18 may 18:11idman

“Qızıl”ın sayı 50-yə çatdı

“Qızıl”ın sayı 50-yə çatdı
Dünən İslamiadada daha bir neçə növdə mübarizə baş tutdu. Ağır atletika, atıcılıq və üzgüçülük üzrə mübarizə başa çatdısa, stolüstü tennis və güləş yarışları başladı. Əsas məhsuldarlıq taekvondoda qeydə alındı.

Son gündə fərqlənən olmadı
Dünən ağır atletika yarışına yekun vuruldu. Son yarış günündə hesabımıza medal yazılmadı. Fidan Əbdürrəhmanova (90 kq) birdənqaldırmada 60, təkanlaqaldırmada isə 70 kq-ı ram etdi. Toplamda 135 kq-la 7-ci yeri tutdu. Azər Məmmədli (+105 kq) birdənqaldırmada 168, təkanlaqaldırmada isə 211 kq-ı başı üzərinə qaldırdı. O, toplamda hesabına yazdığı 379 kq-lıq nəticəylə ilk “5-liy”i qapadı.

Daha üç çempionluq
Atletikada daha bir neçə medal qazanıldı. Üçtəkanla tullanmada Nazim Babayev 17,15 metrlik nəticəylə qızıl medala yiyələndi. Rahib Məmmədov 110 metr məsafəyə sədlərlə qaçışda 14,18 saniyə nəticəylə “gümüş”ü boynundan asdı. Paraatletikada Oloxan Musayev yenə sözünü dedi. Bir gün əvvəl nüvəitələmədə 1-ci yeri tutan həmyerlimiz bu dəfə lövhəatmada 3-cü oldu. O, lövhəni 40,49 metr məsafəyə ata bildi. Samir Nəbiyev də 2-ci medalını bayram etdi. O, fərqli kateqoriyada lövhəatma yarışında 45,17 metr nəticəylə çempion oldu. Elmir Cəbrayılov isə 100 metri hamıdan tez – 10,98 saniyəyə qət etdi.

Lunyov “beş” aldı
Atıcıların da mübarizəsinə yekun vuruldu. Ruslan Lunyov və Nigar Nəsirovadan ibarət qarışıq cütlük 10 metr pnevmatik tapança ilə atəşdə 1-ci yeri tutdu. Bununla da Lunyov 5-ci “qızıl”ını qazanaraq İslamiadada komandamızın heyətində rekorda imza atdı. Qarışıq komanda dairəvi stenddə də çıxış etdi. Emin Cəfərov - Nurlana Cəfərova cütlüyü gümüş medala sevindi.

Yalnız biri uduzdu
Boksda finalçılar müəyyənləşdi. Tayfur Əliyev (56 kq) özbək Abdulxay Şaraxmatova uduzaraq “bürünc”lə kifayətləndi. Yarımfinaldakı qalan boksçularımız finala yüksəldi. Cavid Çələbiyev (60 kq) qazax Sultan Zaurbəyi, Tamerlan Abdullayev (69 kq) bu ölkənin digər təmsilçisi İlya Oçkini, Kamran Şahsuvarlı (75 kq) mərakeşli Yuness Qarrumini, Rauf Rəhimov (81 kq) misirli Abdelrəhman Abdelqəvvədi, Teymur Məmmədov (91 kq) suriyalı Eldin Qussunu, Məhəmmədrəsul Məcidov (+91 kq) iordaniyalı Hüseyn İaşaişi üstələdi. Çələbiyev finalda iraqlı Ammar Kərbəlayi ilə, Abdullayev özbək Bobo-Usman Baturovla, Şahsuvarlı qazax Tursunbay Kulahmetlə, Rəhimov türkmən Arslanbəy Açilovla, Məmmədov türkiyəli Burak Akşinlə, Məcidov isə suriyalı Manaf Əsədlə münasibətləri aydınlaşdıracaq.

