İsraildə növbəti qələbə

4-cü İslam Həmrəyliyi Oyunlarına İsraildə hazırlaşan kişi voleybolçulardan ibarət yığmamız ikinci yoxlama oyununu keçirib. İlk görüşdə yerli “Yehuda”ya 4:1 hesabıyla qalib gələn millimiz 2-ci görüşdə “İlabur”a aman verməyib - 4:0 (25:20, 25:16, 25:16, 25:21).
Voleyboldan söz düşmüşkən, 1999-01 təvəllüdlü oğlanlardan ibarət yığmamız Gürcüstanda keçirilən “Bahar” turnirinə qatılıb. Ənənəvi yarışa qonşu ölkənin gənclər yığması üzərində qazanılan 3:2 hesablı qələbə ilə başlayan millimiz daha sonra GDU klubuna qalib gəlib - 3:1.
“Kutaisi”yə 2:3 hesabıyla uduzan komandamız son oyunda Gürcüstanın 1998-99 təvəllüdlü voleybolçulardan ibarət yığmasından güclü olub – 3:1. Dairəvi sitem üzrə keçirilən turnirdə bütün rəqiblərindən çox xal toplayan Cəlil Baxtiyozin və Rəsul Yaqubovun komandası 1-ci yeri tutub.