11 may 19:09idman

Tomaş Ayan indi ölkəmizi müdafiə edir

Tomaş Ayan indi ölkəmizi müdafiə edir
“Niyə biz bu adamlara cəza verək?”

Ağır Atletika Federasiyasının (AAAF) baş katibi Rizvan Rəsulov Çexiyanın paytaxtı Praqada bu ölkənin müvafiq federasiyası tərəfindən təşkil olunan simpoziumda iştirak edib. Tədbirə Avropa və Asiya ölkələrindən olan 15-dən çox federasiyanın prezident və baş katibləri qatılıb. Müzakirələrdə Beynəlxalq Ağır Atletika Federasiyasının (İWF) prezidenti Tomaş Ayan da iştirak edib. Gündəlikdə bir neçə məsələ olub. Onların arasında mayın sonunda Taylandın Banqkok şəhərində keçiriləcək ali qurumun prezident seçkiləri, dopinqlə mübarizə, ağır atletika avadanlıqlarındakı yeniliklər, məşqçilər, hakimlər və texniki rəsmilər üçün seminarların keçirilməsi, ağır atletikanın inkişaf etmədiyi, 3-cü dövlətlər adlanan ölkələrə yardım proqram-layihələrinin müzakirəsi, ağır atletikanın maddi təminatının yaxşılaşdırılması məqsədilə marketinq fəaliyyətinin genişləndirilməsi və başqa mövzular olub. Yetərincə məqsədəuyğun, gündəmlə üst-üstə düşən və müzakirəsi vacib olan məsələlər olduğundan simpozium maraqlı müzakirə və çıxışlarla yadda qalıb. Gündəlikdən kənara çıxılan yeganə məsələ isə Bakıda keçirilən 4-cü İslam Həmrəylik Oyunları, bu yarışın hazırlıq prosesi olub. İWF prezidentinin xahişiylə AAAF-ın baş katibi bu haqda geniş məlumat verib. O qeyd edib ki, Azərbaycan İslamiadaya böyük dəyər verir və onun ən yüksək səviyyədə təşkili üçün əlindən gələni edir, xırdalıqlardan tutmuş bütün detallara xüsusi diqqət yetirilir, qonaqların rahatlığı, məşq, yarış və istirahət şəraitinin maksimum yaxşı olmasına çalışılır. Ağır atletika yarışının təşkili haqda da məlumat verən Rəsulov iştirakçı dövlət və atlet sayı, onların yerləşmə, qidalanma, məşq və yarış sistemi, istifadə olunacaq avadanlıqlar, könüllülərin inteqrasiyası, nəqliyyat məsələləri, hakimlər və texniki rəsmilərin iş fəaliyyəti üçün şəraitin yaradılması və başqa işlərlə bağlı danışıb. Məruzə böyük razılıqla qarşılanıb, məmnunluq ifadə edilərək, təşkilatçılara təşəkkürlərin çatdırılması istənilib. Asiya Ağır Atletika Federasiyasının baş katibi Cəlud Məhəmməd Həsən də çıxış edərək, İslam Oyunlarının Təşkilat Komitəsi ilə sıx əlaqədə olduğunu, görülən işlərin ən yüksək səviyyədə qurulduğunu təsdiqləyib. Daha sonra Tomaş Ayan çıxış edib. O, ilk olaraq dopinqlə mübarizə məsələlərinə toxunub. İWF rəhbəri Türkiyə, Qazaxıstan, Belarus, Moldova, Azərbaycan, Rusiya və başqa güclü ağır atletika ölkələrinin cəzalandırılma məsələsinin gündəmdə olmasını qeyd edib, ancaq bu durumdan narazılığını ifadə edib. Ayan bildirib