Çunayevdən gözlənilməz məğlubiyyət
Heydər Əliyev adına İdman-Konsert Kompleksində güləşsevərlərin həsrətinə son qoyuldu. Dünən 4 çəkidə yunan-Roma güləşçiləri mübarizə apardı. Murad Məmmədov (59 kq) startda iranlı Məhəmməd Nurbaxşla (4:10) bacarmasa da, qırğız Kanıbəy Yolçubəyova (5:3) və iordaniyalı Mustafa Alqadeyə (8:0) qalib gələrək 3-cü yeri tutdu. Rəsul Çunayev (71 kq) ondan titul gözləyənləri məyus etdi. Dünya çempionu debütdə cəmi 64 saniyəyə əlcəzairli Əkrəm Bucemlinin (8:0) işini bitirsə də, yarımfinalda iranlı Məhəmmədəli Qareylə bacarmadı – 5:6. Halbuki görüşün gedişində balakənli pəhləvan 5:0 öndə idi. Çunayev türk İlkər Sönməzə 4:1 hesabıyla qalib gələrək “bürünc”lə təsəlli tapdı. Rafiq Hüseynov (80 kq) qırğız Atabəy Azisbəyovla (5:1) əlcəzairli Baçir Sid Azaranı (10:1) sıradan çıxararaq finala yüksəldi. İranlı Yusif Qaderianla həlledici görüş 1:1 hesabıyla yekunlaşdı. Rəqib sonuncu xalı qazandığından Hüseynov “gümüş”lə kifayətləndi. Əvəzində
Orxan Nuriyev (98 kq) pakistanlı Tayab Raza (9:0), özbək Rüstəm Assakalov (5:0) və qırğız Uzur Cuzupbəyova (5:0) xal verməyərək fəxri kürsünün ən yüksək pilləsinə qalxdı.

“Bürünc”lə tamamladılar
Su İdmanı Sarayında üzgüçülük yarışına yekun vuruldu. Son gündə 4x100 m məsafəyə kompleks üsulu ilə üzmədə Yuliya Stisyuk, Fatimə Əlkərimova, İlahə Raciyeva və Alsu Bayramovadan ibarət heyət 4 dəqiqə, 34,42 saniyə nəticəylə bürünc medal qazandı.

Bir gündə dörd “qızıl”
Taekvondoda 5 çəkidə qaliblər bəlli oldu. Ayxan Tağızadə (68 kq) əfqan Ruhulla Nikpa (28:14), Səudiyyə Ərəbistanı təmsilçisi Səud Almuvallad (18:9) və iranlı Seyidhüseyn Ehsanipetrudin (9:7) üzərində qələbə qazanaraq qızıl medal əldə etdi. Milad Beiqi Harçeqani (80 kq) Səudiyyə Ərəbistanı idmançısı Məcid Almabruk (21:2), iranlı Əlirza Dərvişpur (24:4) və türk Yunus Sarını (9:5) məğlub edərək çempion oldu. Radik İsayev (+87 kq) pakistanlı Adil Şahı (34:8) üstələdikdən sonra iordaniyalı Həmzə Kattanın zədə üzündən döyüşə çıxmaması nəticəsində finala yüksəldi. Özbəkistanlı Dmitri Şokinlə döyüş 8:8 hesabı ilə yekunlaşdı. Finalda qızıl xal hesabına İsayev 1-ci yeri tutdu.
Patimat Abakarova (49 kq) fələstinli Layan Cabir (19:7), iranlı Südabə Pursadiqi Şalmeyi (15:4) və qazax Aynur Yasbergenovaya (14:4) gücünü göstərərək himnimizi səsləndirdi. Fəridə Əzizova (67 kq) iranlı Parisa Cavadikuçaksarey (10:4) və özbək Nigara Tursunkulovanı (3:0) sıradan çıxararaq finala adladı. Ancaq həlledici görüşdə prinsipial rəqibi sayılan türk Nur Tatara 2:8 hesabı ilə yenilərək gümüş medalla kifayətləndi.

Legionerlər büdrəmədi
Dünən “Sərhədçi”də stolüstü tennis üzrə yarışa start verildi. Çinli legionerlər mübarizəyə qələbəylə başladı. Kişilərin yarışında Xinhanq Yu nigerli Oyo Onaolapo (4:1) və BƏƏ təmsilçisi Salah Albaluşini (4:0) məğlub etdi. Qadınların turnirində Miao Vanq fələstinli Əhd Menavidən (4:0), Jinq Ninq isə maldivli Şiura Şərifdən (4:0) güclü oldu.

