ-da keçirilmiş istedadlar yarışmasının finalçısı Üzeyir Novruzov Azərbaycan “Qran-pri”sini izləməyə gələn tamaşaçılara nərdivanla möhtəşəm şou nümayiş etdirəcək. ABŞ, Fransa, Almaniya və İtaliyada müxtəlif televiziya verilişlərində məharətini nümayiş etdirən Novruzov ötən il nərdivan üzərində ən çox dayanan adam ünvanını əldə edərək, Ginnesin Rekordlar Kitabına düşüb. Üzeyirin Bakıdakı şousu “Formula-1” şəhərciyində quraşdırılmış kiçik səhnədə müxtəlif saatlarda baş tutacaq.

Bakının ən tanınmış DJ-ləri
Bakıda yerləşən bir çox məşhur əyləncə mərkəzinin davamlı iştirakçılarından olan tanınmış DJ-lərdən REEF, Bikoo, George Effe və Twist bilet sahiblərinə yarışdan kənarda əyləncəli anlar yaşadacaq. DJ REEF 22-25 iyun tarixlərində “Formula-1” şəhərciyi və Konsert Arenasında, DJ Bikoo 22-24 iyun tarixləri ərzində “Azneft” zonasında, George Effe 23-25 iyun tarixlərində “İçərişəhər” zonasında və DJ Twist 23-25 iyun tarixləri ərzində Sahil parkında çıxış edəcək.

Şin seçimini etdilər
Mühəndislər kubokunun qalibi olmağa iddialılar Azərbaycan “Qran-pri”si üçün təkər seçimini edib. “Ferrari” və “Mersedes” eyni şinləri seçib. Luis Hemilton, Valtteri Bottas, Sebastyan Fettel və Kimi Raykkonen Bakıda hərəyə 8 dəst “SuperSoft”, 4 dəst “Soft” və 1 dəst “Medium” şinləri alacaq. “Red Bull” komandasının yürüşçüləri Maks Ferstappen və Daniel Rikkyardo da hərəyə 8 dəst “SuperSoft” alacaq. Lakin Avstriya komandası pilotları üçün çempionatın liderlərindən 1 dəst artıq “Medium” və müvafiq surətdə 1 dəst az “Soft” şinləri seçib. Felipe Massa və Markus Eriksson da hərəyə 2 dəst “Medium” şini alacaq. Yalnız “Maklaren” komandasının pilotları Ferrando Alonso və Stoffel Vandornun hərəsinin 10 dəst “SuperSoft” şini olacaq. Qalan komandaların hər biri öz avtoyürüşçüləri üçün Bakı mərhələsində münasib olan ən yumşaq şinlərin 8-9 dəstini sifariş ediblər. Pilotlar yürüşdə ən azı 1 dəst “SuperSoft” və ya “Medium” istifadə etməyə borcludu. Bundan əlavə, 1 dəst “SuperSoft” ixtisas yarışlarının üçüncü seqmenti üçün ehtiyat saxlanacaq.
SƏRXAN hazırladı
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc 17-08-2017, 19:51 “Kəpəz” “Zirə”ni Yevlaxda qəbul edə bilər 17-08-2017, 19:50 Reaksiyalar 17-08-2017, 19:48 Danimarkalı həmkarlarımız 0:1-ə görə sevinir 17-08-2017, 19:47 Tanınmışlar da uğura biganə qalmadı 17-08-2017, 19:46 Azarkeşlər bu dəfə sona qədər tribunaları boşaltmadı 17-08-2017, 19:44 Hakimlər “Qarabağ”ın tarixi qələbəsinə kölgə salmadı 17-08-2017, 15:21 “Kopenhagen”in məşqçisi “Qarabağ”ı favorit göstərdi 17-08-2017, 15:11 “Qarabağ” Danimarkaya çarterlə gedir 17-08-2017, 15:07 Bilet satışındakı çatışmazlıqları aradan qaldırmağın vaxtıdı 17-08-2017, 15:06 “Qarabağ”dan gözəl oyun və tarixi qələbə 17-08-2017, 15:04 Debütdə 1700 manat 17-08-2017, 15:02 Əzimov istefa verdi, Ağacanov “Binə”yə keçdi 16-08-2017, 23:38 Turun oyunçusu 16-08-2017, 23:35 Müşahidə Şurasının hakimi vuran üzvü “Futbol+”ə danışdı 16-08-2017, 23:29 HAKİMLƏRİN MÜHAKİMƏSİ 16-08-2017, 16:02 Rauf müqavilə bağladı, “İnter”in icraçı direktoru coşdu 16-08-2017, 15:59 “Mehdi Hüseynzadə”yə arxa çevirib, “kibrit qutusuna sığınan” şəhər... 16-08-2017, 15:55 Rüstəm Orucov mövqeyini qorudu 16-08-2017, 15:54 Rəsul Çunayev liderliyini davam etdirir 16-08-2017, 15:53 Karateçilər Urmiyada medal qoymadı 16-08-2017, 15:51 Millət vəkili də legionerləşmənin əleyhinədi 16-08-2017, 15:49 “Kukesi” Rauf Əliyevi publikaya təqdim etdi 15-08-2017, 12:05 Sumqayıt startda Gəncəni cəzalandırdı 15-08-2017, 12:00 “Qarabağ”ın oyunu italiyalılara tapşırıldı 15-08-2017, 11:59 “Kopenhagen” yenə xal itirdi 15-08-2017, 11:56 “Qarabağ”ın oyununa maraq həddən artıq böyükdü 15-08-2017, 11:54 “Zirə” “Səbail”in debütünü korladı 15-08-2017, 11:52 Raufun “Kukesi”yə transferi düyünə düşüb 15-08-2017, 11:50 Ramin Musayev Sumqayıtda tribuna tikəcək 15-08-2017, 11:47 “Vətən” birinci divizionda oynayacaq, Əsədov baş məşqçi olacaq 15-08-2017, 11:46 Qriqorçuk yetirmələrindən narazı qaldı 15-08-2017, 11:43 “İnter” döyüşdü, sevinən “Qəbələ” oldu 15-08-2017, 11:39 “Qəbələ” Xavi ilə yolları ayırdı 15-08-2017, 11:37 Həkim, dizayner, energetik, rəssam... 15-08-2017, 11:36 Boris Xetaqurov göz yaşını saxlaya bilmədi 15-08-2017, 11:32 “Anortosis” Araza pulsuz yiyələnib 15-08-2017, 11:30 Elxan Abdullayevin söydüyü azarkeş “Futbol+”ə danışdı 15-08-2017, 11:26 “Neftçi” “Asan xidmət”lə vidalaşır 15-08-2017, 11:23 Çempion mövsümə məğlubiyyətlə başladı, “İnter Arena”ya qol yağdı 15-08-2017, 11:19 Vüqar Əsgərovdan növbəti qol 15-08-2017, 11:18 Dünya və olimpiya çempionu zirvədə 15-08-2017, 11:17 Milli Belçikaya uduzdu 15-08-2017, 11:16 “Mauqli” qisas üçün döyüşəcək 15-08-2017, 11:14 Biri Türkiyədə, biri Çexiyada fərqləndi 15-08-2017, 11:13 Kazanda yeddinci oldular 15-08-2017, 11:11 Yığma “AAAF Park”da toplanış keçir 15-08-2017, 11:09 İlk turdan sonra: qol vurmayan qalmadı 13-08-2017, 14:36 Mütəxəssislər yenə “Qarabağ”la “Qəbələ”ni fərqləndirir Bütün xəbərlər
Ən çox oxunanlar