ki, bu ölkələr ağır atletikanın inkişafında böyük rol oynayır və bir rəhbər olaraq bu cəzaların olmaması üçün mübarizə aparır. Federasiya prezidentinin sözlərinə görə, cəza almağa namizəd ölkələrdə böyük işlər aparılır, təşkilati strukturlarda dəyişikliklər edilib, inkişaf üçün lazımi addımlar atılır. O, dopinqə qarşı ciddi mübarizə aparıldığının canlı şahidi olduğunu dilə gətirib. Hətta Ayan ölkəmizi nümunə kimi də göstərib: “Ötən il Azərbaycanda oldum, ordakı həm böyük (“AAAF Park”dakı mərkəzi baza), həm də kiçik akademiyanı (liseyi) da gördüm. Onların qurduğu işləri, təlim-məşq bazalarını, infrastrukturunu, qidalanma, təhsilalma yerlərini, həmçinin Şüvəlandakı akademiyanı gördüm. Bu insanlar ağır atletikanı sevir və onun inkişafı üçün kifayət qədər böyük vəsait sərf edirlər. Belə olan halda niyə biz bu adamlara cəza verək, hətta bunu gündəmdə belə saxlayaq? Dövlətlərin bu idman növünə münasibəti, fikirləri, baxış bucağı dəyişirsə, yenidənqurma edirlərsə, maddi-texniki bazanı təkmilləşdirirlərsə, dopinqə qarşı ciddi mübarizə aparırlarsa, biz onların tərəfində olmalı, bu məsələlərdə dəstək olmalıyıq”.
İWF ilə sıx əlaqələrin qurulduğunu qeyd edən Rizvan bəy bu il qurumun qrantı hesabına federasiya tərəfindən hakimlər üçün iki seminar, üstəlik, anti-dopinq seminarının da keçirilməsinin nəzərdə tutulduğunu vurğulayıb. AGİN, MOK və AAAF-nın dəstəyi ilə məşqçilər üçün iki, həmçinin yarışlara xidmət edən texniki rəsmilər üçün də bir seminar təşkil ediləcək. Simpoziumda belə təlimlərin vacibliyi və effektivliyi haqda danışılıb. Yekun olaraq innovasiya fəaliyyətinin genişləndirilməsi və sponsorların cəlbi nəticəsində ağır atletikada böyük inkişafa nail olunacağı qeyd olunub.
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
15-06-2018, 14:55 Yığmanın daha bir üzvü A seriyasında 15-06-2018, 14:53 “Neftçi”də oynamaq Turalın uşaqlıq arzusu imiş 15-06-2018, 14:51 Türk Hava Yolları “Neftçi”nin sponsoru olacaq 15-06-2018, 14:50 Əsgər Abdullayev yenidən “Araz Naxçıvan”da 15-06-2018, 14:48 Maksimov dörd yeni legioner tələb edir 15-06-2018, 14:14 “Kəpəz”də maaş gecikməsi və dağılmaqda olan uşaq komandaları 15-06-2018, 14:12 “Qarabağ” Qurban Qurbanovsuz başladı 15-06-2018, 14:11 Eldəniz Yusifov "Keşlə"də 15-06-2018, 14:10 Yığmanın sabiq baş məşqçisi İtaliya çempionu oldu 15-06-2018, 14:09 “Heydər Əliyev kuboku”na start verildi 15-06-2018, 14:07 Legionerlərimizin 2017/18 mövsümü 15-06-2018, 14:04 Yeni mövsümün ilk püşkü atıldı 15-06-2018, 14:03 Nail Kərimov U-15 və U-17-nın çıxışını dəyərləndirdi 15-06-2018, 14:00 “Sumqayıt” “Şaxtyor”un futbolçusunu icarəyə götürdü 