Ərəblər yığmanı medalsız qoydu
Su polosunda da medalçılar müəyyənləşdi. Bu yarışın reqlamentinə əsasən 5 komandanın dairəvi sistem üzrə mübarizəsinin yekununda yığılan xallara əsasən fəxri kürsüyə qalxanlar müəyyənləşirdi. Yığmamız Səudiyyə Ərəbistanına qalib gəlsəydi, bürünc medal qazanacaqdı. Ancaq milli son oyunda ərəblərə uduzdu – 7:11. Çempionluğun taleyinin həll olunduğu Türkiyə - İran görüşü heç-heçə bitdi – 9:9. Top fərqinə əsasən qardaş ölkənin komandası çempion, cənub qonşularımız isə gümüş medalçı oldu.
1. Türkiyə 4 3 1 0 64-20 10
2. İran 4 3 1 0 51-32 10
3. Səudiyyə Ərəbistanı 4 2 0 2 34-40 6
4. AZƏRBAYCAN 4 1 0 3 28-52 3
5. İndoneziya 4 0 0 4 24-57 0

Kişilər yarımfinala, qadınlar finala yüksəldi
AZƏRBAYCAN – Türkmənistan 3:0 (25:21, 25:22, 25:22)
Azərbaycan: Bartolomey Lipinski – 15, Dmitri Obodnikov – 10, Miloş Hebda – 8, Vüqar Bayramov – 7, Rəsul İbrahimov – 6, Dmitri Baranov, Tural Həsənli – 4, Aleksey Çervyakov, İvan Kazaçkov, Cavid Süleymanov, Yusuf Erdem, Kənan Allahverdiyev, Emil Abdullayev, Pərviz Səmədov.
Baş məşqçi: Fərid Cəlalov.
Türkmənistan: Yrsqal Rəsulov – 13, Meret Jumayev – 9, Bəhram Rozmetov – 9, Dövlətgəldi Nuriyev – 8, Didar Nuriyev – 5, Mithun Quliyev – 5, Arslanbəy İskəndərov – 1, Usmanbəy Kalandarov – 1, Orazsahet Seyitgəldiyev, Allamurat Çarıyev, Ruslan Artikov, Qüdrət Ovezov.
Baş məşqçi: Sərdar Taşnazarov.
Hakimlər: Bəhruz Cəfəri (İran), Yaqub Alsabt (Səudiyyə Ərəbistanı)
17 may. “Kristal Zal”.
Kişilərdən ibarət voleybol yığmamız A qrupundakı son oyunu Türkmənistana qarşı keçirdi. Bu dəfə Fərid Cəlalov meydana əsas heyəti buraxmışdı. Gözlənilənlərin əksinə, türkmənlər görüşə daha yaxşı başladı. Rəqib hətta ilk setdə 14:10 hesabıyla öndə idi. Ancaq millimiz toparlanıb seti qazana bildi. İkinci setin ortalarına qədər təşəbbüs komandamızın tərəfindəydi. Ancaq ikinci texniki fasilədən sonra türkmənlər hesabda önə çıxdı. Yenə əzmkarlıq nümayiş etdirən voleybolçularımız bu seti də uğurla başa vurdu. Sonuncu set də ikincinin bənzəri oldu. Yenə sona yaxın Türkmənistan təşəbbüsü ələ keçirdi. Bir müddət xala-xal prinsipiylə keçən mübarizədə hücumçularımız qarşılaşmanın uzanmasına imkan vermədi. Beləliklə, yığma qrup qalibi kimi adını yarımfinala yazdırdı. Qrupumuzdakı digər oyunda Pakistan Fələstinə aman vermədi – 3:0 (25:8, 25:16, 25:15).
1. AZƏRBAYCAN 4 4 0 12-2 11
2. Türkiyə 3 2 1 8-5 6
3. Pakistan 3 1 2 5-6 4
4. Türkmənistan 3 1 2 3-6 3
5. Fələstin 3 0 3 0-9 0

