18 dek 17:11idman, manset

Mariana Vasilyeva Stepkonun məşqçisini və sevgilisini niyə qovub?

Mariana Vasilyeva Stepkonun məşqçisini və sevgilisini niyə qovub?
Ötən sayımızda bədii gimnastika yığmamızın baş məşqçisi Mariana Vasilyevanın idman gimnastı Oleq Stepkoyla niyə yola getmədiyini, bu iki əcnəbi arasında hansı anlaşılmazlığın yaşandığını nəzərinizə çatdıracağımızı yazmışdıq. Bəlkə də az qala bu məsələyə toxunmamaq da olardı. Çünki burda daha çox idmandan kənar münasibətdən söhbət gedir. Ancaq məsələ burasındadı ki, bolqar çalışdırıcı bu ziddiyyətləri o qədər kəskinləşdirib ki, artıq soyuq savaş idman müstəvisinə keçib. Ona görə də məsələni ictimaiyyətin diqqətinə çatdırmağı vacib saydıq.
2014-cü ilin fevralında Stepko və şəxsi məşqçisi Pavel Netreba ölkəmizə gəldi. Oleq “milliləşdirildi” və bundan sonra beynəlxalq yarışlarda ölkəmizi təmsil etməyə başladı. Stepkonu Azərbaycanda ən çox məşhurlaşdıran ilk Avropa Oyunlarında 5 medal (1 “qızıl”, 2 “gümüş”, 2 “bürünc”) qazanması oldu. Bu müddət ərzində Vasilyeva ilə idmançı arasında münasibətlər çox yaxşı imiş. Bunun da əsas səbəbi ukraynalı idmançının baş məşqçinin qızı Siyana ilə isti münasibətlərinin olmasıymış. Ancaq bir müddət sonra çalışdırıcı Oleqə qızıyla ünsiyyəti rəsmiləşdirməsini, başqa sözlə, bədii gimnastika üzrə qrup komandamızın üzvü Siyana ilə ailə həyatı qurmasını tələb edib. Ancaq Stepko bunu qəti şəkildə rədd edib. Bundan sonra əsl vəzifəsi bədii gimnastikaya uğur qazandırmaqdan ibarət olan bolqar məşqçi idman gimnastını məqsədli şəkildə sıxışdırmağa başlayıb. Elə bu yaxınlarda Oleqin şəxsi məşqçisi Pavel Netrebanın ölkəsinə yola salınması da soyuq müharibənin nəticəsiydi. Əslində hələ Olimpiadadan öncə idmançı – məşqçi qarşıdurması baş qaldırıbmış. Stepko ümid edirmiş ki, Rio-2016-da fəxri kürsüyə qalxdıqdan sonra Gimnastika Federasiyasının (AGF) prezidenti Mehriban Əliyevanın qəbuluna düşəcək və bu zaman Vasilyevadan şikayət edəcək. Ancaq onun planları alt-üst oldu. Olimpiya Oyunlarında zəif çıxış edən idmançı arzusuna çatmadı. Bəlkə də indi Vasilyeva onun özünün də yığmadan uzaqlaşdırılmasının cizgilərini cızır. İki şəxsin münaqişəsindən Leyli Mişina zərbə yeyib. Bu şəxs yığmamızda xoreoqrof kimi çalışırmış. Hazırda Stepkoyla eşq macərası yaşaması işindən azad olunmasıyla nəticələnib. Belə ki, Vasilyeva “ya işdən gedirsən, ya da Stepkodan ayrılırsan” tələbini qoyub. Leyli işini sevgisinə qurban verməyi üstün tutub. Təəssüf ki, hələ nə Mişinanı, nə də Stepkonu danışdıra bilmişik. Hər halda, qarşıdakı saylarımızda onların bu məsələylə bağlı fikirlərini öyrənib diqqətinizə çatdırmağa çalışacağıq.