15-06-2018, 13:58 Ötən mövsümün “dil pəhləvanları” 15-06-2018, 13:54 “Çaynataun” mundial üçün şərhçiləri bir araya gətirdi 15-06-2018, 13:52 “Xan Lənkəran”ın Direktorlar Şurası yaradıldı 15-06-2018, 13:50 “Qəbələ” Qəbələdə hazırlığa başladı 14-06-2018, 00:18 Taekvondo yığmamızın əcnəbiləri böyük pullar qazanır 14-06-2018, 00:15 “Neftçi” yeni təyinatları açıqladı 14-06-2018, 00:13 “Keşlə” Kamranla Vaqifi də razı saldı 14-06-2018, 00:04 Şəmsəddin Abbasov səfər təəssüratını bölüşdü 14-06-2018, 00:02 Yığma Millətlər Liqasına nə dərəcədə hazırdı? 14-06-2018, 00:00 Mütəxəssislər favoritlərini açıqladılar 13-06-2018, 23:59 FİFA iyuldan yenilik edəcək 13-06-2018, 23:58 “Qəbələ” Sloveniyaya yollanacaq 13-06-2018, 23:56 Nazim Süleymanov özünə köməkçi tapa bilmir 13-06-2018, 23:54 Kərim Diniyev son 6 ayı özü üçün itirilmiş sayır 13-06-2018, 23:53 Samir Əliyev Ukraynadan döndü 13-06-2018, 23:51 Elnur Həmidov “Sabah”ın mətbuat katibi oldu 13-06-2018, 23:50 "Səbail" Ruslan Qurbanovu transfer etdi 13-06-2018, 23:49 Yığma üzvü İtaliya klubuna keçir 13-06-2018, 23:48 Yana DÇ-də millinin əsas heyət üzvü olmaq istəyir 13-06-2018, 23:47 Sponsorların havaya sovrulan pulları rəqəmlərin gözündə 13-06-2018, 23:45 Daha 6 iştirakçı müəyyənləşdi 13-06-2018, 23:44 "Zirə" Bolunu seçdi 13-06-2018, 23:42 Ramin Musayev kubokun finalına çəkilən xərci “Futbol+”ə açıqladı 12-06-2018, 00:29 Famil Ağayev Sofiyada qazanılmayan setə görə təəssüflənir 12-06-2018, 00:25 Zəkiyyə Həsənovadan növbəti rekord 12-06-2018, 00:24 Samir Abasov iki elita klubunun təklifini geri çevirib 12-06-2018, 00:21 “Keşlə” iyunun 23-də Türkiyəyə gedəcək 12-06-2018, 00:19 Patelaynen yetirmələrinin qüsurlarını sadaladı 12-06-2018, 00:18 Yığma qazaxlara məğlubiyyəti Riqada unutdurdu 12-06-2018, 00:16 Vüqar Əsgərovu məşqçisi və komanda yoldaşları təbrik edib 12-06-2018, 00:14 “Milli dəstə” yığmadan razı, bəzi futbolçulardan narazı qalıb 12-06-2018, 00:06 Doroşev yığmamızı “Real”a bənzətdi 12-06-2018, 00:04 “Mən özüm də kiminsə yerinə gəlmişdim” 12-06-2018, 00:03 Slavik Alxasov millidə oynamamasının səbəbini bilmir 11-06-2018, 23:50 "Traktorsazi"də Toşak dönəmi başladı 11-06-2018, 23:44 “Haqlı hesab etmirdisə, topu çölə vurmaq olardı” 11-06-2018, 23:42 Rəşad Sadıqov toplanışa yekun vurdu 11-06-2018, 23:40 Şehiç Türkiyə superliqasında? 11-06-2018, 23:39 Nazarov əlavə vaxt istəyəcək 10-06-2018, 13:39 Avropa Liqasından çıxan nəticə 10-06-2018, 13:37 Ramil Quliyev Norveçdə hamını qabaqladı 10-06-2018, 13:35 Eldəniz Yusifov da "Neftçi"dən getdi 10-06-2018, 13:34 “Neftçi” Bordini ictimaiyyətə təqdim etdi Bütün xəbərlər
Ən çox oxunanlar