AZƏRBAYCAN – Tacikistan 3:0 (25:6, 25:10, 25:6)
Azərbaycan: Yelizaveta Səmədova – 13, Yekaterina Jidkova – 12, Aynur Kərimova – 9, Odina Bayramova – 7, Ayşən Abduləzimova – 5, Kseniya Poznyak – 5, Kristina Yaqubova – 5, Polina Rəhimova – 4, Ceyran Əliyeva – 4, Yana Kulan – 1, Alyona Həsənova, Valeriya Məmmədova, Oksana Kiselyova, Şəfaqət Həbibova.
Baş məşqçi: Faiq Qarayev.
Tacikistan: Məleykə Dilavərşoyeva – 4, Azimə Abdurrəhmanova – 3, Məxfirət Nurova – 3, Nəzakət Nurova – 2, Zamiray Aşurzadə - 1, Safina Zoalşoyeva, Suxanoro Abdullayeva, Naimə Yarməmmədova, Muştari Jonalişoyeva, Şahnazə Nəzirova, Şükriyə Marodbekova.
Baş məşqçi: Ruxşona Tayqunşoyeva.
Hakimlər: Nuri Malihe (İran), Bülent Bozkurt (Türkiyə)
17 may. “Kristal Zal”.
Dünən axşam saatlarında qadınların voleybol yarışında finalçılar müəyyənləşdi. İlk yarımfinal oyununda Faiq Qarayevin yetirmələri Tacikistanı sınağa çəkdi. Gözlənildiyi kimi, komandamız çox rahat, sanki məşq edirmiş kimi rəqibə qalib gəldi. İkinci yarımfinal görüşündə isə Türkiyə Qırğızıstanı darmadağın etdi – 3:0 (25:9, 25:14, 25:12). Beləliklə, millimiz finalda qardaş ölkə təmsilçisiylə münasibətləri aydınlaşdıracaq. Qırğızıstan və Tacikistan isə bürünc medal uğrunda mübarizə aparacaq.

Reaksiyalar
Azad Rəhimov: “Kompleks yarışlarında gərginlik yüksək səviyyədə olur. Belə yarışlarda elə ab-hava olur ki, bəzən ən güclü idmançı ilk görüşdəcə uduzur, bəzən isə heç kimin gözləmədiyi biri qızıl medal qazanır. İdmançılar arasında gərgin mübarizənin getməsi bizi sevindirir.
28 ölkənin medal qazanması müsbət göstəricidi. İştirakçı ölkələrin 60 faizi medal qazanıbsa, bu, mübarizənin gərginliyindən xəbər verir. Azərbaycanla Türkiyə arasında gedən birincilik yarışı haqda konkret proqnoz vermək çətindi. Çünki onlar da bura güclü idmançılarla gəlib. İran, Türkiyə, Özbəkistan, Qazaxıstan ən yaxşı güləşçilərini bura gətirib. Birdən çox medal qazanan idmançılara mükafat hər medala görə ödəniləcək. Prezidentin sərəncamı var və heç bir söz-söhbət bu sərəncamı dəyişdirə bilməz. Komanda idman növlərində medal qazananların əyarına uyğun mükafat ümumi komandaya veriləcək”.
Patimat Abakarova: “Heç bir döyüş asan keçmədi. Finalda rəqibim güclü idi. Son görüşdə bir az yorulmuşdum. Çox sevinirəm ki, qələbə qazandım. Federasiya rəhbərliyinə, hamıya təşəkkürümü bildirirəm”.
Ayxan Tağızadə: “Final döyüşüm çox çətin keçdi. Son rəqibim iranlı idi. Bilirsiz ki, taekvondoda iranlılar bizim kimi güclüdülər. Bir anlıq səhv etdim. Lakin şükürlər olsun, qalib gəldim. Ən böyük fanatım anamdı, medalı ona həsr edirəm. Anam bütün yarışlarıma baxır. Hətta kiminlə qarşılaşacağımı məndən əvvəl bilir. Müəllimlərimə, şəxsi müəllimim olan atam Əvəz Tağıyevə, qardaşım Fərid Tağızadəyə də təşəkkürümü bildirirəm”.
Tayfur Əliyev: "Uduzduğumu düşünmürəm. Məşqçilərim deyir ki, bir az ləng işlədim. Ancaq rinqdən sonra döyüşümü yenidən izlədim. Rəqibim mənə qalib gələcək bir şey etmədi. Dayanıb arada bir yumruq atırdı. Mən 5 yumruq vuranda, o birini vururdu. Vallah, başa düşə bilmirəm.
Bu boksçuyla 2012-ci ildə qarşılaşmış və ona qalib gəlmişdim. İndi də qələbə gözləyirdim. Bütün raundlarda üstünlük məndə idi. Özümdə bir səhv görə bilmirəm. Düzdü, bir az da “artırıb”, işləyə bilərdim. Ancaq hakimlərin qələbəni ona verməsi düzgün deyildi".