Ümumiyyətlə, baş məşqçi özünü əsl diktator kimi aparır. Hər yerdə Mehriban Əliyeva ilə münasibətinin çox yaxşı olduğunu söyləyərək mövqeyini qoruyur. Ölkənin birinci xanımına görə Vasilyeva güldən ağır söz deyilmir. Belədə əl-qolunu daha geniş açan mütəxəssis bildiyini edir. Maraqlıdı ki, bir neçə ay əvvəl “Neftçi”nin açıq çempionatını işıqlandırdığı üçün “CBC Sport”a zəng etdirib və bu yarış haqda xəbərin verilməməsini tələb edib. Halbuki məntiqlə bədii gimnastikanın başında duran adam sevinməlidi ki, bu idman növü efirdə təbliğ olunur. Vasilyevanın bu addımı isə sırf “Neftçi”nin baş məşqçisi Nurcahan Əsgərovanı xoşlamamasından qaynaqlanıb. Nə onu, nə də AGF-nin baş katibi Fərid Qayıbovu bədii gimnastikanın kütləviləşməsi maraqlandırır. Belə olsaydı, o zaman yarışlar zamanı arenaya girişi pulsuz edər, hər idmançıdan turnirdə iştirak üçün 100 manat tələb olunmazdı. Bu adamlar artıq bədii gimnastikanı şəxsi bizneslərinə çeviriblər. Onlar açıq-aşkar Mehriban Əliyevanın əməyini yerə vururlar. Çünki bu şəxslər üzündən indi bədii gimnastikadan gedənlərin sayı gələnlərdən çoxdu. Kim Lalə Yusifova, Ləman Dadaşlı, Ruqiyyə Səttarova və Aelita Xələfovanın başına gələnləri yaşamaq istəyər ki?! Əslində baş məşqçinin əzab verdiyi, haqqını tapdaladığı gimnastlar o qədərdi ki. Xüsusən adını çəkdiklərimizdən başqa Ləman Hacızadə, Aişə Mustafayeva və Aynur Cabbarlı da yığmada çox zülm görüb. Ancaq hələ ki onlar özlərində cəsarət tapıb, başına gələnləri ictimaiyyətə açıqlamayıb.
Daha bir dəhşətli faktı diqqətinizə çatdıraq. Bəzi şəxslər AGF-də yazılmamış qanun müəyyənləşdirib. Yığmada çalışan hər hansı məşqçinin doğum günü olanda mütləq gimnastlar bunun üçün pul yığıb hədiyyə almalıdı. Hətta bir-iki il əvvəl Mariana Vasilyevanın ad günü üçün hər gimnastdan, federasiyanın, demək olar ki, hər işçisindən 100 manat pul yığılıb. Bundan sonra bolqar məşqçi yaxınlarıyla birgə məzuniyyətə çıxaraq Maldiv adalarında dincəlib. İndi özünüz fikirləşin, bu hansı mənəvi dəyərlərə sığar?
Mehriban Əliyevanın gimnastlara töhfəsi olan Milli Gimnastika Arenası da klub və cəmiyyətlərin üzünə bağlıdı. Hər cür şəraiti olan məkanda yalnız yığma üzvləri hazırlıq keçə bilər. Amma əcnəbilər istisnadı. Belə ki, AGF az qala hər ay bir çox ölkələrin yığmalarının Bakıya səfərini təşkil edir. Həmin komandaların otel xərcini qurum üzərinə gətirir. Həmçinin qonaqlar MGA-dan pulsuz yararlana bilir. Halbuki bir çox cəmiyyətimiz gimnastlar üçün normal məşq keçməyə yer tapmır. Deməli, əcnəbiyə olar, amma özümüzkünə yox. Məqsəd odu ki, əcnəbilər bura gəldikdən sonra MGA-dakı şəraiti tərifləsinlər. Bununla şöhrət qazanmaq eşqinə düşüblər.
Göründüyü kimi, AGF-də şəxsi maraqlar ifrat həddə çatıb. Amma biz bu idman növünün bəzi şəxslərin əlindən xilas olması üçün əlimizdən gələni edəcəyik. Yetər ki, bu işdə gimnastika ictimaiyyəti də bizə dəstək olsun. Səsinizi çıxarın, haqqınızı tələb edin! Tələb edin ki, bolqar məşqçi və “silahdaşları” AGF-dən uzaqlaşsın!