Medal sıralaması
1. Türkiyə 54 45 38 137
2. AZƏRBAYCAN 50 29 20 99
3. İran 14 17 23 54
4. Özbəkistan 8 12 23 43
5. İndoneziya 6 23 20 49
6. Əlcəzair 6 11 13 30
7. Misir 6 3 6 15
8. Bəhreyn 4 1 3 8
9. İordaniya 3 1 4 8
10. Səudiyyə Ərəbistanı 3 0 6 9
11. Mərakeş 2 2 5 9
12. Qırğızıstan 2 2 4 8
13. İraq 2 2 3 7
14. Türkmənistan 1 3 3 7
15. Kamerun 1 2 2 5
16. Qətər 1 1 4 6
17. Banqladeş 1 1 0 2
18. Tunis 1 0 8 9
19. Seneqal 1 0 1 2
20. Qambiya 1 0 0 1
21. Oman 0 2 3 5
21. Pakistan 0 2 3 5
23. Suriya 0 1 4 5
24. Qazaxıstan 0 1 2 3
24. BƏƏ 0 1 2 3
26. Qayana 0 1 0 1
26. Nigeriya 0 1 0 1
26. Uqanda 0 1 0 1
29. Kot d’İvuar 0 0 2 2
30. Benin 0 0 1 1
30. Cibuti 0 0 1 1
30. Livan 0 0 1 1
30. Surinam 0 0 1 1
Qeyd: 1 – sıra nömrəsi, 2- ölkə adı, 3- qızıl, 4 - gümüş, 5 – bürünc, 6 – cəmi.

Bu günün afişası
Taekvondo
09.00 Kişilər (63, 74 və 87 kq), qadınlar (62 və 73 kq)
Atletika/paraatletika
09.30 Qadınlar (200, 400, 5000 metr qaçış, 100 metr sədlərlə qaçış, nizə atma, uzunluğa tullanma, hündürlüyə tullanma), kişilər (100 metr qaçış (T11), nizəatma (F13), 200, 800 metr qaçış, 3000 metr maneələrlə qaçış, çəkicatma)
Güləş
10.00 Yunan-Roma güləşi (66, 75, 85 və 130 kq)
Voleybol
10.00 İran – Əlcəzair (B qrupu, kişilər)
12.30 Səudiyyə Ərəbistanı – Mərakeş (B qrupu, kişilər)
17.00 Qırğızıstan – Tacikistan (3-cü yer uğrunda oyun, qadınlar)
19.30 AZƏRBAYCAN – Türkiyə (final, qadınlar)
Tennis
10.00 Kişilər (fərdi, cütlük), qadınlar (fərdi, cütlük)
3x3 basketbolu
10.00 Kişilər və qadınlar (qrup oyunları)
Suya tullanma
10.00 Kişilər, 3 metr tramplindən tullanma
Stolüstü tennis
10.00 Kişilər və qadınlar (fərdi)
Futbol
12.30 AZƏRBAYCAN – Əlcəzair (yarımfinal)
18.30 Kamerun – Oman (yarımfinal)
Boks
16.00 49, 52, 56, 60, 64, 69, 75, 81, 91 və +91 kq (final)
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
24-05-2017, 17:43 “Bakı müsəlman aləminin Las Veqasıdı” 24-05-2017, 17:39 Almeydanın “milliləşdirilməsi” ilə bağlı yenilik yoxdu 24-05-2017, 17:36 “Qəbələ” “qızıl” sayında hamını qabaqladı 24-05-2017, 17:31 Futbolçular İslamiadadakı çıxışını şərh etdi 24-05-2017, 17:27 13 yaşlı qızlar mükafatlandırıldı 24-05-2017, 17:13 Məşqçi kursunun ikinci modulu başlayıb 24-05-2017, 17:11 "Transfer pəncərəsi"nin vaxtı açıqlandı 24-05-2017, 17:09 İlqar Qurbanova “Qarabağ”a lazım olmadığını İndoneziyada istirahət edərkən deyiblər 24-05-2017, 17:07 Hakimlərin premyer-liqadakı işi: kim necə yadda qaldı? 24-05-2017, 17:04 Yığmamız üçün ağır sınaq başlayır 24-05-2017, 17:03 Şəhriyar Məmmədyarov İddiaçılar Turnirinə çox yaxındı 24-05-2017, 17:01 Serbiyada “beş” aldıq 24-05-2017, 17:00 Polşadan dörd medalla 24-05-2017, 16:58 Acı həqiqət... 24-05-2017, 16:57 İslamiadanı 162 medalla başa vurduq 24-05-2017, 16:54 Səmədağa Şıxlarovu da qovdular 24-05-2017, 16:48 Əlvida, Bakı-2017... 23-05-2017, 13:40 İradə Aşumova Olimpiya Komitəsindən 275 min manat alıb 23-05-2017, 13:38 Ramil Diniyev “şərəfsiz” sözünə görə Hüseyn Cəbrayıloğlunun cavabını verdi 23-05-2017, 13:36 “Heydər Əliyev kuboku”nun iştirakçıları müəyyənləşdi 23-05-2017, 13:34 “Qarabağ” Qurbanovla vidalaşdı, Aqollini saxladı 23-05-2017, 13:24 “CBC Sport” yayın hüququna görə klubların pulunu niyə ödəmir? 23-05-2017, 13:22 Sponsor olmadan telekanallarda futbol verilişlərinin yayını mümkünsüzdü 23-05-2017, 13:21 “Qarabağ” Avstriyada çempion oldu 23-05-2017, 13:16 Toğrul Erat çempionluq sevinci yaşadı 23-05-2017, 13:15 Nurlan “Zirə”də əsəbləşirmiş 21-05-2017, 13:56 Natalya Məmmədova yenidən yığmaya qayıdır 21-05-2017, 13:53 Azərbaycan yenidən liderliyi ələ keçirdi 21-05-2017, 13:51 Əsgər Abdullayev AFFA-dan inciməyib 21-05-2017, 13:49 “Şəmkir”in prezidenti premyer-liqa iddiasından əl çəkdi 21-05-2017, 13:48 “Neftçi”yə yaxın duran yoxdu 21-05-2017, 13:47 Vidadi Rzayev Diniyevin köməkçisi oldu 21-05-2017, 13:22 Yeni mövsümün təqvimi yığmanın maraqlarına uyğun hazırlanacaq 21-05-2017, 13:17 Rəmiş Malıyev AFFA ilə vidalaşdı, yerinə xanım gəlir 21-05-2017, 13:16 Tural Qürbətov Türkiyə klubunda 21-05-2017, 13:14 Yığma üzvləri azarkeşləri finala səsləyir 21-05-2017, 13:11 Yığma üçün həlledici an 21-05-2017, 13:09 Turan Makedoniyanı cəzalandırdı 21-05-2017, 13:08 Reaksiyalar 21-05-2017, 13:04 Rəşad Sadıqov və komandası mükafatlandırıldı 21-05-2017, 12:51 Vəkil zərərcəkəni və məhkəməni qınadı 21-05-2017, 12:49 Kvekveskiri təklif bolluğunda “üzür” 21-05-2017, 12:48 Renat Dadaşov “Ayntraxt”la peşəkar müqavilə imzaladı 21-05-2017, 12:47 Qriqorçuk “Qəbələ”də qalacaq 21-05-2017, 12:43 Qurban Qurbanov Kintananın tezliklə sıraya dönəcəyinə ümid edir 21-05-2017, 12:42 Yığma bu gün vətəni tərk edir 21-05-2017, 12:39 Final mərhələsi başladı 21-05-2017, 12:37 Şəhriyar şərikli liderliyi davam etdirir 19-05-2017, 20:07 Daha bir dopinq şoku: bu dəfə Toğrul Əsgərov cəzalandı 19-05-2017, 20:05 Şahmatçılarımız "sülh bağladı” 19-05-2017, 20:04 Elxan Abdullayev: “Kim var, kimi alaq, namizəd var ki?” 19-05-2017, 20:01 “Kəpəz”dən ayrılanlar səbəb göstərdi 19-05-2017, 19:59 AZAL-lılar bu gün maaş alacaq 19-05-2017, 19:58 Kamran Quliyev AFFA-da iclas keçirəcək 19-05-2017, 19:52 Əlcəzairin baş məşqçisi də hakimlikdən gileyləndi 19-05-2017, 19:47 Yığma Əlcəzairə “2 verib” finala adladı 19-05-2017, 19:43 “Qəbələ” fanatı tribunaları coşdurdu Bütün xəbərlər
Ən çox oxunanlar