SƏRXAN
Şərh yaz
Ваше Имя:
Ваш E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Введите код:

Son xəbərlər
Bu gün, 15:30 Ramil Quliyevin ilk məşqçisi onun geri dönməsini istəyir Bu gün, 15:26 TRANSFER DOSYESİ Bu gün, 15:25 Şarples mərkəzi arenada gördüyü işin sirrini açıqladı Bu gün, 15:23 Vaif Əsədov Sadiqovun ittihamları ilə razılaşmadı Bu gün, 15:19 “Qəbələ” əvəzedicilərinə qalib gəldi Bu gün, 15:18 Ayxan Abbasov “Kəpəz”in qərarının səbəbini anlamayıb Bu gün, 15:15 “Neftçi” yeni kartların satışına başladı Bu gün, 15:14 “Parken”də anşlaq gözlənilir Bu gün, 15:12 “Qarabağ” mövqeyini ortaya qoydu Bu gün, 15:11 Danimarkadakı “Vətən” Cəmiyyətinin sədrindən şok vəd Bu gün, 15:10 Dima qol hesabını açdı Bu gün, 15:09 Yığma “cırtdan”la “Bakcell Arena”da qarşılaşacaq Bu gün, 14:13 Höccət Hacıyev Lənkəran stadionunda dondurma satır? Bu gün, 14:08 Azərbaycanlı agentlər Rauf Əliyevlə bağlı danışdı Bu gün, 14:01 Ən güclü gimnastlar müəyyənləşdi Bu gün, 14:00 Almaniyaya səfər ərəfəsində görüş Bu gün, 13:59 Bu dəfə Sloveniyaya uduzdular Bu gün, 13:58 Ruslan bir pillə irəlilədi Bu gün, 13:56 Tofiq Heydərov fikrindən daşınıb? Bu gün, 13:55 AMKF yeni sponsorun yolunu gözləyir Bu gün, 13:54 “Turan” rəsmisi PFL-in iradları ilə razılaşdı Bu gün, 13:52 Norveç səfirliyi viza vermədi, "Qarabağ" azarkeşləri piket keçirəcək Bu gün, 13:50 "Traktorsazi" ilk qələbəsini qazandı Bu gün, 13:49 Ölkə çempionu Şahmat Federasiyasına etiraz edir Dünən, 19:46 Yığma üzvü zədələnib Dünən, 19:44 Yığmanın baş məşqçisi mətbuat konfransı keçirəcək Dünən, 19:41 “Xəzər Lənkəran” mərkəzi stadionu “Masallı”ya verildi Dünən, 19:39 Yığmamız mövqeyini qorudu Dünən, 19:36 Federasiya klublarla çempionatı müzakirə etdi Dünən, 19:32 “Qarabağ” rəsmisi qazondakı problemləri problem saymır Dünən, 19:30 “Qarabağ” rəhbərliyi ilə AFFA prezidenti arxa qapıdan yararlanıb Dünən, 19:27 AFFA-nın gözü yol çəkir, Prosineçki vətənindən əl çəkmir Dünən, 19:25 Yol polisi Rəşadın maşınını əlindən alıb Dünən, 19:22 “Qəbələ” “Qalatasaray”la oynayacaq? Dünən, 19:16 “Mil-Muğan”da köhnə-yeni baş məşqçi Dünən, 19:13 Elmar Vəliyev stadiona görə Yevlaxın icra başçısına zəng vurub Dünən, 19:11 Yeni yaradılan “Xəzər” birinci divizionda çıxış edəcək Dünən, 19:07 “Qarabağ” “Parken”də dəstəksiz qalmayacaq Dünən, 19:02 Şehiç yığmaya dəvət aldı Dünən, 18:56 “Qarabağ” səfərdə nə etməlidi? Dünən, 18:52 “Qarabağ” iki gün əvvəl gedir Dünən, 16:41 Əsasnamənin havadan asılı qalan müddəaları Dünən, 16:39 “Fikrimcə, ikili müqavilələr tək “İnter”də yox, başqa klublarda da var” Dünən, 16:32 Ramil yenə meydana çıxmadı Dünən, 16:29 Kəmaləddin Heydərov postunda qaldı Dünən, 16:25 AQF saxta konfrans keçirib, Yaşar Məmmədovu neytrallaşdırdı Dünən, 16:22 Dünya mətbuatı Ramil Quliyevdən yazır Dünən, 16:14 UEFA “Kopenhagen”in Maksimlə bağlı şikayətini rədd etdi 17-08-2017, 20:09 Sloveniyanı udduq 17-08-2017, 20:08 Daha bir əcnəbi məşqçi ölkəmizi tərk etdi 17-08-2017, 20:06 Anastasiya dopinqli çıxdı, Tofiq Heydərov istefa verdi 17-08-2017, 20:05 AMKF bəyanat yaysa da... 17-08-2017, 20:04 Çingiz Hüseynzadə “Futbol+”in üzə çıxardığı faktları təsdiqlədi 17-08-2017, 20:01 “İnter” rəhbərliyi bəyanat yaydı 17-08-2017, 19:57 “Həmin pisniyyət adamlara görə hələ də transfer vərəqim “Kukesi”yə göndərilməyib” 17-08-2017, 19:54 “Qəbələ” akademiyasında yeni məşqçilər 17-08-2017, 19:52 Məhsuldar başlanğıc Bütün xəbərlər
Ən çox oxunanlar